بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>وقۋ-اعارتۋ

مۇعالىمدەردىڭ زەيىن – زەردەسىن نەگىزگى جۇمىسىنا شوعىرلاندىرۋىنا شارت – جاعداي جاراتۋ كەرەك

لي حۇڭشيڭ

2019.11.05 16:35     كەلۋ قاينارى : حالىق تورابى

  عاسىرلىق ۇلى جوسپار وقۋ – اعارتۋدى نەگىز ەتەدى؛ وقۋ – اعارتۋ جوسپارى وقىتۋشىنى نەگىز ەتەدى. وقۋ – اعارتۋ ىستەرىن حالىق ريزا بولاتىنداي باسقارۋدا وقىتۋشىلار وقۋ – اعارتۋدى جاقسارتۋدىڭ نەگىزى، وقۋ – اعارتۋدى كوركەيتۋدىڭ قاينارى بولۋ سىندى ماڭىزدى رول اتقارۋى كەرەك. ءبىر تالاي ۋاقىتتان بەرى، كەيبىر ورىندارداعى وقىتۋشىلاردىڭ اۋىرتپاشىلىعىنىڭ شامادان تىس بولۋى جاعدايىن قايتكەندە شىنايى جەڭىلدەتىپ، ولاردىڭ زەيىن سالا بالا وقىتۋىنا، دەن قويا ۇرپاق تاربيەلەۋىنە وراي جاراتۋعا بولادى دەگەن ماسەلە كوپتىڭ كوڭىلىن اۋداردى.

  جۋىردا ءىشىنارا اقپارات قۇرالدارىنىڭ تەكسەرۋىنە قاراعاندا، نەگىزگى ساتىداعى كوپتەگەن وقىتۋشىلاردىڭ ۋاقىتى «باسقا جۇمىستارعا» جۇمسالعان: كەيبىر وقىتۋشىلار ماتەريال جازۋمەن، كەستە تولتىرۋمەن ابىگەرلەنىپ، وقىتۋ جۇمىسىنا مۇرساسى تيمەگەن؛ كەيبىر مەكتەپتەردىڭ باعالاۋ، تەكسەرۋ مىندەتى اۋىر بولىپ، وقىتۋشىلار وسىعان توتەپ بەرەمىز دەپ شارشاپ، ساباق ءوتۋدىڭ ۇردىسىنە ىقپالىن تيگىزگەن؛ تاعى ءبىر جەرلەردە وقۋ – اعارتۋ تاراۋلارى نەگىزگى ساتىداعى مەكتەپتەردەن قىزمەتكەرلەردى جوتكەپ اكەلىپ ىستەتەتىن اۋقىم بايقالىپ، وقىتۋشىلاردىڭ قىزمەت مىندەتىن اۋىرلاتقان ... وسى تەكتەس ىستەردىڭ كەيبىرەۋى وقىتۋ جۇمىسىمەن بايلانىستى بولعانىمەن، وتە ءجيى، كەيبىرەۋى وقىتۋ جۇمىسىمەن مۇلدە قاتىسسىز بولعاندىقتان، نەگىزگى ساتىداعى وقىتۋشىلاردىڭ زەيىن – زەردەسىن شاشىراتىپ، ساباقحاناداعى نەگىزگى مىندەتتەرىن اقساتادى. نەگىزگى ساتىداعىلار مەن مەكتەپتەر جونىنەن ايتقاندا، وقىتۋشىلاردىڭ قىمباتتى ۋاقىتتارى مەن زەيىن – زەردەسىن ساباق ءوتىپ، ۇرپاق تاربيەلەۋ سىندى نەگىزگى جۇمىسىنا شوعىرلاندىرۋ كەزەك كۇتتىرمەيتىن مىندەت.

  وقۋ – اعارتۋدىڭ وزىندىك قاعيداسى، مەكتەپتىڭ وزىندىك نەگىزگى جۇمىسى بار. بيىل 9 – ايدا ورتالىقتىڭ رەفورمانى جاپپاي تەرەڭدەتۋ كوميتەتىنىڭ 10 – كەزەكتى ءماجىلىسى «ورتا – باستاۋىش مەكتەپ وقىتۋشىلارىنىڭ اۋىرتپالىعىن جەڭىلدەتىپ، وقۋ – اعارتۋ مەن وقىتۋ جۇمىستارىنا اناعۇرلىم تاماشا ورتا جاراتۋ جونىندەگى ءبىر قانشا پىكىردى» ماقۇلداپ، «ورتا – باستاۋىش مەكتەپتەرىندەگى وقۋ – اعارتۋ جانە وقىتۋ ىستەرىمەن قاتىسى جوق ىستەردى قاتاڭ اداقتاۋدى جانە جۇيەگە سالۋدى» تالاپ ەتتى. قاتىستى تاراۋلار وقىتۋشىلاردىڭ اۋىرتپالىعىنىڭ، ءبىر جاعىنان، وقۋ – اعارتۋ سالاسىنىڭ ىشكى سەبەپتەرىنەن، ەندى ءبىر جاعىنان، وقۋ – اعارتۋدان سىرتقى سەبەپتەردەن كەلەتىنىن زەرتتەپ بايقاعان، نەگىزىنەن قۋزاۋ، تەكسەرۋ، سارالاۋ، باعالاۋ قىزمەتتەرىنىڭ ءجيى بولۋى، الەۋمەتتىك سيپاتتاعى ىستەردىڭ مەكتەپ اۋلاسىنا قادام تاستاۋىنىڭ اسا قيسىنسىز بولۋى، قاتىستى كەستەلەردى تولتىرۋ قىزمەتىنىڭ وتە ءجيى بولۋى، وقىتۋشىلاردى ۋاقىتتىق جوتكەپ ىستەتۋدىڭ ءجيى بولۋى قاتارلى جاقتاردا ايقىن بايقالادى.

  سوندىقتان، وقىتۋشىلاردىڭ اۋىرتپالىعىن جەڭىلدەتۋگە تاباندى بولۋ ءۇشىن، ەڭ الدىمەن، «كىلتيپاننىڭ» سەبەبىن، قاينارىن انىقتاپ، «اۋىرتپالىق تىزىمدىگىن» انىقتاپ شىققاندا عانا، «اۋىرتپالىقتى جەڭىلدەتۋ تىزىمدىگىن» دايىنداۋعا بولادى. وقىتۋشىلاردىڭ ءمورالدى ۇرپاق تاربيەلەپ، بالا وقىتۋ سىندى نەگىزگى كاسىبىنە نازارىن شوعىرلاندىرىپ، وقىتۋشىلاردىڭ ءوز كاسىبىنە ورالۋىنا، وقۋ – اعارتۋدىڭ ءوز سيپاتىن تابۋىنا، قالىڭ وقىتۋشىلاردىڭ وقىتۋ جۇمىسىمەن الاڭسىز، شىن ىقىلاسىمەن شۇعىلدانىپ، وقۋشىلاردىڭ جايلى، زەيىن سالا ۇيرەنۋىنە وراي جاراتۋ كەرەك.

  نەگىزگى ساتىداعى وقىتۋشىلاردىڭ اۋىرتپالىعىن جەڭىلدەتۋدە كورنەۋ ماسەلەلەردى وڭاۋ مەن تۇبىرىنەن وڭاۋدى ۇشتاستىرىپ، ءتۇپ قاينارىنان باستاپ مىقتى ۇستاۋ كەرەك. قازىر كەي جەرلەردەگى مەكتەپتەر مەن وقىتۋشىلاردىڭ نەگىزگى كاسىبىنە نازارىن شوعىرلاندىرۋى قيىن بولۋىنىڭ باستى سەبەبى — فورماشىلدىق پەن تورەشىلدىك بولىپ وتىر. وقىتۋ ىسىمەن قاتىسسىز نەمەسە قاتىسى شامالى ىستەر، وقىتۋشىلارعا ارتىق تاپسىرىلعان قىزمەتتەر نەگىزگى ساتىداعى وقىتۋشىلاردىڭ اۋىرتپالىعىن وبيەكتيۆ جاقتان ارتتىردى. بەلگىلى دەڭگەيدەن ايتقاندا، بۇل ماسەلەلەر نەگىزگى ساتىداعى باسقا سالالاردا ساقتالىپ وتىرعان فورماشىلدىق، تورەشىلدىك ماسەلەلەرىنىڭ وقۋ – اعارتۋ سالاسىندا كورىنىس بەرۋى ەسەپتەلەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار