اتا – انانىڭ ۋايىمداعان كوڭىل – كۇيىنىڭ بالانىڭ جوعارى مەكتەپ ەمتيحانىن ويداعىداي تاپسىرۋىنا ىقپال ەتۋىنەن ساق بولايىق
تيان گى
2020.06.17 13:39 كەلۋ قاينارى : حالىق تورابى
«شيپاگەر، مەن شىنىندا توزە المادىم، بالامنىڭ جوعارى مەكتەپكە ەمتيحان بەرۋى ەندى كەشىكسە، مەنىڭ جىندانىپ كەتەتىن ءتۇرىم بار». انحۇي ولكەسى حىفەي قالاسى 4 – حالىق ەمحاناسىنىڭ (انحۇي ولكەسى رۋحاني دەنساۋلىق ساقتاۋ ورتالىعى) دياگنوز قويۋ بولمەسىنە كەلىپ دياگنوز قويدىرعان ۋاڭ حانىمنىڭ كوزىنەن شارشاعانى شىعىپ تۇر، ول شيپاگەرگە ءوزىنىڭ مۇڭ – زارىن تۇگەل اقتاردى. ءار جىلى جوعارى مەكتەپ ەمتيحانىنىڭ الدىندا، جەر – جەردە ءىشىنارا اتا – انالار جوعارى مەكتەپ ەمتيحانىنا قاتىناساتىن بالالارىمەن بىرگە «جوعارى مەكتەپ ەمتيحانى سەبەبىنەن ۋايىمعا سالىنۋ» جاعدايى بايقالادى، كەيبىر اتا – انالاردىڭ جاعدايى ءتىپتى ەمتيحان بەرەتىن وقۋشىدان دا اۋىر بولادى (6 – ايدىڭ 16 – كۇنى «شين – ان كەشكى گازەتى»)
بيىلعى جوعارى مەكتەپ ەمتيحانىن وتكەن جىلدارداعىمەن سالىستىرعاندا زور وزگەشەلىك بار، بۇل بيىل جوعارى مەكتەپ ەمتيحانىنا قاتىناساتىن وقۋشىلارعا بەلگىلى دارەجەدە ىقپال ەتەتىنى شىندىق. ءبىر جاعىنان، بۇكىل ەلىمىزدىڭ كوپ ساندى جەرلەرىندە مەكتەپتەر وقۋدى كەشەۋىلدەتىپ باستادى، ءىشىنارا جەرلەردە قايتا – قايتا كەيىنگە شەگەرىلدى، بۇل تولىق ورتا ءۇشىنشى جىلدىق وقۋشىلارىنىڭ ۇيرەنۋى مەن ەمتيحانعا دايىندالۋىنا ءتيىمسىز ىقپال جاسادى؛ ەندى ءبىر جاعىنان، بيىلعى جوعارى مەكتەپ ەمتيحانىنىڭ ۋاقىتى 6 – ايدان 7 – ايعا وزگەرتىلدى، ورتا مەكتەپ ءۇشىنشى جىلدىق وقۋشىلارىنىڭ ەمتيحانعا دايىندالاتىن ۋاقىتى ءبىر ايعا ۇزارتىلعانىمەن، ءىشىنار اتا – انالار مەن وقۋشىلاردىڭ ۋايىمعا سالىنعان كوڭىل – كۇيى جالعاساتىن ۋاقىتىن دا ۇزارتتى.
وسىنداي ساتتە وقۋشىلار مەن اتا – انالاردىڭ بايىپتى، جايدارى، بەلسەندى كوڭىل – كۇيدە بولۋى تىپتەن قاجەت. جوعارىدا اتالعان ۋاڭ حانىم سياقتى، قىزىنىڭ جۋىردا جوعارى مەكتەپ ەمتيحانىنا قاتىناساتىنىنا بولا ۋايىمعا سالىنىپ، ءتىپتى كىشكەنتاي ىسكە بولا كۇيەۋىمەن، وتباسىنداعىلارمەن شارماياقتاسىپ جۇرسە، مۇنىڭ ەشقانداي قاجەتى جوق بولىپ قويماي، بالانىڭ ەمتيحانعا دايىندالۋىنا كەرى اسەرىن تيگىزەدى. كەيبىرەۋلەر مۇنداي جاعدايدى تۇسىنە الماي: «ەمتيحانعا قاتىناساتىن ءوزى ەمەس، بالاسى تۇرسا، اتا – انانىڭ الدىمەن ۋايىمداعانى قالاي؟» — دەپ ويلاۋى مۇمكىن. مۇنىڭ سەبەبى كۇردەلى ەمەس، جوعارى مەكتەپ ەمتيحانىنا بالاسى قاتىناسقانىمەن، بالانىڭ ەمتيحانعا دايىندالۋ جاعدايىنا، ءتىپتى ونىڭ ءاربىر ارەكەتىنە نازار سالىپ وتىراتىن، ارينە، وقۋشىنىڭ اتا – اناسى.
كوپتەگەن اتا – انالار جوعارى مەكتەپ ەمتيحانىنىڭ ماڭىزدىلىعىن بىلەدى، جوعارى مەكتەپ ەمتيحانىنا دايىندالۋدا ءارقانداي ماسەلەگە ۇشىراۋدان الاڭدايدى. ال، بيىل جاڭا تيپتى ايدارشا ۆيروس وكپە قابىنۋ ىندەتىنىڭ ىقپالىنا ۇشىراعاندىقتان، وقۋشىلار ۇزاق ۋاقىت بويى ۇيدە ەمتيحانعا دايىندالدى، كۇن سايىن اتا – انانىڭ كوز الدىندا جۇرگەندىكتەن، اتا – انالاردىڭ ۋايىمعا سالىنعان كوڭىل – كۇيىنىڭ اۋىرلاساتىنى تابيعي. دەمەك، اتا – انالاردىڭ ارەكەتى كەرىسىنشە بالاعا دا ىقپال ەتىپ، ول بالانىڭ قوبالجىعان كوڭىل – كۇيىنە «قات - قابات اسەرىن» تيگىزىپ، جوعارى مەكتەپ ەمتيحانىنا دايىندالۋىنا ىقپال ەتەتىن جايسىز فاكتور بولىپ قالۋى مۇمكىن.
اتا – انالار «جوعارى مەكتەپ ەمتيحانى سەبەبىنەن ۋايىمداۋدى» باسەڭدەتۋ ءۇشىن، بالامەن ۇشىراساتىن ورايلاردى سانالى تۇردە ازايتۋى، بالانىڭ ەمتيحانعا دايىندالۋ جاعدايىنا ازىراق كوڭىل ءبولۋى كەرەك، ءىس جۇزىندە، اتا – انالار ارتقى شەپتە قامتاماسىزداندىرۋ قىزمەتىن ىستەۋدەن سىرت، بالانىڭ جوعارى مەكتەپ ەمتيحانىنا دايىندالۋىنا كوپ كومەك كورسەتە المايدى. ءوز كوڭىل – كۇيىندە ابىرجۋ ، ۋايىمداۋ جاعدايى بايقالعانىن تانىپ جەتكەن سوڭ، نازارىن باسقا ىستەرگە بۇرۋدى ۇيرەنۋى كەرەك، ءوزىنىڭ تۇرمىسىن اناعۇرلىم بايىتۋ ارقىلى ۋايىمعا سالىنعان كوڭىل – كۇيدى باسەڭدەتۋى قاجەت. ەگەر جاعدايى ءبىرشاما اۋىر بولسا، «جوعارى مەكتەپ ەمتيحانى سەبەبىنەن قوبالجۋ» دەڭگەيى ءبىرشاما جوعارى بولسا، ۋاڭ حانىم سياقتى شيپاگەرلەردەن، پسيحولوگيا ماماندارىنان كەڭەس سۇراۋى، باسقالاردىڭ كومەگى ارقىلى پسيحولوگيالىق جاقتاعى مۇشكىل كۇيدەن قۇتىلۋعا تالپىنۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
