- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
18 - قۇرىلتايدىڭ رۋحىن شينجياڭنىڭ ءىس جۇزىندىگىمەن تىعىز بىرلەستىرىپ ۇيرەنەيىك، ۇگىتتەيىك جانە دايەكتىلەندىرەيىك
2012.11.29 11:22
اۆتونوميالى رايوندىق پارتكوم تۇراقتى كوميتەتىنىڭ وزەكتى ۇيرەنۋ گرۋپپاسى 26 - قاراشادا ءبىر كۇن توپتىق ۇيرەنۋ قيمىلىن وتكىزىپ، شينجياڭنىڭ ءىس جۇزىندىگىمەن بىرلەستىرىپ، 18 - قۇرىلتايدىڭ رۋحىن ۇيرەنۋ تانىمى مەن اسەرى جونىندە اۋىس - كۇيىس جاسادى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ۇيرەنۋدى باسقاردى جانە ءسوز سويلەدى.
20 - قاراشادا اشىلعان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ماجىلىسىندەگى قارارعا نەگىزدەلىپ، اۆتونوميالى رايوندىق پارتكومنىڭ تۇراقتى كوميتەتى 18 - قۇرىلتايدىڭ رۋحىن باستاماشىلدىقپەن ۇيرەنىپ، باستاماشىلدىقپەن ونەگە بولىپ، ۇلگى كورسەتتى. اۆتونوميالى رايوندىق پارتكومنىڭ تۇراقتى مۇشەلەرى ءبىر اپتا ۋاقىتپەن 18 - قۇرىلتايدىڭ حۇجاتتارىن، بايانداماسىن جانە باس شۋجي شي جينپيڭنىڭ ج ك پ 18 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن مۇقيات زەرتتەپ وقىپ، تەرەڭ وي جۇگىرتتى ءارى ءوز قىزمەت ءىس جۇزىندىگىمەن ۇشتاستىرىپ، ۇيرەنۋ اسەرلەرىن قورىتىندىلادى. وزەكتى ۇيرەنۋ گرۋپپاسىنداعىلار بۇگىن جەكەلەردىڭ وزدىگىنەن ۇيرەنۋ نەگىزىندە شوعىرلى ۇيرەنىپ، اۋىس - كۇيىس جاساپ، ءماجىلىس اشۋ ورايىندا ۇيرەنىپ، تۇتاس شينجياڭداعى ءار دارەجەلى پارتيا ۇيىمدارى مەن پارتيالى كادرلارعا جاقسى باستاما باستاپ بەردى.
ماجىلىستە نۇر باكىر، ەركىن يمىرباقى، اسحات كەرىمباي ۇلى، چى جۇن، حان يۇڭ، حۋاڭ ۋي، شاۋكەت يمىن، نۇرلان ءابىلماجىن ۇلى، سۇڭ ايرۇڭ، جۋ حايلۇن، باي جىجيە، كۇراش ماحسۇت، ەركىنجان تۇراحۇن ۇيرەنۋ تانىمدارى مەن العان اسەرلەرىن اڭگىمەلەدى. كوپشىلىك يدەيالىق تانىمدى پارتيا 18 - قۇرىلتايىنىڭ رۋحىمەن بىرلىككە كەلتىرىپ، يدەيادا، ساياسيدا، ءىس - ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شينجياڭنىڭ قارىشتاپ دامۋى مەن باياندى تىنىشتىعى سىندى 2 ۇلكەن تاريحي مىندەتتى جۇزەگە اسىرۋدى مىقتاپ ارقاۋ ەتىپ، پارتيا 18 - قۇرىلتايىنىڭ رۋحىن ويداعىداي ۇيرەنىپ، ۇگىتتەپ، دايەكتى تياناقتاندىراتىندىقتارىن ءبىلدىردى. كوپشىلىك بىلاي دەدى: تاريحي ورايدى مىقتى يگەرىپ، دامۋ وي جەلىسىن اناعۇرلىم ايقىنداپ، قيىنشىلىقتاردى جەڭىپ، ورايدى مىقتى يگەرە ورگە ۇمتىلۋ؛ ادامدى نەگىز ەتۋدەن، حالىقتى بارىنەن جوعارى ورىنعا قويۋدان جازباي، ءار ۇلت حالقىن اناعۇرلىم باقىتتى تۇرمىسقا كەنەلتۋ ءۇشىن قۇلشىنۋ؛ قورشاعان ورتانى قورعاۋدى ماڭداي الدى ورىنعا قويىپ، ەكولوگياسى جاقسى ءوڭىر قۇرىپ، ەكولوگيالىق وركەنيەت كوزقاراسىن كۇشەيتۋ؛ پارتيا قۇرىلىسىن جاپپاي نىعايتىپ، پارتيانىڭ باسشىلىق قۋاتىن ونان ارى ارتتىرۋ؛ ورنىقتىلىق بارلىعىن باسىپ تۇسەدى دەيتىن يدەيانى مىقتاپ ورناتىپ، قوعامدىق جالپى جاعدايدىڭ ورنىقتىلىعىن ساقتاۋ؛ اۆتونوميالى رايوندىق پارتكومنىڭ باسشىلىعى مەن ابىرويىن قورعاۋدان جازباي، دەموكراتيالىق ورتالىقتاندىرۋ ءتۇزىمىن دايەكتى تياناقتاندىرۋدان ۇلگى كورسەتۋ كەرەك.
كوپشىلىكتىڭ لەبىزىن تىڭداعاننان كەيىن جاڭ چۇنشيان ماڭىزدى ءسوز سويلەدى. ول مىنانى اتاپ كورسەتتى: پارتيا 18 - قۇرىلتايىندا جۇڭگوشا سوتسياليزمگە تاباندى بولۋ جانە ونى دامىتۋ ايقىن العا قويىلدى، بۇل 18 - قۇرىلتاي بايانداماسىنىڭ نەگىزگى جەلىسى ءارى پارتيا 18 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ ءتۇيىنى، تياناعى. ۇيرەنۋ بارىسىندا «بەستى ىشكەرىلەي ۇعىنۋىمىز»، ياعني جۇڭگوشا سوتسياليزمنىڭ پارتيا مەن حالىقتىڭ ۇزاق ۋاقىتتىق اماليات بارىسىندا قول جەتكىزگەن ءتۇبىرلى ناتيجەسى ەكەندىگىن؛ جۇڭگوشا سوتسياليزمنىڭ جۇرەتىن جول، نازاريالىق جۇيە، ءتۇزىم ۇشەۋىنىڭ ءبىر تۇلعالانۋىنان قالىپتاساتىندىعىن؛ جۇڭگوشا سوتسياليزم قۇرۋدىڭ جالپى نەگىزىن، جالپى ورنالاستىرۋىن، جالپى مىندەتىن؛ جۇڭگوشا سوتسياليزمنىڭ تىڭ جەڭىسىنە قول جەتكىزۋدىڭ نەگىزگى تالابىن؛ پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا كەپىلدىك ەتۋدى ىشكەرىلەي ۇعىنۋ كەرەك. ءبىز پارتيا 18 - قۇرىلتايىنىڭ رۋحىن ۇيرەنۋ ارقىلى جۇڭگوشا سوتسياليزمنىڭ عىلمي ءمانىن اناعۇرلىم ىشكەرىلەي تانىپ، جول، نازاريا، ءتۇزىم جاعىنداعى سەنىمىمىزدى بەكەمدەپ، شينجياڭدى دامىتۋ تىڭ تالاپتارى مەن حالىقتىڭ كۇتكەن تىڭ تىلەكتەرىن جان - جاقتى يگەرىپ، تۋ ارقىلى بەتالىسقا جەتەكشىلىك ەتىپ، جول ارقىلى دامۋدى جەبەپ، رۋح ارقىلى جىگەردى تاسقىنداتىپ، نىسانا ارقىلى كۇش - قۋاتتى شوعىرلاندىرۋىمىز كەرەك.
جاڭ چۇنشيان مىنانى باسا دارىپتەدى: پارتيا 18 - قۇرىلتايىنىڭ رۋحىن ۇيرەنۋدە، ۇگىتتەۋدە، دايەكتىلەندىرۋدە، ەڭ ماڭىزدىسى، تياناقتاندىرۋ. 18 - قۇرىلتايدىڭ رۋحىن عىلمي قارىشتاپ دامۋدى، تەبىندەپ دامۋدى ىلگەرىلەتۋ بارىسىندا؛ ۇلتتاردىڭ ىنتىماعىن، قوعامنىڭ جاراسىمدىلىعىن، العاباسۋىن جەبەۋ بارىسىندا؛ حالىق تۇرمىسىن قامتاماسىز ەتىپ جانە جاقسارتىپ، ءار ۇلت بۇقاراسىنىڭ تۇرمىسىن اناعۇرلىم جاقسارتۋ بارىسىندا؛ اۆتونوميالى رايوندى زاڭ، ءمورال ارقىلى باسقارىپ، جان - جاقتى شارا قولدانۋ جاعىندا؛ پارتيا قۇرىلىسىنىڭ تىڭ، ۇلى ينجەنەرياسىن جاپپاي ىلگەرىلەتۋ بارىسىندا؛ رەفورما، جاڭالىق جاساۋ مىندەتىن باتىلدىقپەن ارقالاۋ، ناقتى ونىمدىلىككە ءمان بەرىپ، كۇش - قۋاتتى شوعىرلاندىرۋ جاعىندا؛ ەكولوگيالىق ورتانى قورعاۋ، حالىق تۇرمىسىن جاقسارتۋ جاعىندا؛ حالىق دەموكراتياسىن ۇزدىكسىز كەڭەيتىپ، قوعامدىق نەگىزدى بەكەمدەۋ بارىسىندا تياناقتاندىرىپ، 18 - قۇرىلتاي رۋحىنىڭ شينجياڭنىڭ قارىشتاپ دامۋى مەن باياندى تىنىشتىعىن ىلگەرىلەتۋدەگى قۇدىرەتتى يدەيالىق قارۋعا اينالۋىنا مۇمكىندىك جاساۋ كەرەك.
جاڭ چۇنشيان مىنانى تالاپ ەتتى: پارتيا 18 - قۇرىلتايىن رۋحىن ۇيرەنۋدى، ۇگىتتەۋدى، دايەكتىلەندىرۋدى ورتالىقتىڭ شينجياڭ قىزمەتى جونىندەگى اڭگىمە ءماجىلىسى مەن ج ك پ اۆتونوميالى رايوندىق 8 - قۇرىلتايىنىڭ رۋحىن دايەكتى تياناقتاندىرۋمەن تىعىز ۇشتاستىرۋ كەرەك، شينجياڭدى ورنىقتىرىپ، شەكارا ءوڭىردى كوركەيتۋ، حالىقتى اۋقاتتاندىرىپ، شەكارا ءوڭىردى بەكەمدەۋ جالپى تۇلعالىق ستراتەگيالىق بەتالىسىنا، «بەستەن جازباۋعا»، «بەستى كورنەكتىلەندىرۋگە»، «بىرگە كەپىلدىك ەتۋگە» تاباندى بولۋ كەرەك، تەرەڭ تولعانىپ، مۇقيات قورىتىندىلاپ، جەتە تانىپ، ونى تىڭ جاعدايمەن، تىڭ امالياتپەن ۇشتاستىرىپ، ونىڭ مازمۇنىن ۇزدىكسىز بايىتىپ جانە كەمەلدەندىرىپ، سان سالالى قىزمەتتەردىڭ دامۋىن تىنباي ىلگەرىلەتىپ، ەكونوميكالىق، قوعامدىق دامۋ ىستەرىن قۇلشىنا جەبەپ، باياندى ورنىقتىلىق قىزمەتىن تىڭعىلىقتى ىستەپ، قارىشتاپ دامۋ مەن باياندى تىنىشتىق سىندى ەكى ءىرى تاريحي مىندەتتى جۇزەگە اسىرىپ، ءار ۇلت بۇقاراسىنىڭ تۇرمىسىن ونان ارى جاقسارتۋ كەرەك.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
