وقۋ – اعارتۋ مينيسترلىگى «بىرەگەي تولىق كۋرس ساباعى قۇرىلىسىن اتقارۋ پىكىرىن» باسىپ تاراتتى
قاتارىنان 3 جىل تولىق كۋرس ساباعىن وتپەگەن پروفەسسورلار وقىتۋشى قاتارىنان شىعارىلادى
2019.11.01 16:05 كەلۋ قاينارى : حالىق تورابى
«حالىق گازەتى»، 10 - ايدىڭ 31 - كۇنى، بەيجيڭ («جۇڭگو جاستار گازەتىنىڭ»، جۇڭگو جاستار تورابىنىڭ ءتىلشىسى يە يۇيتيڭ). وقۋ - اعارتۋ مينيسترلىگى بۇگىن وتكىزگەن اقپاراتتىق حابارلاندىرۋ ماجىلىسىندە وقۋ - اعارتۋ مينيسترلىگى جوعارى دارەجەلى وقۋ - اعارتۋ تارماق مەكەمەسىنىڭ باستىعى ۋ يان بىلاي دەدى: «تولىق كۋرس وقىتۋى − جوعارى مەكتەپتەردىڭ دامۋىنداعى ‹مۇرىندىق›. تولىق كۋرس وقىتۋىن ويداعىداي جۇرگىزۋدى بەلگىلى ماسەلەنى شەشىپ، بەلگىلى جاقتان ىلگەرىلەۋشىلىككە قول جەتكىزىپ، ءتىپتى قامال الىپ قانا ورىنداي سالۋعا بولمايدى، وقىتۋ يدەياسىندا بۇرىلىس جاساۋ، ادام تاربيەلەۋ ۇستانىمىن جاڭالاۋ، ءتۇزىلىس، مەحانيزم رەفورماسى، ساپا ولشەمىن بەلگىلەۋ، تەحنيكالىق تاسىلدە جاڭالىق اشۋ، وقىتۋ جانە وقۋ ۇلگىسىندە وزگەرىس جاساۋ، ساپا، مادەنيەت قۇرىلىسى سياقتى جاقتاردا قيىن ماسەلەلەردى شەشۋگە تۋرا كەلەدى.
سول كۇنى وقۋ - اعارتۋ مينيسترلىگى «ماڭداي الدى تولىق كۋرس ساباعى قۇرىلىسى جونىندەگى اتقارۋ پىكىرىن» باسىپ تاراتىپ، 3 جىل شاماسىندا مەملەكەت دارەجەلى جانە ولكە دارەجەلى بىرەگەي تولىق كۋرس ساباعىن ازىرلەۋدى ورتاعا قويدى.
«پىكىردە» مىنالار دارىپتەلدى: جوعارى مەكتەپتەر پروفەسسورلاردىڭ تولىق كۋرس وقۋشىلارىنا ساباق ءوتۋ ءتۇزىمىن قاتاڭ اتقارىپ، قاتارىنان 3 جىل تولىق كۋرس ساباعىن وتپەگەن پروفەسسورلار مەن دوتسەنتتەردى وقىتۋشى قاتارىنان شىعارۋ كەرەك. مەملەكەتتىڭ جوعارى مەكتەپتەردىڭ وقىتۋشىلار سالىستىرماسى تالابىن قاتاڭ اتقارىپ، وقىتۋشىلار قوسىنىن كەمەلدەندىرۋ كەرەك. ساباققا وتۋگە رۇقسات ەتۋ ءتۇزىمىن قاتاڭ اتقارىپ، مەكتەپ ىشىندەگى وقىتۋعا جەتەكشىلىك ەتۋ كوميتەتىنىڭ وتكەلدى يگەرۋ رولىن ساۋلەلەندىرىپ، «سىلدىر ساباقتى» ساباقحاناعا كىرگىزبەۋ كەرەك. ەمتيحان ءتارتىبىن قاتايتىپ، ەمتيحان مەن وقۋ ءبىتىرۋ وتكەلىن قاتاڭ يگەرىپ، «ەمتيحاندى اداقتاۋدى» باتىل كۇشىنەن قالدىرۋ كەرەك. ساباق ساپاسىن باعالاۋدى قاتايتىپ، كاسىپتىك كۋالاندىرۋ، وقىتۋدى باعالاۋ بارىسىندا ساباق باعالاۋ سالماعىن ارتتىرۋ كەرەك.
«پىكىردە» مىنالار ايقىن بەلگىلەندى: وقىتۋ ونىمدىلىگىن جوعارىلاتۋدى ماقسات ەتىپ، وقىتۋ ءادىسىن جاڭالاۋ كەرەك. ساباقحانا جوباسىن كۇشەيتىپ، ساباقتى قالاي جاقسى سويلەۋ ماسەلەسىن شەشىپ، جالاڭ ءبىلىم جەتكىزىپ، قابىلەت ساپاسىن جەتىلدىرۋگە نەمقۇرايدى قاراۋ قۇبىلىسىن تيۋ كەرەك. وسىزامانعى ينفورماتسيا تەحنيكاسى مەن وقۋ – اعارتۋدىڭ، وقىتۋدىڭ ىشكەرىلەي توعىسۋىن كۇشەيتىپ، وقىتۋ جانە وقۋ ۇلگىسىندە جاڭالىق جاراتۋ ماسەلەسىن ويداعىداي شەشىپ، ينفورماتسيا تەحنيكاسىنىڭ قولدانىلۋىن قاراپايىمداندىرۋدى، فورماعا اينالدىرۋدى تەجەۋ كەرەك. وقىتۋشى - وقۋشىلاردىڭ ءوزارا ىقپالداستىعىن، وقۋشىلار مەن وقۋشىلاردىڭ ىقپالداستىعىن كۇشەيتىپ، جاسامپازدىق، سىنشىلدىق سيپاتىنداعى وي - سانانى جەتىلدىرۋ ماسەلەسىن ويداعىداي شەشىپ، وقىتۋشىلار ءۇيىپ – توگىپ ساباق سويلەۋ، وقۋشىلار ىرىقسىز تىڭداۋ قۇبىلىسىن تيۋ كەرەك.
ۇعىسۋعا قاراعاندا، مەملەكەت دارەجەلى بىرەگەي تولىق كۋرس ساباعىندا جاڭالىق اشاتىن، جان - جاقتى، قولدانىلمالى ءبىلىمدى يگەرگەن دارىندىلاردى تاربيەلەۋ ساباق قۇرىلىسىن جالپىلاستىرۋعا باسا ءمان بەرىلگەن، ولكە دارەجەلى بىرەگەي تولىق كۋرس ساباعىندا ءوز وڭىرىندەگى جوعارى مەكتەپتەردە ۇزاق ۋاقىت بويى ءومىر ءسۇرىپ كەلە جاتقان وقۋ - اعارتۋ، وقىتۋ ماسەلەسىن شەشۋگە باسا ءمان بەرىلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
