قىزىل كرەست باس قوعامى مەن وقۋ - اعارتۋ مينيسترلىگى بىرلەسىپ ۇقتىرۋ باسىپ تاراتتى
شۇعىل قۇتقارۋ ءبىلىمى وقۋ - اعارتۋ مازمۇنىنا ەنگىزىلەدى
2020.09.04 16:36 كەلۋ قاينارى : حالىق تورابى
«حالىق گازەتى»، 9 - ايدىڭ 3 - كۇنى، بەيجيڭ (ءتىلشى شىن شاۋتيە). تاياۋدا جۇڭگو قىزىل كرەست قوعامى مەن وقۋ – اعارتۋ مينيسترلىگى «جاڭا داۋىردەگى مەكتەپتەردىڭ قىزىل كرەست قىزمەتىن اناعۇرلىم كۇشەيتۋ جانە جاقسارتۋ جونىندەگى ۇقتىرۋدى» باسىپ تاراتىپ، سالاماتتىق تاربيەسىن كۇشەيتۋ، ەرىكتى قىزمەت وتەۋدى ورىستەتۋ، ادامگەرشىلىك ۇستانىمىن تاراتۋ، اۋىس - كۇيىستى، سەلبەستىكتى كۇشەيتۋ، شەپ قۇرىلىسىن كۇشەيتۋ، ۇيىمدىق باسشىلىقتى كۇشەيتۋ سياقتى جاقتاردا جاڭا داۋىردەگى مەكتەپتەردىڭ قىزىل كرەست قىزمەتىن كۇشەيتۋ جانە جاقسارتۋ جونىندە ايقىن تالاپ قويدى.
ۇقتىرۋدا مىنالار اتاپ كورسەتىلدى: مەكتەپتەردىڭ قىزىل كرەست قىزمەتىندە دەنساۋلىق تاربيەسىن ساپا تاربيەسىنىڭ ماڭىزدى مازمۇنى ەتىپ، جاستار مەن ورەندەردىڭ فيزيولوگيالىق، پسيحولوگيالىق ەرەكشەلىگىنە باعىتتاي وتىرىپ، قىزىل كرەست شۇعىل قۇتقارۋ كۋرستارىن بەلسەندىلىكپەن ورىستەتىپ، وقۋشىلارعا باعىتتالعان دەنساۋلىق بىلىمدەرىن، شۇعىل قۇتقارۋ بىلىمدەرىن، اسىرەسە، جۇرەك پەن وكپەنى قالپىنا كەلتىرۋ بىلىمدەرىن وقۋ - اعارتۋ مازمۇنىنا ەنگىزۋ كەرەك. ءتۇرلى فورمالاردى قولدانىپ، اقاۋسىز ارەكەت پەن تۇرمىس ءتاسىلى، اۋرۋدان ساقتانۋ جانە ونى ەمدەۋ، پسيحيكالىق اقاۋسىزدىق، ءوسىپ - جەتىلۋ جانە دەنساۋلىق قورعاۋ، حاۋىپسىزدىك، شۇعىل جاعدايعا توتەپ بەرۋ، ت. ب. بىلىمدەردى تاراتىپ، وقۋشىلاردىڭ دەنساۋلىق ساپاسىن جوعارىلاتۋ كەرەك. ەرىكتى قىزمەت وتەۋ يدەياسىن جالپىلاستىرىپ، اناعۇرلىم كوپ جاستار مەن ورەندەردى جاقىن ماڭنان ەرىكتى قىزمەت وتەۋگە باۋراپ، قىزىل كرەست ەرىكتى قىزمەت وتەۋ قوسىنىن ەرىكتى قىزمەت وتەۋ نىساندارىن جوسپارلاۋعا جانە اتقارۋعا جەتەكتەۋ جانە ونى قولداۋ كەرەك. جۇڭحۋا ۇلتىنىڭ قايىرىمدىلىق ءداستۇرىن حالىقارالىق قىزىل كرەست قوزعالىسى پرينسيبىمەن ۇشتاستىرىپ، سوتسياليستىك وزەكتى قۇن كوزقاراسىن جەتىلدىرۋدى قىزىل كرەست رۋحىن تاراتۋمەن ۇشتاستىرىپ، قىزىل كرەست رۋحىن ساۋلەلەندىرىپ، ادامگەرشىلىك يدەياسىن تاراتۋ كەرەك. جاستار مەن ورەندەردى حالىقاراداعى جانە ەل ىشىندەگى قىزىل كرەست جاستار مەن ورەندەر اۋىس - كۇيىس قيمىلدارىنا قاتىناسۋعا بەلسەنە ۇيىمداستىرىپ، جاستار مەن ورەندەردىڭ دوستىعى مەن سەلبەستىگىن كۇشەيتۋ كەرەك. مەكتەپ ەمحانالارىن سالۋعا ۇسىنىلىمدى ارتتىرىپ، قىزىل كرەست قۇتقارۋ پۋنكتى، قىزىل كرەست مادەنيەتىن تاراتۋ بازاسى، وقۋ - اعارتۋ بازاسى، تىرشىلىك اقاۋسىزدىعىن سەزىنۋ ساباقحاناسى سياقتى شەپتەردى ويداعىداي قۇرىپ جانە ودان ويداعىداي پايدالانىپ، ۇكىمەت، مەكتەپ، قوعام قىزىل كرەست جاستار مەن ورەندەر شەبىن بىرگە قۇرۋ جانە ودان بىرگە يگىلىكتەنۋ مەحانيزمىن ورناتۋ جاعىندا ىزدەنىس جاساۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
