وقۋ – اعارتۋ ساپاسى مەن ورەسىن ورنىقتى جوعارىلاتايىق
گۋ ميڭيۋان
2021.01.12 15:04 كەلۋ قاينارى : حالىق تورابى
وقۋ – اعارتۋ — مەملەكەتتىڭ ءىرى جوسپارى، پارتيانىڭ ءىرى جوسپارى. پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ «پىكىرى» كوز الداعى جانە بۇدان بىلايعى ءبىر مەزگىلدەگى ەلىمىزدىڭ وقۋ – اعارتۋ رەفورماسىنىڭ دامۋ بەتالىسىن دۇرىس مەڭگەرىپ، «جوعارى ساپالى وقۋ – اعارتۋ جۇيەسىن كوركەيتۋ» جاعىنداعى ساياساتتىق باعدار مەن ءتۇيىندى تالاپتاردى ايقىندادى. بۇل ەلىمىزدىڭ وقۋ – اعارتۋ ساپاسى مەن ورەسىن ورنىقتى جوعارىلاتۋدا، حالىقتىڭ باقىتىن جاڭا ورەگە جەتكىزۋدە ماڭىزدى ءمان الادى.
باس شۋجي شي جينپيڭ مىنانى اتاپ كورسەتكەن: «ەكى ءجۇز جىلدىق» كۇرەس نىساناسىن ورىنداۋدا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋدا، سايىپ كەلگەندە، دارىندىلارعا، وقۋ – اعارتۋعا سۇيەنەمىز». وقۋ – اعارتۋدى ويداعىداي باسقارۋ كەرەك، الدىمەن قانداي ادامداردى تاربيەلەۋ، قالاي تاربيەلەۋ، كىم ءۇشىن تاربيەلەۋ سىندى ءتۇبىرلى ماسەلەنى ايقىنداپ الۋ كەرەك. پارتيا 18 – قۇرىلتايىنان بەرى، شي جينپيڭ جولداستى ۇيىتقى ەتكەن پارتيا ورتالىق كوميتەتى وقۋ – اعارتۋدى حالىقتى وزەك ەتىپ دامىتۋعا تاباندى بولىپ، وقۋ – اعارتۋ سالاسىنا رەفورما جاساۋ، وقۋ - اعارتۋدى دامىتۋ جانە وقۋ – اعارتۋ جۇيەسىندەگى پارتيا قۇرىلىسى جونىندە ءبىرقىدىرۋ كەلەلى شەشىمدەر مەن ورنالاستىرۋلاردى ورتاعا قويىپ، ءبىرقىدىرۋ كەلەلى ساياساتتىق شارالاردى بەلگىلەپ، پارتيانىڭ وقۋ – اعارتۋ قىزمەتى جاعىندا باستان – اياق جالپى جاعدايدى تۇگەل مەڭگەرۋىنە، ءارقايسى جاقتاردى سايكەستىرۋىنە كەپىلدىك ەتىپ، حالىق جۇرتشىلىعىنىڭ يدەيا – ءمورال ساپاسى مەن عىلىم – مادەنيەت ورەسى جاپپاي جوعارىلاتىلدى. «14 – بەسجىلدىق» جوسپار مەزگىلىندە، جوعارى ساپالى وقۋ – اعارتۋ جۇيەسىن كوركەيتىپ، وقۋ – اعارتۋدى حالىق ريزا بولاتىنداي ويداعىداي باسقارىپ، ءسوزسىز، پارتيانىڭ وقۋ – اعارتۋ باعىتىن جاپپاي دايەكتىلەندىرىپ، ءمورال تىكتەپ، ادام تاربيەلەۋ ءتۇبىرلى مىندەتىندە تاباندى بولىپ، وقىتۋشىلار ءمورالى، وقىتۋشىلار ستيلى قۇرىلىسىن كۇشەيتىپ، ءمورال، اقىل – وي، دەنە، ەستەتيكا، ەڭبەك جاقتارىنان جان – جاقتىلى جەتىلگەن سوتسياليزمنىڭ قۇرۋشىلارىن جانە ءىزباسارلارىن جەتىلدىرۋ كەرەك.
وقۋ – اعارتۋ مەملەكەتتىڭ دامۋمەن جانە ۇلتتىڭ بولاشاعىمەن قاتىستى ءىس. رەفورما جاساپ، ەسىك اشقاننان بەرى، وتە – موتە، پارتيا 18 – قۇرىلتايىنان بەرى، ەلىمىز وقۋ – اعارتۋ سالاسىنا رەفورما جاساۋدا، وقۋ-اعارتۋدى دامىتۋدا كورنەكتى ناتيجەلەرگە قول جەتكىزدى. 2019 – جىلى، بۇكىل ەلىمىزدە وقۋعا تۇسۋدەن ىلگەرگى ءۇش جىلداعى بالالار باقشاسىنا كىرۋ مولشەرى %83.4، باستاۋىش مەكتەپكە كىرۋ جاسىنداعى جان سانىنىڭ وقۋعا ءتۇسۋ مولشەرى %99.94 بولعان، ورتالاۋ، ورتا مەكتەپ كەزەڭىندە، جوعارى دارەجەلى وقۋ – اعارتۋ كەزەڭىندە وقۋعا ءتۇسۋ مولشەرى جەكە – جەكە %102.6، %89.5 جانە %51.6 بولعان، جوعارى دارەجەلى وقۋ – اعارتۋ جالپىلاستىرۋ كەزەڭىنە قادام تاستاعان، ەرەكشە وقۋ – اعارتۋ ۇزدىكسىز كۇشەيتىلگەن، جالعاستى ءبىلىم الۋ وقۋ – اعارتۋى سان – سالالالى ىلگەرىلەتىلگەن. سونىمەن بىرگە مىنانى كورە ءبىلۋىمىز كەرەك: ەلىمىزدىڭ وڭىرلىك وقۋ – اعارتۋ بايلىق قاينارىن ورنالاستىرۋى ءالى دە جەتكىلىكتى تەڭگەرىمدى ەمەس، قالا مەن اۋىل وقۋ – اعارتۋىنداعى پارىقتى ازايتۋ كەزەك كۇتتىرمەيتىن ءىس، دارىندىلاردى جەتىلدىرۋ فورماسىنا رەفورما جاساۋدى جەدەلدەتۋ كەرەك، وقۋ – اعارتۋ جاعىندا جاڭالىق اشۋ مەن قىزمەت وتەۋدەگى كومەسكى كۇش ءالى دە تولىق ىسكە قوسىلمادى. «14 – بەسجىلدىق» مەزگىلىندە، وقۋ – اعارتۋ ءتۇزىلىسى مەن وقۋ – اعارتۋ جۇيەسىنە رەفورمانى تەرەڭدەتۋ قاجەت، وقۋ – اعارتۋ بايلىق قاينارىن ورنالاستىرۋدى اناعۇرلىم جاقسارتۋ كەرەك، وقۋ – اعارتۋداعى قالا مەن اۋىل اراسىنداعى، وڭىرلەر اراسىنداعى پارىقتى ازايتۋ، قالىڭ حالىق جۇرتشىلىعىن اناعۇرلىم تەڭ، اناعۇرلىم جوعارى ساپالى وقۋ – اعارتۋدان يگىلىكتەندىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
