- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جىراۋ مەكەن شىڭگىلىم
مۇقاتبەك ادىلبەك ۇلى
2015.08.16 10:18 كەلۋ قاينارى : شينجياڭ گازەتى
اسپانىنان التىن شۋاق كۇن اسقان،
اسقارىندا الۋان اسەم گۇل اشقان.
اينالايىن، جىراۋ مەكەن شىڭگىلىم،
اتاق - داڭقى التى الاشقا ۇلاسقان.
تۇتاس ەلدە تۋ دالانىڭ ءبىرىسىڭ،
قوينىڭ تولى ۇيىعان قۇت - ىرىسىڭ.
ەرلىك رۋحىڭ ۇيالاعان ماڭگىلىك،
مەكەن سۇيگىش جۇرەكتەردىڭ قۇرىشىن.
شىلاۋىشتى ماڭعاز انا اي ماڭداي،
التىن جۇرناق پۇشپاق تىماق شال قانداي؟!
ۇققام سودان نامىس قانداي، ار قانداي،
اتا عۇمىر تەك شىڭگىلدە قالعانداي...
ويمەن تىڭداپ قوس شىڭگىلدىڭ سىبىرىن،
تۇسپەن كورەم تۇلپارلاردىڭ ءدۇبىرىن.
جۇرەگىنە جاققان با ەكەن قىز - ۇلىڭ،
سۇلۋبايدىڭ ەرلىگىنىڭ جۇعىنىن.
قىزعالداعىن قىنا باسقان جايا تاس،
ىزگى ارمانىن جويعانداردى جولاتپاس.
قايسار ۇلان − اتا تەكتى قىراندار،
زاڭعارىڭنان تۇلەپ ۇشقان قاناتتاس.
كەر زاماندى كەلمەس جولعا جىبەرىپ،
كوركەيگەن ەل شاڭىراقتان نۇر ەمىپ.
اردا شىڭگىل اراي شاشىپ شالقىدىڭ،
ءون بويىڭا وركەنيەت گۇلى ءونىپ.
اتا سالتىن قاستەر ۇستاپ ارىس كۇن،
الاماندا جەل جۇيرىكپەن جارىستىڭ.
تۇمەن ءدۇلدۇل «قارا جورعا» قۇيعىتىپ،
قىران باپتاپ جۇرتىڭمەن جەر قايىستىڭ.
ەل تاعدىرى ءبىرى شاتتىق، ءبىرى مۇڭ،
داۋىل كەشكەن قۇرمانبەكتەي قۇلىنىڭ.
قۇدىرەتىن كوپ تانىتىپ ايتىستىڭ،
قۇلان جىرعا سالعان التىن قۇرىعىن.
الدا اسقارعا ارمان قانات سەرپىلدى،
داۋلەت ءومىر كۇندە كۇي بوپ شەرتىلدى.
اسقاق انمەن تەربەتىلدى ءجازيراڭ،
ۇلاعاتتاپ ونەر قۋعان ەركىڭدى.
بۇزىلماعان بال قايماعى جالپىنىڭ،
بەرەكەلى ەلدىگىڭە ءتانتىمىن.
ىزگىلىكپەن بىرگە تۋعان ۇلىڭا،
ەنشى بوپتى ات باسىنداي التىنىڭ.
كەرۋەن كەشىپ اتا اسىنان تاتىپ ەم،
ءساندى اۋىلدا سازدى اۋەنگە باتىپ ەم.
تۇگەل بولسىن تۋىسقاننىڭ قاتارى،
تالاي كوسەم قارتتارعا ءۇن قاتىپ ەم.
تۇلا بويىن تىڭ تىرشىلىك كەرنەگەن،
ەسەرلەردىڭ ەركىنە جول بەرمەگەن.
«ەلىم - اي... دىڭ» سارىعى بار سان عاسىر،
ەلدى دەسەك شىڭگىلدەي عوي ەل دەگەن.
كوڭىلگە دە، كوزگە دە ىستىق كوركەم جەر،
توپىراعىڭنان تۋسىن جۇلدىز وركەندەر.
سۋ توگىلمەس ونەر جورعاڭ وردە وزسا،
اسەرلەنگەن جاناردان جاس مولتەڭدەر.
جەبەسىمەن جالىن شاشقان جىگەردىڭ،
شىڭگىل، ساعان جىردان سالەم جىبەردىم.
ساعىندىم - اۋ ءور التايداي ۇياسىن،
اقيىقتار سامعاپ ۇشقان ۇلى ەلدىڭ !!!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
