- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تۋىسقاندىق قارىم – قاتىناس
2014.04.29 15:12 كەلۋ قاينارى : ءتاڭىرتاۋ تورابى
تۋىستىق اتاۋ
ءۇرىم – بۇتاق — ءبىر اتادان تاراعان بالا – شاعا، ۇرپاق.
اتا – بابا — اتا – تەك، تۇقىم – تۇقيان.
ۇلى اتا نەمەسە بابا — ۇلكەن اتا، ارعى اتا.
اتا — اكەسىنىڭ اكەسى.
اجە — اكەسىنىڭ شەشەسى، ۇلكەن شەشە.
اكە — بالالى بولعان ەر ادام.
انا — بالالى بولعا ايەل ادام.
كوكە — اكەسى، كەي جەردە اعاسىن دا كوكە دەپ اتايدى.
اپا — اناسى، شەشەسى، وزىمەن بىرگە تۋعان جاسى ۇلكەن ايەل زاتىن دا كەيدە وسىلاي اتايدى.
تاتە — بىرگە تۋعان جاسى ۇلكەن قىز، اپەكە نەمەسە كەي جەرلەردە اكە، اعا.
تۋىسقان باۋىر — ءبىر انادان وربىگەن ۇرپاقتار، تۋىستاس، باۋىرلاس ادامدار.
اعا — بىرگە تۋعان جاسى ۇلكەن ەر ادام.
اپەكە — بىرگە تۋعان جاسى ۇلكەن ايەل ادام.
ءىنى — بىرگە تۋعان جاسى كىشى ەر ادام.
قارىنداس — بىرگە تۋعان جاسى كىشى ايەل ادام.
ءسىڭىلى — بىرگە تۋعان جاسى كىشى ايەل ادام، بۇل تەك ايەلدەرگە قاتىستى.
بالا — اتا – انانىڭ پەرزەنتى، ۇرپاق.
نەمەرە — اتا – انانىڭ ۇلىنان تۋعان بالاسى، اتادان ساناعاندا ءۇشىنشى ۇرپاق.
شوبەرە — ءتورتىنشى ۇرپاق نەمەسە نەمەرەدەن تۋعان بالا.
شوپشەك — بەسىنشى ۇرپاق، شوبەرەدەن تۋعان بالا.
نەمەنە — التىنشى ۇرپاق، شوپشەكتەن تۋعان بالا.
تۋاجات — جەتىنشى ۇرپاق، نەمەنەدەن تۋعان بالا.
جۇرەجات — سەگىزىنشى ۇرپاق، تۋاجاتتان تۋعان بالا.
جۇراعات — توعىزىنشى ۇرپاق، جۇرەجاتتان تۋعان بالا.
جاتجۇراعات — ونىنشى ۇرپاق، جۇراعاتتان تۋعان بالا.
جەگجات — جاتجۇراتتان تۋعان بالا نەمەسە تۋىس – اعايىن، اتالاس، رۋلاس.
تۋىس، تۋما — ءبىر اتادان تاراعان، جاقىن، تۋىسقان، اعايىن – جەگجات.
جاماعايىن — تۋىستىق جاعىنان ونشا جاقىن ەمەس، اتالاس اعايىن – جۇرت.
بەل بالا — وزىنەن تۋعان بالا، ءتول ۇرپاق.
بولە، قارىن بولە — بىرگە تۋعان اپايلى – سىڭىلىلەردىڭ بالالارىنىڭ ءبىر – بىرىنە تۋىستىق قاتىسى.
جيەن — تۇرمىسقا شىققان قىزدان تۋعان ۇل نەمەسە قىز.
جيەنشار — جيەننەن تۋعان بالا.
جەڭگە — اعانىڭ، جاسى ۇلكەن تۋىستاردىڭ ايەلى.
جەزدە — تۋىسقان ادامداردىڭ وزىنەن ۇلكەن اپەكەسىنىڭ كۇيەۋى.
نەمەرە ءىنى — اعاسىنىڭ نەمەسە ءىنىسىنىڭ بالاسىنىڭ بالاسى.
نەمەرە قارىنداس — اعاسىنىڭ نەمەسە ءىنىسىنىڭ بالاسىنىڭ قىزى.
كەلىن — اتا – انا ءۇشىن بالاسىنىڭ ايەلى، جاسى ۇلكەن اعالارى مەن تۋعان – تۋىسقاندارى ءۇشىن ءىنىسىنىڭ ايەلى.
كۇيەۋى — قىزدى ايتتىرعان جانە العان جىگىتتىڭ قىز ەلىنە تۋىستىق قاتىناسى.
قايىن جۇرت — قىز بەرىپ، قىز الىسقان ەكى ەلدىڭ قىز بەن كۇيەۋگە جاقىندىعىن بىلدىرەتىن ءسوز.
قۇدا — كۇيەۋ مەن قالىڭدىقتىڭ، ەرلى – زايىپتى ادامداردىڭ اتالارى، اعالارى، تۋعان – تۋىستارى ءبىر – بىرىنە قۇدا بولىپ ەسەپتەلەدى.
قايىن اتا — ەرلى – زايىپتىلاردىڭ ەرىنىڭ اكەسى زايىبىنا، زايىبىنىڭ اكەسى ەرىنە قايىن اتا بولادى.
قۇداعي — كۇيەۋ مەن قالىڭدىقتىڭ، ەرلى – زايىپتىلاردىڭ شەشەلەرى نەمەسە اجەلەرى ( قۇداندالى ادامداردىڭ ايەلدەرى).
قايىن ەنە نەمەسە ەنە — ەرلى – زايىپتىلاردىڭ تۋعان شەشەلەرىنىڭ ولارعا تۋىستىق قاتىناسى.
قۇدا بالا — قۇداسىنىڭ بالاسى( ۇلى)، ت.ب. جاسى كىشى ۇلى.
قايىن اعا — ەرلى – زايىپتىلاردىڭ ەرىنىڭ اعاسى زايىبىنا، زايىبىنىڭ اعاسى ەرىنە قايىن اعا بولادى.
قايىن اپا — كۇيەۋىنىڭ اپەكەلەرى.
قايىن بيكە — زايىبىنىڭ تۋعان اپەكەسى ەرىنە قايىن بيكە بولادى.
قايىن ءىنى، قاينى — كۇيەۋىنىڭ ءىنسى ايەلىنە، ايەلىنىڭ ءىنىسى كۇيەۋىنە قايىن ءىنى بولادى.
قايىن ءسىڭىلى — كۇيەۋىنىڭ قارىنداستارىنىڭ ايەلىنە تۋىستىق قاتىناسى.
بالدىز — ايەلىنىڭ جاسى كىشى تۋىستارى ەرىنە بالدىز بولادى.
باجا — اپەكەلى – ءسىڭىلىلى قىزدارعا ۇيلەنگەن ادامدار ءبىر – بىرىنە باجا بولادى.
قۇداشا — ەرلى – زايىپتى ادامداردىڭ جاسى كىشى ايەل تۋىستارى، قۇداندالى ادامداردىڭ قىزدارى ءبىر – بىرىنە قۇداشا بولىپ ەسەپتەلەدى.
ابىسىن، ابىسىن – اجىن — تۋىس ، اعايىن ادامداردىڭ ايەلدەرىنىڭ ءبىر – بىرىنە تۋىستىق قاتىناسى.
توركىن — تۇرمىسقا شىققان قىزدىڭ تۋعان – تۋىسقانى، ەل – جۇرتى.
ناعاشى جۇرت — شەشەسىنىڭ تۋىپ وسكەن توركىن ەلىنە ونىڭ بالاسى تاراپىنان ايتىلاتىن تۋىستىق اتاۋ.
ناعاشى نەمەسە تاعا ( كەي جەرلەردە) — بالالارىنا شەشەسى جاعىنان تۋىسى.
ناعاشى اتا — شەشەسىنىڭ اكەسىنە ونىڭ بالاسى تاراپىنان ايتىلاتىن تۋىستىق اتاۋ.
ناعاشى شەشە — شەشەسىنىڭ اتا – اناسىنا ونىڭ بالاسى تاراپىنان ايتىلاتىن تۋىستىق اتاۋ.
ناعاشى اعا — شەشەسىنىڭ ەر باۋىرلارىنا ونىڭ بالاسى تاراپىنان ايتىلاتىن تۋىستىق اتاۋ.
ناعاشى اپا — شەشەسىنىڭ اپا – سىڭىلىلەرىنە ونىڭ بالاسى تاراپىنان ايتىلاتىن تۋىستىق اتاۋ.
ناعاشى جەڭگە — ناعاشى اعاسىنىڭ زايىبى.
ناعاشى كەلىن — ناعاشى ءىنسىنىڭ زايىبى.
ناعاشى ءىنى — شەشەسىنىڭ جاسى كىشى توركىن باۋىرلارىنان تۋعان ۇلعا ايتىلاتىن تۋىستىق اتاۋ.
ناعاشى قارىنداس — شەشەسىنىڭ جاسى كىشى توركىن باۋىرلارىنان تۋعان قىزعا ايتىلاتىن تۋىستىق اتاۋ.
قۇدا — جەكجات — ىلىك – شاتىس، قۇدا ادامدار.
قابىرعا اعايىن، جاماعايىن — جاناما تۋىستار.
نەمەرەلەس نەمەسە نەمەرە اعايىن – ەرلەر جاعىنان العاندا اكەلەرىنىڭ اكەسى ءبىر تۋىستاس.
« قازاق مۇراسى » كىتابىنان
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
