بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>وقۋ-اعارتۋ

شينجياڭدا جاي جوعارى مەكتەپ ەمتيحانىنىڭ ەمتيحان قاعازىن تەكسەرۋ قىزمەتى ورنىقتى دا ءتارتىپتى ورىستەتىلۋدە

جوعارى مەكتەپ ەمتيحانىنىڭ ناتيجەسى 7 – ايدىڭ 24 – كۇنى اينالاسىندا جاريالانادى

2020.07.17 13:56     كەلۋ قاينارى : حالىق تورابى

  شينجياڭ گازەتى، 7 – ايدىڭ 16 – كۇنى، ءۇرىمجى. شينجياڭ گازەتى جالپىلىق اقپارات قۇرالىنىڭ ءتىلشىسى جاۋ شييانىڭ شينجياڭ ۇيعۇر اۆتونوميالى رايوندىق وقۋ – اعارتۋ مەڭگەرمەسى ەمتيحان مەكەمەسىنەن ۇعىسۋىنشا، قازىر شينجياڭدا 2020 – جىلعى جاي جوعارى مەكتەپ ەمتيحانىنىڭ ەمتيحان قاعازىن تەكسەرۋ قىزمەتى ورنىقتى دا ءتارتىپتى ورىستەتىلۋدە ەكەن. ەمتيحان قاعازىن تەكسەرۋ قىزمەتىنىڭ ۋاقىتى مەن ءىس جۇزىندىك ءۇردىسى جونىندەگى ورنالاستىرۋعا نەگىزدەلگەندە، وقۋشىلاردىڭ جوعارى مەكتەپ ەمتيحانىنداعى ناتيجەسى مەن ورىن رەتى مەجەمەن 7 – ايدىڭ 24 – كۇنى اينالاسىندا جاريالانادى.

  قازىر، شينجياڭ ۇيعۇر اۆتونوميالى رايونى ءتۇرلى شارالاردى قولدانىپ، جوعارى مەكتەپ ەمتيحانى قاعازىن تەكسەرۋ بارىسىن باسقارۋ مەن ساپاسىن باقىلاۋ – باسقارۋدى كۇشەيتىپ، ەمتيحان قاعازىن تەكسەرۋ قىزمەتىنىڭ عىلىمي، دۇرىس، حاۋىپسىز، جۇيەلى ورىستەتىلۋىنە كەپىلدىك ەتەدى.

  ەمتيحان قاعازىن تەكسەرۋ تۇيىنىندە ەمتيحان قاعازىن عىلىمي جولمەن تەكسەرۋ، تەحنيكالىق جاقتان قولداۋ كورسەتۋ، ىندەتتەن ساقتانۋ جانە ونى تىزگىندەۋ، ءتارتىپ جاعىنان باقىلاۋ، ارتقى شەپتە قامسىزداندىرۋ قاتارلى 25 قىزمەت گرۋپپاسى قۇرىلىپ، كاسىپتىك جاقتان كۋرستان وتكىزۋ، شۇعىل جاعدايعا توتەپ بەرۋگە جاتتىعۋ جانە بولىمدەر ارا بىرلەسە ارەكەتتەنۋ جۇمىستارىن ويداعىداي ىستەپ، قىزمەتتەردى سايكەستىرۋ جونىندە كوپ رەت ءماجىلىس اشىپ، ساتى سايىن جاۋاپكەرشىلىك حاتىنا قول قويدىرىپ، ەمتيحان قاعازىن تەكسەرۋ مىندەتىن دەر كەزىندە، ساپالى ورىنداۋعا كەپىلدىك ەتۋگە كۇش سالدى.

  بيىل شينجياڭدا ەمتيحان قاعازىن تەكسەرۋگە تولىمدىلىعى بار وقىتۋشىلار مەن قىزمەتكەرلەردەن جيىنى 1500دەن استام ادام سارالانادى، ولاردىڭ ءبارى ءارقايسى ايماق، وبلىستاردان، ءارقايسى جوعارى مەكتەپتەردەن سارالانعان، ءوز كاسىبى بويىنشا وقىتۋمەن شۇعىلدانعان، كاسىپتىك ورەسى ءبىرشاما جوعارى ءبىرىنشى شەپتەگى تىرەكتى وقىتۋشىلار.

  ەمتيحان قاعازىن تەكسەرۋدەن بۇرىن، ساتىعا ءبولىپ، كاسىپتىك جاقتان جۇيەلى كۋرسقا قاتىناستىرىپ، ونان سوڭ، ءارقايسى ءپان تۇرلەرى بويىنشا گرۋپپاعا ءبولىپ، ەمتيحان قاعازىنان جەكە - جەكە ۇلگى الىپ تەكسەرۋ جۇرگىزىپ، كۋرستان وتكىزۋارقىلى سۋبيەكتيۆ سۇراۋلارعا ۇيلەسىمدى ءنومىر بەرۋ ولشەمىن ويداعىداي مەڭگەرەدى؛ ءارقايسى ءپان گرۋپپالارى ەمتيحان قاعازىن تەكسەرەتىن مۇعالىمدەرگە قىزمەت ءتارتىبى، قۇپيالىق ساقتاۋ بەلگىلەمەسى، جۇيەنى قولدانۋ جانە ءنومىر بەرۋ ەرەجەسى قاتارلى مازمۇندارعا قاتىستى جۇيەلى كۋرس وتكىزەدى ءارى باعالاۋ جۇرگىزەدى، باعالاۋ ناتيجەسى تولىمسىز بولعاندارعا مىندەت ورنالاستىرعا بولمايدى. وسىدان سوڭ، جۇيە ارقىلى ىقتيمالدىق بويىنشا سىناق سۇراۋلاردى جولداپ، ەمتيحان قاعازىنا ءنومىر قوياتىن مۇعالىمدەر سىناق رەتىندە ءنومىر قويادى، ەمتيحان قاعازىنا سىناق رەتىندە ءنومىر قوياتىن وقىتۋشىلار ءنومىر قويۋ پرينسيپى مەن تالابىن شىنايى يگەرىپ، رەسمي ءنومىر قويۋ قىزمەتىن ءساتتى ورىستەتۋگە تاماشا نەگىز قالايدى.

  ەمتيحان قاعازىن تەكسەرۋ ورنىندا بۇكىلدەي جابىق باسقارۋ اتقارىلىپ، قىزمەتكەرلەر تىكەلەي باسقارۋ مەن بەينەباقىلاعىشپەن باقىلاۋ ءتۇزىمى قاتار قاتاڭ اتقارىلادى. ءارقايسى ءپان گرۋپپالارى عىلىمي، ۇيلەسىمدى ءنومىر قويۋ ەرەجەلەرىن بەلگىلەپ، «ءنومىر بەرۋدە نەگىز بولۋ، ءنومىر تارتۋدا سەبەپ بولۋ، قاتاڭدىق دارەجەسى ۇيلەسىمدى بولۋ، ءبىرتۇتاس ولشەم بولۋ» سىندى پرينسيپ بويىنشا ءنومىر قويادى.

  ەمتيحان قاعازىن تەكسەرۋ بارىسىندا، پاندەر گرۋپپاسىنىڭ باستىعى مەن ونىڭ ورىنباسارى «بىردەي شىعۋ دارەجەسى»، «ونىمدىلىك دارەجەسى» قاتارلى كورسەتكىشتەر بويىنشا، ەمتيحان قاعازىن تەكسەرگەن ءاربىر وقىتۋشىنىڭ ەمتيحان قاعازىن تەكسەرۋ ساپاسىنا باقىلاۋ جۇرگىزىپ، سوڭىنا دەيىن ءبىر ولشەم قولدانۋعا كەپىلدىك ەتەدى. ەگەر ءنومىر قوياتىن وقىتۋشىلار ءنومىر قويۋ ولشەمىن ۇيلەسىمدى مەڭگەرە الماسا، دەرەۋ اۋىستىرىلادى. اۆتونوميالى رايوندىق وقۋ – اعارتۋ مەڭگەرمەسى ەمتيحان ىستەرى مەكەمەسى ەمتيحان قاعازىن تەكسەرۋدىڭ ساپاسىن باقىلايتىن قىزمەتكەر ورنالاستىرىپ، ءارقايسى ءپان گرۋپپالارىنىڭ ەمتيحان قاعازىنا ءنومىر قويۋ ساپاسىن كەزدەيسوق تەكسەرەدى نەمەسە ۇلگى الىپ تەكسەرەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار