بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ارناۋلى تاقىرىپ>>ءوڭىر وزگەرىستەرى

رايونىمىزدا تۇرمىسىندا قيىنشىلىعى بار 3 ميلليوننان استام ادام (رەت) ەمدەۋ - قۇتقارۋ بويىنشا كومەككە يە بولدى

قۇتقارۋ قاراجاتىنىڭ مولشەرى جانە ودان يگىلىكتەنۋشىلەردىڭ سانى جاعىندا تىڭ ورە جاراتىلدى

2013.01.25 10:03     كەلۋ قاينارى : ءتاڭىرتاۋ تورابى

  اۆتونوميالى رايوندىق حالىق ىستەرى مەڭگەرمەسىنەن ۇعىسۋىمىزشا، بىلتىر ورتالىق جانە اۆتونوميالى رايون ەمدەۋ - قۇتقارۋ بويىنشا 588 ميلليون يۋان قارجى بوساتقان، تۇتاس جىلدا تۇرمىسىندا قيىنشىلىعى بار 3 ميلليون 188 مىڭ 200 ادام (رەت) مۇنىڭ يگىلىگىن كورگەن، ەمدەۋ - قۇتقارۋ قاراجاتىنىڭ مولشەرى جانە ودان يگىلىكتەنۋشىلەردىڭ سانى تاريحتاعى تىڭ دەڭگەيگە جەتكەن.

  2012 - جىلى − اۆتونوميالى رايون حالىق تۇرمىسى قۇرىلىسىن اتقارعان 2 - جىل. اۆتونوميالى رايون قالا - اۋىلدىڭ ەمدەۋ - قۇتقارۋ ءتۇزىمىن كەمەلدەندىرۋدى حالىق تۇرمىسى قۇرىلىسىنىڭ ءتۇيىندى مىندەتى ساناپ، تۋما جۇرەك اۋرۋىنا شالدىققان بالالاردى تەگىن ەمدەۋ نەگىزىندە، سالماقتى اۋرۋلاردى ەمدەۋ كولەمىن كەڭەيتە ءتۇسىپ، ومىراۋ راگى، جاتىر موينى راگى، سالماقتى نەرۆ اۋرۋى، بۇيرەك اۋرۋىنىڭ سوڭعى مەزگىلى، دارىگە ءتوزىمدى وكپە تۋبەركۋلەزى جانە ايدسقا شالدىققان اۋىل - قىستاقتارداعى ەڭ تومەنگى تۇرمىسى قامتاماسىز ەتىلەتىندەردى، «بەستە قامتاماسىز ەتىلەتىندەردى» ءتۇيىندى قۇتقارۋ كولەمىنە كىرگىزىپ، اۋىل - قىستاق جاڭاشا سەلبەسىپ ەمدەۋ قامسىزداندىرۋىنان تولەنگەن %70ىنەن قالعان %30ىن ەمدەۋ - قۇتقارۋ قاراجاتىنان تولەدى، سونداي - اق بۇرىن تۇراقتاندىرىلعان 8 تۇردەگى 40 ءتۇرلى اۋرۋ نەگىزىندە وكپە راگى، وڭەش راگى، اسقازان راگى، توق ىشەك راگى، تىك ىشەك راگى، شۇعىل حاراكتەرلى جۇرەكتىڭ ولەتتەنۋى، مي قان تامىرلارىنىڭ توسىلۋى سىندى 12 ءتۇرلى اۋرۋدى قۇتقارۋ قاراجاتى بەرىلەتىن كولەمگە تىڭنان قوستى، جەرگىلىكتى حالىق ىستەرى تاراۋلارى تاراتقان كۇشكە يە كۋالىگى بار «بەستە قامتاماسىز ەتىلەتىندەر»، ەڭ تومەنگى تۇرمىسى قامتاماسىز ەتىلەتىندەر، ءناپاقا الاتىندار ەرەكشە، سالماقتى اۋرۋعا شالدىعىپ، بالنيتسادا جاتىپ ەمدەلسە، ەمدەلگەن قاراجاتىنىڭ %70ىن اۋىل - قىستاق جاڭاشا سەلبەسىپ ەمدەۋ بويىنشا ەسەپتەن كوتەردى، %30ىن حالىق ىستەرى تاراۋلارى تولەپ بەردى.

  سونىمەن بىرگە، اۆتونوميالى رايون كەدەي قاۋىمىنىڭ قامسىزاندىرۋعا قاتىناسۋىنا قارجىلاي كومەكتەسۋ تەبىنىن اناعۇرلىم ارتتىرىپ، كومەكتەسۋ كولەمىن سالماقتى ناۋقاسقا شالدىققان تومەن كىرىستى قاۋىم، اۋىر دارەجەدەگى مۇگەدەك، تومەن كىرىستى وتباسىنداعى قارتتار سىندى ەكونوميكالىق قيىنشىلىعى اۋىر قاۋىمعا دەيىن كەڭەيتتى. 2012 - جىلى جەلتوقسان ايىنىڭ سوڭىنا دەيىن، رايونىمىز قالالارداعى ەكونوميكالىق قيىنشىلىعى بار 770 مىڭ 593 ادامنىڭ قالا - قالاشىق تۇرعىندارىنىڭ نەگىزگى ەمدەۋ قامسىزداندىرۋىنا قاتىناسۋىنا كومەك كورسەتىپ، بۇعان 48 ميلليون يۋان قارجى شىعاردى، اۋىل - قىستاقتاعى ەكونوميكالىق قيىنشىلىعى بار ءبىر ميلليون 430 مىڭ 327 ادامنىڭ اۋىل - قىستاق جاڭاشا سەلبەسىپ ەمدەۋىنە قاتىناسۋىنا كومەك كورسەتىپ، بۇعان 47 ميلليون 591 مىڭ 500 يۋان قارجى ءبولدى.

  مۇنان سىرت، حالىق ىستەرى مەڭگەرمەسى قازىنا، دەنساۋلىق ساقتاۋ، ادام كۇشى بايلىعى جانە قوعامدىق قامتاماسىزداندىرۋ سىندى تاراۋلارمەن سەلبەسىپ، قالا - اۋىلداردىڭ ەمدەۋ - قۇتقارۋ، نەگىزگى ەمدەۋ قامسىزداندىرۋى ىستەرىن جانە بەلگىلەنگەن ەمدەۋ قۇرىلىمدارىن ءوزارا بايلانىستىراتىن ينفورماتسيادان تەڭ يگىلىكتەنۋ تەكشەسىن قۇرۋ جونىندە ىزدەنىس جاساپ، قالا - اۋىلداردىڭ ەمدەۋ - قۇتقارۋى جانە نەگىزگى ەمدەۋ قامسىزداندىرۋى، بەلگىلەنگەن ەمدەۋ قۇرىلىمى سىندى 3 جاقتىڭ تەڭ قادامدا ءبىر تۇتاس دەر كەزىندە ەسەپ جابۋىن ىسكە اسىردى. بىلتىر قاراشا ايىنىڭ سوڭىنا دەيىن، رايونىمىزداعى 52 اۋداندا (قالا، رايون) ءبىر تۇتاس دەر كەزىندە ەسەپ جابۋ سىناق قىزمەتى ورىستەتىلدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.