- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۋىن جياباۋ زۇڭلي جاساعان ۇكىمەت قىزمەتىنەن باياندامادا، حالىق تۇرمىسىن جاقسارتۋ ماسەلەسى جۇرتتى جەلپىنتتى
2013.03.08 15:21 كەلۋ قاينارى : شينجياڭ حالىق راديو ستانسياسى تورابى
قۇمىل قالاسىنداعى 7 جاستاعى ءوسپىرىم ۋاڭ جياجۇندى وتكەن جىلى قىسقى دەمالىستا شيپاحانا تەكسەرىپ كورىپ شۇعىل سيپاتتى ليمفا كلەتكاسى اق قان اۋرۋىنا شالدىققان دەپ دياگنوز قويدى، قازىر ول بەيجيڭ قالالىق بالالار شيپاحاناسىندا ەمدەلۋدە، مول ەمدەۋ قاراجاتى مەن كۇندەلىك تۇرمىس قاراجاتى وسى قاراپايىم وتباسىن تىعىرىققا تىرەدى.ۋىن جياباۋ زۇڭلي «ۇكىمەت قىزمەتىنەن باياندامادا» حالىقتىڭ ەمدەۋ قامتاماسىزداندىرۋ جۇيەسىن كەمەلدەندىرىپ، سالماقتى ناۋقاستاردى قامتاماسىزداندىرۋ جانە قۇتقارۋ مەحانيزىمىن ورناتىپ، بالالاردىڭ اق قان اۋرۋى سياقتى 20 نەشە ءتۇرلى اۋرۋدى ەڭ جوعارى شەكتە قامتاماسىزداندىرۋ سىناق ءتۇيىنى قىزمەتىن جاپپاي ورىستەتۋدى العا قويدى.وسى حابار ولاردىڭ وتباسىنا ءۇمىت ۇشقىنىن الا كەلدى.ۋاڭ جياجۇننىڭ ناعاشى اپايى چىن مەي: بۇل حاباردى ەستىپ ەرەكشە قۋاندىق، ۇكىمەت وسىنداي جاقسى ساياسات شىعارىپ وتىر، اتا-انالار مەن قوعامنىڭ ءار سالاسى تىزە قوسا وتىرىپ قۇلشىنعاندا،اۋىرۋدان ءسوزجوق ايىعۋعا بولادى،-دەدى.
جۋىقتاعى ءبىر مەزگىلدەن بەرى، بۇراتالا قالاسى دالتۋ قالاشىعى ۇلانبۇحى قىستاعىنىڭ تۇرعىنى چىن حايلياننىڭ 78 جاستاعى اجەسى قاتتى تۇماۋراتقاندىقتان، اۋرۋحاناعا جاتىپ ەمدەلدى.چىن حايليان اجەسىنىڭ جاسىنىڭ ۇلعايعاندىعىن، ونىڭ ۇستىنە دەنساۋلىعى ءالسىز بولعاندىقتان كوپ اۋىراتىندىعىن،جىل بويى ءدارى ىشەتىندىگىن ايتا كەلىپ: ۋىن جياباۋ زۇڭلي ۇكىمەت قىزمەتىنەن باياندامادا، اۋىل-قىستاقتىڭ جاڭاشا سەلبەسىپ ەمدەلۋىندەگى جىل سايىن ءار ادامعا بەرىلەتىن قوسىمشا قاراجاتتىڭ ولشەمىن 240 يۋاننان 280 يۋانعا جوعارلاتۋدى العا قويدى، بۇل ديقاندار جونىنەن العاندا قۋانىشتى حابار،مەملەكەتتىڭ ديقانداردىڭ ەمدەلۋى مەن قارتتاردى كۇتىمدەۋ ىسىنە كوبىرەك كوڭىل ءبولۋىن، ءارى اۋىل، قالاشىقتارداعى دەنساۋلىق ساقتاۋ ورىندارىنا كاسىپتىك دەڭگەيى نەداۋىر جوعارى شيپاگەرلەردى ورنالاستىرىپ، ديقانداردىڭ ۇيىنەن كوپ ۇزاماي شيپاحاناعا الاڭسىز كورىنەۋىنە جانە اقشاسىن ۇنەمدەۋىنە مۇمكىندىك جاساۋىن ءۇمىت ەتەمىز،-دەدى.
باي شيۋچيڭ 1995-جىلى جۇبايىنا ىلەسىپ حىناننان شيحۋعا جۇمىس ىزدەپ كەلگەن بولاتىن، ولاردىڭ وسى اراعا كەلگەنىنە ون نەشە جىل بولدى، كىشى قىزى ورتا مەكتەپكە شىقتى، الدا جوعارى مەكتەپ ەمتيحانىنا قاتىناسادى.قىزدارىنىڭ نوپوسى حىناندا بولعاندىقتان، جەرگىلىكتى ورىننىڭ نوپوسىندا بولماسا جوعارى مەكتەپ ەمتيحانىنا قاتىناسۋىنا بولمايدى دەگەندى ەستىپ، باي شيۋچيڭ قاتتى الاڭدادى.ول ءبىزدىڭ شينجياڭعا كەلگەنىمىزگە ۇزاق ۋاقىت بولدى، قىزىمىز الدا جوعارى مەكتەپ ەمتيحانىنا قاتىناسادى، نوپوسى بۇل جەردە ەمەس.قىزىمىزدى شينجياڭدا جوعارى مەكتەپ ەمتيحانىنا قاتىناستىرساق دەيمىز، مەملەكەتتىڭ ءتيىمدى ساياسات شىعارىپ، وزگە جەرلەردەن كەلگەن بالالاردىڭ جەرگىلىكتى ورىنداعى وقۋشىلارمەن بىردەي جوعارى مەكتەپ ەمتيحانىنا قاتىناسۋىنا مۇمكىندىك جاساۋىن ءۇمىت ەتەمىز،-دەدى.
ۇكىمەت قىزمەتىنەن بايانداماداعى «كاسىپتەنۋدى حالىق تۇرمىسىن قامتاماسىزداندىرۋ مەن جاقسارتۋداعى ماڭداي الدى ءىرى ءىس ەتۋ» دەگەن مازمۇندى ەستىگەننەن كەيىن، حوتان ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ دارىندىلاردى تاربيەلەۋ ءبولىمىنىڭ باستىعى ابدحالىق ابدوللا، الدا دارىندىلاردى تاربيەلەۋ قىزمەتىندە، كاسىپتىك قابىلەتىن جەتىلدىرۋدى ماڭىزدى ءتۇيىن رەتىندە مىقتى يگەرىپ، ءبىر ادامدى تاربيەلەسە ءبىر ادامدى كاسىپتەندىرۋ جانە ءبىر ادامدى كاسىپتەندىرسە، ءبىر ادامدى تاربيەلەۋ نىساناسىن ورىنداۋعا كۇش سالىپ، قالا-قالاشىقتارداعى كاسىپسىزدەردى، كاسىپتەنە الماعان جوعارى مەكتەپ تاۋىسقان وقۋشىلاردى، اۋىل-قىستاقتارداعى باسقا سالادا كاسىپتەنگەن ەڭبەككۇشتەردى، قالا مەن اۋىلداعى جوعارلاپ وقي الماعان، ورتالاۋ مەن ورتا مەكتەپ تاۋىسقانداردى كاسىپتىك ونەر تاربيەسى كۇرسىنە قاتىناسۋعا شابىتتاندىراتىندىقتارىن ايتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
