- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىزىل ساۋلە
وسپانحان اۋباكىروۆ
2016.05.19 15:45 كەلۋ قاينارى : شينجياڭ گازەتى
اۋسەك قىزمەتتەن تۇسكەننەن كەيىن: «ءاي، دۇلەي، كوزىڭە قاراپ ايداساڭشى»، - دەيتىن شوفەردان دا ايرىلدى. اياعى «زەڭگىرگە» تۇسسە الا قاشاتىن قايران الا وكپە ماشينا كۇندە كۇركىلدەپ ەسىگىنىڭ الدىنا كەلىپ تۇرۋشى ەدى... ءيا... جىلى توسەكتەن جۇلىپ الىپ قۇيرىققا ءبىر تەپكەندەي اۋسەلە بولدى. وزىنە دە وبال جوق، كەڭسەسىنە كىرمەي، سۋ كەشىپ، بالىق ءسۇزىپ، چەككە قول قويماي قاڭعىپ كەتۋشى ەدى، شەگىنە جەتتى. بارىنەن دە جەڭگەيدىڭ: «بالىقتا باسىڭ قالعىر باقا، بالاعىڭدى ءتۇرىپ الىپ سۋدان شىقپاي قويىپ ەدىڭ، ساۋاپ بولدى!»، - دەپ تابالاۋى ءوتىپ بارادى.
شىنىندا دا جاڭا عانا «زام» بولىپ جان بولعاندا ازاننان سازان قۋىپ مازاسى كەتىپ ەدى، جازاسىن تارتىپ جالپاعىنان ءتۇستى. تىرسىلداعان توق كوڭىل تاسقا تيگەن دوپشا سەكىرىپ وسى كەزدە وزەن بويلاپ ءجۇرۋشى ەدى، بۇل كۇندە ۇزىلگەن تۇيمەدەي ورنىندا جوق.
قوناققا شاقىرىپ كوڭىلىن ەلەگەن «بالىقشى» دوستارى: «باسىڭ امان بولسىن، بالىق تا بولادى، بايلىق تا بولادى»، - دەپ شىعارىپ سالعان.
جارىم تۇننەن اسقان كەز بولۋ كەرەك، كوشەنىڭ ارقاسى بوساپ، بوياۋ ساتىپ تۇرعان كىسىدەن تەك سىبەتوفور (بەلگى شىراق) عانا قالىپتى. كوڭىلى كوپسىپ، شەكەسى جىپسىگەن اۋسەك «كۇركىلدەك ماشيناسىنا» ءمىنىپ الىپ تارتىپ كەتتى. تابانى تاسقا تيمەي تارسىلداپ كەلە جاتقان كۇركىلدەك كىلت توقتادى، قىزىل ساۋلە جانىپ تۇر ەكەن. اۋسەك ادەتىنشە اكەدەن ءبىر قايىرىپ الدى دا:
− ءاي، دۇلەي نەمە! كوزىڭە قاراساڭشى، وتقا ءتۇسىپ كەتە جازدادىق قوي، - دەپ دۇڭ ەتە قالدى.
شوفەر ۇندەگەن جوق، ءجۇرىپ كەتتى.
− اۋىزدارىڭا بىردەڭە تيسە، قاتىن - بالالارىڭدى ۇمىتىپ كەتەسىڭدەر. سىبەتوفوردى باسىپ كەتە جازدادىڭ عوي ەسالاڭ وگىز! كوشە ءتارتىبىن بىلمەيتىن بالىق ەكەش بالىق تا سۋ استىندا وزدەرىنىڭ كوزدەرىنە قاراپ جۇرەدى، - دەپ اۋسەك ءالى بارقىلداپ كەلەدى.
وسىنداي قاپتاعان قىزىل ساۋلەلەرگە بوگەلىپ ءسۇرىنىپ - قابىنىپ كەلە جاتقان كۇركىلدەك ماشينا قىپ - قىزىل بولىپ «ورتەنىپ» تۇرعان سىبەتوفورعا سوعىلىپ «كۇل - تالقانى» شىقتى. اناداي جەرگە ۇشىپ تۇسكەن اۋسەك: «قاپ، ءيتتىڭ بالاسى - اي، ءولتىردىڭ - اي»، - دەپ باسىن كوتەردى. شوفەر دە جوق، ماشينا دا جوق، كورىنگەن سىبەتوفورعا «شوقىنىپ» مانادان جاياۋ كەلە جاتقانى ەندى ەسىنە ءتۇستى. ماشينادان تۇسپەي ابدەن جامان ۇيرەنىپ كەتكەن عوي قايران قاسقا.
اينالايىن قيال - اي دەسەڭشى، كۇركىلدەگىن بۇلكىلدەتىپ ءومىر باقي ءمىنىپ جۇرەمىن دەپ ويلاعان دا!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
