بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>وقۋ-اعارتۋ

ناقتى ءىس ىستەۋ — ارماننىڭ باستالار جەرى

جاڭ نان

2020.07.30 15:11     كەلۋ قاينارى : حالىق تورابى

  [كەيىپكەر] قارا تاۋدىڭ قاپتالىنداعى «مۇعالىم انا» جاڭ گۇيمەي

  [وقيعا] جۋىردا، 2020 – جىلعى جوعارى مەكتەپ ەمتيحانىنىڭ ناتيجەسى شىعا باستادى، يۇننان ولكەس ليجياڭ قالاسى حۋاپيڭ قىزدار ورتا مەكتەبىنەن ەمتيحان بەرگەن 159 وقۋشىدان 150 وقۋشى تولىق كۋرسقا وتكەن، مۇندا 70 وقۋشى ءبىرىنشى توپتاعى تولىق كۋرستارعا قابىلداۋ ءنومىر شەگىنەن اسقان. بۇل ورتا مەكتەپتىڭ باستىعى — 63 جاستاعى جاڭ گۇيمەي. 17 جاسىندا ول اپەكەسىمەن بىرگە يۇننانعا شەكاراعا كومەك بەرۋگە بارعان، كەيىن ليجياڭ پەداگوگيكا مەكتەبىنە وقۋعا ءتۇسىپ، وقۋ تاۋىسقان سوڭ مۇعالىم بولعان. ول ساباق بەرەتىن مەكتەپتەگى وقۋشىلاردىڭ كوبى شالعاي – شەتكەرى تاۋ قويناۋىنداعى قىستاقتاردان كەلگەن، ول كوپتەگەن قىز وقۋشىلاردىڭ وتباسىنداعى قيىنشىلىق سەبەبىنەن وقۋدان قول ۇزەتىنىن بايقايدى. سونىمەن، وعان قىزدارعا ارنالعان تەگىن وقىتاتىن ورتا مەكتەپ اشۋ سىندى وي تۇسەدى. جاپالى قۇلشىنىستار ارقىلى حۋاپيڭ جوعارى دارەجەلى ورتا مەكتەبى 2008 – جىلى رەسمي قۇرىلادى، قازىرگە دەيىن 1600 دەن استام قىز وقۋشى وسى مەكەپتەن داشۋەگە قابىلداندى.

  [باعا]

  جاڭ گۇيمەي مۇعالىم ءىس جۇزىندىك ارەكەتى ارقىلى «تەك كەۋدەمدە شىبىن جانىم بولادى ەكەن، ساباق ءوتۋ مىنبەسىنەن تۇسپەيمىن» دەگەن سەرتىن ورىندادى، تاباندىلىق كورسەتۋ جانە ءوزىن ارناۋ بارىسىندا وقۋ – اعارتۋ ارقىلى كەدەيلەردى سۇيەمەلدەۋ ىستەرىنە باسىن ءباي تىگىپ ەڭبەك ءسىڭىردى.

  جاستىق كوكتەمىڭنىڭ گۇلى قايدا اشىلسا، سول جەردە تەبىرەنتەرلىك حيكايالارىڭ قالادى. ساعات ءتىلىن 1997 – جىلعا قايتارساق، اۋىر دارەجەدەگى جاتىر وسپەسى اۋرۋىنا شالدىققان جاڭ گۇيمەي وقۋ تاۋىساتىن كلاستىڭ ساباعىن اقساتىپ الماۋ ءۇشىن، اۋىرۋدىڭ جانىنا باتقانىنا قاراماستان، 4 كلاستىڭ اراسىندا ارلى – بەرلى قاربالاستىققا ءتۇسىپ، وقۋشىلاردى ەمتيحان مايدانىنا كىرگىزىپ جىبەرگەن سوڭ عانا، ەمحاناعا جاتىپ، وپەراتسيا جاساتتى. كەيىن جەرگىلىكتى ورىن جىلۋ جيناۋ قيمىلىن ۇيىمداستىرعاندا، اۋىلداستاردىڭ شىىن ىقىلاسىنان تەبىرەنگەن ونىڭ جانارىنان جاس تامشىلارى مونشاقتاپ: «حۋاپيڭ ماعان ەكىنشى رەت عۇمىر سيلادى».، — دەدى. تاۋ قويناۋىنداعى بالالاردىڭ وتباسىنداعى قيىنشىلىق سەبەبىنەن تاعدىرىن وزگەرتەتىن ورايدان ايرىلىپ قالعانىن كورگەندە، ول «حۋاپيڭ ءۇشىن بىرەر ءىس ىستەپ بەرۋ» سىندى تالعامىن ونان ارى بەكەمدەي ءتۇستى.

  وقۋ – اعارتۋ ارقىلى كەدەيلەردى سۇيەمەلدەپ، كەدەيلىكتىڭ ۇرپاقتان – ۇرپاققا جالعاسۋىنىڭ جولىن كەسۋ — جاڭ گۇيمەيدىڭ ارمانى بولاتىن. ونىڭ كوزقاراسى بويىنشا ايتقاندا، قىز بالانىڭ وقۋ – اعارتۋدان يگىلىكتەنۋى ءۇش ۇرپاق ادامعا ىقپال ەتەدى. ەگەر ءبىلىمدى، جاۋاپكەرشىلىكتى انا تاربيەلەي الساق، قارا تاۋدىڭ قويناۋىنداعى بالالار وقۋدان قول ۇزبەس ەدى. ون نەشە جىلدان بەرى، ول وسىلاي ويلاپ قانا قالماستان، ءىس جۇزىندە دە وسىلاي ىستەدى. ناقتى ءىس تىندىرۋ — ارماننىڭ باستالار جەرى. مەيلى، تاۋلى وڭىردەگى وقۋ – اعارتۋ شارت – جاعدايى قانشالىق جاپالى بولسا دا، ول ارىپ – شارشادىم دەمەستەن، قىزمەتىن بەرىلە ىستەپ، بالالارعا ۇيرەنۋ ارقىلى تاۋ قويناۋىنان تۇلەپ ۇشاتىن، بولاشاققا قانات قاعاتىن ەسەيۋ ورتاسىن جاراتىپ بەردى. جاڭ گۇيمەيدىڭ دەنە قۋاتى ءالسىز بولعانىمەن، بەينە، جارقىراپ جانعان شام سياقتى، بالالاردىڭ بىلىمگە تالپىنۋ ارمانىن، بيىككە سامعاۋ ارمانىن نۇرلاندىردى.

  كەدەيلىكتەن ارىلتامىن دەسەڭ، الدىمەن ناداندىقتان ارىلت، كەدەيلەردى سۇيەمەلدەيمىن دەسەڭ، الدىمەن زەيىن – زەردەسىن اش. كەدەيلىكتەن ارىلتۋدان قامال الۋ شايقاسى شەشۋشى شايقاس، شەشۋشى جەڭىس كەزەڭىنە ءوتتى، ەندىگى جەردە باستى تۇيىندەردى مىقتى ۇستاپ، ولقىلىقتاردى تولىقتاپ، ءالسىز تۇيىندەردى نىعايتۋ قاجەت، كەدەي وڭىرلەردە وقۋ – اعارتۋ ساپاسىن جوعارىلاتۋ، وقىتۋ شارت – جاعدايىن جاقسارتۋ، وقىتۋشىلاردىڭ كىرىسىن ارتتىرۋ قاجەت. بۇل الداعى وقۋ – اعارتۋ ارقىلى كەدەيلەردى سۇيەمەلدەۋ قىزمەتىنىڭ باستى باعدارى. تەك جاڭ گۇيمەي سياقتى اناعۇرلىم كوپ وقىتۋشىلاردى نەگىزگى ساتىلارعا اپارا العاندا، نەگىزگى ساتىلاردا قالدىرا العاندا، ولار وقىتۋ قىزمەتىن جاقسى ىستەي العاندا عانا، اناعۇرلىم كوپ كەدەي وڭىرلەردەگى بالالاردىڭ جاقسى وقۋىنا كەپىلدىك ەتۋگە بولادى. تەك سان الۋان شارالاردى قولدانا وتىرىپ، كەدەيلەردى وقۋ – اعارتۋ ارقىلى سۇيەمەلدەۋدى اناعۇرلىم دالمە – ءدال ورىستەتكەندە، وقۋ – اعارتۋدىڭ كەدەيلەردى سۇيەمەلدەۋ، كەدەيلىككە قايتا كىرىپتار بولۋدىڭ الدىن الۋ جاقتارىنداعى رولىن اناعۇرلىم ويداعىداي ساۋلەلەندىرۋگە بولادى.

  قازىرگى تاڭدا، حۋاپيڭ قىزدار ورتا مەكتەبىنەن وقۋ تاۋىسقان وقۋشىلاردىڭ كەيبىرەۋى ۇستازدىقپەن شۇعىلداندى، كەيبىرەۋى ساقشى بولدى، كەيبىرەۋى شالعاي، شەكتەرى، جاپالى وڭىرلەرگە بارىپ قىزمەت ىستەۋدى ءوز ەرىكتەرىمەن تاڭدادى. ولار قازىر ءوز قىزمەت ورىندارىندا قوعامعا ۇلەس قوسۋدا. جاڭ ۇستازدىڭ ىقپال كۇشى رولىن ساۋلەلەندىرىپ، قاتپارلى تاۋ قويناۋىندا ءۇمىتتىڭ ۇرىعىن سەبۋدە، بالالاردىڭ اناعۇرلىم تاماشا بولاشاققا ۇمتىلۋىنا وراي جاراتۋدا.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار