شينجياڭنىڭ 2020 - جىلعى جوعارى مەكتەپ ەمتيحان ءنومىر شەگى جاريالاندى
2020.07.28 14:03 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى جاۋ شييا 7 - ايدىڭ 26 - كۇنى ۇرىمجىدەن حابارلايدى. 7 - ايدىڭ 26 - كۇنى اۆتونوميالى رايوندىق وقۋشى قابىلداۋ كوميتەتى جالپى ءماجىلىس اشىپ، رايون ءىشى - سىرتىنداعى ادەتتەگى جوعارى مەكتەپتەردىڭ شينجياڭداعى وقۋشى قابىلداۋ جوسپار سانى، ەمتيحان بەرگەن وقۋشىلاردىڭ ناتيجەسى، قابىلداۋ ارحيۆىن بەرۋ ءتاسىلى سياقتى فاكتورلارعا نەگىزدەلە وتىرىپ، رايونىمىزدىڭ 2020 - جىلعى ادەتتەگى جوعارى مەكتەپتەردىڭ وقۋشى قابىلداۋ بويىنشا ءار كەزەكتەگى ەڭ تومەنگى ارحيۆ بەرۋ مەڭگەرىلمەلى ءنومىر شەگىن قاراپ بەلگىلەدى.
ۇعىسۋعا قاراعاندا، بيىل رايونىمىزدا ادەتتەگى جوعارى مەكتەپتەرگە ينتەرنەتتە وقۋشى قابىلداۋ 8 - ايدىڭ 10 - كۇنىنەن باستالىپ، مەجەمەن 9 - ايدىڭ 27 - كۇنى اياقتايدى ەكەن. ءار كەزەكتە جوسپار ورىندالماسا جالعاستى تۇردە ”شينجياڭ وقۋشى قابىلداۋ سايتى“ ارقىلى تالاپ جينالادى، ينتەرنەتتە جالپى 5 رەت تالاپ جيۋ ورنالاستىرىلادى. اۆتونوميالى رايوندىق وقۋ - اعارتۋ، ەمتيحان مەكەمەسى تاياۋ ارادا وقۋشى قابىلداۋدىڭ ەگجەي - تەگجەيلى ورنالاستىرۋ ۋاقىتىن، سونداي - اق ءار كەزەكتەگى ورىندالماعان جوسپارعا تالاپ جيۋ ۋاقىتىن جاريالايدى، تالاپ جيۋ، تولتىرۋ ۋاقىتىن وتكىزىپ الماۋ ءۇشىن، ەمتيحان تاپسىرعان وقۋشىلار مەن اتا - انالار ”شينجياڭ وقۋشى قابىلداۋ سايتىندا“، ”شينجياڭ وقۋشى قابىلداۋ“ ۋيچات الەۋمەتتىك نومىرىندە جاريالانعان قاتىستى ينفورماتسيالارعا قاداعالاي نازار اۋدارىپ وتىرۋ كەرەك.
اۆتونوميالى رايوندىق وقۋ - اعارتۋ، ەمتيحان مەكەمەسى ەمتيحان تاپسىرعان قالىڭ وقۋشىلار مەن اتا - انالارعا مىنالاردى ەسكەرتەدى: رايونىمىزدىڭ بيىلعى ادەتتەگى جوعارى مەكتەپتەرگە تولىق كۋرس بويىنشا الدىن الا قابىلداۋ كەزەگىنىڭ ينتەرنەتتە تالاپ تولتىرۋ ۋاقىتى 8 - ايدىڭ 3 - كۇنى ساعات 18گە دەيىن جالعاسادى، قالعان كەزەكتەردەگى تالاپ تولتىرۋ ۋاقىتى 8 - ايدىڭ 5 - كۇنى ساعات 18گە دەيىن جالعاسادى. ەمتيحان تاپسىرعان وقۋشىلار مەن اتا - انالاردىڭ تالاپ تولتىرۋ ۋاقىتىن ءبىر تۇتاس ويداعىداي جوسپارلاپ، جوعارى مەكتەپ ەمتيحان ناتيجەسى، ورىن رەتى، قاتىستى جوعارى مەكتەپتەردىڭ جۋىق جىلداردان بەرگى ارحيۆ بەرۋ ءنومىر شەگى، پاراللەل تالاپ بويىنشا ارحيۆ بەرۋ ەرەجەسى سياقتى كوپ جاقتاعى فاكتورلاردى جان - جاقتى ويلاستىرىپ، تالاپتى وبيەكتيۆ تۇردە، اقىلعا سالىپ تولتىرۋىن سۇرايمىز. تالاپ تولتىرۋ ۋاقىتى اياقتالۋعا تاياعاندا تالاپتى وزگەرتۋدەن، ينتەرنەتتىڭ توسىلىپ قالۋى نەمەسە ابىرجۋ، ساسقالاقتاۋ سەبەبىنەن تالاپ تولتىرۋ ساندى مالىمەتىنىڭ دالمە - ءدال بولۋىنا ىقپال جەتۋىنەن ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
