بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>وقۋ-اعارتۋ

اۆتونوميالى وبلىس عىلىم – تەحنيكا ارناۋلى قىزمەتكەرلەرىن رولىن ساۋلەلەندىرىپ، اۋىل شارۋاشىلىعىنا كومەكتەسىپ، كىرىستى ارتتىرۋعا جىگەرلەندىردى

2019.11.13 16:00    

  ءتىلشىمىز لي يافىڭ حابارلايدى. «بيىل مەن 13 مۋ جەردەگى جۇرەكشە جەمىستەن مول ءونىم الدىم، جالپى كىرىسىم 400 مىڭ يۋانعا تايادى، بۇل - عىلىم – تەحنيكا ارناۋلى قىزمەتكەرلەرىنىڭ تەحنيكالىق قىزمەت وتەۋىنىڭ ارقاسى» دەدى 11 – ايدىڭ 4 – كۇنى قۇلجا اۋدانى مولتوقتىجۇزى اۋىلىنىڭ جۇرەكشە جەمىس باعبانى جاڭ جيە قۋانىشتى تۇردە. عىلىم – تەحنيكا ارناۋلى قىزمەتكەرى لي جىنگونىڭ جەتەكشىلىگىندە جۇرەكشە جەمىس اعاشى قالامشاسى جاقسى وسكەن، ول كەلەر جىلى دا مول ءونىم الۋعا سەنىم بايلاپ وتىر ەكەن.

  «باس شۋجي شي جينپيڭنىڭ تاياۋدا عىلىم – تەحنيكا ارناۋلى قىزمەتكەرلەرى ءتۇزىمى اتقارىلعاندىعىنىڭ 20 جىلدىعى بايلانىسىمەن بەرگەن ماڭىزدى نۇسقاۋى وبلىسقا توتە قاراستى عىلىم – تەحنيكا ارناۋلى قىزمەتكەرلەرى اراسىندا كۇشتى اڭس قوزعادى» دەدى وبلىستىق عىلىم – تەحنيكا مەكەمەسى پارتگرۋپپاسىنىڭ ورىنباسار شۋجيى، مەكەمەنىڭ ورىنباسار باستىعى چىڭ شۋەۋىن. ول تاعى بىلاي دەدى: «باس شۋجي شي جينپيڭنىڭ نۇسقاۋى – اۋىل شارۋاشىلىعى، اۋىل – قىستاق، شارۋالار قىزمەتىنىڭ ءبىرىنشى شەبىندە تاباندىلىقپەن قىزمەت ىستەپ جاتقان عىلىم – تەحنيكا ارناۋلى قىزمەتكەرلەرىنىڭ ەڭبەگىن تۇراقتاندىرعاندىق ءارى ولاردى شابىتتاندىرعاندىق، بۇل قالىڭ عىلىم – تەحنيكا قىزمەتكەرلەرى جونىنەن ەڭ جوعارى داڭق ەسەپتەلەدى».

  ۇعىسۋعا قاراعاندا، وبلىسقا توتە قاراستى ورىندار 2004 – جىلدان عىلىم – تەحنيكا ارناۋلى قىزمەتكەرى ءتۇزىمىن سىناق رەتىندە اتقارا باستاعان. 2015 – جىلى عىلىم – تەحنيكا ارناۋلى قىزمەتكەرىنىڭ سانى ءبىر مىڭ 800 گە جەتكەن، قاتىستى نىسانداردى دەمەۋ قارجىسىنان 2 ميلليون يۋانعا قول جەتكىزگەن. عىلىم – تەحنيكا قىزمەتكەرلەرى ءوز باسىمدىقتارىن ساۋلەلەندىرىپ، وزدەرى تۇرعان جەردەگى كاسىپ ەرەكشەلىگىنە ۇشتاستىرىپ عىلىم – تەحنيكا نىساندارىن دۇرىس تاڭداعان. «نىسانداردى يگەرۋ، بازا قۇرۋ، شارۋالاردى تاربيەلەۋ» جولدارىمەن اۋىل – قىستاق ەكونوميكاسىنىڭ دامۋى ءۇشىن «تەحنيكالىق التىن كوپىر» سالعان.

  سونىمەن بىرگە، عىلىم – تەحنيكا ارناۋلى قىزمەتكەرلەرى اتىز باسىنا جيى بارىپ اۋىل شارۋاشىلىق تەحنيكاسىنا جەتەكشىلىك ەتتى. قۇلجا قالاسى قاراءدوڭ اۋىلى كوكلام كوكونىس بازاسىندا عىلىم – تەحنيكا ارناۋلى قىزمەتكەرى چىن جىلۇڭنىڭ جەتەكشىلىك ەتۋىمەن قىستاق تۇرعىندارى شيە قىزاناق جەمىسىنە تىڭايتقىشتى ۇيلەسىمدى تەجەپ بەرۋ، عىلمي جولمەن باپتاۋ ارقىلى جەمىستى بازارعا الدىمەن شىعارىپ، ءار جىلىجايدىڭ جىلدىق تازا كىرىسىن 30 مىڭ يۋانعا جەتكىزدى؛ قۇلجا قالاسى توعىراق اۋىلى سيىر بورداقىلاۋ بازاسىنىڭ عىلىم – تەحنيكا ارناۋلى قىزمەتكەرى ما لۇڭ وسى قىستاقتاعى كەدەي وتباسىلاردىڭ 17 باس سيىرىن بورداقىلاۋدى اقىسىز ۇستىنە الدى. وسى مەزگىلدە كەدەي وتباسىلار ەش شىعىن شىعارمادى، قايتا پايدا ۇلەسىن الىپ وتىردى، بۇل كەدەي وتباسىلاردىڭ تۇرمىس اۋىرتپالىعىن جەڭىلدەتۋمەن بىرگە، سيىردىڭ قاتارعا قوسىلۋ مولشەرىنە كەپىلدىك ەتتى، سونىمەن بىرگە، كەدەي وتباسىلارىن كاسىپتەنۋ ورنىمەن قامدادى. قۇلجا اۋدانى بايتوقاي قالاشىعىنىڭ عىلىم - تەحنيكا ارناۋلى قىزمەتكەرى ياڭ جىچيان «جىچيان گۇل – ءشوپ ەگۋ بازاسىن» قۇرىپ، ىلگەرىندى – كەيىندى وسى قىستاقتاعى 300 دەن استام ايەلدىڭ جۇمىستانۋىنا كومەكتەستى، سونداي – اق ءبىر ءبولىم ەگىنشىلەردىڭ گۇل باعۋىنا، گۇل ساتۋىنا تۇرتكى بولىپ ءارى جەتەكشىلىك ەتىپ، كىرىستەرىن ارتتىرىپ، بۇقارانىڭ رۋحاني بەت – بەينەسىندە كورنەكتى وزگەرىس جارىققا شىعاردى.

  «بيىل ءبىز نىسان قارجىسىنان 500 مىڭ يۋان بوساتىپ، اۋدانداعى (قالاداعى) ۇزدىك عىلىم – تەحنيكا ارناۋلى قىزمەتكەرى نىسانىنا قولداۋ كورسەتتىك» دەدى چىڭ شۋەۋىن تىلشىگە. ول تاعى بىلاي دەدى: «تالاي جىلدان بەرى عىلىم – تەحنيكا ارناۋلى قىزمەتكەرى ءتۇزىمى اۋىل – قىستاقتىڭ دامۋىنا عىلىم – تەحنيكالىق جاقتان شۇعىلا شاشىپ، شارۋالاردىڭ كىرىستەرىن ارتتىرىپ، اۋقاتتانۋ جولىنا ءتۇسۋ كوپىرىن تۇتاستىرىپ، اۋىل شارۋاشىلىق كاسىپ تىزبەگىن ۇزارتىپ، مول تابىسقا جاراتىپ، وبلىسقا توتە قاراستى ورىندارداعى ەگىنشى – مالشىلاردىڭ جاقسى باعاسىنا يە بولدى. كەزەكتە وبلىسقا توتە قاراستى ورىندار عىلىم – تەحنيكا ارناۋلى قىزمەتكەرى ءتۇزىمى اتقارىلعاندىعىنىڭ 20 جىلدىعىن وراي ەتىپ، ءتۇزىم مەن باسقارۋ ءادىسىن ونان ارى كەمەلدەندىرىپ، بەلسەنە جەتەكشىلىك ەتىپ، نەگىزگى ساتىدا عىلىم – تەحنيكادا جاڭالىق اشۋ قابىلەتىن ارتتىرۋعا دەم بەرىپ جانە دارەجەسىن جوعارىلاتىپ، عىلىم – تەحنيكا ارناۋلى قىزمەتكەرلەرىنىڭ اۋىل – قىستاقتى گۇلدەندىرۋ، كەدەيلىكتەن دالمە – ءدال ارىلتۋ جاعىنداعى تىرەكتى قوسىندىق رولىن شىنايى ساۋلەلەندىرەدى، اۋىل – قىستاق دارىندىلارىن جەتىلدىرۋ جانە ولاردان پايدالانۋ ۇلگىسىن قاراستىرۋ ارقىلى قاجەتكە قاراي تاڭداپ جىبەرۋگە تاباندى بولىپ، جەرگىلىكتى اۋىل – قىستاقتاردان ءبىر توپ قابىلەتتى ادامداردى سارالاپ، ديقاندارعا ءجون سىلتەيتىن، ديقانداردى باستاپ ىستەيتىن ماماندار قوسىنىن قۇرىپ، عىلىم – تەحنيكا ارناۋلى قىزمەتكەرلەرىن جەرگىلىكتى ورىننىڭ ابزال ەرەكشە كاسىپ سالاسىن جەتىلدىرۋدەگى اۆانگارد قوسىنعا، قان جاساۋ ۇلگىسىندەگى كەدەيلىكتەن ارىلتىپ، كىرىستى ارتتىرۋداعى جول باستاۋشىعا اينالدىرىپ، عىلىم – تەحنيكا جەتىستىكتەرىن كادەگە جاراتۋدى ىلگەرىلەتىپ، كاسىپ سالاسىنىڭ ساپالىلانۋىن، دارەجەسىنىڭ جوعارىلاۋىن جەبەپ، ءتىپتى دە كوپ ەگىنشى – مالشىنى كىرىستى ارتتىرىپ، اۋقاتتانۋعا باستايدى».

  كەلۋ قاينارى: ىلە اقپارات تورابى - «ىلە گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار