ەڭ سوڭعى 2 وقۋشىنى قالاعا وقۋعا اتتاندىردى
شەكاراداعى باستاۋىش مەكتەپتى ”بولاشاققا“ قالدىردى
2020.12.01 15:45 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى ليۋ دۇڭلاي 11 - ايدىڭ 29 - كۇنى شاعانتوعايدان حابارلايدى. 11 - ايدىڭ 27 - كۇنى تۇستەن بۇرىن شاعانتوعاي اۋدانىنداعى جۇڭگو - قازاقستان شەكارا سىزىعىنان 16 كيلومەتر جەردەگى ساحارادا، كۇن شۇعىلاسى بۇلتتى جارىپ ءوتىپ، شاعانتوعاي مال فەرماسى قاراكەمەر قىستاعى باستاۋىش مەكتەبىنىڭ يەن اۋلاسىنا توگىلىپ تۇر. ”بالالاردىڭ ءبارى اۋدان قالاشىعىنداعى مەكتەپتەرگە كەتتى، بۇل ارانى ارناۋلى ادام كۇزەتەدى، ەشتەڭەسىن دە قوزعامادىق، اۋدان ەگەر وقۋشى كوبەيسە، قايتادان وقۋ باستايسىڭدار دەگەن“. قىستاق پارتيا ياچەيكاسىنىڭ شۋجيى گۋان شىفۋ: ”قىستاعىمىزدا 200دەي وتباسى بار، وسى بىرنەشە جىلدا تەك جوعارى مەكتەپ وقۋشىلارىنىڭ ءوزى 32گە جەتتى“ دەدى.
1982 - جىلى قاراكەمەر قىستاعى باستاۋىش مەكتەبىنە وقىتۋشى بولىپ كەلگەننەن بيىل 1 - ايدا زەينەتكە شىققانعا دەيىن، فان اييۇن مال شارۋاشىلىق رايونداعى نەگىزگى ساتى مەكتەبىندە قىزمەت ىستەپ كەلدى. ”بۇرىن بالالار ۇنەمى وقۋدان شەگىنىپ كەتەتىن دە، اتا - انالارى ولاردى ەگىن سالۋعا، مال باعۋعا جۇمسايتىن، مۇعالىمدار ولاردى تاۋ اسىپ، تاس باسىپ ىزدەيتىن“.
”وقۋ - اعارتۋعا ءمان بەرمەۋ ءبىلىم الۋدىڭ ءمانىن تۇسىنبەگەندىكتەن ەدى“. گۋان شىفۋ بىلاي دەدى: ”قىستاعىمىزدىڭ قاتىناسى بۇرىن ەرەكشە قولايسىز ەدى، قىستا اۋدان قالاشىعىنا اتقا ءمىنىپ، شاناعا وتىرىپ، جاياۋلاپ باراتىن، بارىپ - كەلۋگە 3 كۇن كەتەتىن. كوپشىلىكتىڭ الىسقا بارعىسى كەلمەيتىن، كوپتەگەن قىستاق تۇرعىنى ’ەر‘، ’ايەل‘ دەگەن ءارىپتى تانىساق بولدى، قالاعا بارعاندا دارەتحاناعا قاتە كىرىپ قالمايىق دەپ عانا ويلايتىن“.
2000 - جىلدان كەيىن قىستاققا اسفالت جول توسەلدى. ”جول سالىنىپ، قىستاق تۇرعىندارىنىڭ قويلارى 600 نەشە كيلومەتر جەردەگى ۇرىمجىگە اپارىپ ساتىلدى، ەكونوميكالىق نارقى جوعارى ماقسارى ەگۋمەن شۇعىلدانا باستادى دا، كىرىستەرى دە بىرتە - بىرتە جوعارىلادى“. گۋان شىفۋ: ”كوز اياسى كەڭەيگەننەن كەيىن، كوپشىلىك وقۋدىڭ پايداسىن تانىپ جەتتى، ءبىراق ول كەزدە قىستاقتاعى بالالاردىڭ ءبارى ەرجەتىپ، باستاۋىش مەكتەپ وقيتىن بالا دا قالمادى“ دەيدى.
2005 - جىلى قاراكەمەر قىستاعىنداعى باستاۋىش مەكتەپ تۇڭعىش رەت جابىلىپ، از ساندى بالا سول ماڭداعى مەكتەپكە اۋىستى. 2015 - جىلى وقۋ جاسىنداعى تاعى ءبىر توپ بالانىڭ ەسەيۋىنە ساي، جاڭالانعان قاراكەمەر قىستاعى باستاۋىش مەكتەبى قايتا وقۋ باستادى. ”بارىنە مەملەكەت قارجى قوسقان، كوپ مەديا، ۇلكەن ەكران، تىكە ءتۇسىرىپ - تاراتۋ جابدىعى سياقتىلاردىڭ ءبارى تولىق“. فان اييۇن قولىن كوتەرىپ: ”مىنەكي، قول تەلەفونمەن كلاستاعى پاردىڭ تەمپەراتۋراسىن رەتتەۋگە بولادى، بۇرىن تاۋ - تاستى ارالاپ ءجۇرىپ، تەزەك تەرىپ وت جاعاتىنبىز“ دەدى.
5 جىلدان بەرى 100 نەشە بالا جارىق تا تازا جاڭا باستاۋىش مەكتەپتەن وقۋ تاۋىسىپ سىرتقا اتتاندى. وقۋ - اعارتۋعا بارعان سايىن ءمان بەرىلۋىنە ساي، كوپتەگەن قىستاق تۇرعىنى بالالارىن اۋدان قالاشىعى سياقتى جەرلەردەن وقىتاتىن بولدى. بيىل جىل باسىندا 5 وقىتۋشىسى بار قاراكەمەر قىستاعى باستاۋىش مەكتەبىندە نەبارى 2 وقۋشى عانا قالدى. اۋداندىق وقۋ - اعارتۋ مەكەمەسىنىڭ، وقۋشىلار اتا - اناسىنىڭ جانە قىستاق تۇرعىندار كوميتەتىنىڭ ابدەن اقىلداسۋىمەن، بۇل 2 بالا دا اۋدان قالاشىعىنان وقيتىن بولدى. ”بىلتىر جول تاعى جاڭالاندى، بالالاردىڭ اۋدان قالاشىعىنان وقۋى اناعۇرلىم قولايلى بولدى، ءبىر ساعاتتا بارىپ - كەلۋگە بولادى“، - دەدى قىستاق تۇرعىنى ۋاڭ يوۋفۋ.
”بالانىڭ ۇيرەنۋى ورتا مەن جاعدايدى قاجەت ەتەدى، سونىمەن بىرگە بۇل وقىتۋشىلار ءتىپتى دە كوپ بالاعا ساباق ءوتىپ، اناعۇرلىم زور قۇنىن ساۋلەلەندىرە الادى“. شاعانتوعاي اۋداندىق وقۋ - اعارتۋ مەكەمەسى پارتيا باسشىلىق گرۋپپاسىنىڭ شۋجيى گو بياۋشي: ”ايتسەدە قاراكەمەر قىستاعى باستاۋىش مەكتەبى ءالى دە ساقتالادى، الدا بۇقارا قاجەت ەتسە بولعانى، قايتا وقۋ باستايدى“ دەدى.
”قاراماققا مەكتەپ جابىلىپ قالعان سياقتى بولعانىمەن، ءىس جۇزىندە قاتىناس قولايلى بولىپ، كوپشىلىكتىڭ شارت - جاعدايى جاقسارىپ، وقۋ - اعارتۋعا دەگەن تالابى ءتىپتى دە جوعارىلادى“. گۋان شىفۋ: ”قازىر قىستاق تۇرعىندارى جازدا ەگىن سالۋمەن ابىگەر بولادى، قىستا باعىمشىلىقپەن اينالىسادى. ۇلكەندەر نەگىزگى جۇمىسپەن قاربالاستاپ، بالالار دا قۇلشىنا وقۋدا، وسى بىرنەشە جىلدا قىستاعىمىزدا دوكتورلىققا وتكەن بالا دا بار“ دەدى.
”مەن باستاۋىش مەكتەپ عانا وقىدىم، بالامدى قايتسەم دە ءوزىم سياقتى حالگە تۇسىرمەيمىن“. 47 جاستاعى قىستاق تۇرعىنى جي شيۋجۋان شەكارادا ۇزاق ۋاقىت قونىستانعانىمەن، جۇرەگىندە بەيجيڭدى ويلايدى، ويتكەنى ورتالىق قازىنا - ەكونوميكا داشۋەسىندە قىزى ما شياۋچيان وقيدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
