- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قازاق ءتىل-ادەبيەتى ماماندىعىنىڭ 60 جىلدىق تويى جانە قازاق فيلولوگياسى تۋرالى حالىقارالىق عىلمي كونفەرەنتسيانى اشارداعى ءسوز
اسحات كەرىمباي ۇلى
2013.10.28 11:07 كەلۋ قاينارى : حالىق تورابى
قۇرمەتتى ماماندار، ۋاكىلدەر، قوناقتار، ۇستازدار مەن شاكىرتتەر:
ءبىز بۇگىن سالتاناتپەن باس قوسىپ، قازاق ءتىل-ادەبيەتى ماماندىعىنىڭ 60 جىلدىعىن، قازاق ءتىل-ادەبيەتى فاكۋلتەتىنىڭ 10 جىلدىعىن جانە پروفەسسور لي زىڭشياڭنىڭ 80 جاستىق مەرەيتويىن، گىڭ شىمين، حۋ جىنحۋا پروفەسسورلاردىڭ ۇستاز بولعانىنا 60 جىل تولعانىن تويلاۋىمىز ەرەكشە ماڭىز الادى. وسى ورايدا، مەن قازاق ءتىل-ادەبيەتى فاكۋلتەتىندەگى اعا بۋىن مامان-عالىمداردى، قازاق ءتىل-ادەبيەتىمەن اينالىساتىن وقىتۋشى-شاكىرتتەردى، قازاق ءتىل-ادەبيەتى فاكۋلتەتىن، ورتالىق ۇلتتار ۋنيۆەرسيتەتىن، ەلىمىزدەگى قازاق ءتىل-ادەبيەت وقىمىستىلارى مەن قىزمەتكەرلەرىن قىزۋ قۇتتىقتايمىن.
مادەنيەت ــ ۇلتتىڭ رۋحى، حالىقتىڭ ومىرشەڭدىك، ۇيىسقىشتىق، جاسامپازدىق قۋاتىنىڭ قاينارى. ەلىمىز از ۇلت ءداستۇرلى مادەنيەتىنىڭ تاريحى ۇزاق، تامىرى تەرەڭ، ول از ۇلتتاردىڭ رۋحانياتى، ءارى جۇڭحۋا ۇلتىنىڭ جادناماسى جانە ەرەكشە مادەني گەنى سانالادى. ەلىمىزدىڭ كوپ ۇلتتى مادەنيەت تۇزىلىسىندە، ۇلتتىق ءتىل مەن ادەبيەتتى قورعاۋ جانە دامىتۋ ــ مادەنيەتتى كوپ نەگىزدەندىرۋدىڭ ماڭىزدى كەپىلى. قازاق ءتىل-ادەبيەتى ــ ەلىمىز قازاق مادەنيەتى ىستەرىنىڭ دانەكەرى، ونىڭ وركەندەۋى ەلىمىز مادەنيەت ىستەرىنىڭ گۇلدەنۋىنە قوسىلعان كەسەك ۇلەس بولماق.
جوعارى وقۋ ورنىندا قازاق ءتىل-ادەبيەتى ماماندىعىن اشۋ، مەملەكەتىمىزدىڭ ۇلت مادەنيەتى ىستەرىن دامىتۋداعى ستراتەگيالىق شەشىم. بۇل پارتيا مەن مەملەكەتتىڭ قازاق حالقىنا جاساعان قامقورلىعى جانە كورسەتكەن قولداۋى، پروفەسسور گىڭ شىميىن 1953-جىلى ورتالىق ۇلتتار ينيستيتۋتىندا قازاق ءتىلى ماماندىعىن اشىپ، تولىق كۋرس ستۋدەنتتەرىن قابىلداي باستاعانىنا بيىل تۇپ-تۋرا 60 جىل تولدى. پارتيانىڭ ۇلت ساياساتىنىڭ نۇر شۇعىلاسىندا . قازاق ءتىل-جازۋى مەملەكەت بويىنشا ۇنەمى قولدانىلاتىن 5 از ۇلت ءتىل-جازۋىنىڭ ءبىرى، ەلىمىزدەگى بىردەن-ءبىر قازاق ءتىل-ادەبيەتى فاكۋلتەتىنىڭ ۇلتتار ۋنيۆەرسيتەتىندە قۇرىلۋى، بارتيانىڭ ۇلت ساياساتىنىڭ كورنەكتى بەينەسى.
قازاق ءتىل-ادەبيەتى ماماندىعى قۇرىلعان 60 جىلدان بەرى ، قارت، ورتا جاس جانە جاس بۋىن مامان-وقىمىستىلار بىلىمگە ءبارىن ارناپ، عىلىمنىڭ العى شەبىندە تۇرىپ، قۋانارلىق تابىستارعا تولاسسىز قول جەتكىزىپ وتىردى. قازاق ءتىل- ادەبيەتى فاكۋلتەتى قۇرىلعالى ەندى عانا 10-جىل بولسا دا، ەلىمىزدىڭ وسى سالاداعى ەڭ جوعارى دەڭگەيىن تانىتتى. ماماندىقتىڭ ىرگە تاسىن قالاعان گىڭ شىمين پروفەسسور الەمدىك ورەدەگى تۇركولوگ، جۇڭگودا التايستيكانىڭ التىن مەدالى سياقتى حالىقارالىق سيلىقتاردىڭ يەگەرى. گىڭ شىمين پروفەسسور تۇركيا ءتىل قوعامىنىڭ، حۇ جىنحۋا پروفەسسور قىرعىزستان عىلىم اكادەمياسىنىڭ اكادەميگى.
گىڭ شىمين پروفەسسور ۋاكىل بولعان قازاق فيلولوگتارى قالتقىسىز ەڭبەك ەتۋ رۋحىمەن، وسى سالا بويىنشا تۇڭعىش باكلاۆرلاردى، ماگيسترانتتاردى، دوكتورانتتاردى، العاشقى توپتاعى تۇركولوگتار مەن فيلولوگتاردى دايىندادى. 60 جىلدان بەرى، سىزدەر تاربيەلەگەن 1300دەن استام شاكىرت مەملەكەتىمىزدە قازاق ءتىل-ادەبيەتىنىڭ تىرەكتى كۇشىنە اينالدى. وسىندا وقۋ بىتىرگەندەر ىلەدە جانە ۇرىمجىدە قازاق ءتىل-ادەبيەتى ماماندىعىن اشىپ، قازاق ءتىل- ادەبيەتى كادرلارىن دايىنداۋ بازاسىن كەڭەيتىپ، قازاق ءتىل-ادەبيەتىنىڭ دامۋىن جەبەدى.
مەيلى ا ق ش، گەرمانيا، انگليا ەلدەرىنە بارىپ ساباق-لەكسيا سويلەۋدە نەمەسە قازاقستان، گەرمانيا، تۇركيا سياقتى ەلدەردەن ۇزدىك مامانداردى شاقىرىپ زەرتتەۋ جۇرگىزۋدە بولسىن، قازاقستاننىڭ كوپتەگەن ءتۇيىندى ۋنيۆەرسيتەتتەرىمەن سەلبەستىك مەحانيزمىن ورناتۋدا بولسىن، سىزدەر حالىقارالىق كەڭىستىكتە عىلمي اۋىس-تۇيىستىككە جانە سەلبەستىككە ءمان بەرىپ، عىلمي ايالارىڭىزدى كەڭەيتىپ وتىردىڭىزدار. وسىنداي عىلمي اۋىسىم قيمىلدارى جۇڭگو مەن قازاقستان، ورتا ازيا، ەۆروپا، امەريكا ەلدەرى اراسىندا دوستىقتىڭ التىن كوپىرىن، بارىس-كەلىستىڭ داڭعىل جولىن سالىپ، جۇڭگو از ۇلت مادەنيەتىن ۇگىتتەۋ ءۇشىن ماڭىزدى ۇلەس قوستىڭىزدار.
ۇستازدار مەن شاكىرتتەر، قازاقتىڭ مادەنيەت ىستەرى وتە وسكەلەڭ جۇمىس. قازاق مادەنيەتىن ۇيرەنۋ-زەرتتەۋ بورىشى داڭقتى دا كەلەلى. ەلىمىز قازاق ءتىل-ادەبيەتى ءپانىنىڭ ۇزدىكتەرى ءارى كوشباسشىسى سىزدەرسىزدەر. سىزدەردىڭ تالىقپاي تالپىنىپ، ۇيرەنۋ مەن زەرتتەۋدى كۇشەيتىپ، قازاق مادەنيەتىنىە مۇراگەرلىك ەتۋ جانە ونى دامىتۋ جولىندا ءتىپتى دە كەسەك ۇلەس قوسۋلارىڭىزدى ءۇمىت ەتەمىن!
ءبىز ەندى جوڭگو قازاق ءتىل-ادەبيەتى ءۇشىن ەسەلى ەڭبەك سىڭىرگەن ايگىلى عالىم گىڭ شىميىن پروفەسسوردى ەسكە الا وتىرىپ، پروفەسسور لي زىڭشياڭنىڭ 80 جىلدىق مەرەي تويىن، پروفەسسور حۋ جىنحۋانىڭ ۇستازدىقپەن شۇعىلدانعاندىعىنىڭ 60 جىلدىعىن قىزۋ قۇتتىقتايىق!
راحمەت سىزدەرگە!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
