وقۋ – اعارتۋ مينيسترلىگى ەكى «پىكىر» جونىندە تۇسىنىك جاسادى
ورتا، باستاۋىش مەكتەپ وقىتۋشىلارىنىڭ اۋىرتپالىعىن شىنايى جەڭىلدەتۋ كەرەك
وقىتۋشىلاردىڭ ءمورال جانە ستيل قۇرىلىسىن كەمەلدەندىرۋدىڭ ۇزاق مەرزىمدىك مەحانيزمىن ورناتۋ كەرەك
حالىق گازەتىنىڭ ءتىلشىسى جاڭ شو
2019.12.17 13:55 كەلۋ قاينارى : حالىق تورابى
جۋىردا ج ك پ ورتالىق كوميتەتى كەڭسە مەڭگەرمەسى مەن مەملەكەتتىك كەڭەس كەڭسە مەڭگەرمەسى «ورتا، باستاۋىش مەكتەپ وقىتۋشىلارىنىڭ اۋىرتپالىعىن جەڭىلدەتىپ، ءتالىم - تاربيە، وقۋ-وقىتۋ ىستەرىنە اناعۇرلىم تاماشا ورتا جاراتۋ جونىندەگى پىكىرلەردى» باسىپ تاراتتى، وقۋ - اعارتۋ مينيسترلىگى قاتارلى جەتى تاراۋ «جاڭا داۋىردەگى وقىتۋشىلار ءمورالى مەن ستيلى قۇرىلىسىن كۇشەيتۋ جانە جاقسارتۋ جونىندەگى پىكىردى» باسىپ تاراتىپ، جاڭا داۋىردەگى وقىتۋشىلار قوسىنى قۇرىلىسى رەفورماسىن جاپپاي تەرەڭدەتۋدى تياناقتاندىرۋعا ءبىرقىدىرۋ پارمەندى شارالاردى ورتاعا قويدى.
12 – ايدىڭ 16 – كۇنى وقۋ – اعارتۋ مينيسترلىگى اقپار جاريالاۋ جيىنىن اشىپ، قاتىستى ساياساتتارعا تۇسىنىك جاسادى.
ورتا، باستاۋىش مەكتەپ وقىتۋشىلارىنىڭ ءتالىم - تاربيە، وقۋ - وقىتۋ قىزمەتىنە اناعۇرلىم مول ۋاقىت شىعارىپ، اناعۇرلىم مول زەيىن – زەردەسىن جۇمساۋىنا شارت – جاعداي جاراتۋ كەرەك.
وقۋ – اعارتۋ مينيسترلىگىنىڭ اقپار جاريالاۋ جيىنىندا، جىجياڭ ولكەلىك وقۋ – اعارتۋ مەڭگەرمەسى باستىعىنىڭ ورىنباسارى ديڭ تيانلى: «جۇيەگە ءتۇسىرۋ مەن جونگە سالۋ ارقىلى جىجياڭنىڭ جەر – جەرىندەگى مەكتەپ اۋلاسىندا وتكىزىلەتىن ءتۇرلى قيمىلدار ءاربىر مەكتەپتە ورتا ەسەپپەن 18.1 تۇردەن 4.8 تۇرگە ازايدى، ازايۋ مولشەرى %73.5 بولدى، ورتا، باستاۋىش مەكتەپ وقىتۋشىلارىنىڭ ءتالىم - تاربيە، وقۋ – وقىتۋ قىزمەتىنە اناعۇرلىم مول ۋاقىت شىعارىپ، اناعۇرلىم مول زەيىن – زەردەسىن جۇمساۋىنا شارت – جاعداي جاراتىلدى»، — دەدى.
2019 – جىل — ورتالىق كوميتەت بەلگىلەگەن «نەگىزگى ساتىداعىلاردىڭ اۋىرتپالىعىن جەڭىلدەتۋ جىلى». وقۋ – اعارتۋ جۇيەسىنەن الىپ ايتقاندا، وقىتۋشىلاردىڭ اۋىرتپالىعىنىڭ اسا اۋىر بولۋى جۇرتشىلىق اڭىسىنىڭ وزەكتى تۇيىندەرىنىڭ ءبىرى بولىپ كەلدى. وقىتۋشىلار شارشاپ - شالدىقتى، كۇندەلىكتى وقىتۋ قىزمەتىنەن سىرت، بەلگىلى تۇرعىدان العاندا، وقىتۋمەن، ءتالىم - تاربيەمەن قاتىستى جوق ىستەردىڭ جۇكتەلۋى ولاردى «شارشاتتى». مىسالى، ءتۇرلى باقىلاۋ – تەكسەرۋ، سالىستىرۋ – باعالاۋ قاتارلى ىستەردىڭ ءتۇرى مول، وتكىزىلۋى ءجيى بولدى؛ ءتۇرلى تەكسەرۋ – زەرتتەۋ، ساناققا الۋ، ينفورماتسيا جيناۋ قاتارلى قيمىلدار ءۇستى – ۇستىنە قايتالاندى، كەيبىر قيمىلدار الباتى ورنالاستىرىلدى؛ ءىشىنارا جەرلەر مەن تاراۋلار حاۋىپسىزدىك پەن ورنىقتىلىقتى ساقتاۋ، قارا – سۇرقيا كۇشتەرگە سوققى بەرۋ، ۇزدىكتەردى باعالاۋ قاتارلى قىزمەتتەردى تياناقتاندىرۋ بارىسىندا، ۇنەمى مەكتەپتەر مەن وقىتۋشىلارعا مىندەت جۇكتەدى ...
وقۋ – اعارتۋ مينيسترلىگى وقىتۋشىلار قىزمەتى مەڭگەرمەسىنىڭ باستىعى رىن يوۋچۇن: «بۇل قيمىلدار مەكتەپتىڭ قالىپتى ءتالىم - تاربيە، وقىتۋ تارتىبىنە بارىنشا كەدەرگى بولىپ، وقىتۋشىلارعا ارتىق اۋىرتپالىق جۇكتەدى. وسىعان باعىتتاي وتىرىپ، وقىتۋشىلاردىڭ بورىشى بالا وقىتۋ – ۇرپاق تاربيەلەۋ دەگەن تانىمدى كوكەيگە مىقتاپ ورناتىپ، ورتا، باستاۋىش مەكتەپتەر مەن وقىتۋشىلاردىڭ قاجەتسىز بوگەتتەرگە ۇشىراۋىن شىنايى ازايتىپ، مەكتەپتەردىڭ تىنىش ورتاسىن وزدەرىنە قايتارىپ، مۇعالىمدەردىڭ ۋاقىتىن وزدەرىنە بەرۋ كەرەك»، — دەدى.
ەندەشە، اۋىرتپالىقتى قالاي جەڭىلدەتۋ كەرەك؟ رىن يوۋچۇن بىلاي دەپ تانىستىردى: قۇجاتتا وقىتۋشىلاردىڭ اڭىسى ءبىرشاما كۇشتى بولعان ۇيلەسىمسىز اۋىرتپالىقتاردان باستاپ كىرىسىپ، اۋىرتپالىقتى جەڭىلدەتۋدىڭ جولدارى كورسەتىلدى. بىرىنشىدەن، وقىتۋشىلاردىڭ اۋىرتپالىعىن قاينارىنان باستاپ تەكسەرىپ، قۇجاتتار مەن جيىنداردى زور مولشەردە ىقشامداۋ كەرەك؛ ەكىنشىدەن، ءوڭىر، قالا مەن اۋىل، وقىتۋ كەزەڭى قاتارلى تۇرلىشە ەرەكشەلىكتەردى تولىق ويلاستىرىپ، «ءبارىن ءبىر شىبىقپەن ايداۋدان» ساقتانۋ كەرەك؛ ۇشىنشىدەن، ورتا، باستاۋىش مەكتەپتەردەگى وقىتۋمەن قاتىسى جوق ىستەردى قاتاڭ اداقتاۋ جانە جۇيەگە سالۋ، سونىمەن بىرگە، مەكتەپتى باسقارۋ مەن وقىتۋ ىستەرىنىڭ قارىم – قاتىناسىن ويداعىداي سايكەستىرىپ، كاسىپتىك ورەسىن جوعارىلاتۋ كەرەك. تورتىنشىدەن، ءار دارەجەلى، ءارقايسى تاراۋلار، قوعامنىڭ ءار سالاسىنداعىلار كۇشتى شوعىرلاندىرىپ، ورتا، باستاۋىش مەكتەپ وقىتۋشىلارىنىڭ اۋىرتپالىعىن شىنايى جەڭىلدەتۋى كەرەك.
ورتا، باستاۋىش مەكتەپتەرگە باقىلاۋ – تەكسەرۋ، سالىستىرۋ – باعالاۋ جۇرگىزۋ ىستەرىن قازىرگى نەگىزدە %50تەن كوبىن ازايتۋ كەرەك
رىن يوۋچۇن مىنانى باسا دارىپتەدى: «اۋىرتپالىقتى جەڭىلدەتۋ — اۋىرتپالىقتى بۇكىلدەي جوعالتۋ ەمەس، وقىتۋشىلار زاڭى قاتارلى زاڭ – تۇزىمدەردە ورتا، باستاۋىش مەكتەپ وقىتۋشىلارى ءتالىم - تاربيە، وقىتۋ قىزمەتىندە كاسىپتىك اۋىرتپالىقتى ارقالاۋى ءتيىس دەپ ايقىن بەلگىلەنگەن، قالىپتى، ۇيلەسىمدى جانە قاجەتتى اۋىرتپالىقتى ارقالاۋى كەرەك»، قۇجاتتا ورتا، باستاۋىش مەكتەپ وقىتۋشىلارى ارقالاۋعا مىندەتتى ەمەس، وقىتۋمەن قاتىسى جوق ىستەردى ازايتۋ كەرەك دەپ ايقىن بەلگىلەنگەن.
— باقىلاۋ – تەكسەرۋ، سالىستىرۋ – باعالاۋ ىستەرىن ازايتۋ كەرەك. وقۋ – اعارتۋ تاراۋلارىنان سىرت، باسقا تاراۋلاردىڭ ورتا، باستاۋىش مەكتەپ وقىتۋشىلارىن وبيەكتى ەتكەن باقىلاۋ – تەكسەرۋ، سالىستىرۋ – باعالاۋ ىستەرىن ءوز بەتىمەن ورنالاستىرۋىنا بولمايدى، شىنىندا ورىستەتۋ قاجەت بولعان ىستەردى وقۋ – اعارتۋ تاراۋلارىمەن كەڭەسۋى كەرەك؛ ۋيچاتتاعى قىزمەت توبى، اكىمشىلىك ىستەر APP قولدانباسى قاتارلىلاردا قىزمەت جاعدايىنا قاتىستى سۋرەتتەردى قيىپ جولداۋ نەمەسە كەسكىنگە الىپ جولداۋ قاتارلى تاسىلدەر ارقىلى ناقتى قىزمەتتى باعالاۋعا بولمايدى، قىزمەتتى ورنالاستىرا سالىپ، ىلە – شالا باقىلاۋ – تەكسەرۋ، سالىستىرۋ – باعالاۋ جۇرگىزۋگە بولمايدى؛ اداقتاۋ ارقىلى ورتا، باستاۋىش مەكتەپتەردەگى باقىلاۋ – تەكسەرۋ، سالىستىرۋ باعالاۋ ىستەرىن قازىرگى نەگىزدە %50تەن كوبىن ازايتۋ كەرەك، اداقتاۋدان سوڭ ساقتاپ قالعان تۇرلەردى تىزىمدىك بويىنشا باسقارىپ وتىرۋ كەرەك.
— الەۋمەتتىك ىستەردىڭ مەكتەپ اۋلاسىنا ەنۋىن ازايتۋ كەرەك. قالانىڭ وزاتتاردى باعالاۋ مىندەتى جونىندە، پرينسيپتىك جاقتان، وقىتۋشىلاردى كوشەگە شىعىپ كەزەكشىلىك ىستەۋگە نەمەسە وقىتۋ مىندەتىمەن قاتىسسىز باسقا قىزمەتتەرگە ورنالاستىرۋعا بولمايدى؛ ءتالىم - تاربيە، ۇگىت جۇرگىزۋ قيمىلدارىنا كەلسەك، ءىس جۇزىندىك قاجەتكە قاراي، وقىتۋ ىستەرىن ورنالاستىرۋ كولەمىنە ۇيلەسىمدى تۇردە ەنگىزۋگە بولادى، ءۇستى - ۇستىنە ورنالاستىرۋعا بولمايدى.
— كەستە تولتىرۋ قىزمەتىن ازايتۋ كەرەك. مەملەكەتتىك ساناق مەكەمەسىنەن سىرت، باسقا تاراۋلار ورتا، باستاۋىش مەكتەپتەر مەن وقىتۋشىلاردىڭ وقىتۋ قىزمەتىنە قاتىستى ساناق جۇرگىزەتىن بولسا، دارەجەلەس ۇكىمەت تاراۋىنىڭ ساناق قۇرىلىمىنا ماقۇلداتىپ، تىزىمگە الدىرۋى كەرەك؛ ورتا، باستاۋىش مەكتەپ وقىتۋشىلارىنىڭ تەكسەرۋ – زەرتتەۋ جۇرگىزۋ قيمىلىن ورىستەتۋى جونىندە، وقۋ – اعارتۋ تاراۋلارى ماقۇلداۋى ءارى ورنالاستىرۋ جاساۋى كەرەك.
— ورتا، باستاۋىش مەكتەپ وقىتۋشىلارىن باسقا ورىنعا اۋىستىرىپ، ۋاقىتتىق ىستەتۋ ىستەرىن ازايتۋ كەرەك. ورتا، باستاۋىش مەكتەپ وقىتۋشىلارىن پارتيا مەن مەملەكەتتىڭ كەلەلى ساياساتتىق ورنالاستىرۋ مىندەتتەرىن دايەكتى تياناقتاندىرۋ ءۇشىن باسقا جۇمىستارعا ۋاقىتتىق ىستەتۋ جونىندە، مەكتەپتىڭ قالىپتى وقىتۋ قىزمەتىنە ىقپال جەتكىزبەۋ شارتى استىندا، اۋدان دارەجەلىدەن جوعارى وقۋ – اعارتۋ تاراۋىنىڭ ماقۇلداۋىنان وتكىزۋ ءارى دارەجەلەس پارتكومعا بەكىتتىرىپ، تىزىمگە الدىرۋى كەرەك، ۋاقىتتىق ىستەتۋ مەرزىمى پرينسيپتىك جاقتان جارتى جىلدان اسپاۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
