وقۋ – اعارتۋ مينيسترلىگى: وقۋشىلاردان ءار كۇنى توراپقا شىعىپ جوقتاماعا قاتىناسۋدى زورلىقپەن تالاپ ەتۋگە بولمايدى
2020.02.12 16:53 كەلۋ قاينارى : حالىق تورابى
تاياۋدا ءىشىنارا جەرلەر ينتەرنەتتە «ساباق توقتاعانمەن، ۇيرەنۋدى توقتاتپاۋ» قىزمەتىن ىركەس - تىركەس باستادى، كوپشىلىك كەيبىر ماسەلەلەرگە ءبىرشاما كوڭىل ءبولىپ وتىر. وسىعان قاراتا وقۋ - اعارتۋ مينيسترلىگىنىڭ قاتىستى جاۋاپتىسى تىلشىلەردىڭ سۇراۋىنا جاۋاپ بەردى.
«ساباق توقتاعانمەن، ۇيرەنۋدى توقتاتپاۋدا» ۇيرەنۋ مازمۇنى مەن ۇيرەنۋ ءتاسىلىن قايتكەندە دۇرىس يگەرۋگە بولادى؟
جاۋاپ: «ساباق توقتاعانمەن، ۇيرەنۋدى توقتاتپاۋ» دەگەنىمىز جالاڭ ماعىناداعى توراپتا ساباق ءوتۋ ەمەس، جالاڭ مەكتەپ ساباعىنىڭ ۇيرەتىلۋى دە ەمەس، قايتا كەڭ ماعىناداعى ۇيرەنۋ، وقۋشىلاردىڭ ءوسىپ - جەتىلۋىنە، العا باسۋىنا ءتيىمدى مازمۇن مەن ءتاسىل بولسا بولعانى. مەملەكەتتىڭ ساباق مازمۇنىن ۇيرەنۋ مەن ىندەتتەن ساقتانۋ - تىزگىندەۋ بىلىمدەرىن ۇيرەنۋدى ۇشتاستىرۋدا تاباندى بولىپ، ىندەتتەن ساقتانۋ بىلىمدەرىن جالپىلاستىرۋعا ەرەكشە ءمان بەرىپ، تىرشىلىك تاربيەسىن، الەۋمەتتىك حاۋىپسىزدىك تاربيەسىن جانە پسيحيكالىق اقاۋسىزدىق تاربيەسىن كۇشەيتۋ؛ ىندەتتەن ساقتانۋ توسقاۋىل شايقاسىندا جارىققا شىققان ىزگى ىستەردى مۇقيات ۇيرەنىپ، قوعامدىق تاماشا ءمورالدى ساۋلەلەندىرىپ، وقۋشىلاردىڭ پارتيانى، حالىقتى، سوتسياليزمدى سۇيەتىن يدەيالىق سەزىمىن كۇشەيتۋ كەرەك، كلاسسيكالىق ايگىلى شىعارمالاردى كوبىرەك ۇيرەنۋگە دە بولادى. ۇيرەنۋدىڭ ءتاسىلى الۋان ءتۇرلى، كەيبىر جەرلەر توراپتاعى وقىتۋدى باستادى، بۇل «ساباق توقتاعانمەن، ۇيرەنۋدى توقتاتپاۋداعى» تاسىلدەردىڭ بىرەۋى عانا، ينفورماتسيالاندىرۋ تاسىلىنەن پايدالانىپ وقىتۋ جۇرگىزۋدەگى ىزدەنىستەردىڭ ءبىر ءتۇرى.
كەيبىر جەرلەردىڭ وقىتۋشىلاردى توراپتا وتىلەتىن ساباقتى دايىنداۋعا ۇيىمداستىرۋىنا قالاي قاراۋ كەرەك؟
جاۋاپ: «ساباق توقتاعانمەن، ۇيرەنۋدى توقتاتپاۋ» قىزمەتىن ورىستەتۋدە، توراپتا وقىتۋ قىزمەتىن جاقسى ىستەۋدە وقىتۋشىلاردى توراپتا وتىلەتىن ساباقتى دايىنداۋعا جاپپاي ۇيىمداستىرۋدىڭ قاجەتى جوق. مەملەكەتتىڭ، جەرگىلىكتى ورىنداردىڭ، مەكتەپتەردىڭ قازىرگى ساپالى توراپ ساباعى بايلىعىنان تولىق پايدالانۋ كەرەك، شىنىندا قاجەت بولسا، وقۋ – اعارتۋ تاراۋلارى از ساندى تاڭداۋلى تىرەكتى وقىتۋشىلاردى توراپ ساباعىن تىڭنان لايىقتى كوبەيتۋگە ۇيىمداستىرىپ، قاجەتتى تولىقتاۋ جۇرگىزەدى، ساپالى بايلىقتان ورتاق يگىلىكتەنۋگە بولادى. جەر - جەر ينتەرنەتتە ۇيرەنۋ ەرەكشەلىگى مەن ءپان ەرەكشەلىگىنە باعىتتاي وتىرىپ، جەلىدە ۇيرەنۋگە ۇيلەسەتىن ساباقتاردى مۇقيات زەرتتەپ، ايقىندايدى، ادەتتەگى ساباقحاناداعى وقىتۋ ءتاسىلىن، ۋاقىتىن جانە وقىتۋ ورنالاستىرۋىن كوشىرىپ قولدانۋدان ساقتانۋ كەرەك. ەگەر بارلىق وقىتۋشىدان توراپتا وتىلەتىن ساباقتى دايىنداۋ زورلىقپەن تالاپ ەتىلسە، ساپاسىنا كەپىلدىك ەتۋ قيىن بولىپ قالماستان، وقىتۋشىلاردىڭ جۇگى دە اۋىرلاپ، بايلىق ىسىراپ بولادى، مۇنداي ءجايتتى تەجەۋ كەرەك.
وقۋشىلاردىڭ اۋىرتپالىعىن ارتتىرۋدان قالاي ساقتانۋعا بولادى؟
جاۋاپ: «ساباق توقتاعانمەن، ۇيرەنۋدى توقتاتپاۋ» شاراسىن اتقارۋدا جەر - جەر تۇرلىشە وقۋ ساتىسىنداعى وقۋشىلاردىڭ ءىس جۇزىندىك جاعدايىن جانە توراپ ارقىلى وقىتۋ ەرەكشەلىگىن پارىقتاۋى، ءىس جۇزىندىكتى شىعار ءتۇيىن ەتۋدە، عىلمي ورنالاستىرۋدا تاباندى بولىپ، ۇيرەنۋ بايلىعىن ۇيلەسىمدى تاڭداۋى كەرەك. توراپقا شىعىپ ۇيرەنۋ تالابى جونىنەن كەيبىر جەرلەردىڭ جاقسى ادىستەرىنەن ۇلگى الىپ، باستاۋىش مەكتەپتەردىڭ تومەن جىلدىقتارىندا توراپقا شىعىپ وقۋعا ءبىر تۇتاس قاتاڭ تالاپ قويماي، اتا - انالار مەن وقۋشىلاردىڭ ءوز ەركىمەن تاڭداۋىنا مۇمكىندىك جاراتۋ كەرەك، باسقا وقۋ باسقىشىنداعى وقۋشىلارعا ۋاقىت، شەك قويۋ جونىندە ناقتى بەلگىلەمە جاساپ، وقۋشىلاردىڭ توراپقا شىعۋ ۋاقىتىنىڭ تىم ۇزاق بولۋىنان ساقتانۋ كەرەك. سونىمەن بىرگە، وقۋشىلاردان ءار كۇنى توراپقا شىعىپ جوقتاماعا قاتىناسۋدى، ۇيرەنۋ كەسكىنىن جولداۋدى زورلىقپەن تالاپ ەتىپ، وقۋشىلاردىڭ قاجەتسىز اۋىرتپالىعىن ارتتىرۋدان ساقتانۋ كەرەك. وقۋشىلاردىڭ دەمالىس ۋاقىتىن ۇيلەسىمدى ورنالاستىرۋىنا جەتەكشىلىك ەتىپ، دەمالىس ۋاقىتىن ۇزارتۋ، كورۋ قۋاتىن ارتتىرۋ، دەنە شىنىقتىرۋدى كۇشەيتۋ سياقتى تاسىلدەر ارقىلى كورۋ قۋاتىن قورعاپ، دەنە قۋاتىن ارتتىرىپ، دەنساۋلىق اقاۋسىزدىعىنا كەپىلدىك ەتۋ كەرەك. بالا باقشالاردىڭ توراپتا وقىتۋ قيمىلىن ورىستەتۋىنە قاتاڭ تيىم سالىنادى (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
