بەس تاراۋ: اۋىل – قىستاقتاعى مەكتەپ اسحانالارىن سىرتقا كوتەرمەگە نەمەسە ۋاكىلدىك تيجارات ەتۋگە بەرۋگە بولمايدى
2019.12.05 15:22 كەلۋ قاينارى : حالىق تورابى
حالىق تورابى، 12 – ايدىڭ 4 – كۇنى، بەيجيڭ. وقۋ – اعارتۋ مينيسترلىگى تورابىنىڭ حابارلاۋىنشا، جۋىردا وقۋ – اعارتۋ مينيسترلىگى، مەملەكەتتىك دامۋ – رەفورما كوميتەتى، قازىنا مينيسترلىگى، مەملەكەتتىك دەنساۋلىق ساقتاۋ جانە سالاماتتىق كوميتەتى، بازاردى باقىلاۋ – باسقارۋ باس مەكەمەسى «اۋىل – قىستاقتارداعى مىندەتتى وقۋ – اعارتۋ كەزەڭىندەگى وقۋشىلاردىڭ قورەكتىك جاعدايىن جاقسارتۋ جوسپارىنا قاتىستى باسقارۋ قىزمەتىن اناعۇرلىم كۇشەيتۋ جونىندەگى ۇقتىرۋدى» بىرگە باسىپ تاراتتى.
«ۇقتىرۋدا» مىنالار تالاپ ەتىلگەن: جەر – جەردەگى وقۋ – اعارتۋعا جاۋاپتى اكىمشىلىك تاراۋلار دەنساۋلىق ساقتاۋ جانە سالاماتتىق، بازاردى باقىلاۋ – باسقارۋ قاتارلى تاراۋلارمەن بىرگە مەكتەپ اسحانالارىن سالۋ ولشەمىن جانە اسحانا جابدىقتارىنىڭ ولشەمىن كەمەلدەندىرۋى، اسحانانىڭ ورنىن تاڭداۋ مەن قۇرىلىسىنا قاتاڭ تالاپ قويۋى، اسحانالاردىڭ جۇمىس اۋماقتارىن ۇيلەسىمدى جوسپارلاۋى، ءتۇرلى وڭدەۋ ورىندارىن جۇيەلى ورنالاستىرۋ، اسحانا جابدىقتارىنىڭ ءتۇرى، سانى، ساپاسى قاتارلىلاردى ايقىن تۇراقتاندىرۋى، اس – سۋ قىزمەت وتەۋى رۇقساتىنىڭ تالاپتارىن قاناعاتتاندىرۋى قاجەت. قاتىستى نىساندار مەن قاراجاتتاردى ءبىرتۇتاس جوسپارلاپ، بازاردى باقىلاۋ – باسقارۋ تاراۋلارىمەن ويداعىداي سايكەسىپ، اس – سۋ قىزمەت وتەۋى رۇقساتىنىڭ تالاپتارىنا ساي، مەكتەپ اسحانالارىن سالۋدى جەدەلدەتۋى، قۇرىلعىلار مەن جابدىقتاردى كەمەلدەندىرۋى، وقۋشىلاردىڭ تاماقتانۋ قاجەتىن قاناعاتتاندىرۋى، اسحانالاردىڭ تاماقپەن قامداۋ سالىستىرماسىن اناعۇرلىم جوعارىلاتۋى كەرەك. وڭىرلىك ەكونوميكانى دامىتۋدىڭ ءىس جۇزىندىك جاعدايلارىمەن ۇشتاستىرا وتىرىپ، ولكە دارەجەلى ءبىرتۇتاس جوسپارلاۋدى كۇشەيتىپ، «ءۇش ايماق، ءۇش وبلىس» قاتارلى كەدەي وڭىرلەرگە قولداۋ ءبىلدىرۋ تەبىنىن ارتتىرۋى كەرەك. اسحانا قىزمەتكەرلەرىنىڭ سانىنىڭ تاماقتاناتىن وقۋشىلار سانىمەن سالىستىرماسى 1 : 100 سالىستىرماسىنان تومەن بولماۋى كەرەك ءارى ولارعا بەرىلەتىن مامىلە مەن كاسىپتىك كۋرس قاتارلى ماسەلەلەردى ويداعىداي شەشۋ كەرەك. قىزمەتكەرلەر سانى تولماعان جاعدايدا، الدىمەن سانى ارتىق مۇعالىمدەردى جوتكەپ ورنالاستىرۋ، ياكي، الەۋمەتتىك يگىلىك ورنىن ساتىپ الۋ، ەڭبەككۇش جوتكەۋ قاتارلى تاسىلدەر ارقىلى شارتقا تولاتىنداردى قوعامنان اشىق قابىلداۋ كەرەك. مەكتەپ اسحاناسى «الەۋمەتتىك يگىلىك سيپاتىندىق بولىپ، پايدا تابۋدى ماقسات ەتپەۋ» پرينسيپىندە تاباندى بولىپ، مەكتەپ ءوزى اشىپ، ءوزى باسقارۋى كەرەك، سىرتقا كوتەرمەگە نەمەسە ۋاكىلدىك تيجارات ەتۋگە بەرۋىنە بولمايدى.
«ۇقتىرۋدا» مىنالار تالاپ ەتىلگەن: جەر – جەر جەرگىلىكتى پارتيا – ۇكىمەت ورىندارى باسشى – كادرلەرىنىڭ ازىق – تۇلىك حاۋىپسىزدىگى جاۋاپكەرشىلىك ءتۇزىمىن مۇقيات تياناقتاندىرۋى، ازىق – تۇلىك حاۋىپسىزدىگى جاعىنداعى قاراستى ورىنداردىڭ باسقارۋ جاۋاپكەرشىلىگىن كۇشەيتۋى، قورەكتىك جاعدايىن جاقسارتۋ جوسپارىنداعى ازىق – تۇلىك حاۋىپسىزدىگىنە كەپىلدىك ەتۋ قىزمەتى مەحانيزمىن، باقىلاۋ – باعالاۋدى، شۇعىل جاعدايلاردى ءبىرجاقتى ەتۋ جانە جاۋاپكەرشىلىگىن قۋزاستىرۋ قاتارلى تۇزىمدەردى كەمەلدەندىرۋى كەرەك. ازىق – تۇلىكپەن قامداۋعا رۇقسات بەرۋ، شەگىنىپ شىعۋ مەحانيزمىن قۇرىپ، نەگىزگى ازىق – تۇلىكتەر مەن قوسىمشا ماتەريالداردى ساتىپ الۋ، ازىق – تۇلىكتەردى ساتىپ الۋدا كۋالىك – تالون سۇراپ الۋ، زاتتى تەكسەرىپ كىرگىزۋ، قامداۋشى ساۋداگەرلەردى باعالاۋ تۇزىمدەرىن كەمەلدەندىرۋ، ازىق – تۇلىكتى ساتىپ الۋ، ساقتاۋ، وڭدەۋ – جاساۋ سىندى تۇيىندەردىڭ حاۋىپسىز جانە مەڭگەرىلىمدى بولۋىنا كەپىلدىك ەتۋ كەرەك. استىق جانە ماي قاتارلى نەگىزگى ازىق – تۇلىكتەر مەن قوسىمشا ماتەريالداردى ساتىپ الۋ – جەتكىزۋدە «ۇشتە ءبىرىڭعاي بولۋدى»، ياعني، ءبىرىڭعاي ساتىپ الۋ، ءبىرىڭعاي ۇلەستىرۋ، ءبىرىڭعاي جەتكىزۋدى كۇش سالا ىلگەرىلەتىپ، ارالىقتاعى بۋىنداردى ازايتىپ، ساتىپ الۋ قۇنىن تومەندەتۋ، ساتىپ العان زاتتاردىڭ ساپاسىنا كەپىلدىك ەتۋ كەرەك. مەكتەپ جاۋاپتىسى تاماقتا بىرگە بولۋ ءتۇزىمىن (تاماق قاراجاتىن ءوزى تولەيدى) قاتاڭ تياناقتاندىرىپ، شارت – جاعدايى بار مەكتەپتەردە اتا – انالار ۋاكىلدەرى كەزەكپەن تاماقتا بىرگە بولۋ ءتۇزىمىن ورناتۋ كەرەك، تاماقپەن قامداۋ بارىسىندا بايقالعان ماسەلەلەر مەن قيىنشىلىقتاردى دەر كەزىندە بايقاۋ جانە شەشۋ كەرەك. دەنساۋلىق ساقتاۋ جانە سالاماتتىق، بازاردى باقىلاۋ – باسقارۋ تاراۋلارى مەكتەپ اسحانالارىنداعى قىزمەتكەرلەر مەن بىرگە تاماقتاناتىنداردىڭ دەنساۋلىعى، ورتا تازالىعى، اۋىز سۋ قاينارى مەن ازىق – تۇلىكتى ساتىپ الۋ، تاسىمالداۋ، ساقتاۋ، مانەرلەۋ، ۇلگى قالدىرۋ، ىدىس – اياقتاردى تازالاپ جۋۋ جانە ديزەنفەكسيالاۋ قاتارلىلارعا باقىلاۋ – باسقارۋ جۇرگىزۋى كەرەك، بارلىق بارىستى كۇشەيتىپ، تۇتاس جەلى بويىنشا باقىلاۋ – باسقارۋ كەرەك. مەكتەپتەر اسحانا مەن وشاقتى سىرتتان كورۋگە بولاتىن ەتىپ، «كورنەۋ اسحانا» جاساۋى، «جۇمىستار اشىق ىستەلۋدى» ىسكە اسىرۋى كەرەك. ازىق – تۇلىك حاۋىپسىزدىگى جاعىنداعى زاڭ – تۇزىمدەرگە قايشىلىق جاساعان، ازىق – تۇلىك حاۋىپسىزدىگى وقيعالارى تۋىلعان، تاماقپەن قامداۋ ساپا ولشەمىن ءوز بىلگەنىنشە تومەندەتكەن نەمەسە تاماق تىزىمدىگىن قالاعانىنشا وزگەرتكەن بولسا، بازاردى باقىلاۋ – باسقارۋ تاراۋلارى، وقۋ – اعارتۋ جاعىنداعى اكىمشىلىك تاراۋلار قاتارلى ورىندار قاتىستى ورىندار مەن جەكەلەردىڭ جاۋاپكەرشىلىگىن قاتاڭ قۋزاستىرۋى ءارى «قارا تىزىمدىككە» ەنگىزۋى، مەكتەپ اسحاناسىن ازىق – تۇلىكپەن قامداۋعا قاتىناستىرماۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
