- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سەلبەسۋدىڭ، تەڭ يگىلىككە كەنەلۋدىڭ جارقىن بولاشاعىن اشايىق
2 - كەزەكتى جۇڭگو ازيا - ەۆروپا كورمەسىنىڭ اشىلعانىن قىزۋ قۇتتىقتايمىز
2013.09.02 11:20 كەلۋ قاينارى : ءتاڭىرتاۋ تورابى
(1)
ءۇرىمجىنىڭ قوڭىر كۇزى كەلدى. 2 - كەزەكتى جۇڭگو ازيا - ەۆروپا كورمەسىنىڭ شىمىلدىعى اشىلدى.
شينجياڭداعى 21 ميلليوننان استام ءار ۇلت حالقى ەل ءىشى - سىرتىنان كەلگەن قوناقتاردى قىزۋ ىنتامەن قارسى الدى.
55 مەملەكەت پەن رايوننان، 6 حالىقارالىق ۇيىمنان ۋاكىلدەر كەلدى؛ 31 ولكە، اۆتونوميالى رايون، توتە قاراستى قالا مەن جوسپارى بولەك جاسالاتىن 5 قالادان ۋاكىلدەر ۇيىرمەلەرى كەلدى. ايباتتى بوعدا شىڭىنىڭ ەتەگىندە، كورىكتى شينجياڭ حالىقارالىق كورمە ورتالىعىنا قوناقتار جينالىپ، ساۋداگەرلەر ات باسىن بۇردى.
جۇڭگونىڭ باتىسقا ەسىك اشۋىن جەبەۋدىڭ، ەلىمىزدىڭ ورتا، باتىس، وڭتۇستىك ازيا، سونداي - اق ەۆروپا ەلدەرىمەن سەلبەستىگىن كۇشەيتۋدىڭ جاڭا كوپىرى، تۋىسقان ولكە، قالالاردىڭ باتىس بولەكتى قاۋىرت اشۋعا بىرگە ات سالىسۋىن جەبەيتىن ماڭىزدى تەكشە، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرگى شينجياڭنىڭ كەڭ كولەمدە قۇرىلىس جۇرگىزۋ، جاپپاي اشۋ، قاۋىرت دامۋ، ۇلى ىنتىماقتى ىستەرىن ايگىلەيتىن تەرەزە رەتىندە، جۇڭگو ازيا - ەۆروپا كورمەسى ادامداردىڭ نازارىن بارعان سايىن وزىنە اۋدارا ءتۇستى.
«جاراسىمدى دامۋ، سەلبەسۋ، تەڭ يگىلىككە كەنەلۋ» تاقىرىبىندا، جۇڭگونىڭ باتىس بولەگىندەگى جۇڭگو ازيا - ەۆروپا كورمەسى سىندى وسى مەملەكەت دارەجەلى، حالىقارالىق كورمە ءوزىنىڭ ەرەكشە كەرەمەتىمەن جاپپاي ەسىك اشۋدىڭ، كەڭ كولەمدە قارىم - قاتىناس جۇرگىزۋدىڭ، جاپپاي سەلبەستىك جاساۋدىڭ جارقىن بولاشاعىن كورسەتتى.
(2)
جاڭا جاعدايدا جۇڭگو ازيا - ەۆروپا كورمەسى ەلىمىزدىڭ باتىسقا ەسىك اشۋىن جەبەپ، ورتا، باتىس، وڭتۇستىك ازيا، سونداي - اق ەۆروپا ەلدەرىمەن بارىس - كەلىس، سەلبەستىكتى كۇشەيتۋىندە بارعان سايىن ماڭىزدى رول اتقارادى.
رەفورما جاساۋ، ەسىك اشۋ ءىسىنىڭ تەرەڭدەي تۇسۋىنە بايلانىستى، جۇڭگونىڭ سىرتقا ەسىك اشۋىنىڭ ستراتەگيالىق ءتۇيىنى دە بىرتىندەپ تەڭىز جاعالاۋىنان شەكارا بويىنداعى، ىشكى قۇرلىقتاعى وڭىرلەرگە قاراي ويىسا ءتۇستى. شينجياڭ ورتا ازياعا، باتىس ازياعا، وڭتۇستىك ازياعا، ءتىپتى، ەۆروپاعا قۇرلىقپەن بارۋدا، ءسوز جوق، باسىپ وتەتىن جەر. ەگەر شينجياڭدى جۇڭگونىڭ باتىسقا ەسىك اشۋداعى الدىڭعى شەبى مەن ستراتەگيالىق ءتۇيىنى، ەلىمىزدىڭ حالىقارالىق ءورىستى كەڭەيتۋدەگى ستراتەگيالىق جاڭالىق ءتۇيىنى دەسەك، وندا جۇڭگو ازيا - ەۆروپا كورمەسى جۇڭگونىڭ ورتا، باتىس، وڭتۇستىك ازيا جانە شىعىس ەۆروپا وڭىرىندەگى ىقپالىن كۇشەيتۋدەگى ماڭىزدى تەرەزە، كەڭ - بايتاق جەرگە سۇيەنە وتىرىپ، باتىسقا ەسىك اشۋدىڭ داڭعىلىن جاساپ، ىشكى، سىرتقى بايلىقتاردان پايدالانىپ، ەكى بازاردى كەڭەيتىپ، ازيا، ەۆروپا ءوڭىرىنىڭ بىرگە دامۋىن جەبەۋدەگى شىت جاڭا تەكشە بولماق.
ناقتى جاعداي ادامداردىڭ كۇتكەنىندەي بولدى: 1 - كەزەكتى جۇڭگو ازيا - ەۆروپا كورمەسىنىڭ جەبەۋىندە، شينجياڭدا 2011 - جىلى ءىس جۇزىندە پايدالانىلعان شەتەل قارجىسى 2010 - جىلداعىدان %41 ارتىپ، 335 ميلليون دوللارعا جەتتى؛ سىرتقى ساۋدا يمپورت - ەكسپورت جالپى سوماسى %33.2 ارتىپ، 22 ميلليارد 820 ميلليون يۋانعا جەتتى؛ 167 مەملەكەتپەن جانە رايونمەن دوستىق ەكونوميكا - ساۋدا قاتىناسى ورناتىلدى؛ قازىردە حالىقارالىق اۋە جولىنان 36سى اشىلدى، بيىل جىل اياعىنان ىلگەرى تاعى دا بىرەۋى قوسىلادى؛ ەلىمىزدىڭ حالىقارالىق حالىق اقشاسى ساۋداسى مەن قارجى قوسۋ، ەسەپ جابۋ سىناق ءتۇيىنى رەتىندە، قاتىستى ەلدەرمەن، رايوندارمەن اراداعى حالىق اقشاسىمەن ەسەپ جابۋ ءىسى ىركىلىسسىزدەندىرىلدى؛ باتىسقا اشىلعان حالىقارالىق ءىرى وتكەلدەگى ماڭىزدى قالا ءۇرىمجىنىڭ جانە ماڭىزدى اشۋ رايوندارى سانالاتىن قاشقاردىڭ، قورعاستىڭ ءتۇرلى قۇرىلىستارى جەدەل جۇرگىزىلۋدە...
ەكونوميكانىڭ عالامدانۋ جاعدايى مەن تاجىريبەلەرى مىنانى كورسەتتى: حالىقارادا مەملەكەت پەن مەملەكەت اراسىنداعى كىلەڭ باسەكە مەن سەلبەستىك وڭىرلىك ەكونوميكالىق بولەكتەردىڭ، وڭىرلىك ەكونوميكالىق بەلدەۋلەردىڭ، وڭىرلىك ەكونوميكالىق رايونداردىڭ حالىقارالىق باسەكە مەن سەلبەستىككە قاتىناسۋىنا قاراي اينالىپ كەلەدى. قازىر دۇنيە ەكونوميكاسى دامۋىنىڭ وزەگى دامىعان ەكونوميكالىق تۇلعالاردان جاڭادان كوركەيگەن ەكونوميكالىق تۇلعالارعا، تەڭىز جاعالاۋىنان ىشكى قۇرلىقتاعى رايوندارعا قاراي ويىسۋدا. شينجياڭدى الدىڭعى شەپ ەتكەن ەلىمىزدىڭ باتىس بولەگى مەن ورتا ازيا ەلدەرىنىڭ ەكونوميكا - ساۋدا قاتىناسىنان قالىپتاسقان وڭىرلىك ەكونوميكالىق بولەك ءوزىنىڭ تەبىندەي دامۋداي باسىمدىلىعىمەن ەكونوميكا سالاسىنىڭ نازارىن اۋدارۋدا. وسى بولەكتىڭ ونەركاسىپتەنۋىنىڭ، قالالانۋىنىڭ، بازارلانۋىنىڭ، حالىقارالانۋىنىڭ، سونداي - اق كاسىپ سالاسى دەڭگەيىنىڭ ءوسۋىنىڭ قۇرىلىمدى رەتتەۋدىڭ، نەگىزدىك قۇرىلعى قۇرىلىسىنىڭ جانە قوعامدىق يگىلىكتى جاقسارتۋىنىڭ كەڭىستىگى مەن مۇمكىندىگى توتەنشە زور، ەكونوميكانى جەبەۋ رولى اسا كورنەكتى، سوندىقتان دا دۇنيە ەكونوميكاسىنىڭ جاڭا دا ماڭىزدى ارتۋ ۇيەگى بولادى دەگەن بولجال ايتىلۋدا. بۇل قاتىستى ەلدەر مەن رايونداردىڭ ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋىنا جاڭا وراي اكەلدى.
جۇڭگو ازيا - ەۆروپا كورمەسى سىندى تەرەزە ارقىلى، دۇنيە جۇزىندەگى شوقتىقتى كاسىپورىندار شينجياڭنىڭ دامۋ جاعدايىنان ۇمىتتەنىپ وتىر. بيىل مامىر ايىندا شينجياڭنىڭ ونەركاسىپ تاريحىندا بەلەستىك ءمان الاتىن شاڭحاي ۆولكسۋاگوننىڭ شينجياڭداعى نىسانىنىڭ ىرگە تاسى قالاندى. گەرمانيا ۆولكسۋاگون اۆتوموبيل توبىنىڭ باسالقاسى، قوسىمشا باس اتقارۋشىسى ۋينتەركوم وسىنىڭ الدىندا شينجياڭعا تەكسەرۋگە كەلگەندە: شاڭحاي ۆولكسۋاگونىنىڭ شينجياڭدا ەرەكشە تاماشا نىساندى قولعا الاتىندىعىنا سەنىمىم كامىل، - دەگەن ەدى. دۇنيە جۇزىندەگى 500 مىقتى كاسىپورىننىڭ قاتارىنداعى فرانسيانىڭ شىنەيدەر ەلەكترون توبىنىڭ جاۋاپتىسى دا بىلاي دەدى: ءبىز ازيا - ەۆروپا قۇرلىعىنىڭ ماڭىزدى وتكەلى بولعان شينجياڭنىڭ ەرەكشە قولايلىلىعىنا نازار اۋدارىپ وتىرمىز. شينجياڭ ەكونوميكاسىنىڭ بولاشاقتاعى جاڭارۋى شىنەيدەر ەلەكترون توبى جونىنەن العاندا، ەرەكشە ماڭىزدى وراي، سوندىقتان شينجياڭ ءبىزدىڭ ستراتەگيالىق ورنالاستىرۋداعى العاشقى تالعامىمىز بولدى.
جۇڭگو ازيا - ەۆروپا كورمەسى ارقىلى، ەل ىشىندەگى ءىرى كاسىپورىندار دا ءۇرتىس حالىقارالىق بازارعا بەتتەدى. ءبىر جىلدان بەرى، شينجياڭدا اسا قۋاتتى ءىرى كاسىپورىنداردى تىرەك ەتكەن سىرتقا كوتەرمەگە بەرۋ ينجەنەريا اترەتى العاشقى قادامدا قالىپتاستى. سونىمەن قاتار، شەتەلدە ىرگە تەپكەن ءبىر توپ كاسىپورىن شەتەلدىك نىسانداردى جەرگىلىكتى ورىندا جۇرگىزۋگە بەلسەنە قۇلشىنىپ، حاۋىپسىزدىك حاۋىپ - قاتەرىنە توتەپ بەرۋ قابىلەتىن كورنەكتى تۇردە ارتتىردى.
بيىل ەل ءىشى - سىرتىندا جۇڭگو ازيا - ەۆروپا كورمەسىنە قاتىناسۋ ىنتاسى، ءتىپتى، جوعارى بولدى. جۇڭگومەن ىرگەلەس جاتقان ءداستۇرلى ساۋدا سەرىكتەردى قوسپاعاندا، نيدەرلاند، يتاليا، ا ق ش، يرلانديا، اۆستراليا، ءۇندىستان، ۋرۋگۆاي، برازيليا، چيلي، وڭتۇستىك افريكا سياقتى ەلدەر كورمەگە تۇڭعىش رەت كەلدى. كورمەگە قاتىسۋشى ەلدەر ازيا، ەۆروپا، افريكا، وڭتۇستىك امەريكا، سولتۇستىك امەريكا، وكەانيا سىندى 6 قۇرلىقتى قامتيدى. كورمەگە، ماجىلىسكە قاتىناسۋعا تىركەلگەن شەتەلدىك سيلى قوناقتار مەن ساۋداگەرلەر سانى 1000عا تايادى؛ كورمەنىڭ حالىقاراداعى سەلبەسۋشى ورىندارى دا الدىڭعى كەزەكتەگى 14تەن 17گە كوبەيدى. مىنە بۇدان جۇڭگو ازيا - ەۆروپا كورمەسىنىڭ بارعان سايىن «حالىقارالىق ءتۇس» الىپ كەلە جاتقانىن كورۋگە بولادى. ەل ىشىندەگى ولكە، اۆتونوميالى رايون، توتە قاراستى قالالاردىڭ بارلىعى كورمەگە ۇيىرمە جىبەردى، كورمەگە قاتىسقان كاسىپورىن، ساۋداگەر سانى 21 مىڭنان اسىپ، الدىڭعى كەزەكتەگىدەن %5 ارتتى. ماجىلىسكە قاتىسۋشى ەل ءىشى - سىرتى كاسىپورىندارىنىڭ سانى 1500دەن استى. وسىنىڭ ءبارى حالىقارالىق فينانس داعدارىسىنىڭ ىقپالى ءالى جالعاسىپ وتىرعان جاعدايدا، سەلبەستىك پەن دامۋدىڭ ءالى دە دۇنيە ەكونوميكاسىنىڭ نەگىزگى اعىمى ەكەنىن ابدەن ءتۇسىندىرىپ بەردى. جۇڭگو ازيا - ەۆروپا كورمەسىندە اسا مول ساۋدا ورايى بار. شاپشاڭ دامىپ بارا جاتقان شينجياڭ ەل ءىشى مەن ازيا، ەۆروپا ەلدەرىن تۇتاستىراتىن كوپىر رەتىندە، وڭىرلىك ەكونوميكالىق سەلبەستىكتى جەبەۋ جاعىندا ءتىپتى زور، ءتىپتى كەڭ كولەمدى رول اتقاراتىن بولادى.
(3)
جاڭا جاعدايدا جۇڭگو ازيا - ەۆروپا كورمەسى ەلىمىز وڭىرلەرىنىڭ سايكەستى دامۋىن جەبەپ، شينجياڭنىڭ ىشكى وڭىرلەردەگى تۋىسقان ولكە، قالالارمەن سەلبەسە وتىرىپ يگىلىككە كەنەلۋىن جۇزەگە اسىرۋدا بارعان سايىن ماڭىزدى رول اتقارادى.
مەملەكەتتىك 3 - كەزەكتى شينجياڭعا باعىتتامالى كومەكتەسۋ قىزمەتى ماجىلىسىندە بىلاي دەپ اتاپ كورسەتىلدى: قازىر دۇنيە ەكونوميكاسى سەرپىلۋىنىڭ بۇراڭدىلىعى، قيىندىعى كورنەكتىلەنۋدە. ەلىمىزدىڭ ەكونوميكالىق دامۋىنىڭ باسەڭدەۋى دە كورنەكتىلەنىپ كەلەدى. ەكونوميكانىڭ ورنىقتى، ءبىرشاما تەز ارتۋىن ساقتاۋ ءۇشىن ىشكى سۇرانىستى ارتتىرۋدىڭ ۇزاق ۋاقىتتىق ستراتەگيالىق باعىتىنا تاباندى بولۋ كەرەك. بۇل ەكونوميكانىڭ دامۋ تاسىلىنە بۇرىلىس جاساۋداعى كەلەلى شارا. مىنە وسىنداي جاعدايدا شينجياڭنىڭ ىشكى ولكەلەرمەن بولعان سەلبەستىگىن كۇشەيتۋ اسا ماڭىزدى. شينجياڭنىڭ جەرى كەڭ، بايلىعى مول، دامۋ كومەسكى كۇشى زور، ىشكى سۇرانىستى ارتتىرۋ ستراتەگياسىن اتقارۋداعى نەگىزگى شايقاس مايداندارىنىڭ ءبىرى، باتىس بولەكتى قاۋىرت اشۋداعى ماڭىزدى ءتۇيىن، سونداي - اق ەل ءىشى كاسىپ سالاسىن ويىستىرۋداعى ماڭىزدى ءوڭىر ەسەپتەلەدى.
بىلتىردان باستاپ ىشكى ولكەلەردەگى كوپتەگەن كاسىپ سالالارى شينجياڭعا ويىسىپ، تەبىنى بارعان سايىن كورنەكتىلەنىپ كەلەدى: بيىل ناۋرىزدا شاندۇڭ رىجاۋ سانيىن توقىماشىلىق سەرىكتەستىگىنىڭ 35 مىڭ ۇرشىقتى ءجىپ ءيىرۋ زاۆودى ماكىت اۋدانىندا ىرگە تەپتى؛ ساۋىردە جۇڭگو مۇناي حيمياسىنىڭ «شىعىس جوڭعار كومىردەن تابيعي گاز ايىرۋ نىسانىنىڭ» باس شتابى ۇرىمجىدەگى جوعارى، جاڭا تەحنيكالىق اشۋ رايونىنا (جاڭا قالا رايونىنا) كەلىپ ورنالاستى؛ مامىردا جۇڭگو ەلەكتر قۋاتى قارجى قوسۋ توبى سەرىكتەستىگى تۇرپان فوتوۆولت ەلەكتر ستانسياسى سالىنىپ بولىپ وندىرىسكە قوسىلدى... باتىس بولەكتەگى، اۋەلى، بۇكىل ەلىمىزدەگى جەر اۋماعى ەڭ ۇلكەن ولكە دارەجەلى اكىمشىلىك رايون ساناتىنداعى شينجياڭنىڭ دامۋى تۇتاس باتىس بولەكتىڭ ەكونوميكالىق جاعدايىنىڭ ساپالانۋىن ىلگەرىلەتىپ، سول ارقىلى شىعىس بولەك پەن باتىس بولەكتىڭ دامۋىنداعى پارىق ازايىپ، وڭىرلەردىڭ سايكەستى دامۋىن جەبەپ، ەلىمىزدىڭ تۇلعالىق ەكونوميكاسىنىڭ دامۋ دەمەسىن كۇشىن نىعايتاتىن بولادى. وسى تەكشەنى بارىنشا ويداعىداي پايدالانىپ، ىشكى وڭىرلەردەگى ولكە، قالالارمەن سەلبەسە وتىرىپ دامۋدى كۇشەيتۋ باتىس بولەك رايوندارىندا تىڭ ارتۋ ءتۇيىنىن اشۋ، ەسىك اشۋ، ەل ءىشى ەكونوميكاسىنىڭ ورنىقتى ارتۋىن جەبەۋ، وڭىرلىك ەكونوميكالىق قۇرىلىمدى رەتتەۋدە ماڭىزدى رەال مانگە يە.
شينجياڭنىڭ ەسىك اشۋ، دامۋ ىستەرى مەملەكەت دامۋىنىڭ تۇلعالىق ستراتەگياسىنا ەنگىزىلدى. جۇڭگو ازيا - ەۆروپا كورمەسىنىڭ تابىستى وتكىزىلۋى شينجياڭنىڭ باتىسقا ەسىك اشۋداعى الدىڭعى وتكەلدىك رولىن بارىنشا كورنەكتىلەندىرەتىن بولادى. بارلىق مۇمكىندىكتەردەن پايدالانۋ، ورايدى ۇتا ءبىلۋ − دامۋى كەنجە رايونداردىڭ قارىشتاپ دامۋدى جۇزەگە اسىرۋىنداعى ءونىمدى جولداردىڭ ءبىرى، سونداي - اق 2 جىلدان بەرى شينجياڭنىڭ ەكونوميكالىق دامۋىنداعى ەڭ ۇلكەن جارقىن ءتۇيىن ەسەپتەلەدى. شىلدە ايىنىڭ سوڭىنا دەيىن باعىتتامالى كومەكتەسەتىن 19 ولكە، قالانىڭ ورنالاستىرعان 1296 كومەك نىسانىنىڭ باستاپ سالىنۋ سالىستىرماسى %1. 92كە جەتىپ، وتكەن جىلعى سول تۇستاعىدان %7. 16 جوعارى بولدى. قىرۋار نىساننىڭ ىركەس - تىركەس تياناقتانۋى شينجياڭداعى كومەك قابىلداۋشى وڭىرلەردىڭ كاسىپ سالاسى قۇرىلىمىنىڭ رەتتەلۋىن، ەكونوميكانىڭ دامۋ تاسىلىنە بۇرىلىس جاساۋىن، قازىنالىق كىرىستى ارتتىرۋ مەن بۇقارانىڭ كاسىپتەنۋى سياقتىلاردى جەبەۋدە كورنەكتى رول اتقاردى. سونىمەن بىرگە، شينجياڭ شينجياڭعا باعىتتامالى كومەكتەسۋ ورايىنان پايدالانىپ، ىشكى وڭىرلەردەگى ولكە، قالالارمەن اۋىس - كۇيىس، سەلبەستىكتى تەرەڭدەتىپ، ەكونوميكالىق، قوعامدىق دامۋ اياسىن بەلسەنە كەڭەيتىپ، ەل ىشىندەگى كاسىپورىنداردىڭ ەل ءىشى بازارى مەن حالىقارالىق بازاردى اشۋ، ەل ءىشى بايلىعى مەن حالىقارالىق بايلىقتان پايدالانۋىنا اناعۇرلىم كەڭ تەكشە ازىرلەپ بەردى.
مىنبەر قۇرىپ، سەلبەسە يگىلىككە كەنەلۋ شينجياڭنىڭ ارمانى، سونداي - اق ءاربىر سەلبەسۋشىنىڭ تىلەگى. شينجياڭ مەن ىشكى وڭىرلەردىڭ ەسىك اشۋ، سەلبەسۋىنەن كاسىپ سالاسى ساپالانىپ، ابزالدىلىقتار ارقىلى ءبىر - ءبىرىن تولىقتاپ، «تەڭ يگىلىككە كەنەلۋ» جۇزەگە اسادى. گازدى باتىستان شىعىسقا جەتكىزۋ، شينجياڭنىڭ ەلەكترىن سىرتقا تاسىمالداۋ، كومىردى باتىستان شىعىسقا تاسىمالداۋ... ىشكى وڭىرلەردەگى ولكە، قالالار باعىتتامالى كومەكتەسۋ ورايىندا « بوداۋ بەرگەنىمەن»، شينجياڭ ولارعا «قارىمجىسىن قايتارىپ»، بازار مەن ىشكى سۇرانىستى ارتتىرۋ كەڭىستىگىن ازىرلەپ بەردى. ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعان 2 جىلدان بەرى شينجياڭنىڭ ىشكى وڭىرلەرمەن اراداعى سەلبەسە وتىرىپ، تەڭ يگىلىككە كەنەلۋ ونىمدىلىگى ۇزدىكسىز ارتىپ، تاراپتار كاسىپ سالاسىن دامىتۋ اياسى، ەڭبەككۇش باسىمدىلىعى سياقتى كوپتەگەن جاقتا اناعۇرلىم كۇشتى باسەكەلىك كۇشكە يە بولۋمەن بىرگە، تىڭ دامۋ فورماسى مەن تىڭ ەكونوميكالىق ارتۋ ءتۇيىنى بارلىققا كەلدى.
(4)
قازىرگى بار تاجىريبە مەن نەگىزگە سۇيەنىپ، جۇڭگو ازيا - ەۆروپا كورمەسىن بارىنشا جاقسى وتكىزۋ، ونىڭ ىقپال كۇشىن، شارپۋ كۇشىن مۇمكىندىكتىڭ بارىنشا ساۋلەلەندىرۋ، وسى ءبىر سالتاناتتى ناۋقاندى باياندى وتكىزۋ قوعامنىڭ ءار سالاسىنىڭ كۇتكەن ءۇمىتى، كورمە وتكىزۋشى مەن سايكەسۋشىنىڭ تىلەگى، سونداي - اق حالىق جۇرتشىلىعىنىڭ ارمانى.
ءبىز جۇڭگو ازيا - ەۆروپا كورمەسىنىڭ مازمۇنىن بارىنشا بايىتىپ جانە ونى كەمەلدەندىرىپ، كورمەنىڭ دەڭگەيىن ءوسىرىپ، ونىڭ ايگىلى كورمەلەردىڭ قاتارىنا ەرتەرەك قوسىلۋىنا مۇمكىندىك جاساۋىمىز كەرەك. جۇڭگو ازيا - ەۆروپا كورمەسى ەكونوميكا - ساۋدانىڭ سالتاناتتى جارمەنكەسى، سونداي - اق جالپىلىق سيپاتتى كورمە ەسەپتەلەدى. ەل ءىشى - سىرتىنان كەلگەن مەيماندار مەن ساۋداگەرلەرگە ەكونوميكالىق اۋىس - كۇيىس قىزمەتىن ويداعىداي جاقسى وتەۋ نەگىزىندە جۇڭگو ازيا - ەۆروپا كورمەسىندە بەلگىلەنگەن كوپتەگەن جوعارى دەڭگەيدەگى تالقى مىنبەرى كورمەگە قاتىناسۋشىلارمەن جان - جاقتى اۋىس - كۇيىس جاساسىپ، سەلبەستىك ورىستەتۋگە تاماشا مەحانيزم ازىرلەپ بەردى. بىلتىرعى «8 + 1» تالقى مىنبەرى مەن ارناۋلى تاقىرىپتىق قيمىلمەن بىرگە، بيىل تالقى مىنبەرى قيمىلىنان «ازيا - ەۆروپا مەملەكەتتىك قارجى قوسۋدى جەبەۋ قۇرىلىمىنىڭ دوڭگەلەك ۇستەل ءماجىلىسى»، «شاڭحاي سەلبەستىك ۇيىمىنا مۇشە ەلدەردىڭ جاستار اۋىس - كۇيىس قيمىلى» سياقتى تاقىرىپتىق قيمىلدار وتەدى. مۇنان سىرت، تۇڭعىش رەت قۇرىلعان، كولەمى 100 شارشى مەترگە جۋىق T فورمالى ساحنا وسى جولعى كورمەنىڭ تىڭ مادەنيەت جارقىن تۇيىندەرىنىڭ قاتارىن كوبەيتتى؛ جاڭادان كوبەيگەن دەربەس اتاقتى ماركالى ونىمدەر كورمەسى، جاڭا ەنەرگيالى اۆتوموبيل كورمەسى جانە مادەنيەت كاسىپ سالاسى كورمەسى دە كورمەگە قاتىسقان كوپتەگەن ساۋداگەرلەردى وزىنە باۋرايدى. ءبىز جۇڭگو ازيا - ەۆروپا كورمەسىنىڭ وزىندىك ءمانى مەن كورمە مازمۇنىن ۇزدىكسىز بايىتۋ جانە دامىتۋ ارقىلى ونى كولەمى ۇلكەن، دەڭگەيى جوعارى، قابىلەتى تولىق الەمدىك ىقپال كۇشكە باي اتاقتى كەڭەس، سالتاناتتى كورمەگە اينالدىرۋىمىز كەرەك.
جۇڭگو ازيا - ەۆروپا كورمەسىنىڭ ءتۇرلى يقۋاتتىق ورنالاستىرۋلارىن بارىنشا كەمەلدەندىرۋ ارقىلى ونى اناعۇرلىم ەگجەي - تەگجەيلى، كاسىپتىك حالىقارالىق سيپاتتى سالتاناتتى كورمەگە اينالدىرۋىمىز كەرەك. بۇل نىسانانى جۇزەگە اسىرۋ ءۇشىن وسى كەزەكتى كورمەدە تاراپتاردىڭ ۇسىنىس - پىكىرىنە قۇلاق سالىپ، تاجىريبەلەردى قورىتىندىلاپ، كورمە رايونىنىڭ ورەسىن بارىنشا كۇشەيتىپ، تالقى مىنبەرى مەن قيمىلدىڭ نەگىزگى تاقىرىبىن كاسىپكە بارىنشا جاناستىرىپ، شوعىرلاندىرىپ، سايكەستى قىزمەت وتەۋدى دە ەگجەي - تەگجەيلى ورىستەتتىك.
ءبىز ءتۇرلى قىزمەتتەردى بارىنشا تىڭعىلىقتى، ناقتى، جاقسى ىستەپ، جۇڭگو ازيا - ەۆروپا كورمەسىن حاۋىپسىز، شىنايى، قۋانىشتى، سالتاناتتى كورمە ەتىپ وتكىزۋىمىز كەرەك. كورمە اساباسى شينجياڭ اماندىق قىزمەتىن بار كۇشپەن جاقسى ىستەپ، كورمەنىڭ حاۋىپسىز وتۋىنە شىنايى كەپىلدىك ەتۋى كەرەك؛ ەل ءىشى، سىرتىنان كەلەتىن قۇرمەتتى مەيماندارعا ىقىلاستى دا تىڭعىلىقتى، ەگجەي - تەگجەيلى قىزمەت وتەپ، مەيماندارعا شينجياڭنىڭ رياسىز دوستىعى مەن قىزۋ ىقىلاسىن شىنايى سەزىندىرۋ كەرەك. سونىمەن بىرگە، كورمە وتكىزۋ مەحانيزمىن كەمەلدەندىرىپ، ۇكىمەت جاقتىڭ، حالىقتىڭ، شينجياڭعا باعىتتامالى كومەكتەسۋشى جاقتاردىڭ كوپ ساتىلى سەلبەستىك مەحانيزمىنىڭ رولىن ويداعىداي ساۋلەلەندىرىپ، كورمەنىڭ تابىسىن تياناقتاندىرۋ مەن ونىمدىلىككە اينالدىرۋدى جەبەپ، وڭىرلىك سەلبەستىكتىڭ جەدەل اياق الىسىن قامتاماسىزداندىرىپ، اناعۇرلىم كەڭ وڭىرلىك بازاردى بىرگە باۋلۋ كەرەك. قورىتا كەلگەندە، كورمە وتكىزۋ مەحانيزمىن ۇزدىكسىز كەمەلدەندىرۋ ارقىلى جۇڭگو ازيا - ەۆروپا كورمەسىنىڭ ىقپال كۇشىن اناعۇرلىم تولىق ساۋلەلەندىرۋىمىز كەرەك.
جۇڭگو ازيا - ەۆروپا كورمەسىنىڭ جالپىلىق ونىمدىلىگىن بارىنشا جاقسى ساۋلەلەندىرىپ، شينجياڭنىڭ ەسىك اشقان، كوركەيگەن، سەلبەستىك جاساسقان، وركەنيەتتى جاڭا وبرازىن سومداپ، شينجياڭنىڭ سىرتقا ەسىك اشۋ دەڭگەيىن ءوسىرۋىمىز كەرەك. جۇڭگو ازيا - ەۆروپا كورمەسى وتەتىن ءۇرىمجى قالاسى قىرۋار ادام كۇشىن، زات كۇشىن، قازىنالىق كۇشتى جۇمساپ، قالانىڭ قامتاماسىز ەتۋى جاعىندا كوپتەگەن تىڭعىلىقتى قىزمەتتەر ىستەپ، كورمەنىڭ تابىستى وتۋىنە تاڭداۋلى ورىن، قۇرىلعى ازىرلەپ، ساپالى قىزمەت وتەپ، قالانىڭ بەت - بەينەسىن بارىنشا جاقسىلاپ، ەل ءىشى - سىرتىنان كەلەتىن مەيماندارعا قالانىڭ وسىزاماندانعان، اشىق، وركەنيەتتى، جاراسىمدى تىڭ وبرازىن ايگىلەدى. قالانىڭ ۇنامدى وبرازى تاماشا باستاما. ءبىز مۇنى ۇزدىكسىز ويداعىداي ساۋلەلەندىرۋىمىز ءارى ونى ەكونوميكالىق، قوعامدىق، گۋمانيتارلىق جاقتارداعى جان - جاقتى وسۋگە ۇلاستىرۋىمىز كەرەك. جۇڭگو ازيا - ەۆروپا كورمەسىن ويداعىداي جاقسى وتكىزۋ شينجياڭنىڭ قارىشتاپ دامۋى مەن باياندى تىنىشتىعىن جەبەۋدەگى ماڭىزدى شارا، شينجياڭ كورمەنى شينجياڭنىڭ كەلىستى كەلبەتىن ايگىلەيتىن، شينجياڭ رۋحىن ساۋلەلەندىرەتىن، شينجياڭ ونىمدىلىگىن كورسەتەتىن، شينجياڭ وبرازىن سومدايتىن تاپتىرماس ورايعا بالاپ، تۇتاس قوعام بىرگە قۇلشىنىس جاساپ، جۇڭگو ازيا - ەۆروپا كورمەسىن شينجياڭنىڭ گۇلدەنىپ - كوركەيۋىنىڭ، سىرتقا ەسىك اشۋىنىڭ، قوعام جاراسىمدىلىعىنىڭ تاپتىرماس تانىستىرعىسىنا اينالدىرۋىمىز كەرەك.
«تاما - تاما كول بولار» دەگەندەيىن، سەلبەسە وتىرىپ، تەڭ يگىلىككە كەنەلۋدىڭ بولاشاعى اسا شۇعىلالى. بولاشاققا نازار سالساق، الدىمىزدا ءالى تالاي سەلبەستىك اياسى بار، ءالى تالاي تىڭ داستان جازامىز! ءبىز كورمەنى وتكىزۋشى ورىنداردىڭ، كورمەگە سايكەسۋشى ورىنداردىڭ، كورمەگە قاتىناسۋشى ورىنداردىڭ جانە قوعامنىڭ ءار سالاسىنىڭ بىرگە قۇلشىنۋى مەن شىنايى سەلبەسۋىندە 2 - كەزەكتى جۇڭگو ازيا - ەۆروپا كورمەسىنىڭ، ءسوز جوق، تولىق تابىسقا قول جەتكىزەتىندىگىنە كامىل سەنەمىز! جاراسىمدى دامۋدىڭ، سەلبەسۋدىڭ، تەڭ يگىلىككە كەنەلۋدىڭ جولى، ءسوز جوق، بارعان سايىن داڭعىلدانا تۇسەدى! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved