بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ارناۋلى تاقىرىپ>>حالىق قۇرىلتايى

مەملەكەتتىك 12 - كەزەكتى حالىق قۇرىلتايىنىڭ 2 - ءماجىلىسى بەيجيڭدە جابىلدى

شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي ءماجىلىستىڭ جابىلۋ سالتىنا قاتىناستى، جابىلۋ سالتىن جاڭ دىجياڭ باسقاردى، ۇكىمەت قىزمەتىنەن بايانداما، مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جانە باسقادا باياندامالار بەكىتىلدى

2014.03.14 14:42     كەلۋ قاينارى : ءتاڭىرتاۋ تورابى


  مەملەكەتتىك 12 - كەزەكتى حالىق قۇرىلتايىنىڭ 2 - ءماجىلىسى 13 - ناۋرىزدا بەيجيڭدەگى حالىق سارايىندا جابىلدى.

  شينحۋا اگەنتتىگىنىڭ 13 - ناۋرىزدا بەيجيڭنەن بەرگەن حابارى. مەملەكەتتىك 12 - كەزەكتى حالىق قۇرىلتايىنىڭ 2 - ءماجىلىسى ءتۇرلى كەڭەستىك تارتىپتەرىن تولىعىمەن ورىنداعاننان كەيىن، 13 - ناۋرىز تۇستەن بۇرىن حالىق سارايىندا جابىلدى.

  بۇگىنگى ماجىلىسكە قاتىناسۋعا ءتيىستى ۋاكىل 2983، ءىس جۇزىندە 2910 ۋاكىل قاتىناستى، 73 ۋاكىل قاتىناسا المادى، قاتىناسقان ۋاكىل سانى زاڭدا بەلگىلەنگەن ۋاكىل سانىنا ۇيلەسەدى.

  جابىلۋ سالتىن ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاڭ دىجياڭ باسقاردى.

  شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.

  ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى لي جيانگو، ۋاڭ شىڭجۇن، چىن چاڭجى، يان جۋانچي، ۋاڭ چىن، شىن يۋەيۋە، جي بيڭشۋان، جاڭ پيڭ، شياڭباپيڭسو، ەركىن يمىرباقى، ۋان ى - شياڭ، جاڭ باۋۋىن، چىن جۋلار ءتوراعالار مىنبەسىنىڭ اتقارۋشى ءتوراعالار ورنىنا جايعاستى.

  تۇستەن بۇرىن ساعات 9دا جاڭ دىجياڭ ءماجىلىستىڭ جابىلۋ سالتىنىڭ باستالعانىن جاريالادى.

  ءماجىلىس ۇكىمەت قىزمەتىنەن بايانداما جونىندەگى قاۋلىنى داۋىسقا سالىپ ماقۇلدادى. قاۋلىدا مىنالار اتاپ كورسەتىلدى: ءماجىلىس مەملەكەتتىك كەڭەستىڭ وتكەن ءبىر جىلداعى قىزمەتتەرىن تولىق تۇراقتاندىردى، باياندامادا العا قويىلعان 2014 - جىلعى تۇلعالىق ورنالاستىرۋلاردى، نىسانالار مەن مىندەتتەردى جانە ءتۇيىندى قىزمەتتەردى قۇپتاپ، وسى باياندامانى بەكىتۋدى ۇيعاردى. ءماجىلىس 2013 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2014 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاۋلىنى داۋىسقا سالىپ ماقۇلدادى، 2013 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2014 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى بەكىتۋدى ۇيعاردى، 2014 - جىلعى حالىق شارۋاشىلىعى مەن قوعامدىق دامۋ جوسپارىن بەكىتتى؛ 2013 - جىلعى ورتالىق پەن جەرگىلىكتى ورىننىڭ مەجە ەسەبىنىڭ اتقارىلۋ احۋالى جانە 2014 - جىلعى ورتالىق پەن جەرگىلىكتى ورىننىڭ مەجە ەسەبى جونىندەگى قاۋلىنى داۋىسقا سالىپ ماقۇلدادى، 2013 - جىلعى ورتالىق پەن جەرگىلىكتى ورىننىڭ مەجە ەسەبىنىڭ اتقارىلۋ احۋالى جانە 2014 - جىلعى ورتالىق پەن جەرگىلىكتى ورىننىڭ مەجە ەسەپ جوباسى جونىندەگى باياندامانى بەكىتۋدى ۇيعاردى، 2014 - جىلعى ورتالىقتىڭ مەجە ەسەبىن بەكىتتى. ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قاۋلىنى داۋىسقا سالىپ ماقۇلدادى.

  قاۋلىدا مىنالار اتاپ كورسەتىلدى: ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ وتكەن ءبىر جىلداعى قىزمەتتەرىن تولىق تۇراقتاندىردى، باياندامادا العا قويىلعان الداعى ءبىر جىلداعى باستى مىندەتتەردى قۇپتاپ، وسى باياندامانى بەكىتۋدى ۇيعاردى. ءماجىلىس ەڭ جوعارى حالىق سوتى مەكەمەسىنىڭ قىزمەت بايانداماسى جونىندەگى قاۋلىنى، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى قاۋلىنى داۋىسقا سالىپ ماقۇلداپ، وسى 2 باياندامانى بەكىتۋدى ۇيعاردى. ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ ۋاڭ شياۋدىڭ، چىن سىشيدىڭ مەملەكەتتىك حالىق قۇرىلتايى تۇراقتى كوميتەتىنىڭ مۇشەسى مىندەتىنەن شەگىنۋ جونىندەگى ءوتىنىشىن قابىلداۋدى تۇراقتاندىرۋ جونىندەگى قاۋلىنى داۋىسقا سالىپ ماقۇلدادى.

  ءماجىلىس ءتۇرلى كەڭەستىك تارتىپتەردى تامامداعاننان كەيىن جاڭ دىجياڭ ءسوز سويلەپ بىلاي دەدى: مەملەكەتتىك 12 - كەزەكتى حالىق قۇرىلتايىنىڭ 2 - ءماجىلىسى دەموكراتيانى تولىق ساۋلەلەندىرىپ، ءىستى زاڭ بويىنشا قاتاڭ ىستەپ، ورتاق تانىم قالىپتاستىرىپ، مىندەتتەردى ايقىنداپ، سەنىمدى بەكەمدەدى. مۇنىڭ بۇكىل ەلدەگى ءار ۇلت حالقىن جۇڭگوشا سوتسياليزم ۇلى ىسىنە تاباندىلىقپەن ات سالىسۋعا جانە ونى دامىتۋعا اناعۇرلىم شابىتتاندىراتىندىعى جانە جۇمىلدىراتىندىعى داۋسىز. جاڭ دىجياڭ مىنالاردى اتاپ كورسەتتى: ءماجىلىس كەزىندە، ۋاكىلدەر بۇكىل ەلدەگى ءار ۇلت حالقىنىڭ ماڭىزدى تاپسىرماسىن ارقالاپ، نەگىزگى زاڭ مەن زاڭداردا جۇكتەلگەن بورىشتارىن مۇقيات اتقارىپ، جالپى جاعدايدى ارقاۋ ەتىپ، ناقتى ونىمدىلىكتى دارىپتەپ، اقتارىلا كەڭەسىپ، كوپتىڭ پاراساتىن ساۋلەلەندىرىپ، ماجىلىستە بەكىتىلگەن باياندامالار مەن ماقۇلدانعان قاۋلىلاردا پارتيانىڭ قۋاتتاماسى مەن حالىقتىڭ ەرىك - جىگەرىنىڭ بىرلىگىن تولىق ايگىلەدى.

  جاڭ دىجياڭ بىلاي دەدى: ۋاكىلدەر ءبىر اۋىزدان بىلاي دەپ قارادى: 2013 - جىل ەرەكشە ءبىر جىل بولدى. ەلىمىزدىڭ سوتسياليستىك ەكونوميكالىق قۇرىلىسىندا، ساياسي قۇرىلىسىندا، مادەنيەت قۇرىلىسىندا، قوعامدىق قۇرىلىسىندا، ەكولوگيالىق وركەنيەت قۇرىلىسىندا جۇرتتى جالت قاراتارلىقتاي كەلەلى ناتيجەلەرگە قول جەتىپ، پارتيا 18 - قۇرىلتايىنىڭ رۋحىن دايەكتى تياناقتاندىرۋدىڭ العاشقى جىلىندا يگى باستاما كوتەرىلدى. ناتيجەلەر وڭاي - وسپاق قولعا كەلگەن جوق، بۇل شي جينپيڭ جولداس باس شۋجي بولعان پارتيا ورتالىق كوميتەتىنىڭ عىلمي شەشىم جاساپ، دۇرىس باسشىلىق ەتۋىنىڭ ناتيجەسى، ءار دارەجەلى مەملەكەت ورگاندارىنىڭ بورىشىن زاڭ بويىنشا ادا ەتىپ، قۇلشىنا قىزمەت ىستەۋىنىڭ ناتيجەسى، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساپ، ارىنداي العا تارتۋىنىڭ ناتيجەسى.

  جاڭ دىجياڭ مىنانى اتاپ كورسەتتى: رەفورمانى جاپپاي تەرەڭدەتۋ − ءداۋىر بىزگە جۇكتەگەن داڭقتى مىندەت. ءبىز پارتيانىڭ 18 - قۇرىلتايى مەن ج ك پ 18 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتى تياناقتاندىرىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنىپ جانە دايەكتىلەندىرىپ، العا باسۋ تانىمىن، وراي تانىمىن، جاۋاپكەرلىك تانىمىن بەرىك ورناتىپ، رەفورمانى حالىققا سۇيەنە وتىرىپ ىلگەرىلەتىپ، رەفورما جونىندەگى سەنىمدى بەكەمدەپ، رەفورمانىڭ بەتالىسىن يگەرىپ، رەفورما جونىندە ورتاق تانىم قالىپتاستىرىپ، رەفورما شارالارىن تىڭعىلىقتى تياناقتاندىرىپ، رەفورما جوباسىن بىرتىندەپ جۇزەگە اسىرىپ، رەفورما جاساۋ، ەسىك اشۋ ۇلى ىستەرىنىڭ جاڭا تاريحي داستانىن جازۋىمىز كەرەك.

  جاڭ دىجياڭ مىنانى اتاپ كورسەتتى: مەملەكەتتى زاڭ بويىنشا باسقارۋ − پارتيانىڭ حالىققا باسشىلىق ەتىپ، مەملەكەتتى جونگە سالۋداعى نەگىزگى ستراتەگياسى. ءبىز جۇڭگوشا سوتسياليستىك ءتۇزىمدى كەمەلدەندىرۋدى جانە دامىتۋدى ارقاۋ ەتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، مەملەكەتتى زاڭمەن باسقارۋدىڭ نەگىزگى ستراتەگياسىن جاپپاي تياناقتاندىرىپ، زاڭمەن باسقارىلاتىن جۇڭگو قۇرىلىسىن جەدەل ىلگەرىلەتىپ، مەملەكەتتى زاڭمەن باسقارۋدى، بيلىكتى زاڭ بويىنشا جۇرگىزۋدى، اكىمشىلىك ىستەردى زاڭ بويىنشا ىستەۋدى قاتار ىلگەرىلەتۋدەن جازباي، مەملەكەتتى، ۇكىمەتتى، قوعامدى زاڭ بويىنشا باسقارۋدى ءبىر تۇلعالاندىرۋ قۇرىلىسىنا تاباندى بولىپ، حالىقتىڭ ۇقىق - مۇددەسىن قامتاماسىز ەتىپ، قوعامدىق ادىلەتتىلىكتى، تۋراشىلدىقتى قورعاپ، زاڭنىڭ مەملەكەتتى باسقارۋ مەن قوعامدى باسقارۋداعى ماڭىزدى رولىن تولىق ساۋلەلەندىرۋىمىز كەرەك.

  جاڭ دىجياڭ بىلاي دەدى: مەملەكەتتىك حالىق قۇرىلتايى مەن ونىڭ تۇراقتى كوميتەتى سوتسياليستىك دەموكراتيا جانە زاڭمەن باسقارۋ قۇرىلىسىندا ماڭىزدى جاۋاپكەرشىلىك ارقالاپ وتىر. ءبىز پارتيا باسشىلىعىنىڭ، حالىقتىڭ قوجا بولۋىنىڭ، مەملەكەتتى زاڭمەن باسقارۋدىڭ ۇتىمدى بىرلىگىنە بۇلجىماستان تاباندى بولىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتىپ، قىزمەت ۇقىعىن زاڭ بويىنشا اتقارىپ، بەلسەندىلىكپەن قىزمەت ورىستەتىپ، مەملەكەتتى زاڭمەن باسقارۋدى، نەگىزگى زاڭ مەن زاڭداردىڭ بەدەلىن قورعاۋدى ماڭىزدى مىندەت ەتۋدەن جازباي، حالىقتىڭ ۇنىنە قۇلاق اسىپ، حالىقتىڭ تىلەگىنە جاۋاپ قاتىپ، مەملەكەتتىڭ ەڭ جوعارى بيلىك ورگانىنىڭ رولىن تولىق ساۋلەلەندىرىپ، حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، رەفورمانى جاپپاي تەرەڭدەتۋگە، سوتسياليستىك دەموكراتيا جانە زاڭمەن باسقارۋ قۇرىلىسىن ىلگەرىلەتۋدى پارمەندى قامتاماسىز ەتۋىمىز كەرەك.

  جاڭ دىجياڭ سوڭىندا بىلاي دەدى: رەفورما جاساپ، ەسىك اشۋ ۇلى جورىعى ءبىزدى كۇتىپ تۇر، حالىقتىڭ باقىتتى تۇرمىستى اڭساعان كوكەي تەستى ارمانى بىزگە شابىت بەرۋدە. ءبىز شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە تىعىز توپتاسىپ، جۇڭگوشا سوتسياليزم ۇلى تۋىن بيىك ۇستاپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، جۇدىرىقتاي جۇمىلىپ، ءورىس اشا العا ىلگەرىلەپ، قىزمەتكە شوگەلدىلىكپەن كىرىسىپ، قيىن اسۋلاردان قامال الىپ، جاپپاي دوڭگەلەك داۋلەتتى قوعام قۇرۋ، جۇڭگوشا سوتسياليزمنىڭ جاڭا جەڭىستەرىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ ءۇشىن قۇلشىنا كۇرەس جاسايىق.

  ساعات 9دان 35 مينۋت وتكەندە جاڭ دىجياڭ مەملەكەتتىك 12 - كەزەكتى حالىق قۇرىلتايى 2 -ءماجىلىسىنىڭ جابىلعانىن جاريالادى، ءماجىلىس ايبىندى دا اسقاق گيمىنمەن اياقتادى.

  ما كاي، ۋاڭ حۋنيڭ، ليۋ ياندۇڭ، ليۋ چيباۋ، شۇي چيلياڭ، سۇن چۇنلان، سۇن جىڭساي، لي يۋانچاۋ، ۋاڭ ياڭ، جاڭ چۇنشيان، فان چاڭلۇڭ، مىڭ جيانجۋ، جاۋ لىجي، حۋ چۇنحۋا، لي جانشۋ، گو جينلۇڭ، حان جىڭ، دۋ چيڭلين، جاۋ حۇڭجۋ، ياڭ جيڭ، چاڭ ۋانچۋان، ياڭ جيەچى، گو شىڭكۇن، ۋاڭ يۇڭ، جوۋ چياڭ، ساۋ جيانميڭ، ليڭ جيحۋا، حان چيدى، ۋان گاڭ، لين ۋىن - ي، لو فۋحى، حى حوۋحۋا، جاڭ چيڭلي، لي حايفىڭ، سۋ رۇڭ، چىن يۋان، لۋ جانگۇڭ، جوۋ شياۋچۋان، ۋاڭ جيارۇي، ۋاڭ جىڭۋي، ما بياۋ، چي شۇيچۇن، چىن شياۋگۋاڭ، ما پەيحۋا، ليۋ شياۋفىڭ، ۋاڭ چينمين جانە ورتالىق اسكەري ىستەر كوميتەتىنىڭ مۇشەلەرى فاڭ فىڭحۇي، جاڭ ياڭ، جاۋ كىشى، جاڭ يوۋشيا، ۋ شىڭلي، ما شياۋتيان، ۋي فىڭحى قاتارلىلار دا ءتوراعالار مىنبەسىنەن ورىن الدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.