- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساۋدا ىستەر مينيسترى كەزەكتەگى شارۋاشىلىق-ساۋدا جاعدايى جونىندە تىلشىلىك قابىلدادى
2012.11.12 15:42 كەلۋ قاينارى : ورتالىق حالىق راديو ستانسياسى تورابى
18-قۇرىلتاي وكىلى، ساۋدا ىستەر مينسترى چىن دىميڭ قاراشانىڭ 10-كۇنى مەديا اقپارات وزەگىندە جۇڭگو-شەتەل تىلشىلەرىنىڭ توپتىق تىلشىلىگىن قابىلدادى.
كەزەكتەگى يمپورت-ەكسپورت جاعدايى جونىندەگى سۇراۋعا چىن دىميڭ بىلاي دەپ جاۋاپ بەردى: بىيىل قاڭتاردان قىركۇيەككە دەيىن، ەلىمىزدىڭ يمپورت-ەكسپورت جالپى سوماسى %6.2 ارتتى. قىركۇيەك ايىندا ەكسپورت %9.9 ارتىپ، قازان ايىندا ارتۋ قارقىنى %11 تەن استى. حالقارالىق بازار سۇرانىسى كەمەيگەن جاعدايدا، ەلىمىزدىڭ سىرتقى ساۋدا كاسپورىندارى قىيىنشىلىقتارعا ءونىمدى توتەپ بەرىپ، قۋانارلىق تابىستارعا قول جەتكىزدى. ەلىمىزدىڭ سىرتقى ساۋداسىنىڭ ارتۋ قارقىنى دۇنيەدەگى باسىم كوپ شارۋاشىلىق تۇلعالارىنان تەز بولىپ، حالقارالىق بازار بولىسىندەگى سالىستىرماسى ارتا ءتۇستى. سىرتقى ساۋدا قۇرىلىمىندا دا تاماشا وزگەرىستەر بولىپ، شىعىس وڭتۇستىك ازيا ەلدەر وداعى، رەسەي سىياقتى جاڭادان كوركەيگەن بازارلاردىڭ ەكسپورتىنىڭ ارتۋ قارقىنىنان %10 تەن اسىپ، ءىشىنارا كاسپورىندار قۇرىلىمىنا بەلسەندى رەتتەۋ جۇرگىزىپ، ايگىلى ماركالاردى جاراتىپ، حالقارالىق باسەكەلىك قۋاتىن جوعارىلاتتى.
چىن دىميڭ بىلاي دەدى: مەملەكەتتىك كەڭەستىڭ ءتۇرلى ساياسات-شارالارىن مۇقيات دايەكتى تىياناقتاندىرىپ، ەلىمىزدىڭ سىرتقى ساۋداسىنىڭ ورنىقتى ارتۋىن قۇلشىنا جەبەيمىز. جۇڭگو يمپورتتى كەڭەيتە ءتۇسىپ، سىرتقى ساۋدانىڭ تەپە-تەڭدىگىن ساقتاۋدى ءۇمىت ەتەدى.
تۇتىنۋدى قالاي كەڭەيتۋ ماسەلەسى جونىندەگى سۇراۋعا چىن دىميڭ بىلاي دەدى: شارۋاشىلىقتى شالقىتۋدىڭ ءتۇبىرلى قوزعاۋشى كۇشى-تۇتىنۋ. بىيىل العاشقى 3 توقساندا، تۇتىنۋدىڭ ىشكى ءوندىرىس جالپى ءونىم قۇنىنداعى ۇلەسى %55 كە جەتتى. بولاشاقتا ءبىز تۇتىنۋ سۇرانىمىن كەڭەيتۋ جونىندە ۇزاق ۋاقىتتىق مەحانيزىم ورناتامىز. ول ءۇشىن قىزمەت وتەۋ تۇتىنۋىن ارتتىرۋ، ايگىلى ماركالار تۇتىنۋىن ۇگىتتەۋ، توراپتىق تۇتىنۋدى جۇيەلى دامىتۋ سىياقتى 6 ءتۇرلى جوسپار ءتۇزىپ وتىرمىز. توراپتىق تۇتىنۋدى الىپ ايىتساق، بىيىل العاشقى 9 ايدا توراپتاعى پارشا ساتىلىم سوماسى %40 تەن استى. كەلەر قادامدا ءبىز ۇزدىك توراپتىق تۇتىنۋ ارناسىن دامىتۋعا شابىتتاندىرىپ، توراپتىق تيجاراتتاردى جۇيەلەندىرىپ، تۇتىنۋشىلاردىڭ ۇقىق-مۇددەسىن قورعايمىز.
جۇڭگو مەن جاپونيانىڭ كەزەكتەگى شارۋاشىلىق-ساۋدا قاتىناسىن قالاي باعالايسىز دەگەن سۇراۋعا چىن دىميڭ بىلاي دەپ جاۋاپ قايىردى: جاپونيانىڭ اتالمىش ارال ساتىپ الۋ قاسكۇنەمدىگى جۇڭگونىڭ تەريتوريا يەلىك ۇقىعىنا اۋىر سۇعاناقتىق جاسادى. وسى سەبەپتى، جۇڭگونىڭ جاپونياعا ەكسپورت ساۋداسى بولسىن. جاپونيانىڭ جۇڭگوعا ەكسپورت ساۋداسى بولسىن بەلگى مولشەردە تومەندەدى. مۇنداي جاعدايدى ءبىز قالامايمىز. شىنتۋايتىنا كەلگەندە، جاپونيا كاسپورىندارى جۇڭگو مەن جاپونيانىڭ شارۋاشىلىق-ساۋدا قاتىناسىن دامىتۋدى ايىرىقشا ءۇمىت ەتەدى. ءبىز جاپونيانىڭ قاتەلىگىن مويىنداپ، ەكى ەلدىڭ شارۋاشىلىق-ساۋدا قاتىناسىنىڭ بىرتىندەپ قالپىنا كەلۋىنە مۇمكىندىك جاراتۋىن ءۇمىت ەتەمىز.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
