بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ءتىل-ادەبيەت

شاعىن سوزدىكتەن شالقار ءسوز

زاۋىن

2015.07.10 15:32    

  زاۋىن _ حانزۋ ادەبيەتىنەن كىرگەن اتاۋ. ساياسي -نازاريالىق سيپاتى كۇشتى،جاۋىنگەرلىك قۋاتقا،يدەيالىق سەزىمگە تولى بايىمداۋ ماقالاسى. ول قوعامدىق ومىردەگى ساياسي ماسەلەلەردى ءسوز ەتەدى،جۇرت نازار اۋدارىپ وتىرعان تۇيىندەرگە تالداۋ جاساپ،ونى دەر كەزىندە بەينەلەيدى،زاۋىن ايقىن ادەبي سيپات الادى،ءوزى بەينەلەيتىن ماسەلەلەردى وبرازدى وي،ورنەكتى ءتىل ارقىلى ساراپقا سالىپ قۇبىلىستان مانگە ءوتىپ،شىنايى شىندىقتى سۋرەتتەيدى. ادەتتە زاۋىننىڭ كولەمى ىقشام،ءتىلى تارتىمدى بولادى. وندا كوبىنەسە تەڭەۋ نەمەسە استارلاۋ تاسىلدەرى قولدانىلىپ،كوركەمدىك قۋاتى كۇشەيتىلەدى. لۋشۇن: زاۋىن «سەزىمتال نەرۆ،شابۋىل مەن قورعانىستاعى قولقانات»،توڭكەرىستىك زاۋىن «قانجار،نايزا بولۋى،وقىرماندارمەن بىرلىكتە ءومىردىڭ قاندى جولىن كەسىپ وتە الاتىن بولۋى كەرەك» دەيدى. زاۋىنداردىڭ كوپ ساندىسىندا يۋمەر،سىقاق فاكتورلارى ارالاسادى. ءبىراق سىقاق ارالاسقان شىعارمالاردىڭ ءبارى بىردەي زاۋىن بولا بەرمەيدى. سىقاق پەن يۋمەر زاۋىننىڭ جاۋىنگەرلىك قۋاتىن كۇشەيتەتىن فاكتور. ونىڭ ۇستىنە،زاۋىندا سىقاق الۋان ءتۇرلى بولىپ،تۇرلىشە سيپات الادى. ونىڭ «جاۋعا قاراتىلاتىنى،وداقتاستارعا قاراتىلاتىنى،ءوز قاتارىمىزعا قاراتىلاتىنى بولادى،بۇلاردىڭ ءارقايسىسىنا ۇستالاتىن پوزيتسيا تۇرلىشە بولادى». جاۋعا قاراتىلعان سىقاق _ سوققى بەرۋ،رۋحاني جاقتان كۇيرەتۋ سيپاتىندا بولادى. وندا جاۋدىڭ تالماۋ جەرىن ءداپ باسىپ «اياماي شەنەۋ» تالاپ ەتىلەدى. حالىق بۇقاراسىنىڭ كەمشىلىك-قاتەلىگىنە قاراتىلعان سىقاق ءناسيحات ايتۋ سيپاتىندا بولادى. وندا ءدال بولۋ، كەمشىلىك-قاتەلىك قاينارىن تەرەڭ اشۋ، ىزگى نيەتپەن « اۋرۋدى ەمدەپ،ادامدى قۇتقارۋ» پوزيتسياسىندا بولۋ تالاپ ەتىلەدى. تۇرلىشە سيپاتتاعى سىقاقتاردى پارىقتاندىرىپ،ونى بەتالدى قولدانۋدان ساقتانعاندا عانا زاۋىننىڭ جاۋىنگەرلىك رولىن تولىق،دۇرىس ساۋلەلەندىرۋگە بولادى. قىسقاسى،زاۋىن رەال ومىردە تۋىلعان ىستەرگە شولۋ جاساپ،پىكىر ايتىپ باعا بەرەتىن جانر،مادەنيەت شەبىنىڭ جەڭىل قارۋى ەسەپتەلەدى.

  يدەيالىلىق

  يدەيالىلىق _ شىعارمانىڭ يدەيالىلىعى دەگەندە شىعارمادا كوركەم وبراز ارقىلى بەينەلەنگەن وزەكتى ويدىڭ تەرەڭ-تايازدىعى مەڭزەلەدى. ول تاقىرىپتىڭ وبيەكتيۆ ماڭىزى مەن جازۋشىنىڭ سوبيەكتيۆ سانا -سەزىمىنىڭ ورگانيكالى ۇشتاسۋىنىڭ تۋىندىسى. مۇندا جازۋشىنىڭ يدەيالىق ورەسى،بەينەلەۋ شەبەرلىگى باستى ورىندا تۇرادى،شىعارمانىڭ يدەيالىلىعى تاقىرىپ سارالاۋعا جانە ونى تەرەڭ ساۋلەلەندىرۋگە بايلانىستى،شىعارمانىڭ يدەيالىلىق مازمۇنىنىڭ تەرەڭ-تايازدىعى جازۋشىنىڭ وي-ءورىسىنىڭ وسكەلەڭدىگىنە،كورەگەندىگى مەن ءومىردى بەينەلەۋ شەبەرلىگىنە قاراي بەلگىلەنەدى.

  «ماتەريالدان»

  كەلۋ قاينارى: تارباعاتاي اقپارات تورابى

  
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.