- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساياسي كەڭەس اۆتونوميالى رايوندىق 11-كەزەكتى كوميتەتىنىڭ ءبىرىنشى ءماجىلىسى ءتۇرلى كۇن تارتىپتەرىن تامامداپ، 30-قاڭتار شينجياڭ حالىق سارايىندا جەڭىسپەن جابىلدى
2013.01.31 15:18 كەلۋ قاينارى : شينجياڭ حالىق راديو ستانسياسى تورابى
ساياسي كەڭەس اۆتونوميالى رايوندىق 11-كەزەكتى كوميتەتىنىڭ ءبىرىنشى ءماجىلىسى ءتۇرلى كۇن تارتىپتەرىن تامامداپ، بۇگىن شينجياڭ حالىق سارايىندا جەڭىسپەن جابىلدى.
ءماجىلىستى نۇرلان ءابىلماجىن ۇلى باسقاردى.
تۇستەن بۇرىن ساياسي كەڭەس اۆتونوميالى رايوندىق 11-كەزەكتى كوميتەتىنىڭ ءبىرىنشى ءماجىلىسى ءۇشىنشى جالپى ءماجىلىسىن وتكىزىپ، سايلاۋ ءادىسى، بەلەت باس باقىلاۋشىسى جانە باقىلاۋشىلارىنىڭ ەسىمدىگىن ماقۇلداپ، ساياسي كەڭەس اۆتونوميالى رايوندىق 11-كەزەكتى كوميتەتىنىڭ ءتوراعاسى، ورىنباسار ءتوراعالارى، باس حاتشىسى جانە تۇراقتى مۇشەلەرىن سايلادى. نۇرلان ءابىلماجىن ۇلى ساياسي كەڭەس اۆتونوميالى رايوندىق 11-كەزەكتى كوميتەتىنىڭ ءتوراعالىعىنا سايلاندى. ليۋ يانلياڭ، رىزۋان ابەي، لي شياڭلين، ماۋكەن سەيتقامزا ۇلى، جۇرات يمين، ليۋ جىيۇڭ، ليۋ جيانشين، ۋان حايچۋان، چىڭ جىنشان، باداي، گۇلشات ابدىقادىر، ابدىليتىپ ابدىرەيىم ورىنباسار ءتوراعالىققا سايلاندى. ليۋ جىنچياڭ باس حاتشى، ابباس مامەت سياقتى 107 ادام تۇراقتى مۇشە بولىپ سايلاندى.
جاڭادان سايلانعان ساياسي كەڭەس اۆتونوميالى رايوندىق 11-كەزەكتى كوميتەتىنىڭ ءتوراعاسى، ورىنباسار ءتوراعالارى، باس حاتشىسى ءتوراعالار مىنبەسىنىڭ الدىڭعى قاتارىنان ورىن الدى.
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان، اۆتونوميالى رايوننىڭ پارتيا، ۇكىمەت، ارميا جانە ءوندىرىس قۇرىلىس بيڭتۋانىنىڭ باسشىلارىنان نۇر باكىر، ەركىن يىمىرباقى، اسحات كەرىمباي ۇلى، چى جۇن، حان يۇڭ، ۋاڭ جيانمين، حۋاڭ ۋي، شاۋكەت يمين، سۇڭ ايرۇڭ، جۋ حايلۇن، باي جىجيە، كۇراش ماقسۇت، ەركىنجان تۇراحۇن، حۋ ۋي، شيۇڭ شۇانگو، ليۋ شينچي سياقتى باسشىلار جانە ساياسي كەڭەس اۆتونوميالى رايوندىق 10-كەزەكتى كوميتەتىنىڭ ورىنباسار ءتوراعالارى ءتوراعالار مىنبەسىنەن ورىن الدى.
تۇستەن كەيىنگى جابىلۋ ماجىلىسىندە، ساياسي كەڭەس اۆتونوميالى رايوندىق 11-كەزەكتى كوميتەتى ءبىرىنشى ماجىلىسىنە قاتىناسۋعا ءتيىستى 526 مۇشەنىڭ 485ى قاتىناستى، بۇل ساياسي كەڭەس ەرەجەسىنە ۇيلەسەدى.
ماجىلىستە ساياسي كەڭەس اۆتونوميالى رايوندىق 11-كەزەكتى كوميتەتى ءبىرىنشى ءماجىلىسىنىڭ ساياسي قاۋلىسى؛ ساياسي كەڭەس اۆتونوميالى رايوندىق 11-كەزەكتى كوميتەتى ءبىرىنشى ءماجىلىسىنىڭ ساياسي كەڭەس 10-كەزەكتى تۇراقتى كوميتەتىنىڭ قىزمەت بايانداماسى جونىندەگى قاۋلىسى؛ ساياسي كەڭەس اۆتونوميالى رايوندىق 11-كەزەكتى كوميتەتى ءبىرىنشى ءماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسى ماقۇلداندى.
جاڭ چۇنشيان بىلاي دەدى: بۇل رەتكى ءماجىلىس تۇتاس شينجياڭنىڭ جەر-جەرى پارتيا 18-قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ، ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ، ج ك پ اۆتونوميالى رايوندىق 8-كەزەكتى كوميتەتى ءتورتىنشى جالپى ءماجىلىسىنىڭ رۋحىن جاپپاي تياناقتاندىرۋ، سەكىرمەلى دامۋ مەن باياندى تىنشتىقتى جەبەۋ جاعدايىندا اشىلعان ءبىر رەتكى ەرەكشە ماڭىزدى ءماجىلىس بولدى. ءماجىلىس كەزىندە، تيانشاننىڭ تۇستىگى مەن تەرستىگىندەگى ءار ۇلت ءار سالادان كەلگەن ساياسي كەڭەس مۇشەلەرى وسكەلەڭ ساياسي جاۋاپكەرلىك جانە تاريحي بورىشتىلىق سەزىممەن، اۆتونوميالى رايوننىڭ رەفورما، دامۋ، ورنىقتىلىعىنا قاتىستى ماڭىزدى ماسەلەلەردى وزەك ەتىپ، بورىشىن مۇقيات ادا ەتىپ، بەلسەندىلىكپەن ۇسىنىس-پىكىر بەرىپ، كوپتەگەن باعالى پىكىر جانە ۇسىنىستاردى ورتاعا قويدى. بۇل ءبىر رەتكى دەموكراتيالى، ىنتىماقتى، شىندىقتى ءىس جۇزىنەن ىزدەگەن ءماجىلىس بولدى، اۆتونوميالى رايونىمىزدىڭ جاپپاي دوڭگەلەك داۋلەتتى قوعام قۇرۋىنا، سەكىرمەلى دامۋ مەن باياندى تىنىشتىقتى ىلگەرىلەتۋ سىندى ەكى ۇلكەن تاريحي مىندەتىن ورىنداۋدا بەلسەندى ءارى ماڭىزدى رول اتقاراتىنى ءشۇباسىز.
جاڭ چۇنشان بىلاي دەدى: بەس جىلدان بەرى، اۆتونوميالى رايوندىق ساياسي كەڭەس وتانشىلدىق پەن سوتسياليزم تۋىن بيىك ۇستاپ، ىنتىماق پەن دەموكراتيا سىندى ەكى نەگىزگى تاقىرىپتى مىقتى يگەرىپ، وزەكتى قىزمەتتى ارقاۋ ەتىپ، جالپى جاعدايعا قىزمەت وتەپ، ساياسي كەڭەسۋ، دەموكراتيالى باقىلاۋ، ۇكىمەت ىسىنە قاتىسۋ فونكتسيالىق رولىن تىڭعىلىقتى اتقارىپ، اۆتونوميالى رايوننىڭ ەكونوميكاسى مەن قوعام دامۋ اياق الىسىن ىلگەرىلەتۋ، قوعامدىق ساياسي جاعدايدىڭ ورنىقتىلىعىن قورعاۋ، ءار ۇلت حالىق بۇقاراسىن ىنتىماقتاسا وتىرىپ كۇرەس جاساۋعا باستاۋ، بىرلىكتە گۇلدەنىپ-كوركەيۋ، دامۋ ىسىنە ماڭىزدى ۇلەس قوستى. جاڭا كەزەكتى اۆتونوميالى رايوندىق ساياسي كەڭەس بۇرىنعىدان دا جوعارى باستامادا، جۇڭگوشا سوتسياليزمنىڭ ۇلى تۋىن بيىك ۇستاۋدى ساياسي كەڭەستىڭ فۋنكتسيالىق رولىن اتقارۋدىڭ ءتۇبىرلى ساياسي مىندەتى ەتىپ، ءسوزجوق كوممۋنيستىك پارتيانىڭ باسشىلىعىنا بۇلجىماي تاباندى بولىپ، جۇڭگوشا سوتسياليزمنىڭ دامۋ جولىنان جازباۋ كەرەك. اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن ساياسي كەڭەس قىزمەتىنىڭ ءارقايسى جاعىندا دايەكتىلەندىرۋگە تاباندى بولىپ، ءورىس اشا العا ىلگەرىلەپ، ۇزدىكسىز العا باسۋ قاجەت. دارىندىلار شوعىرلانۋ، اقىل-پارسات توپتاۋ، كەڭ كولەمدە قارىم-قاتىناس جاساۋ ابزالدىلىعىن تولىق ساۋلەلەندىرىپ، جالپى جاعدايعا قىزمەت وتەپ، قارىم-قاتىناستى سايكەستىرۋ قاجەت. رايونىمىزداعى ءار ۇلت حالىق بۇقاراسىن قىزۋ ءسۇيىپ، پارتيا ورتالىق كوميتەتىنىڭ تالابىنا ساي، ادامدى نەگىز ەتۋ باعىتىن ويداعىداي دايەكتىلەندىرىپ، تەكسەرىپ-زەرتتەۋ قيمىلىن ىشكەرىلەي ورىستەتىپ، بۇقارانىڭ ۇنىنە قۇلاپ اسىپ، بۇقارانىڭ قاجەتىن ءتۇسىنىپ، ارمان-تىلەگىن اڭىس ەتىپ، پارتكومنىڭ بۇقارا كوڭىل ءبولىپ وتىرعان، حالىقتىڭ مۇددەسىمەن تىكەلەي قاتىستى ماسەلەلەردى شەشۋىنە سەلبەسۋ ءتيىس. سونىمەن بىرگە سوڭعى جىلدارداعى اۆتونوميالى رايوندىق پارتكوم شەشىم جاساعان ءبىر سىپىرا حالىققا تيىمدىلىك جاساۋ ساياساتىن كەڭ كولەمدە ۇگىتتەپ، يدەيانى بىرلىككە كەلتىرەتىن، جۇرتتى كۇدىكتەن ارىلتاتىن قىزمەتتى كوبىرەك ىستەپ، كۇش-قۋات قالىپتاستىرىپ، حالىق تىلەگىن بارىنشا ۇيىستىرۋ؛ بولشەكتەۋگە قارسى تۇرۋعا، وتاننىڭ تۇتاستىعىن، ۇلتتار ىنتىماعىن قورعاۋعا تاباندى بولىپ، «بىرگە تاباندى بولىپ، ەكىنى دارىپتەۋدەن» جازباي، ۇلتتار ىنتىماعىن كۇشەيتۋ، قوعامنىڭ جاراسىمدىلىعىن، ورنىقتىلىعىن قورعاۋ قىزمەتىندە ناقتىلى ونىمدىلىككە قول جەتكىزۋ كەرەك.
جاڭ چۇنشيان بىلاي دەدى: اۆتونوميالى رايوندىق پارتكوم مەن شينجياڭداعى ءار ۇلت حالقى جاڭا كەزەكتى اۆتونوميالى رايوندىق ساياسي كەڭەس قىزمەتىنە زور ءۇمىت ارتىپ وتىر. جاڭا كەزەكتى ساياسي كەڭەس باسشىلىق القاسى مەن بارلىق ساياسي كەڭەس مۇشەسىنەن قۇلشىنعاندا عانا وزگەرتۋگە بولاتىندىعىنا تاباندى بولىپ، مىندەت ارقالاۋعا باتىل بولىپ، شىندىققا جۇگىنىپ، ساياسي كەڭەس قىزمەتىنىڭ باستى ريتىمىن قالىپتاستىرىپ، ساياسي كەڭەس قىزمەتىندە ۇزبەي جاڭا جاعداي جاراتۋدى ءۇمىت ەتەمىز.
جاڭادان سايلانعان اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ءماجىلىستىڭ جابىلۋ سالتىندا ءسوز سويلەدى، ول بىلاي دەدى: اۆتونوميالى رايوندىق پارتكومنىڭ، ۇكىمەتتىڭ وسكەلەڭ ءمان بەرۋىندە جانە قولداۋىندا، وسى رەتكى ءماجىلىس توتەنشە ءساتتى اشىلدى، ءماجىلىس كەزىندە، ءار ۇلت، ءار سالا ساياسي كەڭەس مۇشەلەرى مىندەتىن مۇقيات اتقارىپ، كوپتەگەن سىندارلى ۇسىنىس-پىكىرلەر ايتتى. ءماجىلىس جان-جاقتىلى، مۇقيات اقىلداسۋ نەگىزىندە، اۆتونوميالى رايوندىق 11-كەزەكتى ساياسي كەڭەس باسشىلىق القاسىن سايلاپ شىقتى، بۇل اۆتونوميالى رايوندىق پارتكوم مەن ءار ۇلت حالقىنىڭ بىزگە ەرەكشە سەنىم ارتۋى. ءبىز كوپشىلىكتىڭ ءۇمىتى مەن تاپسىرىعىن جەردە قويماي، بۇرىنعى كەزەك ساياسي كەڭەستىڭ تاماشا داستۇرىنە ءسوز جوق مۇراگەرلىك ەتىپ، وسى رەتكى ماجىلىستەگى ساياسي قاۋلىلاردى مۇقيات دايەكتىلەندىرىپ، 10-كەزەكتى ساياسي كەڭەستە العا قويىلعان قىزمەت ۇسىنىسىن جاپپاي تياناقتاندىرامىز. شينجياڭداعى ءار دارەجەلى ساياسي كەڭەس ۇيىمدارى مەن ساياسي كەڭەس مۇشەلەرى جاڭ چۇنشيان جولداستىڭ ءسوزىنىڭ رۋحىن مۇقيات ۇيرەنىپ، ءتۇسىنىپ، جاپپاي مىقتى يگەرىپ، ءتۇرلى قىزمەتتەردە بۇلجىتپاي دايەكتى تياناقتاندىرۋ كەرەك.
نۇرلان ءابىلماجىن ۇلى بىلاي دەدى: جاڭا ءداۋىر، جاڭا كەزەڭدەگى ساياسي كەڭەس قىزمەتىندە ءسوزسىز، پارتيانىڭ باسشىلىعىنا تاباندى بولىپ، ساياسي كەڭەس قىزمەتىنىڭ دۇرىس ساياسي باعىتىنا باستان-اقىر كەپىلدىك ەتۋ؛ وزەكتى قىزمەتتى ارقاۋ ەتىپ، جالپى جاعدايعا قىزمەت وتەۋ پرينسىبىنە تاباندى بولۋ، سەكىرمەلى دامۋدى بەلسەنە جەبەۋ ؛ ءوز ابىزالدىلىعىن ساۋلەلەندىرۋگە تاباندى بولىپ، قوعامنىڭ ورنىقتىلىعىن كۇش سالا قورعاۋ كەرەك. وسىزامانعى مادەنيەتتى جەتەكشى ەتۋگە تاباندى بولىپ، قوعامنىڭ جاراسىمدىلىعىن بەلسەنە ىلگەرلەتۋ؛ داۋىرمەن تەڭ العا باسۋعا تاباندى بولۋ، جاڭا ءداۋىر، جاڭا كەزەڭدە ساياسي كەڭەس قىزمەتىنىڭ جاڭا تالاپتارىنا كۇش سالا سايكەسۋ؛ بار ىنتا-پەيىلىمەن قىزمەت ىستەۋ، شىندىققا جۇگىنىپ تىندىرىمدى جۇمىستار ىستەۋ، جاڭا بەت-بەينەنى ايگىلەپ، جاڭا وبىراز سومداۋ، جاڭا كەزەكتى ساياسي كەڭەستىڭ فۋنكتسيالىق رولىن اتقارۋداعى ءتۇرلى قىزمەتتەردى بار كۇشپەن جاقسى ىستەۋ كەرەك.
شينجياڭداعى مەملەكەتتىك ساياسي كەڭەستىڭ مۇشەلەرى، اۆتونوميالى رايوندىق حالىق ۇكىمەتىنىڭ ءىشنارا اقىلشىلارى، ادەبيەت-تاريح زەرتتەۋ ورنىنىڭ مۇراعاتشىلارى، اۆتونوميالى رايوندىق ساياسي كەڭەستىڭ مۇشەسى ەمەس وبىلىستىق، قالالىق ساياسي كەڭەستىڭ ءتوراعالارى جانە پارتگرۋپپاسىنىڭ شۋجيلارى، ساياسي كەڭەستىڭ ايماقتىق قىزمەت كوميتەتتەرىنىڭ مەڭگەرۋشىلەرى جانە پارتگرۋپپاسىنىڭ شۋجيلارى، اۆتونوميالى رايوندىق ساياسي كەڭەس ورگانىنىڭ جاۋاپتىلارى ماجىلىسكە سىرتتاي قاتىناستى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
