- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مۇشەل جاس − قازاق حالقىنىڭ ادام جاسىن ەسەپتەۋ ۇلگىسى
2014.06.24 13:33 كەلۋ قاينارى : شينجياڭ گازەتى
بالانىڭ 13 جاسقا تولۋى − العاشقى مۇشەلى دەپ اتالادى. ودان كەيىنگى مۇشەل جاسى ءار 12 جىل قايتالانعان سايىن ەسەپتەلەدى، ياعني 12 جىل ۋاقىت − ءبىر مۇشەل دەپ اتالادى.
مۇشەل − 12 جىل ۋاقىت اتاۋى. بۇل ءتاسىل وتكەن جىلداردى ەسەپتەۋگە دە، ادام جاسىن انىقتاۋعا دا وتە ىڭعايلى ءارى بىردەن - ءبىر وڭاي ەسەپتىك جۇيە.
قازاق حالقى ادامنىڭ ومىرىنە بايلانىستى ءبىرىنشى مۇشەلدى انانىڭ قۇرساعىنداعى مەرزىمدى ەسەپتەپ 13 دەپ العان، ال قالعان جاسىنا 12 جىلدى قوسىپ، 25، 37، 49، 61، 73، 85، ت.ب جاستاردى ادامنىڭ ومىرىندەگى ماڭىزدى جىلدار دەپ ەسەپتەگەن.
حالىق ۇعىمىندا ءار مۇشەل ادام ومىرىنە حاۋىپتى جىل دەپ سانالعاندىقتان، مۇشەل جاسىندا بىرەۋگە جاڭا كيىمىن بەرىپ، ساداقا جاسايدى. بۇل جاستا ءار ادام ساقتانىپ جۇرەدى، الىس ساپارلارعا شىقپايدى. قازاق حالقىنىڭ بۇلاي ساقتانۋى نەگىزسىز ەمەس. ويتكەنى ادام اعزاسىندا ءار 12 جىلدا ۇلكەن وزگەرىستەر بولادى. ەرتەدەگى شىعىستىق عىلىم دا وسىنى انىقتاعان. 13 جاس كەيبىر نازىك بالالار ءۇشىن حاۋىپتى، ويتكەنى بالانىڭ بويىنداعى وزگەرىس كەزەڭى بىرتىندەپ وتسە، حاۋىپ جوق، ال كۇرت وزگەرسە، كەيبىر بالالار جۇرەك، جۇيكە اۋرۋلارىنا ۇشىراۋى مۇمكىن دەسەدى.
25 جاس − جىگىتتىكتىڭ العاشقى ساتىسى. ول كەزدە ەر جىگىت بۋسانىپ، دەنە قۇرىلىسى ءوسىپ، جەتىلىپ، كۇشى تاسىپ تۇراتىن كەز.
37 جاس − ادام ومىرىندەگى ەڭ باستى مۇشەل. بۇل مۇشەلدە ادام اقىل توقتاتادى.
49 جاس − بۇل ادامنىڭ دانالىققا اياق باساتىن كەزەڭى.
61 جاس − ادامنىڭ دانالىعى ارتىپ، وزىنەن تۋعان بالاعا سىن كوزبەن قاراپ، باسقان جولىنا قاراپ، جامان - جاقسىسىن اجىراتىپ، ءوزى دە تاربيەگە كەلەتىن كەزەڭى.
73 جاس − بۇل كارىلىكتىڭ باستالعان كەزەڭى.
85 جاس − كارىلىكتىڭ كەلگەنى.
مۇشەل جىلىڭىزدى بىلەسىز بە؟
قاي جىلى تۋعانىن بىلگىسى كەلگەن كىسى تۋعان جىلىنان 3 تى ازايتىپ، سودان كەيىن ناتيجەسىن 12گە بولسە بولعانى. سودان شىققان قالدىق جىلدىڭ رەتىن كورسەتەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
