- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حالىق تورى مەن ىلە كەشى گازەتى مەكەمەسىنىڭ سەلبەسۋىندە، شينجياڭ موڭعۇلكۇرە اۋداندىق پارتكوم ۇگىت ءبولىمىنىڭ دەمەۋىمەن وتكىزىلگەن «ناۋرىزىم ــ مەرەكەم» اتىنداعى ولەڭ، شالقىما باسەكەسى بويىنشا 2 – توپتا جاريالانعان شىعارما
ناۋرىز جارناماسى
باقىتباي ءانيات ۇلى
2013.03.04 16:16 كەلۋ قاينارى : حالىق تورابى
ناۋرىزدىڭ ماعىناسى-جىل باسى،
ناۋرىز دەگەن بەرەكەنىڭ تۇلعاسى.
جاڭا تىرلىك، جاڭا جىلدى قارسى العان،
ىنتىماقتىڭ ىرىس تۇنعان تۇنباسى.
جاڭا جىلدا جاڭا دابىل قاعىلسىن،
ىرگەمىزدەن ىرىس-بايلىق تابىلسىن.
قازاق دەيتىن حالقىمىزدىڭ ۇل-قىزى،
ناۋرىزدىڭ ءار دۋمانىن ساعىنسىن.
تاريح كوشى تاراۋ-تاراۋ جىلداردان،
وركەن جايىپ تالاي عۇرىپ ءبۇر جارعان.
ۇزىن جىلدىق ۇزىلمەگەن بۇل وركەن
بۇعاۋىمەن شاريعاتتىڭ شىرمالعان.
كورىنسە دە كوز الدىدا قۇز بەلەڭ،
ويلى جاندار ودان باقىت ىزدەگەن.
سان عاسىردا سابىرىنا ساق بولىپ،
ناۋرىزدان قازاعىڭ قول ۇزبەگەن.
بولسا داعى شۇبىرىندى اق تابان،
شەجىرەسىن شەرتىپ ويعا جاتتاعان.
ءبىزدىڭ قازاق ۇلىق كەۋدە ەكەن عوي،
ناۋرىزىن مەرەكە ەتىپ ساقتاعان.
بەرەكەنى سۇيە ءبىلىپ جۇرەكپەن،
ءتۇزۋ وتكەن تالاي بوران تۇنەكتەن.
جاڭا جىلدا جاڭالىققا ۇمتىلىپ،
ارمان قۋدىق العىس تولى تىلەكپەن.
بۇگىن مىناۋ وركەنيەت زاماندا،
بەيبىتشىلىك كەرەك ءتىپتى ادامعا.
قۇت ۇستىنە قۇت تىلەيىك، اعايىن
ناعىز ءومىر نىعىز باسقان قادامعا.
ناۋرىزدا مەيىرلەنىپ كۇن كۇلىپ،
جەر اناعا ءبىر بۇيرەگىن تۇر بۇرىپ.
ناۋرىزدىڭ قۇدىرەتىن سەزىنىپ،
بۇل تاكاپپار تابيعات تا تۇر ءبىلىپ.
جادىرادى جالپاق الەم جاز كەلىپ،
كوز الدىدا كوركەم سۋرەت ناز كورىك.
ەسكى جىلىم ەسىركەسىن دەيىك تە،
جاڭا جىلدا سايراندايىق ءماز بولىپ.
بۇگىن مىناۋ جاڭا جىلعا جار سالىپ،
تابيعات تا تاڭىرقايدى تامسانىپ.
ىرىس تۇنعان ۇلىس كۇنى مەرەكە،
كەل قانەكي ءبي بيلەيىك ءان سالىپ.
ناۋرىز كەلىپ جاسىمىزعا جاس قوسىپ،
جالىن توگىپ جاڭا ومىرگە اشتى ەسىك.
جەتى دامنەن جاساپ قويعان ۇلىق اس،
كەل قانەكي كوجە ىشەيىك باستەسىپ.
ەندى بىزدەر ەرتەڭ ءۇشىن اتتانىپ،
باق تاۋىنا بارايىقشى باپتالىپ،
مەرەكەمىزدى مەيىرلەنە قارسى الىپ،
جول تارتايىق بولاشاققا ماقتانىپ.
«ىلە كەشى» گازەتىندە 2013 – جىلى ناۋرىزدىڭ 4 – كۇنى جاريالاندى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
