كاسىپورىندار، مەكتەپتەر، قاتىستى تاراۋلار وقۋ تاۋىسۋ الدىنداعى ستۋدەنتتەرگە كاسىپتەنۋ «بۇلت تەكشەسىن» قۇرادى
قىزمەت ىزدەۋدەن الاڭداماڭىز، قىزمەت ىزدەۋ «بۇلت تەكشەسى» ىسكە قوسىلدى!
ليۋ زىشي، جاڭ پىڭيۇي
2020.02.21 16:15 كەلۋ قاينارى : حالىق تورابى
 |
سۋرەتتى ۋاڭ ۋەي جاساعان (شينحۋا اگەنتتىگى)
|
«جاڭا تيپتى ايدارشا ۆيروس وكپە قابىنۋ ىندەتى قىزمەت ىزدەۋىمىزگە كەسىرىن تيگىزەتىن بولدى دەپ ويلاعان ەدىم، ءىرى كاسىپورىنداردىڭ ينتەرنەتتە قىزمەتكەر قابىلداۋ ارنالارىن اشاتىنىن ويلاماعان ەكەنمىن، ونىڭ ۇستىنە، مەكتەبىمىز دە ينتەرنەتتە قوس باعىتتا تاڭداۋ جيىنىن اشاتىن بولدى»، _ دەيدى جۇڭگو اقپارات ۋنيۆەرسيتەتىنىڭ وقۋ تاۋىسۋ الدىنداعى ستۋدەنتى شياۋ يۇي.
مەجەگە قاراعاندا، 2020 – جىلى بۇكىل ەلىمىزدەگى جوعارى مەكتەپتەردەن 8 ميلليون 740 مىڭ ستۋدەنت وقۋ تاۋىسادى، بۇل تاريحتاعى جاڭا رەكورد. ىندەتتىڭ ىقپالىنا ۇشىراعاندىقتان، قىزمەتكەرلەردى جەلىدەن تىس قابىلداۋ مەن قىزمەتكەر قابىلداۋ ەمتيحاندارى تۇگەل كۇشىنەن قالدىرىلعانىمەن، وقۋ تاۋىساتىن ستۋدەنتتەر كاسىپورىنداردىڭ، مەكتەپتەردىڭ جانە كاسىپتەندىرۋدى باسقاراتىن تاراۋلاردىڭ كاسىپتەنۋ «بۇلت تەكشەسىن» ىسكە قوسىپ، كاسىپتەنۋشىلەرگە ينتەرنەت ارقىلى ءتۇرلى قىزمەتتەردى وتەيتىنىنەن حابار تاپتى.
«قىزمەتكەردى كەزدەسپەي قابىلداۋ» باستالدى
قىزمەتكەر قابىلداۋ قىزمەتىنىڭ قالىپتى جۇرگىزىلۋىنە كەپىلدىك ەتۋ ءشۇىن، ءىرى كاسىپورىندار دەرەۋ قىزمەتكەر قابىلداۋ «بۇلت تەكشەسىن» ىسكە قوسىپ، وقۋ تاۋىساتىن ستۋدەنتتەرگە ينتەرنەت ارقىلى قىزمەت ىزدەۋ ارناسىن اشتى. قىزمەتكەر قابىلداۋ «بۇلت تەكشەسىنىڭ» قىزمەت وتەۋ ءتارتىبى مەن ەرەكشەلىگى _ قىزمەت ىزدەۋشى مەن بەتپە – بەت ەمتيحان الۋشى بەتپە – بەت كەزدەسپەيدى، سوندىقتان، توردوستار مۇنداي ءتاسىلدى «قىزمەتكەردى كەزدەسپەي قابىلداۋ» ءتاسىلى دەپ اتادى.
2 – ايدىڭ 13 – كۇنى حۋاۋەي جۇرەك جارشىسى الەۋمەتتىك اۋماعى رەسمي ۋيچات تەكشەسى ۇقتىرۋ شىعاردى، ىندەتتىڭ ىقپالىنا ۇشىراعاندىقتان، حۋاۋەي سەرىكتەستىگىنىڭ 2020 – جىلعى قىزمەتكەر قابىلداۋ قىزمەتى بۇكىلدەي ينتەرنەت ارقىلى ورىستەتىلەتىن بولىپ وزگەرتىلگەن. وقۋ تاۋىساتىن ستۋدەنتتەر حۋاۋەي سەرىكتەستىگىنىڭ اۋە تولقىنىنداعى ۇگىت جيىنىنا، ينتەرنەتتەگى قىزمەت ورنىن تانىستىرۋ جيىنىنا قاتىناسىپ، سەرىكتەستىككە، بولىمگە، قىزمەت ورنىنا قاتىستى ينفورماتسيالاردى ۇعىسا الادى. حۋاۋەي سەرىكتەستىگى ينتەرنەتتە امبەباپ ساراپتاۋ جۇرگىزىپ، ينتەرنەتتە كەسكىن ارقىلى بەتپە – بەت ەمتيحان الادى، قابىلداۋ ۇقتىرۋى مەن كاسىپتەنۋ كەلىسىمشارتىن دا ينتەرنەت ارقىلى بىتىرەدى.
ۋاڭ – ي سەرىكتەستىگى دە قىزمەتكەر قابىلداۋدىڭ «بۇلت تەكشە» ءتاسىلىن ىسكە قوستى، قىزمەت ىزدەۋشىلەر ينتەرنەتتە قىزمەت ورنىنا ءوتىنىش تاپسىرىپ، الىس ارالىقتان بەتپە – بەت ەمتيحانعا قاتىناسادى، تالاپقا لايىق بولعاندار ەلەكتروندىق تاسىلمەن كەلىسىمشارت ءبىتىرىپ، الىس ارالىقتان قىزمەتكە قابىلدانادى. ۇعىسۋعا قاراعاندا، ۋاڭ – ي وسى جولى 2600 قىزمەت ورنىنا قىزمەتكەر قابىلدايدى، بۇل قىزمەت ورىندارى وقۋ – اعارتۋ، مۋزيكا، ەلەكتروندىق ساۋدا، ەلەكتروندىق ويىن قاتارلى قىزمەت تۇرلەرىن قامتيدى.
ءىرى بانكەلەر دە ينتەرنەت ارقىلى قىزمەتكەر قابىلداۋدى باستادى، ساۋداگەر شاقىرۋ بانكەسى، جۇڭگو پوچتا بانكەسى ينتەرنەتتە كوكتەمگى قىزمەتكەر قابىلداۋ ارناسىن اشتى ءارى كەسكىن ارقىلى بەتپە – بەت ەمتيحان الاتىن بولدى.
«قىزمەتكەردى كەزدەسپەي قابىلداۋ» _ كاسىپورىندار ىندەتكە باعىتتاي وتىرىپ بەلگىلەگەن كاسىپتەندىرۋدىڭ جاڭا شاراسى، بۇل شارا قىزمەتكەر قابىلداۋ فورماسىندا جاڭالىق جاراتۋمەن بىرگە، قىزمەت ىزدەۋشىلەرگە دە قامقورلىق جاساۋ ەسەپتەلەدى. الايدا، ينتەرنەتتە قىزمەتكەر قابىلداۋ «بۇلت تەكشەسى» وقۋ تاۋىساتىن ستۋدەنتتەرگە جاڭا سىناق بولدى. «ينتەرنەتتە قىزمەتكەر قابىلداۋ كاسىپورىننىڭ قىزمەت ورتاسى مەن مادەنيەتىن تىكەلەي تۇسىنۋگە قولايسىز، بەتپە – بەت ەمتيحان الۋشى دا قىزمەت ىزدەۋشىنى تولىق تۇسىنە الماۋى مۇمكىن. مەن ەندى ينتەرنەتتە قىزمەتكەر قابىلداۋدىڭ بەتپە – بەت ەمتيحانىنىڭ بارىسىن يگەرۋىم ءارى دايىندىق جاساۋىم كەرەك»، _ دەدى وقۋ تاۋىساتىن ستۋدەنت شياۋ يۇي.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
