- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بالىقشىنىڭ سەرتى
2016.03.31 16:40
مىناداي ءبىر اڭگىمە بار: ەرتەدە بالىق اۋلاۋعا شەبەر ءبىر بالىقشى بولىپتى. ءبىراق ونىڭ بەتالدى انت ىشەتىن جامان ادەتى بار ەكەن، شىندىققا جاناسپايتىن ۋادەلەر بەرىپ، ورىنداي الماسا دا شىمىرىكپەيتىن جامان ادەتىن تاستاماپتى.
ءبىر جىلى كوكتەمدە، قالادا بوياۋشاشار بالىعىنىڭ باعاسى جوعارى دەگەندى ەستىپ، تەڭىزگە شىققاندا تەك بوياۋشاشار بالىعىن عانا اۋلايمىن دەپ سەرت بەرىپتى. ءبىراق تەڭىزگە شىققاندا قىسقىش شايان شوعىرى عانا كەزىگىپ، بالىقشى قۇر قول قالىپتى. جاعاعا قايتىپ كەلگەن سوڭ، قالادا قىسقىش شايان باعاسىنىڭ قىمباتتاعانىن ءبىلىپتى. بالىقشى قاتتى وپىق جەپ، كەلەسى جولى تەڭىزگە شىققاندا، ءسوزسىز، قىسقىش شايان اۋلايمىن دەپ سەرت بەرىپتى.
ەكىنشى رەت تەڭىزگە شىققاندا ول بار نازارىن قىسقىش شايانعا عانا اۋدارىپتى، ءبىراق بۇل جولى بوياۋشاشار بالىعى مولىنان ۇشىراپتى. بالىقشى بۇل جولى دا ۇيىنە قۇر الاقان قايتىپتى. كەشتە اشتىق مەڭدەتكەن بالىقشى توسەگىندە وكىنىش وزەگىن ورتەپ دوڭبەكشىپتى. سونىمەن ول كەلەسى جولى تەڭىزگە شىققانىمدا، ءسوزسىز، بوياۋشاشار بالىعى مەن قىسقىش شاياندى قوسا اۋلايمىن دەپ قاسام ءىشىپتى.
تەڭىزگە ءۇشىنشى رەت شىققاندا بالىقشى ءوز سەرتى بويىنشا بالىق اۋلاپتى، ءبىراق بۇل رەت بوياۋشاشار بالىعى دا، قىسقىش شايان دا ىلىكپەپتى، ازداعان ماكرەل بالىعىن اۋلاپ قايتىپتى...
بالىقشى ءتورتىنشى رەت تەڭىزگە شىعىپ بالىق اۋلاۋعا ۇلگىرمەي بەرگەن سەرتىمەن قوسا اشتىق پەن قاقاعان ايازعا توزە الماي جان ءتاسىلىم بولىپتى.
بۇل تەك جاي اڭگىمە عانا: عالامدا ونداي اقىماق بالىقشى جوق، ءبىراق ءدال وسىنداي وسپادار سەرت پەن ۋادە بار. ءبىر زەرەك بالا بولىپتى، ادەتتە ۇيرەنۋ ناتيجەسى دە جاقسى ەكەن، اتا–اناسى بالامىز كەلەشەكتە، ءسوزسىز، ماڭداي الدى ۋنيۆەرسيتەتكە وتەدى دەپ سەرت بەرۋگە قۇمار بولىپتى. ناتيجەدە بالاعا تۇسكەن قىسىم بارعان سايىن اۋىرلاپ، جوعارى مەكتەپكە ەمتيحان بەرۋ ۋاقىتى تاياعاندا نەرۆى قاتتى السىرەۋ سەبەبىنەن ءبىرنەشە اي بويى كۇنىنە ءتورت ساعات كىرپىك ايقاستىرا المايتىن بولىپ قالىپتى، سوڭىندا بالانىڭ ەمتيحان ناتيجەسىنىڭ قالاي بولعانى ايىتپاساق تا تۇسىنىكتى شىعار.
سوندىقتان، نىسانا مەن رەالدىق اراسىندا ۇنەمى بەلگىلى ارالىق بولادى، ءبىز نىسانانى ءاردايىم تەڭشەپ وتىرۋىمىز ءتيىس، ادام رەالدىققا سايكەسپەيتىن سەرت پەن ارمان ءۇشىن ءومىر سۇرمەۋى كەرەك.
ماقالانى حانزۋشادان اۋدارعان: قۋات جۇماش ۇلى
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
