شينجياڭدا ورتا، باستاۋىش مەكتەپتەردە كۇزگى وقۋ ماۋسىمىندا وقۋ كەشەۋىلدەتىلىپ باستالادى
ينتەرنەت ارقىلى ساباق بەرۋ جۋىردا باستالادى
2020.08.28 12:04 كەلۋ قاينارى : حالىق تورابى
شينجياڭ گازەتى ءتىلشىسىنىڭ 8 – ايدىڭ 26 – كۇنى ۇرىمجىدەن بەرگەن حابارى. شينجياڭ گازەتى جالپىلىق اقپارات قۇرالدارى ءتىلشىسى جاۋ شييا حابارلايدى: شينجياڭ ۇيعۇر اۆتونوميالى رايوندىق وقۋ – اعارتۋ مەڭگەرمەسىنىڭ 8 – ايدىڭ 26 – كۇنى شىعارعان ۇقتىرۋىنا قاراعاندا، اۆتونوميالى رايوننىڭ ىندەتتەن ساقتانۋ جانە ونى تىزگىندەۋ قىزمەتىنە قاجەتىنە ساي، اۆتونوميالى رايوندىق ىندەتتەن ساقتانۋ جانە ونى تىزگىندەۋ قولباسشىلىق شتابىنىڭ مەكتەپتەرگە قاتىستى قىزمەت گرۋپپاسىنىڭ زەرتتەۋ ارقىلى ماقۇلداۋى بويىنشا، بۇكىل اۆتونوميالى رايونداعى ورتا، باستاۋىش مەكتەپتەر، بالالار باقشالارى كۇزگى وقۋ ماۋسىمىندا وقۋدى كەشەۋىلدەتىپ باستايدى ءارى 9 – ايدىڭ 1 – كۇنىنەن باستاپ، «ەفيردەگى ساباقحانا» ارقىلى ينتەرنەتتە وقىتۋدى ورىستەتەدى.
«ۇقتىرۋدا» مىنالار تالاپ ەتىلگەن: وقۋدى كەشەۋىلدەتىپ باستاۋ مەزگىلىندە، ورتا، باستاۋىش مەكتەپتەر مەن بالالار باقشالارى جالعاستى جابىق كۇيدە باسقارىلادى، ءارقانداي مەكتەپتىڭ، بالالار باقشالارىنىڭ ءوز بەتىمەن مەرزىمىنەن بۇرىن وقۋ باستاۋىنا، وقۋشىلاردى مەكتەپكە بارۋعا ۇيىمداستىرۋىنا، ينتەرنەتتەن تىس ساباق تولىقتاۋىنا قاتاڭ تيىم سالىنادى، قاتىستى جوق ادامداردىڭ مەكتەپ اۋلاسىنا كىرۋىنە مۇلدە بولمايدى. جەر – جەردەگى مەكتەپتەر مەملەكەتتىك دەنساۋلىق ساقتاۋ – سالاماتتىق كوميتەتىنىڭ، وقۋ – اعارتۋ مينيسترلىگىنىڭ ىندەتتەن ساقتانۋ جانە ونى تىزگىندەۋ تالابىنا ساي، دەنساۋلىق ساقتاۋ جانە سالاماتتىق تاراۋلارىنىڭ جەتەكشىلىگىندە، مەكتەپتىڭ تازالىق ورتاسىنا ساراپتاۋ جۇرگىزۋى، مەكتەپ ورتاسىنىڭ تازالىعىن تۇبەگەيلى جونگە سالۋى، وقىتۋشىلار مەن وقۋشىلاردىڭ ارەكەت جاسايتىن ورىندارىن جالپى بەتتىك تازالاۋى جانە زارارسىزداندىرۋى، مەكتەپ اۋلاسى ورتاسىنىڭ حاۋىپسىزدىگىنە كەپىلدىك ەتۋى كەرەك. «ءتورتتى ەرتە ورىنداۋ» تالابىن قاتاڭ تياناقتاندىرىپ، وقىتۋشىلار مەن وقۋشىلاردىڭ ينفورماتسيالارىن ءبىر – بىردەن تەكسەرۋدى كۇشەيتۋى، دەنساۋلىق جاعدايى جونىندەگى ەستەلىك داپتەردى جاساۋى كەرەك. وقۋ باستاۋعا ەلىكتەمەلى تۇردە جاتتىعۋ جاساپ، وقۋ باستاۋ الدىنداعى ءتۇرلى قىزمەتتەردى ويداعىداي ىستەۋى كەرەك، ءارقايسى وقۋ كەزەڭىندەگى العاشقى سىنىپتارعا جاڭادان قابىلدانعان وقۋشىلاردى تىزىمگە الۋ قىزمەتىن ورنىقتى ۇيىمداستىرۋ كەرەك.
«ۇقتىرۋدا» مىنالار ايقىن بەلگىلەنگەن: 9 – ايدىڭ 1 – كۇنىنەن باستاپ، اۆتونوميالى رايوندىق وقۋ – اعارتۋ مەڭگەرمەسى اۆتونوميالى رايوندىق ەلەكترلەندىرىلگەن وقىتۋ سارايى، وقىتۋ ىستەرىن زەرتتەۋ اكادەمياسى جانە شينجياڭ تەلەۆيزياسى، راديو – تەلەۆيزيا، جىلجىمالى حابارلاسۋ سەرىكتەستىگى، بىرلەسپە حابارلاسۋ سەرىكتەستىگى، تەلەگراف حابارلاسۋ سەرىكتەستىگى قاتارلى ورىندار تەلەۆيزور، ينتەرنەت قاتارلى جولدارمەن، اۆتونوميالى رايونداعى ورتا، باستاۋىش مەكتەپتەردەگى «ەفيردەگى ساباقحانا» ارقىلى ينتەرنەتتە ساباق ءوتۋ بايلىق قاينارلارىن ءبىرتۇتاس جوسپارلاپ ازىرلەيدى. ءار دارەجەلى وقۋ – اعارتۋ تاراۋلارى، ورتا، باستاۋىش مەكتەپتەر قاراستى جەردىڭ باسقارۋىنا بويسۇنۋ پرينسيپى بويىنشا، جەرگىلىكتى ورىندارداعى ىندەتتەن ساقتانۋ – تىزگىندەۋگە قولباسشىلىق ەتۋ شتاپتارىنىڭ ءبىرتۇتاس باسشىلىعىندا، كوكتەمگى وقۋ مەزگىلىندەگى ينتەرنەتتە ساباق ءوتۋ بارىسىندا جيناقتاعان تاجىريبەلەردى قورىتىندىلاپ، كۇزگى وقۋ مەزگىلىندەگى قىزمەتتىڭ ءىس جۇزىندىك جاعدايىمەن ۇشتاستىرىپ، ينتەرنەتتە ساباق ءوتۋ قىزمەتىنىڭ جوباسىن بەكىتۋى، تۇرلىشە كەزەڭدەگى ساباق ءوتۋ ۋاقىتتارى بويىنشا ينتەرنەتتە ساباق ءوتۋ قىزمەتىن تارتىپپەن ۇيىمداستىرۋى كەرەك. ينتەرنەتتە ساباق ءوتۋ مەن رەسمي ساباق باستاعاننان كەيىن ساباق ءوتۋدى ۇشتاستىرۋ قىزمەتىن ءبىرتۇتاس جوسپارلاپ، اۋدان دارەجەلى وقۋ – اعارتۋ تاراۋلارى مەكتەپتەردىڭ وقۋ جاعدايىنا تالداۋ جاساۋىنا قۋزاۋ سالۋى، پرينسيپتىك جاقتان، رەسمي وقۋ باستاعاننان كەيىن «باسىنان باستاپ» وقىتۋعا تاباندى بولۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
