- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بابامنىڭ جۇرتى قالعان تەكتى مەكەن
توقتاۋباي ماكەباي ۇلى
2015.07.27 15:38 كەلۋ قاينارى : شينجياڭ گازەتى
كيكتى مەكەن
بيلەتكەن سامىرسىنىن بيىكتەرىڭ،
ورگىزگەن ءور توسىنەن كيىك - ءتولىن.
بابامنىڭ جۇرتى قالعان تەكتى مەكەن،
نەدەگەن بيىكتە ەدىڭ، سۇيىكتى ەدىڭ.
تۋعان تاۋ، اينالايىن بيىگىڭنەن،
قۇسىڭنان، قۋرايىڭنان، كيىگىڭنەن.
ياپىرىم - اي، سەن دە بيىك، مەن دە كيىك،
قاپىدا بولە كورمە ۇيىرىمنەن.
بۋرا بۇلت تونسە كەلىپ بيىگىڭە،
تۇرامىن الاڭ بولىپ كيىگىڭە.
بەۋ مەكەن اتىلعان وق بەيۋازدارعا،
قادالسىن مەنىڭ كەلىپ بۇيىرىمە.
شىعىپ اپ پەرى جۇرگەن بيىگىڭە،
ەلىتىپ بۇعى تارتقان كۇي ۇنىنە.
ءورت كەتىپ ءون بويىما وتىرۋشى ەم،
كۇي قوسىپ كۇڭىرەنگەن كۇيىگىمە.
قۇلاتساڭ قۇلاتا گور بيىگىڭنەن،
سوندا دا بولە كورمە ۇيىرىمنەن.
قاپىدا ءبىر كيىگىڭ وققا ىلىنسە،
كەتپەيدى ەكى قولىم بۇيىرىمنەن.
ۇلۋجان
ۇلۋجان، سۇلۋ ءمۇسىن قىز كورىكتى،
وزىڭدەي ۇجىماقتى كىم كورىپتى.
ارايلى تاڭى قانداي اتقان سايىن،
بويايتىن تاۋدىڭ باسىن مۇز بورىكتى.
ەسىنەپ وسىلايشا وياناتىن،
ارايعا تۇلا بويى بويالاتىن.
جارالعان گۇل مەن نۇردان ارۋ جەردىڭ،
كوركىنە قايتىپ قاراپ تويا الاسىڭ.
تاۋلارى تارعىل - تارعىل تارلان مەكەن،
كورگەن دە، كورمەگەن دە ارماندا ەكەن.
جەر ۇيىعىن ىزدەگەن اسانقايعى،
جەلمايامەن جەلدىرتىپ شالعان مەكەن.
ەركە جەل كوك شالعىننىڭ شاشىن تاراپ،
بال ارا بارشا گۇلدىڭ باسىن ساناپ.
قۇلىن مەن قۇرالايى ارالاسىپ،
قىرقادا قىلاڭ ۇرىپ اسىر سالاد.
قىرلانىپ سەرقاراعاي قىراتىڭنان،
قۇبىلىپ الۋان الاۋ گۇل اشىلعان.
سۋارعان اكەم اتىن اق بۇلاعىڭ،
كۇلكىشىل ەركە قىزداي بۇراتىلعان.
سالماۋشى ەم سالماعىمدى اياپ ۇداي،
كوز اربار كوركىڭ قايدا باياعىداي.
كەشەگى پەرى جۇرگەن تەكتى جەردى،
اياساڭ ءتىل مەن كوزدەن ايا، قۇداي.
ساۋمالدىڭ ءيىسى بۇرقاپ دەنەمىزدەن،
كۇن قانداي قىمىزىڭا ەلەگىزگەن.
قىزىل جال، بايگە توبە، قوس ومىراۋ،
ۇلۋجان، انام ەدىڭ سەن ەمىزگەن.
ۇلۋجان ءدال وسىنداي تەكتى مەكەن،
جۇدەمەسەڭ بولعانى وكسىمەسەڭ.
كەشەگى ساق بابامىز وبالارىن،
مۇراعىپ ۇرپاعىنا كەتتى مە ەكەن.
قىز قۋارعا شىعاتىن توپقا بارىپ،
قاشاتىن تويىڭ قايدا كوكبار الىپ.
كوكجالداردى بۇرەتىن تاڭنان الىپ،
قارايمىن قىرانىڭا كوپ قادالىپ.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
