- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اقىليا سوزدەر
2013.07.15 14:07 كەلۋ قاينارى : حالىق تورابى
اشۋ ەگەستەن شىعادى،
اقىل كەڭەستەن شىعادى.
جاۋىن بۇلتقا قۇمار،
ادىلدىك تۇنىققا قۇمار.
ونەرسىز ءىس وڭ بولماس،
ونەرلى جىگىت قور بولماس.
دوسقا جالعان سويلەسەڭ،
ءوزىڭدى ءوزىڭ ۇرعانىڭ.
جامان جولداس سول بولار،
ورىنسىز جەردە قيناعان.
نەگىزى جامان جاسىقتى،
قايتادان بولماس جاساۋعا.
قوسىلسا باسىڭ وسالعا،
امالىڭ جوق قاشارعا.
اقىل ايتقان دوسىڭا،
اتامىن دەپ تاس الما.
دوستارىڭا وكپەلەپ،
كوزىڭە ىركىپ جاس الما.
ۇياتى بار ادام، مۇراتى بار ادام.
ماقتانشاق كەدەي جومارتپىن دەپ جوقتى ىزدەيدى.
بىرەۋدىڭ ىرگەسىن قازعانشا ءىزىن كوم.
وتاندى ءسۇيۋ وت باسىنان باستالادى.
تۋعان جەردەي جەر بولماس،
تۋعان ەلدەي ەل بولماس.
وراعىڭ وتكىر بولسا،
قارىڭ تالمايدى.
وتانىڭ بەرىك بولسا،
جاۋىڭ المايدى.
پالەن جەردە التىن بار،
ىزدەپ بارسام مىس تا جوق.
ەلىنەن بەزگەن ەر بولماس،
كولىنەن بەزگەن قاز بولماس.
ساعىنعان ەلىن اڭسايدى،
سارى الا قاز كولىن اڭسايدى.
اداسقاننىڭ ايىبى جوق،
قايتىپ ءۇيىرىن تاپقان سوڭ.
باقا كولىندە پاتشا،
بالىق سۋىندا پاتشا،
جىگىت ەلىندە پاتشا.
وتانعا وپاسىزدىق ەتكەنىڭ،
ءوز تۇبىڭە ءوزىڭ جەتكەنىڭ.
باس جارىلسا، بورىك ىشىندە،
قول سىنسا، جەڭ ىشىندە.
ىرگەسى بەرىك ەلدى،
جاۋ الا الماس.
اۋىزى ءبىر ەلدى،
داۋ الا الماس.
التىن الما، العىس ال،
التىن دەگەن ــ جەر سىيى،
العىس دەگەن ــ ەل سىيى.
مالى جوق دەپ،
ەردەن تۇڭىلمە.
ەگىنى جوق دەپ،
جەردەن تۇڭىلمە.
ەردى نامىس ولتىرەر،
قوياندى قامىس ولتىرەر.
شىن ەر ــ جەڭسە، تاسىماس،
جەڭىلسە، جاسىماس.
ات باسىنا كۇن تۋسا،
اۋىزدىعىمەن سۋ ىشەر.
ەر باسىنا كۇن تۋسا،
ەتىگىمەن سۋ كەشەر.
ەردى كەبەنەك ىشىندە تانى.
يەسى بىلمەس، ات بىلەر.
ەر جىگىتتىڭ قادىرىن،
اعايىن بىلمەس، جات بىلەر.
ەردىڭ اتىن،
نە اتى شىعارار،
نە قاتىنى شىعارار.
جاۋ جوقتا باتىر كوپ،
داۋ جوقتا اقىل كوپ.
ءتىل جەتكىزبەگەندى ءۇن جەتكىزەدى،
ءۇن جەتكىزبەگەندى ءتىل جەتكىزەدى.
ءتىلدىڭ ۇزىنى باستى ورايدى،
ەتەكتىڭ ۇزىنى اياقتى ورايدى.
تىزەدەن سۇرىنسەڭ دە،
تىلدەن سۇرىنبە.
تەگىمىزدى اتادان،
ءتىلىمىزدى انادان قۋعان حالىقپىز.
انا ءسۇتى بوي وسىرەدى،
انا ءتىلى وي وسىرەدى.
اقىلسىزدىڭ سوزىندە ءمان بولمايدى،
ادام قىمباتى سوزىندە، سالاۋاتى وزىندە.
الماس قىلىش مايداندا سەرىك،
اسىل ءسوز مايداندا دا، سايراندا دا سەرىك.
اياقتان سۇرىنگەن اتقا نامىس،
سوزدەن سۇرىنگەن ادامعا نامىس.
قاتتى ءسوز كوڭىل قالدىرادى،
ءتاتتى ءسوز مەيىر قاندىرادى.
قىزىل ءتىل جاننىڭ ۇياتى،
ابىروي ەردىڭ ۇياتى.
وتىرىكتىڭ بالىن جالاپ ءتىرى جۇرگەنشە،
شىندىقتىڭ ۋىن ءىشىپ ولگەن ارتىق.
ءسوز ايت ۇعاتىن جەرگە،
سۋ سەپ سىڭەتىن جەرگە.
ءسوز ــ ۋدان اشتى، بالدان ءتاتتى،
ماقتادان جۇمساق، تاستان قاتتى.
جەكەشىلدىك كۇشتىڭ سورى،
كۇتپەگەن اۋىز ءتىستىڭ سورى.
بويى زور ولاققا قاراما،
ويى زور شەبەرگە قارا.
سۇلۋ دەپ بەتىنە قاراما،
اقىلىنىڭ تەرەڭىنە قارا.
سۋدىڭ كەۋدەسىن كوپىر باسادى،
قۋدىڭ كەۋدەسىن ۇكىم باسادى.
ناسيحات ــ اقىلدىڭ كىلتى،
اشۋ ــ ءسوزدىڭ بۇلتى
ماسىل ــ كوزدىڭ قۇرتى
ءبىلىم كۇشى تارتار العا،
ەلدى باستار وڭعا.
ەلدى بۇزعان بۇزىقتار،
تۇسەدى ءوزى تورعا.
دايىنداعان: جۇلدىز اقباي قىزى (پراكتيكانت)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
