- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۋاقىت ءسىزدى ەلدەن ەرەكشەلەيدى
2015.07.08 17:01 كەلۋ قاينارى : شينجياڭ گازەتى
1902 - جىلى 27 جاستاعى اقىن ريلكى ۇسىنىس بويىنشا، 62 جاستاعى سۋرەتشى، ايگىلى ارحيتەكتور روديننىڭ كومەكشىسى بولادى. اۋزىنان ەمشەك ءسۇتى كەپپەگەن اقىن قيالىندا اتاعى جالپاق جۇرتقا جايىلعان رودين تىم رومانتيكالى، اسەرلى، جۇرتتان وزگەشە ءومىر ءسۇرىپ جاتقان شىعار دەپ ويلايدى. الايدا شىنايى كورىنىس پەن قيالىندا جەر مەن كوكتەي پارىق بار ەدى. رودين كۇنى بويى جاپادان - جالعىز سۋرەت سىزۋ ۇيىنەن شىقپايتىن قاريا بولىپ شىقتى. ريلكى ودان: «ءوز ويىڭدى تولىق بەينەلەي الاتىن فاكتوردى قالاي ىزدەپ تابۋعا بولادى؟» دەپ سۇرايدى، رودين از - كەم ۇنسىزدىكتەن سوڭ، توتەنشە بايسالدىلىقپەن: «قىزمەت ىستەۋگە ءتيىستى كەزدە تەك قانا قىزمەت ىستەۋ كەرەك، ءار ىسكە سالماقتىلىق قاجەت» دەيدى.
ءبىر سىپىرا ادامداردىڭ قارا ءۇزىپ العا شىعۋىنداعى سەبەپ نە؟ مەنشە، رودين مۇنىڭ ناعىز قۇپيالىعىن بىزگە: «قىزمەت ىستەۋ جانە جەتەرلىك توزىمدىلىك» دەپ ايتىپ بەرەر ەدى. جاس كەزىمىزدە ءبىز ىلعي ءبىر - اق تۇندە اتاق شىعارۋدى ويلايمىز، جاڭ ايليڭ «اتاعىڭ ەرتەرەك شىققانى جاقسى، تىم جاي شىعاتىن بولسا، قۋانىشتان دا ءلاززات الا المايسىڭ» دەگەن بولاتىن. بۇل ءسوز، شىنىندا، كوپ جاستى الجاستىردى.
شىنىنا كەلسەك، ادام ءومىرىن بەينە ءبىر جولعى مارافونشا ۇزاققا جۇگىرۋ دەيتىن بولساق، الدىڭعى 1000 مەتردە ءبىرىنشى بوپ كەلۋ سونشالىق ماڭىزدى شارۋا ما؟ مەن تانيتىن جۇڭگو ەكونوميكا عالىمدارىنىڭ ىشىندە جاڭ ۋچاڭدى اسا تالانتتى جانداردىڭ ءبىرى دەپ بىلەم، ول 40 جاسىندا نوبەل ەكونوميكا سيلىعىن الۋعا شاق قالدى، ول ءارى تىم ەڭبەققور ادام بولاتىن. ەرتەرەكتە ول «جەر مايلاپ ەگۋشى ديقان نازارياسىن» جازۋ ءۇشىن، ون نەشە ساندىق ارحيۆتى ءبىر - بىردەن سارالاپ شىعادى، مۇنداي قىزمەتتى بالكىم كوپ ساندى دوكتورلار ىستەي قويمايدى. قازىر جاسى سەكسەندى القىمداعان قاريا بولعانىنا قاراماي 1500 ارىپتەن جوعارى تۇراتىن ارناۋلى ستون ماقالاسىنان اپتاسىنا ەكەۋ جازادى. مەن بىلەتىن وسى زامانعى باتىس عالىمدارىنىڭ ىشىندە، ۇلى بريتانيالىق نيال فەرگۋسون جۇرت مويىندايتىن «كيەلى بالا»، ونىڭ زەرتتەۋ اياسى تاريح، ەكونوميكا، ساياسي قاتارلى ءۇش ءتۇرلى عىلىمدى بىردەي شارپىدى، 30جاسقا تولماي تۇرىپ، وكسفورد ۋنيۆەرسيتەتى جاعىنان زەرتتەۋشىلىككە ۇسىنىس ەتىلدى، 40 جاسىندا «ءداۋىر اپتالىعى» جۋرنالى جاعىنان «دۇنيەگە ىقپال جاساعان 100 ادام» قاتارىنا ەنگىزىلدى. الايدا ونىڭ قۇلشىنىسىن جاي ادامدارمەن سالىستىرۋعا كەلمەيدى، «لوتسچايلد اۋلەتى» اتتى شىعارماسىن جازۋ ءۇشىن، كومەكشىسى ەكەۋى لوتسچايلد اۋلەتىنىڭ 100 جىلدان بەرگى ون مىڭداعان وتباسىلىق حاتتارى مەن توننالاعان قولجازبا ماتەريالدارىن كورىپ شىقتى. سوندىقتان جۇرتتان قارا ءۇزىپ شىققانداردىڭ ارتىندا سىرت ەل بىلمەيتىن ماشاقات جاتىر. ولار قاراماققا جاي عانا ۇزاققا جۇگىرەدى، جاي عانا ءبىر قىزمەتتى ىستەيدى. ولاردىڭ قىزمەت ىستەۋى تەك قىزمەتتىڭ ءوزى ءۇشىن عانا ەدى.
تابىسقا جەتۋ − تەك ءبىر ناتيجە عانا، ول قاجىرلى ەڭبەكتىڭ جەمىسى بولار نەمەسە وعان ماڭگى قول جەتپەس. وزگەدەن ەرەكشە نارسەلەردىڭ جاسالۋ بارىسى ءمان - ماعىناسىز، قايتالامالى بولادى ءارى سابىرلىلىقتى قاجەت ەتەدى. قازىرگە دەيىن بىزگە جەتكەن ميڭ، چيڭ پاتشالىقتارى داۋىرىندەگى سىرلى جابدىقتاردىڭ ىشىندە ءمۇيىز تۇمسىقتىڭ تەرىسىنىڭ ورنەگى سالىنعانى ەڭ قىمبات، وعان مۇلدە قول جەتپەيدى. ادامدار ونى قايسى ءدانىشپان جاساعانىن كوپكە دەيىن بىلمەي ءجۇردى. كەيىن ۋاڭ شىراڭ كىتابىندا بۇل قۇپيالىقتى «اشكەرەلەپ» قويدى، ونىڭ جاسالۋ بارىسى مىناداي ەكەن: شەبەرلەر ءمۇيىز تۇمسىقتىڭ تەرىسىنىڭ ورنەگىن سالعاندا، الدىمەن قويۋ سىرمەن سىرلى جابدىقتىڭ سىرتىنا دوڭگەلەك - دوڭگەلەك نەمەسە سىزىقشا بەدەر شىعارادى، ودان سىردىڭ ۇستىنە تاعى دا بىرنەشە قابات تۇرلىشە رەڭدە سىر جاعىپ، بەلگىلى قالىڭدىققا جەتكىزەدى، قۇرعاعان سوڭ، بەتىن تەگىستەپ جارقىراتادى، سونىمەن ماپ - مايدا بەتىندە ءجيى جانە كوپ قاباتتى سىردىڭ تەڭبىلدەرى پايدا بولادى. بۇل قۇپيالىقتى بىلگەن كەزدە، كوكىرەك سارايىم كەڭىپ سالا بەردى. وزگەشە كوز تارتارلىق نارسە اتاۋلى، ءتۇبىن قۋعاندا، شەكسىز قۇلازىعان ۇمتىلۋدى العى شارت ەتەدى، ءيا قان، ءيا تەر اعىزۋ كەرەك، بولماسا جاستىق كوكتەمىڭدى، جاقسى كۇندەرىڭدى ارنايسىڭ.
اۋدارعان: اكىمجان سابىربەك ۇلى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
