- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون پارتيا 18 - قۇرىلتايىنا قاتىناساتىن ۋاكىلدەردىڭ مىندەت اتقارۋى جونىندەگى تاربيە ءماجىلىسىن وتكىزدى
2012.11.08 08:38 كەلۋ قاينارى : ءتاڭىرتاۋ تورابى
اۆتونوميالى رايونىمىزدان پارتيا 18 - قۇرىلتايىنا قاتىناساتىن ۋاكىلدەردىڭ مىندەت اتقارۋى جونىندەگى تاربيە ءماجىلىسى 4 - قاراشا تۇستەن بۇرىن ۇرىمجىدە اشىلدى، اۆتونوميالى رايوندىق پارتكوم ۋاكىلدەردى پارتيا ەرەجەسىن، ماڭىزدى باعىت، ساياساتتاردى جانە مىندەت اتقارۋعا قاتىستى نەگىزگى تالاپتاردى ىشكەرىلەي ۇيرەنۋگە ۇيىمداستىرىپ، ولاردىڭ اۆتونوميالى رايوننىڭ ەكونوميكالىق، قوعامدىق دامۋى مەن پارتيا قۇرىلىسى جاعدايىنان حابار الىپ، ۋاكىلدىك تانىمىن نىعايتىپ، مىندەت اتقارۋ قابىلەتىن جوعارىلاتىپ، ۋاكىلدىك رولىن ادا ەتۋىنە مۇمكىندىك تۋدىردى.
ەركىن يمىرباقى، حان يۇڭ، حۋاڭ ۋي، نۇرلان ءابىلماجىن ۇلى، جۋ حايلۇن، باي جىجيە، ەركىنجان تۇراحۇن، ليۋ شينچي ماجىلىسكە قاتىناستى.
اۆتونوميالى رايوندىق پارتكومنىڭ ورىنباسار شۋجيى، ۇيىمداستىرۋ ءبولىمىنىڭ باستىعى حان يۇڭ اۆتونوميالى رايوندىق پارتكوم اتىنان ۋاكىلدەردىڭ، سىرتتاي قاتىناسۋشىلاردىڭ، قىزمەتكەرلەردىڭ مىندەت اتقارۋى جونىندەگى تالاپ - تىلەكتەردى ورتاعا قويدى. ول بىلاي دەدى: پارتيا 18 - قۇرىلتايىنا قاتىناساتىن اۆتونوميالى رايونىمىزدىڭ ۋاكىلدەرى شينجياڭداعى ءبىر ميلليون 360 مىڭ پارتيا مۇشەسى مەن 22 ميلليون ءار ۇلت حالقىنىڭ ماڭىزدى تاپسىرماسىن ارقالاپ وتىر، جاۋاپكەرلىكتەرى اۋىر. ۋاكىلدەردىڭ بەينەسى پارتيا 18 - قۇرىلتايى كۇن ءتارتىبىنىڭ ءساتتى جۇرگىزىلۋىنە، شينجياڭداعى پارتيا مۇشەلەرى قوسىنىنىڭ جالپىلىق وبرازىنا سايادى. ءاربىر ۋاكىل وزىنە تاڭداۋلى پارتيا مۇشەسىنىڭ ولشەمى بويىنشا قاتاڭ تالاپ قويىپ، مىندەت پەن جاۋاپكەرلىكتى بارىنەن ماڭىزدى ساناۋى، قۇرىلتايعا زور ساياسي ىقىلاسپەن، اسقاق رۋحاني بەت - بەينەمەن قاتىناسىپ، مىندەت ادا ەتۋى، تارتىپكە قاتاڭ بويسۇنىپ، دۇرىس جيىن ستيلىنەن جازباي، ماڭىزدى كۇنتارتىپتەردى ارقاۋ ەتىپ، قۇرىلتايدىڭ ءساتتى اشىلۋىنا بار كۇشىن ارناۋى كەرەك. دەموكراتيالىق ورتالىقتاندىرۋ پرينسيبىنە تاباندى بولىپ، پارتيالىلىقتى دارىپتەۋى، جالپى جاعدايدى ويلاپ، بەرەكە - بىرلىككە ءمان بەرۋى كەرەك. شينجياڭنىڭ ءىس جۇزىندىك جاعدايىمەن بىرلەستىرىپ، شينجياڭنىڭ قارىشتاپ دامۋى مەن باياندى تىنىشتىعىن ىلگەرىلەتۋگە اقىل - كەڭەس بەرۋى، شينجياڭداعى قالىڭ پارتيا مۇشەلەرىنىڭ، ءار ۇلت كادر - بۇقاراسىنىڭ ورتالىق كوميتەتتىڭ شىنايى قامقورلىعىنا دەگەن العىسىن، دامۋعا، ورنىقتىلىققا، جاراسىمدىلىققا بولعان كوكەي تەستى اڭسارىن قۇرىلتايعا جەتكىزىپ، ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋدى جانە شينجياڭ قىزمەتىن زامانا قادامىنا ىلەسە وي ەلەگىنەن وتكىزۋ مەن جوبالاۋدى باياندامانى قاراۋدىڭ جالپى بارىسىمەن ساباقتاستىرىپ، پارتيا 18 - قۇرىلتايىنىڭ رۋحىن كوكىرەك ساندىعىنا ساقتاپ، شينجياڭ حالقىنا قاز - قالپىندا جەتكىزىپ، نەگىزگى ساتىلاردا تىڭعىلىقتى تياناقتاندىرۋى، ونى عىلمي قارىشتاۋ مەن توپ جارىپ، توپتان وزۋدى جەبەۋدىڭ مىعىم قوزعاۋشى كۇشىنە اينالدىرىپ، كورىكتى شيجياڭدى ءتىپتى گۇلدەنگەن، باي، جاراسىمدى، ورنىقتى ەتىپ قۇرىپ شىعۋعا تالپىنۋلارى كەرەك. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي ۋاكىلدەرگە اۆتونوميالى رايوننىڭ ەكونوميكالىق، قوعامدىق دامۋ احۋالى مەن پارتيا قۇرىلىسى جاعدايىنان مالىمەت بەردى. ءماجىلىستى اۆتونوميالى رايوندىق پارتكومنىڭ تۇراقتى مۇشەسى، باس حاتشىسى باي جىجيە باسقاردى.
اۆتونوميالى رايوندىق پارتيا مەكتەبىنىڭ پروفەسسورى دۋان لياڭ، ديڭ شوۋچيڭ، حى پيڭ ماجىلىستە «پارتيا ۋستاۆىن ۇيرەنەيىك، پارتيا ۋستاۆىنا بويسۇنايىق، پارتيا ۋستاۆىن دايەكتىلەندىرەيىك، پارتيا ۋستاۆىن قورعايىق»، «پارتيانىڭ ۋاكىلدەر قۇرىلتايى ءتۇزىمىن تاباندى اتقارايىق جانە كەمەلدەندىرەيىك»، «پارتيا قۇرىلتايى ۋاكىلدەرىنىڭ رولىن تولىق ساۋلەلەندىرەيىك» دەگەن تاقىرىپتار بويىنشا بايانداما جاسادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
