وقۋ – اعارتۋ مينيسترلىگى: مەكتەپ سىرتىنداعى تاربيەلەۋ قۇرىلىمدارى ءتورت «قىزىل سىزىقتى» ايقىنداۋى كەرەك
2019.12.24 14:41 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 23 - كۇنى، بەيجيڭ (ءتىلشى حۋ حاۋ). مەكتەپ سىرتىنداعى تاربيەلەۋ قۇرىلىمدارىنىڭ دامۋىن ارناعا ءتۇسىرۋ − سوڭعى جىلداردان بەرى قوعام نازار اۋدارىپ وتىرعان قولامتالى ءتۇيىن، سونداي - اق وقۋ - اعارتۋ تاراۋلارى قۇلشىنا ىلگەرىلەتۋگە ءتيىستى ماڭىزدى ءتۇيىن. وقۋ - اعارتۋ مينيسترلىگى نەگىزدىك وقۋ - اعارتۋ تارماق مەكەمەسىنىڭ مەكتەپ سىرتىنداعى وقۋ - اعارتۋ جانە كۋرستان وتكىزۋدى باقىلاۋ - باسقارۋ باسقارماسىنىڭ باستىعى شۇي پان مىنانى ءبىلدىردى: مەكتەپ سىرتىنداعى تاربيەلەۋ قۇرىلىمدارى ءتورت جاقتاعى ەرەجە تانىمىن كۇشەيتىپ، وزىنە قاتاڭ تالاپ قويىپ، اقاۋسىز، باياندى دامۋ ورتاسىن جاراتۋى كەرەك.
بىرنەشە كۇننىڭ الدىندا وتكىزىلگەن 9 - كەزەكتى مەملەكەتتىك كۋرستان وتكىزۋ وقىتۋىن دامىتۋ جينالىسىندا شۇي پان بىلاي دەدى: قازىر مەكتەپ سىرتىنداعى تاربيەلەۋ قۇرىلىمدارىن جونگە سالۋ قىزمەتىندە كەزەڭدىك ىلگەرىلەۋشىلىككە قول جەتتى، ءتۇزىم جۇيەسى ۇزدىكسىز كەمەلدەنىپ، ارناۋلى جونگە سالۋ ۇزدىكسىز بەكەمدەلىپ، ينفورماتسيالاندىرۋدى باسقارۋ رولى ساۋلەلەندىرىلىپ، كۇندەلىكتى باقىلاۋ - باسقارۋ ۇزدىكسىز تەرەڭدەدى، الايدا ورتالىقتىڭ تالابى مەن حالىق بۇقاراسىنىڭ ارمان - تىلەگىنە سالىستىرعاندا، ءالى دە بەلگىلى پارىق بار.
شۇي پان بىلاي دەدى: مەكتەپ سىرتىنداعى تاربيەلەۋ قۇرىلىمدارى، بىرىنشىدەن، ەمتيحانعا توتەپ بەرۋ بەتالىسىنا باتىل بۇرىلىس جاساۋى، «ەندىگارى ولشەمنەن اسىرا كۋرستان وتكىزبەۋى، ەمتيحانعا توتەپ بەرۋ سىندى وقىتۋدىڭ كونە قالىبىنا سالىنباۋى، وقۋشىلاردىڭ ساباقتان سىرتقى اۋىرتپالىعىن اۋىرلاتىپ جىبەرمەۋى كەرەك». قازىر مەكتەپ سىرتىنداعى كۋرستان وتكىزۋ بىرتىندەپ قاتاڭ باسقارۋ، جۇيەلى دامۋ جولىنا ءتۇستى. تاربيەلەۋ قۇرىلىمدارى ساپالىق وقۋ - اعارتۋ مەن بەس قۇلىققا يە بولۋ تالابىن قاتار يگەرۋ تالابىن ارقاۋ ەتىپ، وقىتۋ ءادىسىن جاقسارتىپ، دارالىققا، الۋان تۇرلىلىككە، ساپالى قىزمەت وتەۋگە ءمان بەرىپ، باستاۋىش، ورتا مەكتەپ وقۋشىلارىنىڭ تاڭداۋ سيپاتىندىق ۇيرەنۋ قاجەتىن قاناعاتتاندىرۋى كەرەك. ەكىنشى، اقى الۋ، اقى قايتارۋ ارەكەتىن ارناعا ءتۇسىرۋ كەرەك. قاتىستى بەلگىلەمەلەردى قاتاڭ اتقارۋ كەرەك، تاربيەلەۋ قۇرىلىمدارىنىڭ ءبىر جولدا 3 ايدان ارتىق اقى الۋىنا بولمايدى. تاربيەلەۋ قۇرىلىمدارىنىڭ ەكونوميكالىق مۇددەنىڭ ماجبۇرلەۋىنە ۇشىراماۋىن، باعانى ءتۇسىرۋ، اقىنىڭ ءبىر ءبولىمىن قايتارىپ بەرۋ سياقتى تاسىلدەرمەن اتا - انالاردى مەرزىمىنەن اسىرىپ اقى تاپسىرۋعا شىرعالاماۋىن، بازار زاڭدىلىعىنا دا قايشىلىق جاساماۋىن، كاسىپتى دامىتۋدا كورپەگە قاراي كوسىلۋىن ءۇمىت ەتەمىز.
ول مىنانى ءبىلدىردى: ءۇشىنشى، مەكتەپ سىرتىنداعى كۋرستان وتكىزۋ مەن وقۋشىلاردىڭ مەكتەپكە كىرۋىن ۇشتاستىرۋعا قاتاڭ تيىم سالۋ كەرەك، «بۇل − ءبىر قىزىل سىزىق ءارى تومەنگى شەك». تاربيەلەۋ قۇرىلىمدارىنىڭ ءوز الدارىنا نەمەسە باستاۋىش، ورتا مەكتەپتەرمەن سەلبەسۋ نەگىزىندە مەكتەپكە وقۋعا تۇسۋمەن بايلانىستىرىلعان ءتۇرلى جارىس، جازدىق لاگەر، زەرتتەۋ، ۇيرەنۋ قيمىلدارىن ۇيىمداستىرۋىنا قاتاڭ تيىم سالىنادى، بايقالعان زامان، ءسوز جوق، قاتاڭ تەكسەرىپ ءبىر جاقتى ەتىلەدى، تاربيەلەۋ قۇرىلىمدارىنىڭ، قاتىستى مەكتەپتەردىڭ جانە قاتىستى ادامداردىڭ جاۋاپكەرلىگى زاڭ، بەلگىلەمە بويىنشا قۋزالادى. لايىقتى ۇگىتتەۋ، تاربيەلەۋ رولىن اسىرەلەمەۋ، جۇرتشىلىقتى مازالاماۋ كەرەك. ءتورتىنشى، جەلىدەگى تاربيەلەۋ قۇرىلىمدارىن تىزىمگە الۋدى مىقتى يگەرۋ كەرەك. جەلىدەگى تاربيەلەۋ قۇرىلىمدارىن تىزىمگە الۋ قىزمەتى − كەزەك كۇتتىرمەيتىن مىندەت، جەلىدەگى تاربيەلەۋ قۇرىلىمدارى تىزىمگە الۋدى بەلسەندىلىكپەن، ىرىقتىلىقپەن ءوتىنىش ەتىپ، تالاپ بويىنشا تىزىمگە الۋ ماتەريالدارىن بەرىپ، باقىلاۋ - باسقارۋدى سانالىلىقپەن قابىلداۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
