وقۋشىلارعا تاپسىرما بەرۋدى «اتا – انالارعا تاپسىرما بەرۋگە» وزگەرتىپ جىبەرۋدەن ساقتانۋ كەرەك
اسىلگى تاقىرىبى: شەكتەن اسقان ساباق اۋىرتپالىعىن ءسوزسىز جەڭىلدەتۋ قاجەت
2019.07.10 14:38 كەلۋ قاينارى : حالىق تورابى
حالىق گازەتى، 7 – ايدىڭ 9 – كۇنى، بەيجيڭ (ءتىلشى: ديڭ ياسۇڭ) جۋىردا «ج ك پ ورتالىق كوميتەتى مەن مەملەكەتتىك كەڭەستىڭ وقۋ – اعارتۋ سالاسىنداعى رەفورمانى تەرەڭدەتىپ، مىندەتتى وقۋ – اعارتۋدىڭ ساپاسىن جاپپاي جوعارىلاتۋ جونىندەگى پىكىرى» باسىپ تاراتىلدى. مەملەكەتتىك كەڭەس كەڭسەسى 7 – ايدىڭ 9 – كۇنى اقپار جاريالاۋ جيىنىن وتكىزىپ، وقۋ – اعارتۋ مينيسترلىگىنىڭ قاتىستى جاۋاپتىسى قوعام كوڭىل ءبولىپ وتىرعان ماسەلەلەر جونىندە تىلشىلەردىڭ سۇراۋىنا جاۋاپ بەردى.
ساباق اۋىرتپالىعىن جەڭىلدەتۋگە جۇرت نازار اۋدارىپ وتىر، الايدا، كەيبىر اتا - انالاردىڭ ايتۋىنشا، ساباق اۋىرتپالىعىن جەڭىلدەتۋ دارىپتەلگەن سايىن اۋىرتپالىق ارتىپ، ساباقتان سىرتقى كۋرستار بارعان سايىن كوبەيە تۇسكەن. بۇل جولى ساباق اۋىرتپالىعىن جەڭىلدەتۋ جونىندە قايتالاي جاريالانعان پىكىردىڭ بۇرىنعىمەن ۇقساماستىعى قاي جەرىندە؟
«شەكتەن اسقان ساباق اۋىرتپالىعىن، ءسوزسىز، جەڭىلدەتۋ كەرەك، بۇدان اۋىتقۋعا بولمايدى»، — دەيدى وقۋ – اعارتۋ مينيسترلىگى مينيسترىنىڭ ورىنباسارى جىڭ فۋجى، الداعى كەزەڭدە ساباق اۋىرتپالىعى بەس ءتۇرلى جول ارقىلى جەڭىلدەتىلەدى: بىرىنشىدەن، وقۋ – اعارتۋ ساپاسىن جوعارىلاتۋ ارقىلى ساباق اۋىرتپالىعىن جەڭىلدەتۋ، وقۋشىلاردىڭ ساباقتى مەكتەپتە، ساباق ۇستىندە ويداعىداي تۇسىنۋىنە، جاقسى ۇيرەنۋىنە وراي جاراتۋ كەرەك؛ ەكىنشىدەن، ساباق تۇرلەرىن ساپالىلاندىرۋ ارقىلى ساباق اۋىرتپالىعىن جەڭىلدەتۋ، ورتا – باستاۋىش مەكتەپ وقۋشىلارىنىڭ ۇيرەنۋ ەرەكشەلىگىن، تانىم دەڭگەيىن شىعار ءتۇيىن ەتىپ، ساباق تۇرلەرىنىڭ قۇرىلىمى مەن وقىتۋ مازمۇنىن ساپالىلاندىرۋ كەرەك؛ ۇشىنشىدەن، مەكتەپ سىرتىنداعى كۋرستاردى جونگە سالۋ ارقىلى ساباق اۋىرتپالىعىن جەڭىلدەتۋ، ساباق مازمۇنى وتە العا وزىپ كەتكەن، ولشەمنەن اسىپ كەتكەن كۋرستەردى تيىپ، ساتى سايىن كورسەتكىشتى جوعارىلاتۋدان ساقتانۋ كەرەك؛ تورتىنشىدەن، عىلىمي باعالاۋ ارقىلى ساباق اۋىرتپالىعىن جەڭىلدەتۋ، ەمتيحان ناتيجەسىنە عانا ءمان بەرەتىن، جوعارى كلاسقا اتتاۋ مولشەرىنە عانا ءمان بەرەتىن سىڭار جاقتى تاسىلدەردى تۇزەتۋ كەرەك؛ بەسىنشىدەن، الەۋمەتتىك سايكەسىمدىلىك ارقىلى ساباق اۋىرتپالىعىن جەڭىلدەتۋ، مەكتەپ پەن وتباسى بىردەي ارەكەتكە كىرىسىپ، ءبىر – بىرىمەن سايكەسۋى كەرەك.
پىكىردە وقىتۋشىلاردىڭ وقۋشىنى جازالاپ ساقتاندىرۋ ۇقىعى ماسەلەسى العاش رەت ورتاعا قويىلعان، نەلىكتەن بۇل ماسەلەنى ايرىقشا اتاعان؟ وقىتۋشىلاردىڭ وقۋشىنى جازالاپ ساقتاندىرۋ ۇقىعى جونىندە قايتكەندە ەگجەي – تەگجەيلى بەلگىلەمە جاساۋعا بولادى؟ بۇل جونىندە وقۋ - اعارتۋ مينيسترلىگى نەگىزدىك وقۋ – اعارتۋ مەڭگەرمەسىنىڭ باستىعى لۇ يۇيگاڭ بىلاي دەدى: ەلىمىزدىڭ وقۋ – اعارتۋ زاڭىنداعى بەلگىلەمەلەرگە ساي، وقۋشى تاربيەلەۋ بارىسىندا، وقىتۋشىلار وقۋشىلاردىڭ اقاۋسىز ەرجەتۋىنە زياندى ارەكەتتەرى جونىندە ولارعا سىن ايتۋعا جانە مۇنداي ارەكەتتەردى تەجەۋگە مىندەتتى. الايدا، وسىدان بۇرىن كەيبىر بەلگىلەمەلەر ويداعىداي جۇيەگە تۇسپەگەندىكتەن نەمەسە ولقىلىقتار ساقتالعاندىقتان، وقىتۋشىلاردىڭ تاربيەلەۋ بارىسىندا جازالاپ ساقتاندىرۋ ۇقىعىن دۇرىس جۇرگىزۋىنە ىقپال جاسادى، مۇنىڭ كورنەكتى بەينەسى: كەيبىر وقىتۋشىلار وقۋشىنى باسقارۋعا باتىلدىق ەتە المادى، باسقارعىسى كەلمەدى؛ كەيبىر وقىتۋشىلار وقۋشىنى اسىرا جازالادى؛ كەيبىر اتا – انالار وقىتۋشىنىڭ بالاعا سىن ايتۋىن، تاربيە جۇرگىزۋىن دۇرىس تۇسىنبەدى.
وقىتۋشىلاردىڭ تاربيەلەۋ بارىسىنداعى جازالاپ ساقتاندىرۋ ۇقىعى ماسەلەسى جونىندە، ەڭ الدىمەن پرينسيپتى ايقىنداپ الۋ كەرەك، اتاپ ايتقاندا، جازالاۋداعى باستى ماقسات تاربيەلەۋ بولىپ، بۇل وقۋشىنى ايالاۋ، قورعاۋ تۇرعىسىنان وقۋشىلاردىڭ اقاۋسىز ەرجەتۋىنە جەبەۋ بولۋ سىندى تىلەكتى شىعار ءتۇيىن ەتۋى كەرەك. ەكىنشىدەن، ناقتى اتقارىلاتىن جان – جاقتىلى بەلگىلەمەنى زەرتتەپ جاساۋ كەرەك، وقىتۋشىلاردىڭ وقۋ – وقىتۋ بارىسىندا وقۋشىنى جازالاپ ساقتاندىرۋىنىڭ كولەمىن، دارەجەسىن، فورماسىن ايقىن بەلگىلەپ، وقۋشى تاربيەلەۋ بارىسىنداعى جازالاپ ساقتاندىرۋ ۇقىعىن جونگە سالۋ كەرەك. ۇشىنشىدەن، وقىتۋشىلار زاڭىنىڭ قاتىستى بەلگىلەمەلەرىنە جەدەل وزگەرىس ەنگىزىپ، وقىتۋشىلاردىڭ وقۋشى تاربيەلەۋ بارىسىنداعى جازالاپ ساقتاندىرۋ ۇقىعىن اتقارۋىن زاڭداعى بەلگىلەمەلەر تۇرعىسىنان اناعۇرلىم ايقىنداپ، وقىتۋشىلاردىڭ باسقارۋعا باتىلدىق ەتە الۋىن، باسقارۋعا شەبەر بولۋىن جەبەپ، وقىتۋشىلاردىڭ زاڭدى ۇقىق – مۇددەسىنىڭ زيانعا ۇشىراماۋىنا كەپىلدىك ەتىپ، ۇستازدىق جولىنىڭ قادىر – قاسيەتىن قورعاۋ كەرەك.
وقۋشىلارعا تاپسىرما بەرۋدى «اتا – انالارعا تاپسىرما بەرۋگە» وزگەرتىپ جىبەرۋدەن ساقتانۋ ماسەلەسى دە جۇرت نازارىن بارىنشا اۋدارىپ وتىرعان ماسەلە. وقۋ – اعارتۋ مينيسترلىگى بۇل ماسەلە جونىندە قانداي شارالاردى اتقارماقشى؟ «اتا – انالارعا تاپسىرما بەرۋ ماسەلەسىن، ءسوزسىز، باتىل جونگە سالۋ كەرەك»، — دەيدى جىڭ فۋجى. بىرىنشىدەن، وقۋشىلارعا وتباسىلىق تاپسىرما بەرۋدەگى ماقسات پەن ونىڭ رولىنا قايتادان ءمان بەرۋ كەرەك، تاپسىرما وقۋشىعا بەرىلەدى، وقۋشىنىڭ وتكەن ساباقتاردى پىسىقتاپ، جاڭا ساباقتاردان الدىن – الا حابارلى بولۋى باستى ماقسات ەتىلەدى. ەكىنشىدەن، جەتەكشىلىك ەتۋ ماسەلەسىن شەشىم ەتۋ كەرەك، ءسوزسىز، بالانى كىشكەنتايىنان ءوز جۇمىسىن ءوزى ىستەۋ ادەتىن قالىپتاستىرۋعا تاربيەلەۋ كەرەك.
الدا قالاي اتقارىلادى؟ جىڭ فۋجى مىنانى ءبىلدىردى: ورتالىق كوميتەت بەلگىلەمە شىعارعان ەكەن، ءسوزسىز، قاتاڭ اتقارۋ قاجەت. ەگەر قايسى مەكتەپ، قايسى وقىتۋشى ورتالىق كوميتەتتىڭ بەلگىلەمەسىنە قايشى كەلسە، قاتاڭ تەكسەرىپ ءبىرجاقتى ەتۋ كەرەك. وتباسلىق تاپسىرما تەك قاراپايىم بىرنەشە سۇراۋدىڭ جاۋابىن تابۋ ەمەس، ءبىز وقۋ – اعارتۋدىڭ باستى ماقساتى مەن رولىنا قايتا ورالۋىمىز كەرەك. مەكتەپ باستىقتارىنىڭ، وقىتۋشىلاردىڭ بەلگىلەمەنى قاتاڭ اتقاراتىنىنا سەنىمىمىز كامىل، قالىڭ اتا – انالاردىڭ قاداعالاپ وتىرۋىن، بۇل تالاپتىڭ شىنايى تياناقتاندىرىلۋىن ءۇمىت ەتەمىز».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
