«باستاۋىش، ورتا مەكتەپ وقىتۋشىلارىنىڭ تاربيەلەۋ، جازالاپ ساقتاندىرۋ ەرەجەسىنە» پىكىر الۋ نۇسقاسى جاريالاندى
وقۋ – اعارتۋ مينيسترلىگى وقىتۋشىلارعا تيىم جانە ەرەجە بەلگىلەپ بەرمەك
2019.11.25 16:17 كەلۋ قاينارى : حالىق تورابى
وقۋ – اعارتۋ مينيسترلىگى بىرنەشە كۇننىڭ الدىندا «باستاۋىش، ورتا مەكتەپ وقىتۋشىلارىنىڭ تاربيەلەۋ، جازالاپ ساقتاندىرۋ ەرەجەسىنە» پىكىر الۋ نۇسقاسىن جاريالادى، وندا بىلاي دەپ ايقىن اتاپ كورسەتىلدى: وقۋ – اعارتۋداعى جازالاپ ساقتاندىرۋ وقىتۋشىلاردىڭ وقۋ - وقىتۋ مىندەتىن وتەۋدەگى قاجەتتى ءتاسىلى جانە زاڭدا بەلگىلەنگەن ۇقىعى، وقۋشىلاردىڭ بەلگىلەمەگە، تارتىپكە قايشىلىق جاساعان ءىسىنىڭ اۋىر - جەڭىلدىگىنە قاراي تۇرلىشە جازالاپ ساقتاندىرۋ ءتاسىلىن قولدانۋعا بولادى. سونىمەن بىرگە، پىكىر الۋ نۇسقاسىندا وقىتۋشىلاردىڭ ارەكەتىنە قاراتىلعان «تيىم سالۋ تىزىمدىگى» دە جاسالدى.
پىكىر الۋ نۇسقاسى تاراتىلعاننان كەيىن قوعامنىڭ جاپپاي نازارىن اۋداردى، گازەتىمىزدىڭ ميكرو بلوگىندا جاريالانعان «وقۋ – اعارتۋ مينيسترلىگى وقۋ – اعارتۋ ىسىندەگى جازالاپ ساقتاندىرۋ ۇقىعىنا شەك قويماقشى» دەگەن ماقالانىڭ وقىلۋ مولشەرى 140 ميلليونعا جەتتى. جۇرتشىلىق ماقالانى وقۋمەن بىرگە: «وقىتۋشىلاردىڭ تاربيەلەۋ، جازالاپ ساقتاندىرۋ ۇقىعىن نە ءۇشىن ايقىن بەلگىلەۋ كەرەك»، «وقىتۋشىلار جازالاپ ساقتاندىرۋ دارەجەسىن قالاي يگەرۋ كەرەك» دەگەن ماسەلەنى دە ورتاعا قويدى...
وسىعان بايلانىستى «جۇڭگو جاستار گازەتىنىڭ»، جۇڭگو جاستار تورابىنىڭ ءتىلشىسى مامان - وقىمىستىلارعا جانە ءبىرىنشى شەپتەگى وقىتۋشىلارعا تىلشىلىك ىستەدى.
بيىل 7 - ايدا ج ك پ ورتالىق كوميتەتى، مەملەكەتتىك كەڭەس باسىپ تاراتقان «وقۋ - اعارتۋ، وقىتۋ رەفورماسىن تەرەڭدەتىپ، مىندەتتى وقۋ - اعارتۋ ساپاسىن جاپپاي جوعارىلاتۋ جونىندەگى پىكىردە» «اتقارۋ ەرەجەسىن جاساپ، وقىتۋشىلاردى تاربيەلەۋ، جازالاۋ ۇقىعىن ايقىنداۋ» ورتاعا قويىلدى. وقۋ – اعارتۋ مينيسترلىگى نەگىزدىك وقۋ – اعارتۋ تارماق مەكەمەسىنىڭ باستىعى لۇي يۇيگاڭ سول كەزدەگى اقپار جاريالاۋ ماجىلىسىندە بىلاي دەدى: جۋىق جىلداردان بەرى كەيبىر تارتىپتىك بەلگىلەمەلەر قاتاڭ بولماعاندىقتان، ارناعا تۇسپەگەندىكتەن، ءتىپتى، كەمشىل بولعاندىقتان، وقىتۋشىلاردىڭ تاربيەلەۋ، جازالاپ ساقتاندىرۋ ۇقىعىن دۇرىس جۇرگىزۋىنە ىقپال جاسادى.
شاڭحاي قوعامدىق عىلىمدار اكادەمياسى زاڭ عىلىمىن زەرتتەۋ ورنىنىڭ باستىعى ياۋ جيانلۇڭ بىلاي دەپ اتاپ كورسەتتى: جۇڭگونىڭ ءداستۇرلى وقۋ - اعارتۋ كوزقاراسىندا وقىتۋشىلاردىڭ جازالاپ ساقتاندىرۋ ۇقىعى تالقىلاۋدىڭ قاجەتى جوق سياقتى، جۇڭگودا ەجەلدەن بەرى «وقىتۋدىڭ قاتاڭ بولماۋى − وقىتۋشىنىڭ جالقاۋلىعى» دەگەن ءسوز بار. الايدا، ادامداردىڭ ۇقىق - مۇددە تانىمىنىڭ كۇشەيۋىنە بايلانىستى، اتا - انالاردىڭ بالاعا جاسايتىن قامقورلىعى بارعان سايىن جوعارىلاپ، وقىتۋشىلاردىڭ جازالاپ ساقتاندىرۋ ارەكەتىنە توزىمدىلىگى بارعان سايىن تومەندەپ، وتباسى، مەكتەپ داۋ - شارى ارت - ارتىنان تۋىلۋدا.
ءتىلشىنىڭ ۇعىسۋىنشا، قازىر ەلىمىزدىڭ وقىتۋشىلاردىڭ جازالاپ ساقتاندىرۋ ۇقىعىنا قاتىستى زاڭدارىنان باستىسى «جۇڭحۋا حالىق رەسپۋبليكاسىنىڭ وقۋ - اعارتۋ زاڭى» مەن «جۇڭحۋا حالىق رەسپۋبليكاسىنىڭ وقىتۋشىلار زاڭى» بار ەكەن. وقۋ - اعارتۋ زاڭىندا مەكتەپ جانە باسقا دا وقۋ - اعارتۋ قۇرىلىمدارىندا تاربيەلەنۋشىلەردى سيلاۋ نەمەسە جازالاۋ ۇقىعى بولادى دەپ بەلگىلەنگەن. وقىتۋشىلار زاڭىندا بىلاي دەپ بەلگىلەنگەن: وقىتۋشىلاردا وقۋشىلارعا زياندى ارەكەتتەردى نەمەسە وقۋشىلاردىڭ زاڭدى ۇقىق - مۇددەسىنە قول سۇعاتىن باسقا دا ارەكەتتەردى تەجەۋ، وقۋشىلاردىڭ اقاۋسىز ەسەيىپ - ەرجەتۋىنە زياندى قۇبىلىستاردى سىنداۋ جانە تەجەۋ بورىشى بولادى.
«ءبىراق بۇل زاڭداردا تاربيەلەۋ، جازالاۋ دەگەن ۇعىمدار اۋىزعا الىنعان جوق». ياۋ جيانلۇڭ بىلاي دەدى: بۇل «وقۋشىلاردى جازالاي الۋ – الماۋدى» ماسەلەگە اينالدىردى، ويتكەنى، ادامدار ەرەجەگە ۇيلەسىمدى، ورىندى، زاڭدى جازالاۋ مەن ءتان جازاسىنىڭ، جابىرلەۋدىڭ شەگىن ايىرا المادى، بۇل دا جاۋاپكەرلىگى كۇشتى كەيبىر وقىتۋشىلاردىڭ وقۋشىلاردى باسقارۋدا «حاۋىپ – قاتەردى ءوزى ارقالاۋىنا» سەبەپشى بولۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
