«بۇلتتىق جۇمىسقا قابىلداۋ» جوعارى مەكتەپ بىتىرەتىن وقۋشىلارعا 162 مىڭ جۇمىس ورنىن ازىرلەدى
2020.04.27 17:11 كەلۋ قاينارى : حالىق تورابى
حالىق تورابى، 4 – ايدىڭ 27 - كۇنى، بەيجيڭ. شينجياڭ گازەتى جالپىلىق اقپارات قۇرالدارى ءتىلشىسى جاۋ شييا 4 - ايدىڭ 25 - كۇنى ۇرىمجىدەن حابارلايدى. ەكى ولشەمدى كودتى سكانەرلەۋ، جينالىس الاڭىنا كىرىپ ۇگىت - لەكسيانى كورۋ، قىسقاشا ءومىر بايانىن جونەلتۋ... مەكتەپ قۇرعان «كەڭىستىكتەگى قوس تاڭداۋ جيىنى» تەكشەسى ارقىلى شينجياڭ اۋىل شارۋاشىلىق ۋنيۆەرسيتەتى زات اينالىمىن باسقارۋ ماماندىعىنىڭ وقۋشىسى لياڭ جيانكۇن جۇڭگو 2 - مەتاللۋرگيا توبى شەكتى سەرىكتەستىگى شينجياڭ بولىمشە سەرىكتەستىگىنىڭ «بۇلتتىق بەتپە - بەت ەمتيحانى» شاقىرۋىنا قاتىناستى. «سەرىكتەستىكتىڭ ساراپتاۋىنان كەيىن، ەكىنشى كۇنى - اق مەن قابىلداۋ حابارلاندىرۋىن تاپسىرىپ الدىم»، - دەدى 4 - ايدىڭ 25 - كۇنى لياڭ جيانكۇن تىلشىگە.
2 - ايدان بەرى شينجياڭ ۇيعۇر اۆتونوميالى رايوندىق وقۋ - اعارتۋ مەڭگەرمەسى، شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كوكتەمگى ينتەرنەتتىك «بۇلتتىق جۇمىسقا قابىلداۋ» قيمىلىن بەلسەنە ۇيىمداستىرىپ، جوعارى مەكتەپ بىتىرەتىن وقۋشىلاردىڭ جۇمىستانۋ ارناسىن كەڭەيتىپ، جيىنى 2100 نەشە مايدان رەت ءتۇرلى ينتەرنەت جەلىسىندە جۇمىسقا قابىلداۋ قيمىلىن وتكىزىپ، 162 مىڭ جۇمىس ورنىن ازىرلەدى. قازىر جوعارى مەكتەپ بىتىرەتىن وقۋشىلار شينجياڭ الەۋمەتتىك جۇمىستاندىرۋ بويىنشا قىزمەت وتەۋ سايتى ارقىلى 10 مىڭعا جۋىق جۇمىستانۋ كەلىسىمىنە قول قويدى.
لياڭ جيانكۇن سەكىلدى شينجياڭ ينجەنەريا ينستيتۋتى ەنەرگيا جانە قوزعاۋشى كۇش ينجەنەرياسى ماماندىعىنىڭ وقۋشىسى ءالقام ءومار دا ينتەرنەت جەلىسىندە جۇمىسقا قابىلداۋ ارقىلى سانجى قالاسىنان كوڭىلىندەگىدەي جۇمىس تاۋىپ الدى. «جىل باسىندا مەكتەپ قىسقاشا ءومىر بايان جاساۋ، بەتپە - بەت ەمتيحان سياقتى جاقتاردا ينتەرنەت جەلىسىندە باۋلۋ ورىستەتىپ، جۇمىسقا قابىلداۋ ينفورماتسيالارىن ۇزدىكسىز جىبەرىپ تۇردى، قازىر كلاسىمىزداعى وقۋشىلاردىڭ جارتىسىنا جۋىعى ادام ىستەتۋشى ورىندارمەن كەلىسىمگە قول قويىستى نەمەسە جۇمىستانۋ نيەتىنە كەلىستى»، - دەدى ءالقام.
جاڭا جاعدايعا مەڭزەس، شينجياڭ ينجەنەريا ينستيتۋتى پارتكومى وقۋشىلاردى جۇمىستاندىرۋ قىزمەتىن «ءبىرىنشى باسشى ينجەنەرياسى» رەتىندە يگەرىپ، الۋان ءتۇرلى شارا قولدانىپ، مەكتەپ بىتىرەتىن وقۋشىلارعا ويداعىداي قىزمەت وتەدى. «مەكتەپ بارلىق قىزمەتكەر ات سالىسقان بىرلەسپ ارەكەتتەنۋ مەحانيزمىن ورناتىپ، سالاعا، تۇرگە ءبولىپ، مەكتەپ بىتىرەتىن وقۋشىلاردىڭ الۋان ءتۇرلى جۇمىستانۋ قاجەتىن ۇشتاستىردى». شينجياڭ ينجەنەريا ينستيتۋتى وقۋشى قابىلداۋ، جۇمىستاندىرۋ باسقارماسى باستىعىنىڭ ورىنباسارى يۇي حۇيحۋان بىلاي دەپ تانىستىردى: مەكتەپ مەكتەپ باسشىلارى، ينيستيتۋت - فاكۋلتەت باسشىلارى، جۇمىستاندىرۋعا جەتەكشى مۇعالىم، كلاس جەتەكشىسى سياقتىلاردان قۇرالعان مەكتەپ بىتىرەتىن وقۋشىلارعا جۇمىستاندىرۋ بويىنشا قىزمەت وتەۋ ارناۋلى ءبانىن قۇرىپ، مەملەكەت، شينجياڭ ۇيعۇر اۆتونوميالى رايونى جانە مەكتەپتىڭ جۇمىستاندىرۋ تۇعىرلارى ارقىلى مەكتەپ بىتىرەتىن وقۋشىلارعا جۇمىسقا قابىلداۋ ينفورماتسيالارىن دەر كەزىندە جەتكىزىپ، جۇمىستاندىرۋ ينفورماتسياسىن جەتكىزۋمەن تولىق قامتۋعا شىنايى كەپىلدىك ەتتى.
قاشقار ۋنيۆەرسيتەتى «ينتەرنەت + جۇمىستاندىرۋ» ۇلگىسىندە جاڭالىق اشىپ، وقۋشىلارعا مەملەكەتتىك وقۋ - اعارتۋ مينيسترلىگىنىڭ «24365» ينتەرنەتتىك جۇمىسقا قابىلداۋ تۇعىرى مەن شينجياڭ الەۋمەتتىك جۇمىستاندىرۋ بويىنشا قىزمەت وتەۋ تۇعىرىن دەر كەزىندە جىبەرىپ، ىندەت مەزگىلىندەگى مەكتەپ بىتىرەتىن وقۋشىلاردىڭ جۇمىستانۋىنا جەتەكشىلىك ەتۋ قىزمەت ءادىسىن جاساپ، ادام ىستەتۋشى ورىندار مەن مەكتەپ بىتىرەتىن وقۋشىلارعا ءبىر پارشا حات جاريالاۋ ارقىلى مەكتەپ بىتىرەتىن وقۋشىلاردىڭ ينتەرنەت جەلىسىندە تىركەلىپ، قىسقاشا ءومىر بايانىن جونەلتۋىنە، جۇمىس تابۋعا كەلىسىم جاساسۋىنا جەتەكشىلىك ەتتى. مەكتەپ ىرىقتىلىقپەن شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىمەن بايلانىس ورناتىپ، مەكتەپ بىتىرەتىن وقۋشىلار ءۇشىن شينجياڭ «مىڭ مەكتەپ، ون مىڭ جۇمىس ورنى» ينتەرنەتتىك جۇمىسقا قابىلداۋ جينالىسى تۇعىرىن ورناتىپ، مەكتەپ بىتىرەتىن وقۋشىلاردى كىرىپ تىركەلىپ، تىزىمدەلىپ، قىسقاشا ءومىر بايان جونەلتۋگە ۇيىمداستىردى. قازىر وسى تۇعىرعا 2000نان استام ادام ىستەتۋشى ورىن تىزىمدەلىپ، 10 مىڭنان استام جۇمىس ورنىن ازىرلەدى.
سونىمەن بىرگە، شينجياڭداعى ءارقايسى ادام ىستەتۋشى ورىندار دا كوزقاراسقا بەلسەنە بۇرىلىس جاساپ، ينتەرنەتتىك «بۇلتتىق تۇعىردان» تولىق پايدالانىپ، جۇمىسقا قابىلداۋ قيمىلدارىن ورىستەتتى. شينجياڭ جۇڭميان تۇقىم شارۋاشىلىعى شەكتى سەرىكتەستىگىنىڭ كادرلار ءىسى باس باقىلاۋشىسى جاڭ لەي مىنانى ءبىلدىردى: «كەڭىستىكتەگى قوس تاڭداۋ تۇعىرىندا» ۇيدەن شىقپاي - اق قىسقاشا ءومىر بايانعا يە بولىپ، ۇزدىكتەرىن تاڭداي وتىرىپ دارىندىلاردى جۇمىسقا قابىلداۋعا بولادى، ادام ىستەتۋشى ورىندار مەن جوعارى مەكتەپ بىتىرەتىن وقۋشىلار ءۇشىن ايتقاندا، قولايلى بولىپ قانا قالماستان، تاعى دا اناعۇرلىم كوپ تاڭداۋ ورايى بار.
بيىل شينجياڭداعى جوعارى مەكتەپتەردەن 89 مىڭ 300 وقۋشى مەكتەپ بىتىرەدى. بيىل جوعارى مەكتەپتەن وقۋ بىتىرەتىن وقۋشىلاردى جۇمىستاندىرۋ قىزمەتىن جاقسى ىستەۋ ءۇشىن، شينجياڭ ۇيعۇر اۆتونوميالى رايونى قاتىستى ادىستەردى شىعارىپ، ءارقايسى جوعارى مەكتەپتەردەن ينتەرنەت جەلىسىندە جۇمىستاندىرۋ ۇلكەن بازارىن بەلسەنە ۇيىمداستىرىپ، مەكتەپ بىتىرەتىن وقۋشىلارعا جۇمىستاندىرۋ بويىنشا جەتەكشىلىك ەتۋ - قىزمەت وتەۋ ورەسىن جوعارىلاتىپ، ارحيۆ تۇرعىزىلىپ، كارتوچكالاندىرىلعان كەدەي وتباسى، مۇگەدەك سياقتى مەكتەپ بىتىرەتىن وقۋشىلارعا «ءبىر ادامعا ءبىر شارا» بويىنشا تۇرگە ايىرىپ كومەكتەسۋ، سۇيەمەلدەۋدى كۇشەيتىپ، ىندەتتىڭ مەكتەپ بىتىرەتىن وقۋشىلاردىڭ جۇمىستانۋىنا ىقپالىن ەڭ جوعارى شەكتە تومەندەتۋدى تالاپ ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
