بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>سالت-سانا

تاڭەرتەڭگى شاي

ونەر حاميت ۇلى

2013.02.06 08:52     كەلۋ قاينارى : ءتاڭىرتاۋ تورابى


  شاي − ۇلتىمىزدىڭ تۇرمىسىندا تاريحتان قالىپتاسقان ءداستۇرلى مانگە يە سۋسىندىق. قازاق حالقىنىڭ تۇتىنىمىنا سايكەس، شاي − كەمپىر شاي، اق شاي، قارا شاي، بور شاي جانە اق سۋ سياقتى تۇرلەرگە؛ مەزگىلدىك قاجەتىنە قاراي، نەگىزىنەن تاڭەرتەڭگى شاي، تۇسكى شاي جانە ەل ورىنعا وتىرعانداعى كەشكى شاي دەپ بولىنەدى. قازاق حالقى ەجەلدەن كەز كەلگەن ادامداردى ۇلتىنا، دىندىك سەنىمىنە، جىنىسىنا قاراماستان ۇيگە كىرىپ ءبىر شاۋگىم شاي ءىشىپ كەتۋگە ءىلتيپات ەتۋدى ادەتىنە اينالدىرعان. ءبىر شاۋگىم شاي قازاق حالقىنىڭ ەنشىسى بولىنبەگەن ىرىزدىعى دەپ ءبىلىپ، بەرەكە - بىرلىكتىڭ دانەكەرى ەتكەن. مىنە وسىنداي تۇرمىس ورتاسىندا، ۇلتىمىز تاڭەرتەڭگى شايدى اس قادىرى، تىرلىكتىڭ باستاماسى دەپ، تاڭەرتەڭگى شايدىڭ قۇرمەت ورنىن جوعارى باعالاپ، ءبىر كۇندىك تىرلىكتىڭ ىرىسى تاڭمەن تالاسقان تاڭەرتەڭگى شايدا دەپ، قادىر - قىمباتىن بارىنشا اسىرا تۇسكەن. قارتتارىمىز ۇرپاقتارىنا تاڭەرتەڭگى شايدى وتباسى مۇشەلەرى بەتى - قولىن تازالاپ جۋىپ، ءتۇزۋ، رەتتى وتىرىپ ءىشۋدى، داستارقانعا قۇرمەت ەتۋدى داستۇرگە اينالدىرۋدى دارىپتەپ كەلگەن. تاڭەرتەڭگى شايدا، كوڭىلسىزدىك تۋدىرىپ، الا - بوتەن ءسوز ايتۋدى شەكتەگەن. تاڭەرتەڭگى كوڭىل كۇي ورنىقتى بولسا، تۇتاس ءبىر كۇندىك جۇمىس ءساتتى بولادى دەپ تۇجىرىمداعان. ال شاي ۇستىنە كەلىپ قالعان ادامدارعا قۇرمەت كورسەتىپ، ۇلكەندەرگە كىشىلەرى ورىن بەرىپ، شاي ۇسىنىپ قوشامەت كورسەتسە، تاڭەرتەڭگى شايدى تاستاپ كەتۋگە بولمايدى، ونى تاستاپ كەتسەڭ، ىرىزدىعىڭنان ايرىلاسىڭ دەپ ىرىم ەتكەن.

  حالقىمىز ءبىر شاۋگىم شايدى بەرەكەنىڭ تۇتقاسى ەتىپ، اعايىن - جەگجات، تۋىس - تۋعان، كورشى - قولاڭدار ءتىپتى ەل مەن ەل اراسىندا تۋىلعان كىربەڭدىكتى، اشتى - ارازدىقتى جويۋ ءۇشىن اۋىل اقساقالدارى باس بولىپ، ولاردىڭ باستارىن قوسىپ، ءبىر شاۋگىم شاي ارقىلى بەرەكەنى قالپىنا كەلتىرىپ وتىرعان، سونداي - اق ءوزارا كەلىسپەي جۇرگەن ەكى جاق تا ءبىر - بىرىنە شاي شاقىرىسىپ بەرىسىپ، سىرلاسا وتىرىپ تاتۋلىقتى جالعاستىرىپ كەلگەن.

  ۇلتىمىزدىڭ شاي مادەنيەتى زەرتتەلۋگە ءتيىستى ءداستۇرلى مادەنيەت ەسەپتەلەدى. قازىر قوعام دامىدى، تۇرمىستىق سالت - داستۇردە جاڭالانىپ كەلەدى. سوندىقتان بۇرىننان ساقتالىپ كەلە جاتقان وسى شاي مادەنيەتى ءداستۇرىمىزدى وسى زامان مادەنيەتىمەن سايكەستىرۋىمىز كەرەك. ونى زاڭ دا، ساياسات تا قولداپ وتىر. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.