بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ءتىل-ادەبيەت

التايىممەن ماقتانام

بولات قاڭتارباي ۇلى

2015.04.07 16:22    

التىن التاي- جەر ۇيىعىم، اعاجاي،
جاھۇتىڭا عاشىق بولعان ناجاعاي.
قازىنالى سىلەمدەرىڭ كوسىلگەن،
ازيانىڭ اپاي ءتوسىن جاعالاي.

تەمىرباقان اسقارىنداي اسقاردىڭ،
تەمىرقازىق شىراعىنداي اسپاننىڭ.
تابيعاتتىڭ تونارىندا بالقىعان،
قوينىڭداعى ءاربىر ءتۇيىر تاستارىڭ.

ورىن الىپ ۇلى قۇرلىق توسىنەن،
قوڭىرجايداي بەلدەۋىنە كوسىلگەن.
قىس پەن جازىڭ ايقىندالعان ەرەكشە،
كليماتىڭ شىقپايدى ەلدىڭ ەسىنەن.

جايلاۋىنا جايىپ جاسىل كىلەمىن،
كوز تارتادى مىڭ بويالعان رەڭىڭ.
ءتورت تۇلىگىن قۇشاعىنا سيعىزىپ،
ءتورت ماۋسىمىڭ كورسەتەدى مىنەزىن.

جارقىرايدى كوك تىرەگەن شىڭدارىڭ،
اسىل تاستان جيىلمايدى قىرمانىڭ.
تاريحتان جەر-جاھانعا بەلگىلى،
ورتالىققا توتە قاراپ تۇرعانىڭ.

قازىنانىڭ اشىپ تالاي بازارىن،
دۇنيەنىڭ كوپ اۋداردىڭ نازارىن.
وتانىمنىڭ شەگاراسىن بۇتىندەپ،
ءالميساقتان مەكەندەگەن قازاعىم.

بيىكتەردەن كوزىڭ سالىپ قاراساڭ،
ساي-سالانىڭ ءبارى تولعان اراسان.
جانعا داۋا دارىلەرىن شيپالى،
الپىس ەكى تامىرىما تاراتام.

مەكەندەدىك سەنىڭ كۇنگەي بەتىڭدى،
ءتۇستى مەتال كەندەرىڭ بار نە ءتۇرلى.
التايىمنىڭ كوك تىرەگەن جوندارى،
وتانىما ۇلى قورعان سەكىلدى.

قاراعايدىڭ قاتتىلىعى شويىنداي،
قاسقايادى بۇرقاسىنعا مويىماي.
جاسىلدىعى سامىرسىن مەن ارشانىڭ،
قىسى-جازى ساقتالادى جويىلماي.

ۇرپاعىڭ بار شالقىپ وسكەن جەتەلى،
تۇرىك ءتىلى جۇيەسىنىڭ شەشەنى.
ۇلت ءتىلىنىڭ تازالىعىن ساقتاعان،
التىن التاي مادەنيەت مەكەنى.

سەنەن شىققان جارىق جۇلدىز تۇلعالار،
بولاشاقتا ونەرلى ۇرپاق ءبۇر جارار.
ۇلتتار ارا ىنتىماقتىڭ تامىرى،
ون ءۇشىنشى كەرەي بولعان قۇرجالار.

قاپالاقتاپ جاۋار قىستا قاڭباق قار،
ول يگىلىك، مول ءونىمىن سالماقتار.
قىران-ەرتىس قويناۋىندا جەتىلدى،
دۇنيەلىك جۇلدە العان ساڭلاقتار.

بىلسەڭىزدەر كوك تىرەگەن ايعايدى،
ساياقاتتىڭ تورەسى بوپ سايلاندى.
ۇلكەن قىران باس جاعىنان ورناماق،
حالىقارالىق قارشاڭعانىڭ مايدانى.

مەكەن ەتكەن ءالميساقتان التايدى،
تۇرعىنداردىڭ اق كوڭىلى مارقايدى.
جاڭا زامان تالابىنا ۇيلەسىپ،
عيماراتتار تاۋ باسىنا قايقايدى.


تاۋ قالاسى سارسۇمبەدە ايماق بار،
كورەم دەسەڭ ونەرىڭدى سايلاپ بار.
قازاعىمنىڭ كوش جولىنان دامىدى،
اۋە جولى، تەمىر جول مەن سايراقتار.

نار وركەشىڭ دريجور بوپ ەڭسەلى،
قىران سازى شەجىرەسىن شەرتەدى.
گەنارال شىڭ زىمىراتسا شاڭعاسىن،
دۋتىڭ ارال جاسىل باقتىڭ كوركەمى.

دارقاندىقتىڭ داستارقانى دارىعان،
ەل باسقارعان تۋرا بيگە تابىنام.
ساياقاتتاپ جەتىپ كەلسەڭ التايعا،
ءار ۇلت حالقى اقتارىلار اعىنان.

ناۋرىز تويى اقىن جىرىن سەلدەتتى،
قۋانىشقا شاتتاندىردى جەر-كوكتى.
تاۋ قالاسى قۇرىلعالى وتىز جىل،
تالاي جاڭا تابىستارعا قول جەتتى.

اتقارىلىپ تىڭ جوبالار، شەشىمدەر،
بۇل زاماندا جاڭالىققا كوشىڭدەر.
ازايماسىن بولاشاقتا ۇرپاققا،
جۇڭگو ارمانىن جەتكىزەتىن ەسىلدەر.

جاسىلدانعان ورتامىزدى قورعايىق،
جەمىستەرىن جىرعا قوسىپ تولعايىق.
حالىق قامىن ويلايتۇعىن قاشاندا،
باسشىلاردىڭ قىزمەتىن قولدايىق!

كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.