بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ارناۋلى تاقىرىپ>>18-قۇرىلتاي>>ورتالىقتىڭ ءۇنى

حۋ جينتاۋدىڭ 18-قۇرىلتايدا جاساعان ماڭىزدى بايانداماسىنان ءۇزىندى (8-ءبولىم)

2012.11.12 15:20     كەلۋ قاينارى : ورتالىق حالىق راديو ستانسياسى تورابى

  حۋ جينتاۋ بىلاي دەدى: ەكولوگيالىق وركەنيەت جاراتۋ- حالىقتىڭ باقىتتى تۇرمىسى مەن ۇلت كەلەشەگىنە ساياتىن بولاشاقتىق ۇلى جوسپار. بايلىق قاينارى تەجەمىنىڭ كۇشەيۋى، ورتانىڭ اۋىر لاستانۋى، ەكولوگيالىق جۇيەنىڭ ازۋى سىندى اۋىر جاعدايدا، تابيعاتقا قۇرمەت ەتۋ، ۇيلەسۋ، تابيعاتتى قورعاۋ سىندى ەكولوگيالىق وركەنيەت تانىمىن ورناتىپ، ەكولوگيالىق وركەنيەت قۇرىلىسىن كورنەكتى ورىنعا قويىپ، ونى ەكونوميكالىق، ساياسي، مادەنيەت، قوعامدىق قۇرىلىستاردىڭ ءارقايسى جاقتارى مەن تۇتاس بارىسىنا توعىستىرىپ، جۇڭگونى كوركەم ەتىپ قۇرۋعا قۇلشىنىپ، جۇڭحۋا ۇلتىنىڭ ماڭگىلىك دامۋىن جۇزەگە اسىرۋ كەرەك.

  بايلىقتى ۇنەمدەۋ مەن ورتانى قورعاۋ سىندى مەملەكەتتىڭ نەگىزگى ساياساتىنا، ۇنەمشىل بولۋ مەن قورعاۋدى ماڭداي الدى ورىنعا قويىپ، تابيعاتتى قالپىنا كەلتىرۋدى نەگىز ەتۋ باعىتىنا تاباندى بولىپ، زالالسىز، اينالمالى، تومەن كومىرتەكتى دامۋدى كۇش سالا ىلگەرلەتىپ، بايلىقتى ۇنەمدەۋ مەن ورتانى قورعاۋدىڭ اۋماقتىق جۇيەسىن قالىپتاستىرىپ، شارۋاشىلىق قۇرىلىمى، ءوندىرىس، تۇرمىس ءتاسىلى جاقتارىندا، ەكولوگيالىق ورتانىڭ ناشارلاسۋى جاعدايىن تۋ باسىنان وڭاپ، حالىققا وندىرىستىك-تۇرمىستىق تاماشا ورتا جاراتىپ، بۇكىل جەر شارى ەكولوگياسىنىڭ حاۋىپسىزدىگى ءۇشىن ۇلەس قوسۋ كەرەك.

  حۋ جينتاۋ بىلاي دەدى: مەملەكەت تەريتورياسىنىڭ مۇمكىندىكتەرىن اشۋ جۇيەسىن ساپالاندىرۋ كەرەك. حالىق سانىنىڭ، بايلىقتىڭ، ورتانىڭ ءوزارا تەپە-تەڭدىگىن، ەكونوميكالىق، قوعامدىق، ەكولوگيالىق ونىمدىلىكتىڭ بىرلىگىن ساقتاۋ پرينسيپى بويىنشا، اشۋ تەبىنىن تىزگىندەپ، مۇمكىندىك قۇرىلىمىن رەتكە سالىپ، وندىرىستىك ورتانىڭ شوعىرلى، بارىنشا ءونىمدى، تۇرمىستىق ورتانىڭ تىرشىلىككە ىڭعايلى، ۇيلەسىمدى، ەكولوگيالىق ورتا تابيعاتى كوركەم بولۋىن جەبەپ، تابيعاتتىڭ قالپىنا كەلۋىنە ءتىپتى مول مۇمكىندىك، اۋىل-شارۋاشىلىعىنا ءتىپتى دە مول قۇنارلى ەگىستىك جەر، كەيىنگى ۇرپاقتارعا اسپانى ءمولدىر، جەرى جاسىل، سۋى تۇنىق كورىكتى مەكەن قالتىرۋ كەرەك. نەگىزگى تۇلعالىق فۋنكتسيالىق ءوڭىر ستراتەگياسىن اتقارۋدى جەدەلدەتىپ، رايونداردىڭ نەگىزگى تۇلعالىق فۋنكتسيالىق ورنىن قاتاڭ ايقىنداۋ نەگىزىندە دامۋىن ىلگەرلەتۋ، قالالانۋدىڭ عىلمي دا ۇيلەسىمدى جۇيەسىن، اۋىل شارۋاشىلىعىن دامىتۋ جۇيەسىن، حاۋىپسىز ەكولوگيا جۇيەسىن ورناتۋ كەرەك. تەڭىز-مۇحيت بايلىعىن اشۋ قۋاتىن جوعارىلاتىپ، تەڭىز-مۇحيت شارۋاشىلىعىن دامىتىپ، تەڭىز-مۇحيت ەكولوگيالىق ورتاسىن قورعاپ، مەملەكەتتىڭ تەڭىز-مۇحيت جونىندەگى ۇقىق-مۇددەسىن باتىل قورعاپ، تەڭىز-مۇحيت جاعىندا قۋاتتى ەل قۇرۋ كەرەك.

  حۋ جينتاۋ بىلاي دەدى: بايلىق ۇنەمدەۋدى جاپپاي جەبەۋ كەرەك. بايلىقتى ۇنەمدى، ۇتىمدى پايدالانىپ، بايلىقتان پايدالانۋ تاسىلىندە تۇبەگەيلى بۇرىلىس جاساۋدى ىلگەرلەتىپ، بايلىقتى ۇنەمدەۋدىڭ تۇتاس بارىسىن باسقارۋدى كۇشەيتىپ، ەنەرگيانىڭ، سۋدىڭ، جەردىڭ تىم ارتىق جۇمسالۋىن زور دارەجەدە تومەندەتۋ، پايدالانىلۋ ونىمدىلىگى مەن ءتيىمدىلىگىن جوعارىلاتۋ كەرەك. ەنەرگيا ءوندىرىسى مەن تۇتىنۋ توڭكەرىسىن ىلگەرلەتىپ، ەنەرگيا تۇتىنىمىنىڭ جالپى مولشەرىن تىزگىندەپ، ەنەرگيانى ۇنەمدەپ، ەنەرگيا جۇمسالىمىن ازايتۋدى كۇشەيتۋ، ەنەرگيا ۇنەمدەلەتىن تومەن كومىرتەكتى شارۋاشىلىقتى جانە جاڭا ەنەرگيانى، تۋىندامالى ەنەرگيانى دامىتۋعا قولداۋ بەرىپ، مەملەكەتتىڭ ەنەرگيا حاۋىپسىزدىگىنە شىنايى كەپىلدىك ەتۋ كەرەك. سۋ قاينارىن قورعاۋدى جانە سۋدان پايدالانۋدىڭ جالپى مولشەرىن باسقارۋدى كۇشەيتىپ، سۋدان قايتالاپ پايدالانۋدى ىلگەرلەتىپ، سۋ ۇنەمدەيتىن قوعام قۇرۋ كەرەك. ەگىستىك جەردى قورعاۋ شەگىنە قاتاڭ بويسۇنىپ، جەردىڭ ىستەتىلۋىن باسقارۋعا الۋدى قاتاڭداستىرۋ كەرەك. كەن بايلىعىن بارلاۋدى، قورعاۋدى، ۇيلەسىمدى اشۋدى كۇشەيتۋ كەرەك.

  حۋ جينتاۋ بىلاي دەدى: تابيعي ەكولوگيالىق جۇيەنى جانە ورتانى قورعاۋدىڭ تەبىنىن ارتتىرۋ كەرەك. ەكولوگيانى قالپىنا كەلتىرۋدىڭ ءىرى ينجەنەريالارىن ىسكە قوسىپ، ەكولوگيالىق ونىمدەردى ءوندىرۋ قۋاتىن ارتتىرىپ، شولەيىتتەنۋدى، تاستاقتانۋدى، توپىراقتىڭ شايىلۋىن جان-جاقتىلى تىزگىندەۋ. سۋ يىگىلىگى قۇرىلىسىن تەزدەتىپ، اپاتتان ساقتانۋ جانە اپات شىعىنىن جەڭىلدەتۋ جۇيەسى قۇرىلىسىن كۇشەيتۋ. الدىن الۋدى نەگىز ەتىپ، جان-جاقتىلى تىزگىندەۋگە تاباندى بولىپ، بۇقارانىڭ دەنساۋلىعىنا زيان جەتكىزەتىن ورتاعا قاتىستى كورنەكتى ماسەلەلەردى شەشۋدى ءتۇيىن ەتە وتىرىپ، سۋ، اتموسفەرا، توپىراق قاتارلىلاردىڭ لاستانۋىنان ساقتانۋدى جانە ونى تىزگىندەۋدى كۇشەيتۋ كەرەك. ورتاق ءارى پارىقتى جاۋاپكەرشىلىك ارقالاۋ پرينسيپىنە، ادىلدىك پرينسيپىنە، اركىم شاماسىنا قاراي ىستەۋ پرينسيپىنە تاباندى بولىپ، حالىقارالىق قوعاممەن بىرلىكتە جەر شارى كليماتىنىڭ وزگەرىسىنە بەلسەنە توتەپ بەرۋ كەرەك.

  حۋ جينتاۋ بىلاي دەدى: ءبىز تابيعاتتى ءسوزسىز، اسا سانالىقپەن ايالاپ، ەكولوگيانى اسا بەلسەندىلىكپەن قورعاپ، سوتسياليستىك ەكولوگيالىق وركەنيەتتىڭ جاڭا داۋىرىنە قادام تاستاۋعا قۇلشىنۋىمىز كەرەك.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.