بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ءتىل-ادەبيەت

جيدي ماجيا (يزۋ)

جاناماني تاستارىنىڭ سامى

اۋدارعان شاكەن بوكەتاي ۇلى

2013.01.22 15:01    

كىم ەكەن ءبىزدى شاقىرعان ارباپ؟
جان جىپتىگىڭدى دەمىمەن جالعاپ،
تاستار عوي، تاستار سىرلى دا، ءتىلسىم،
ساۋلەسى تۇرعان تۇنەكتى قارماپ؛
التى ارىپتىك ءدۇردانا سۇلدە،
كوتەرگەن كەپتى تاس ەمەس مۇلدە.

ءار كەسەك تاستار كومىلگەن قۇمعا،
عارىق بوپ مەزگىل مۇحيت-اعىنعا.
تۇراعىن تاپقان عۇلاما سىندى،
ءسارۋار الەم شەكاراسىندا
سىرعاناپ كەتكەن
ەستەمە تاسقىن،
ايتاتىن ءسوزى استىندا تاستىڭ.

رەڭسىز گۇلدەي جىم-جىرتتىق ەمىپ،
تۇراتىن قوسىپ حرامعا كورىك.
ءتىل قاتىپ ءۇنسىز ۇنسىزدىكتەرگە
تۇرادى ماڭگى ەسكەرتكىش بولىپ،
تىرلىكتى بارلىق ومىرگە قۇمار
تىرشىلىكتەرگە سەندىرىپ بۇلار.

العاشقى بەتىن كىم بار پاراقتار،
بۇنداعى تاستار-سىرلى كىتاپتار.
قار باسقان تاۋلار، كوگىلدىر مۇنار،
نۇر شاشقان سوزدەر كوزىڭدى قامار:
تارتىلىس كۇشىن تارىك ەتەر اۋەن،
بولاشاق جانە كەشەگى زاۋرەن.

مولتەك مولدىردەن تاباتىن ساۋاپ،
بۇل تاستار جاس قوي توگىلگەن ساۋلاپ.
ماشاقات-ازاپ مارعاۋعا كەتىپ،
قاسىرەتتەردەن قايتپايتىن جاۋاپ.
بارزاق الەمگە بەت بۇرعان ءار ءبىر
جاناشىر جاندار اتتانار داڭعىل.

ايتىلىپ جوقتاۋ، باتىردى جەرلەپ،
وقىلسا دۇعا جۇرەكتى تەربەپ.
كۇن كوزى توگىپ احيدا نۇرىن،
ءتورت تۇلىك كولبەپ، تاۋ بولار بەرگەك.
پەردەلەر كوزدەن ورماندى ءبۇتىن،
وشاقتان شىققان اقشۋلان ءتۇتىن.

دالەلىڭمەنەن دانەگى بەكەم،
قيسىندى ءارى ادەمى مەكەن.
جەرىم بار ەسەن، ماحۇلىقات ءتىرى،
سابيمەن تۋعان جالعانار وركەن.
ىڭگالاپ جاتقان ٴسابيدىڭ ءۇنى
توپىراق سيلار تىرلىكتىڭ جىرى.

بۇنداعى ءار ءبىر تاستاردا دارىن
بىلەم كۇمانسىز تىرشىلىك بارىن.
بار ما ەكەن تاستار جانامانيدىڭ
الەمدە مىناۋ تاسىنان قالىڭ!

تاس بولىپ العاش جارالعان كۇنى،
سىڭگەن عوي وعان دۇعانىڭ نۇرى.
ەكى ميلليارد بەس ءجۇز ميلليون
قاشاعان تاستى قان- تەردىڭ قۇنى.
بىلمەيمىن كوشسە باسقالاي كۇيگە،
قالادى وندا قانداي ءبىر سۇلدە؟

تاستارى-اۋ، تاستار جانامانيدىڭ،
بارسىڭ جانە دە قيالعا سيدىڭ.
مۇعجيزا بولماي مىناۋ الەمگە،
جەردەگى بارلىق تىرلىكتى ءسۇيدىڭ.
سوندىقتان، سوزدەر سامالداي مايدا،
تاستى ـــ كوز جاس دەپ قالاسىڭ ويعا.

نەمەسە ايتساق سوزبەنەن باسقا،
ءتىلسىم بار راس وسىناۋ تاستا.
سەبەبى جالعىز ـــ سەنىمنىڭ كۇشى،
سەنىمنەن وزگە جوق باسقا قوسپا.
سوندىقتان، ماڭگى تۇرادى قالقىپ،
كەڭىستىك پەنەن مەزگىلدەن القىپ.

وزگەرمەس- تىنباس باعىتتى بويلاپ،
جاتادى تاستار، ءسىرا، نە ويلاپ؟
ۋاقىت بولىپ باستالعان باعدار
اۋىسىپ كەزەك قايتادى جايلاپ.

دالادا سامعاپ، اسپاندا جەلگەن،
اق جولعا تۇسكەن مەيىرلى جەلكەن.
وسى باعىتتان بىلەرىم مەنىڭ،
اشىلادى ەسىك مەزگىلگە كوركەم.

ەي، تاستار، تاستار، سام-شىراق جانعان،
قۇلاسا شىقتار تۇنگى اسپاننان.
كوزىممەن كورەم جاڭا تىزىلگەن
بىتىك تاستارعا تامشى بوپ تامعان.
نەشە مىڭ تاستار
نەشە مىڭ بالكىم
ومىردەن وزعان تىرلىككە ساكىن.

قاس- قاعىم عانا شاعىڭا سيعىز،
اسپانىڭ تولعان جاپ-جارىق جۇلدىز.
كوككە شانشىلعان ءاپپاق مۇنارا،
ايبىندى، سىرلى، مۇلگىگەن شىڭ-قۇز.
ءۇنسىز وزەندەر داڭقىڭا جەرىك،
بوستىعىڭ بەرەر جەڭىسكە جەلىك.

سول شاقتا بويدان ىدىراپ سەنىم،
تىلسىمگە تولى ءتىلىم مەن ەرىن،
بىت-شىتى شىققان ەستەمە ــ ەلەس
كەتەد تە شىعىپ دەنەمنەن مەنىڭ،
سەزىنىپ تاپ ءبىر گىسارشى عۇرلى،
جانىمدى يەكتەر يشارا سىرلى.

جانامانيدىڭ تاستارى-اۋ، سانسىز،
وزگەرتشى مەنى، جۇرمەيىن قامسىز.
ويىم مەن ءوزىم مۇتىلعام مۇلدە،
مىناۋ كەشتە مەن ۇلۋمىن ءمانسىز.
تەلەگەي تەڭىز سىرلارىڭ سەنىڭ
قۇيىلدى كەلىپ جانىما مەنىڭ.

كەرنايلاتار بولعان جوق تويىم،
وسى ءبىر شاقتا وزگەرگەن سويىم.
تاستار-اۋ، تىڭدا، ءان سالىپ تۇرمىن،
ۇستىرتكە قوجا رۋحىم، ويىم.
تۇرماسا دا ەشكىم ءانشى دەپ ءبىلىپ،
كوزىمدە مەنىڭ جاسىم تۇر تۇنىپ.

*جاناماني تاستارى حاس تاسى ماعىناسىنداعى «جانا» سوزىمەن اتالعان ماني تاستارىنىڭ ءۇيىندىسى، تاس بەتتەرىنە تيبەتشە نوم دۇعالارى بادىزدەلگەن، تولىقسىز مالىمەت بويىنشا بۇل تاستاردىڭ سانى ەكى ميلليارد بەس ءجۇز ميليون دەلىنەدى دە، تيبەت وڭىرىندەگى وڭ مول ماني تاستارى دەپ ەسەپتەلەدى.

«حالىق ادەبيەتى» جۋرنالىنىڭ 2011-جىلعى 7- سانىنان اۋدارىلدى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.