بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ءتىل-ادەبيەت

ەشكىمنىڭ دە ءتورت تۇرمانى ساي ەمەس

2015.11.20 15:14    

  ەۆروپاداعى ءمالىم ءبىر مەملەكەتتىڭ اتاقتى جوعارى داۋىستى ايەل ءانشىسى نە ءبارى 30 جاسىندا اتاعى جەر جارىپ، بۇكىل الەمگە ايگىلى بولىپتى. ونىڭ ۇستىنە ساقىپجامالدىڭ ءوزى بولىپ، وتباسى دا اۋقاتتى ەكەن. ول مەيلى قايدا بارىپ ويىن قويسا دا، بارلىعىندا قىزۋ قارسى الۋعا بولەنىپ وتىرىپتى. ءبىر جولى ويىن اياقتاپ، كۇيەۋى جانە بالاسىمەن بىرگە تەاترحانادان شىعىپ كەلە جاتقاندا، سول ارادا الدىن الا كۇتىپ تۇرعان جۇرتشىلىقتىڭ قورشاۋىندا قالىپتى. ەلدىڭ ءبارى تالاسا–تارماسا ونى ماقتاپ، سۇيىنىشتەرىن ءبىلدىرىپتى.

  بىرەۋلەر ونىڭ ۋنيۆەرسيتەتتى بىتىرە سالىپ جولى بولىپ، اتاعى شىققانىن، مەملەكەت دارەجەلى تەاترحانادا باس رولدى سومدايتىن ءارتيست بولعانىنا تامسانسا، كەيبىرەۋلەر ءانشىنىڭ 25 جاسىندا دۇنيەدەگى 10 ءىرى جوعارى داۋىستى ايەل ءانشىنىڭ ءبىرى بولعانىن، ەندى بىرەۋلەر ونىڭ داۋلەتى اسىپ توگىلەتىن ءمالىم سەرىكتەستىك قوجايىنىنا تۇرمىسقا شىققانىن، جۇزىنە كۇلكى ءۇيىرىلىپ تۇراتىن، مىناداي سۇيكىمدى ۇلىنىڭ بار ەكەنىن ايتىسىپ ماقتاسىپتى....

  ەلدىڭ ءسوزى اياقتادى–اۋ دەگەندە ول:

  –مەن اۋەلى كوپشىلىكتىڭ ماعان جانە جانۇيامداعىلارعا بولعان سۇيىنىشتەرىنە العىس ايتامىن. بۇدان سىزدەرمەن بىرگە شاتتىق تابامىن. دەسە دە سىزدەردىڭ كورىپ وتىرعاندارىڭىز مەنىڭ ءبىر جاعىم عانا، ەندى ءبىر جاعىمدى كورە العان جوقسىزدار. سىزدەر سۇيكىمدى دەپ تامسانعان مىناۋ جۇزىنەن كۇلكى ءۇيىرىلىپ تۇراتىن كىشكەنە ۇلىم سويلەي المايتىن مىلقاۋ. ونىڭ ۇستىنە، مەنىڭ تاعى ءبىر اپەكەم بار، ول ۇزاقتى كۇن تەمىر تورلى تەرەزەنىڭ ىشىنە قامالعان نەرۆ اۋرۋىنا شالدىققان ناۋقاس،–دەيدى.

  ءانشىنىڭ بۇل سوزدەرىنەن سەلت ەتە تۇسكەن جۇرت نەدەرىن بىلمەي، ءبىر–بىرىنە قاراپ، مۇنداي بولمىستى قابىلداۋعا شاراسىزدىق تانىتادى. وسى كەزدە ءانشى بايىپتى تۇردە كوپشىلىككە:

  –مۇنىڭ ءبارى نەنى تۇسىندىرەدى؟ بالكىم، ەشكىمنىڭ دە ءتورت تۇرمانى ساي ەمەس دەگەن قاعيدانى تۇسىندىرسە كەرەك،–دەپتى.

  ءانشى وسى سوزدەردى ايتقاننان كەيىن ەلدىڭ ءبارى ۇندەمەي قالادى. دەسە دە بۇل جولى تاڭعالىپ ەمەس، ويلانىپ، قاتتى ويلانىپ قالعان ەدى.

  اۋدارعان قانات جۇماش ۇلى

  كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.