- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو مەن ورتا ازيا ەلدەرى سەلبەستىگىنىڭ ءساليقالى ءساتى تۋدى
2013.09.05 14:36 كەلۋ قاينارى : ءتاڭىرتاۋ تورابى
مەملەكەت ءتوراعاسى شي جينپيڭ 3 - قىركۇيەكتەن 13 - كۇيەككە دەيىن تۇركمەنستان، قازاقستان، وزبەكستان، قىرعىزستان ەلدەرىندە ساپاردا بولادى. ساپار مەزگىلىندە رەسەيدىڭ سانت - پەتربۋرگ قالاسىنا دا بارىپ، 20 ەل توبىنىڭ باسشىلار كەڭەسىنە قاتىناسادى ءارى قىرعىزستاننىڭ استاناسى بىشكەكتە وتكىزىلەتىن شاڭحاي سەلبەستىك ۇيىمىنىڭ باسشىلار كەڭەسىنە قاتىناسادى.
شي جينپيڭنىڭ ورتا ازيا ەلدەرىنە ساپارلاي بارۋى جۇڭگونىڭ جاڭا كەزەكتى ۇكىمەتىنىڭ وسى وڭىرگە باسا ءمان بەرەتىندىگىن ايگىلەدى. بۇل جۇڭگونىڭ شار تاراپقا باعىتتالعان ديپلوماتيالىق قاتىناس ورناتۋداعى ماڭىزدى شاراسى ەسەپتەلەدى. ديپلوماتيالىق قاتىناستىڭ باياۋ دامۋ، جەدەل دامۋ مەزگىلىن باستان كەشىرگەن جۇڭگو مەن ورتا ازيا ەلدەرى اراسىندا ەندى جان - جاقتى، جوعارى دەڭگەيدەگى ديپلوماتيالىق قاتىناس ورناتۋدىڭ ءساليقالى ءساتى تۋدى. جۇڭگو ورتا ازيا ەلدەرىنىڭ مەملەكەت جاعدايىنا قاراي دامۋ جولىن تاڭداعاندىعىن، سونداي - اق ورنىقتىلىقتى قورعاۋ، ەكونوميكانى دامىتۋ، حالىق تۇرمىسىن جاقسارتۋ جاعىندا قولدانعان شارالارىن قولدايدى، سونىمەن بىرگە ورتا ازيا ەلدەرى دە جۇڭگونىڭ مەملەكەت تۇتاستىعىن قورعاۋ، «ءۇش ءتۇرلى كۇشكە» سوققى بەرۋ جاعىنداعى مايدانى مەن ارەكەتىن مىزعىماستان قولدايدى.
ساپار مەزگىلىندە شي جينپيڭ قاتىستى ەلدەردىڭ باسشىلارىمەن ەكى جاقتى قاتىناس جانە بىرگە كوڭىل اۋدارىپ وتىرعان وڭىرلىك، حالىقارالىق ماسەلەلەر جونىندە ىشكەرىلەي پىكىرلەسەدى، جۇڭگو مەن ورتا ازيا ەلدەرىنىڭ مۇناي، تابيعي گاز، قاتىناس، حابارلاسۋ، قارجى سالۋ، گۋمانيتارلىق سالالاردا جاساساتىن كەلەلى سەلبەستىك حۇجاتتارىنا كۋا بولادى. بۇل دۇنيە ءجۇزىنىڭ ساياسي، ەكونوميكالىق جاعدايىندا جارىققا شىققان تەرەڭ وزگەرىستەر الدىندا جۇڭگو مەن ورتا ازيا ەلدەرىنىڭ ورتاق مۇددە مەن تىلەكتى نازاردا ۇستاي وتىرىپ، تاتۋ كورشى رەتىندە ءبىر - بىرىنە تيىمدىلىك جاساپ، ءوزارا پايدا جەتكىزۋدى جانە ورتاق دامۋدى جۇزەگە اسىراتىندىعىن اڭعارتادى.
اتاپ وتۋگە تاتيتىنى، شي جينپيڭ تاعى شاڭحاي سەلبەستىك ۇيىمىنىڭ باسشىلار كەڭەسىنە قاتىناسىپ، شاڭحاي سەلبەستىك ۇيىمىنىڭ ىسكەرلىك سەلبەستىگىن اناعۇرلىم ىلگەرىلەتىپ، اتالعان ۇيىمنىڭ اقاۋسىز، ورنىقتى دامۋىن قاراستىرۋعا قۇلشىنادى. قازىر شاڭحاي سەلبەستىك ۇيىمى ىسكەرلىك سەلبەستىكتى ىلگەرىلەتۋدىڭ جەدەل ارناسىنا قادام تاستادى. بۇل ءوڭىردىڭ حاۋىپسىزدىگىن، ورنىقتىلىعىن قورعاۋداعى ءونىمدى مەحانيزم جانە سىندارلى كۇش. جۇرت بىشكەك كەڭەسىنىڭ «سەنىمدىلىك، ءوزارا تيىمدىلىك جاساۋ، تەرەزەسى تەڭ بولۋ، كەڭەسۋ، وركەنيەتتىڭ الۋان تۇرلىلىگىنە قۇرمەت ەتۋ، ورتاق دامۋعا تالپىنۋ» سىندى «شاڭحاي رۋحىن» ساۋلەلەندىرىپ، مۇشە ەلدەردىڭ وزەكتى مۇددەسىنە ساياتىن ماسەلەلەردە ءبىرىن - ءبىرى بارىنشا قولداۋىن ءۇمىت ەتەدى.
جاقسى كورشى جۇلدىزىڭدى جاندىرار دەگەندەي، ستراتەگيالىق سەلبەستىك تە ءدال وسى ورايلى مەزگىلدە ءجۇرىلىپ وتىر. شي جينپيڭنىڭ بۇل جولعى ساپارىنىڭ جۇڭگو مەن ورتا ازيا ەلدەرىنىڭ ستراتەگيالىق سەلبەستىك جاساسۋ تىلەگى مەن سەنىمىن نىعايتاتىنىندا، شاڭحاي سەلبەستىك ۇيىمىنىڭ وڭىرلىك حاۋىپسىزدىككە بىرگە ۇمتىلۋىنا، گۇلدەنۋدىڭ جەمىسىنەن بىرگە يگىلىكتەنۋىنە دەم بەرەتىنىندە داۋ جوق. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
