- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اعالار ايتقان ءازىل ءسوز
ءشومىشباي ساريەۆ
2015.08.16 10:20 كەلۋ قاينارى : شينجياڭ گازەتى
مۇحتار اۋەزوۆ جانە ءتور
مۇحاڭ بىردە تويعا كەش كەلىپ،
كەشىككەنىن ءوزى ىشتەي ەسكەرىپ.
ءۇي يەسىنەن كەشىرىم سۇراپ،
بوس ورىنعا جايعاسا سالعان كورىنەدى.
جوعارى ورىننان كىمدى قوزعالتامىز دەپ،
توي يەلەرى ويلاسا قالعان كورىنەدى.
مۇحاڭ مۇنى بايقاپ قالىپ:
−− وعان قام جەمەڭدەر، - دەپ توقتاتىپتى.
سوندا دا ءۇي يەسىنىڭ كوڭىلىنە،
مۇحاڭنىڭ تومەن وتىرعانى كوپ باتىپتى.
جوعارىداعىلار وزدەرى ءبىلىپ، قوزعالا قويماپتى،
«تورگە شىعىڭىز، مۇحا» دەگەن ءسوز بولا قويماپتى.
سوندا اسابا:
− مۇحاڭ تومەن وتىرىپ قالدى - اۋ، - دەپتى،
كوپشىلىك تە ءۇنسىز قاپتى. مۇحاڭ دا ۇندەمەپتى.
تاعى بىردە اسابا:
− مۇحاڭنان ۇيات بولدى - اۋ، - دەپتى.
كوپشىلىك تاعى ءۇنسىز قاپتى.
مۇحاڭ دا تاعى ۇندەمەپتى.
ىزەت ەتەم دەپ اعاعا، ءبىرازدانسىن اسابا:
− ورتامىزدا مۇحاڭنىڭ ورنى بولەك، - دەپتى.
مۇحاڭنىڭ تورگە شىعۋى قالايدا كەرەك، - دەپتى.
توردەگىلەر تاعى دا ۇندەمەپتى.
سوندا مۇحاڭ تىلگە كەپتى:
− اسابا، شىراعىم، نيەت - كوڭىلىڭىز وڭدى، - دەپتى،
ءبىراق، مەن وتىرعان جەردى − ءتور ساناساڭىز بولدى، - دەپتى.
ەگىز حالىق جانە قادىر ءازىلى
«بىرەۋ ءۇشىن بىرەۋى وتەپ پارىزدى،
بىرەۋى ءۇشىن، ءبىرى بەرگەن قارىزدى.
قىرعىز - قازاق كوپ حالىقتىڭ ىشىندە
ءبىر - ءبىرىنىڭ كوشىرمەسى ءتارىزدى».
ءبىر قيماستىق سەزىمدەر بار وسىندا،
اينالىپ تۋىسقاندىق جاراسىمعا.
وقيدى قادىر ولەڭ موسكۆادا،
قىرعىزدىق باۋىرلاردىڭ اراسىندا:
«قازاق پەنەن قىرعىزداردى بولمەگەن عوي ءبىر كەزدە،
قازاقبايلار وزدەرىندە، قىرعىزبايلار ءجۇر بىزدە...
مەن بوتەندىك بايقامادىم قىرعىز، قازاق تۇرىنەن،
ءبىز ۇمىتقان قازاق ءسوزىن تابام قىرعىز تىلىنەن...
ءبىزدىڭ دوستىق قايتقان ەمەس الاي - دۇلەي داۋىلدان،
جوق بوپ كەتكەن قىزىڭ بولسا، ىزدە ءبىزدىڭ اۋىلدان!»
دەپ ازىلدەپ قادىر اقىن قاعىتتى،
«اۋىس - كۇيىس» ازىلىمەن، تۋىستىعىن تانىتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
