- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شىرىشتى ۇلۋ
وۋ ي - ۋىن
2017.01.05 13:55 كەلۋ قاينارى : شينجياڭ گازەتى
10 جاسار كەزىم، ا ق ش - تىڭ شىعىس سولتۇستىك مۇيىسىندەگى مەين شتاتىنداعى ءبىر كولدىڭ بويىندا تۇتاس ءبىر جازدى وتكىزدىم. سوندا بارعانىمنىڭ العاشقى تاڭەرتەڭى وزگە بالالار تەڭىز جاعالاۋىنان ءبىر شاقىرىم قاشىقتاعى اعاشى بىتىك وسكەن شاعىن ارالعا قاراي لاپ قويدى. وسىدان بۇرىن مەن قالاي مالتاۋدى بىلەمىن دەپ ءجۇرىپپىن، ءبىراق ءدال سول ساتتە سۋدا قالاي اعۋدى عانا بىلەتىنىمدى اڭعاردىم. مەن «يتشە ءجۇزۋ» ادىسىمەن كادىمگىدەي جۇزگەندەي بولدىم، الايدا ءمالىم ارالىققا دەيىن ءجۇزىپ بارۋعا كەلگەندە، ساتسىزدىككە ۇشىرادىم. وزگە بالالارعا ىلەسىپ وتىرۋعا تىرىسىپ - اق كوردىم، دەسەدە 200 مەترگە دەيىن جۇزگەن سوڭ تۇنشىعا باستادىم. ولار العا قاراي قۇلاشتاپ بارا جاتتى. ءبىر كىسى مەنى شاعىن قايىققا شىعارىپ الىپتى.
ءبىر جىل وتە شىقتى، سول جولى شاعىن ارالدا جۇزگەنىم ەسىمنەن كوتەرىلگەن ەمەس. ەسىمە تۇسسە بولدى، جۇرەگىمە تاڭباسىن قالدىرعان ءالسىز، دارمەنسىز، ءالجۋاز كۇيىم ەسىمە ورالادى. ادامزاتتىڭ نەگىزگى قابىلەتى سۋدا ءجۇزۋ ونەرى جاعىنان مەن ساتسىزدىككە ۇشىراۋشىمىن.
كەلەسى جازدا مەن الگى سۋ الابىنا بارۋدان باس تارتتىم. ءبىر كۇنى تاڭەرتەڭ ەل تۇرۋدان بۇرىن ءبىر ءوسپىرىم مەنى كەلىپ وياتىپ، كول بويىنا بارۋعا قولقالادى. ءسويتىپ، مەن اقىرىن بارىپ كولگە سۇڭگىدىم دە، جۇزۋگە كىرىستىم. 200 مەتر جۇزگەن سوڭ بىلەگىم تالىپ، دارمەنىم كەتە باستادى. اۋدارىلىپ الىپ دەمالدىم، قىرىن مالتاۋ ادىسىمەن ءوزىمدى الدىعا يتەرمەلەي ىلگەرى ءجۇزدىم، سوسىن تاعى اۋدارىلىپ الىپ جانتالاسا سۋدى تەپتىم، شىرىشتى ۇلۋداي باياۋ عانا العا ىلگەرىلەدىم. سۋدىڭ باعىتىمەن كەتە بەرگەندىكتەن باعدارىمنان اۋىتقىپ كەتتىم، سۋ كەشكەن بەتى ارتىما قايتىپ، ءجۇزۋ سورابىنا جەتىپ الماسىما بولمادى. سونداعى سۋدا جۇزگەن كەيپىم توتەنشە سولەكەت بولعانىمەن، ايتەۋىر جۇزگەنىم انىق ەدى. ءبىر ساعاتتان سوڭ تابانىم تاۋ جىنىسىنىڭ جىلبىسقى بەتىنە تيگەنىن سەزدىم. مەن شاعىن ارالعا جەتىپ الدىم. قيالداعانىمداي ورنىقتى، ءتۇزۋ، ادەمى قالىپپەن ۇدىرە جۇزبەسەم دە، قالايدا سۋدا قالقىدىم، تىنباي ىلگەرىلەپ وتىردىم. كەيىن بايقادىم، سونداعىم ءدال ءوزىمنىڭ ۇزاق جىلدار بويعى ەر ازاماتقا اينالۋ جولىم ەكەن.
اۋدارعان: وركەن اقبەردى ۇلى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
