- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەڭسە كوتەرۋ جولىنداعى ارشىندى قادام
2014.06.04 14:17 كەلۋ قاينارى : ءتاڭىرتاۋ تورابى
قىزىلسۋ وبلىسى − بايلىق شوعىرلى ورنالاسقان ءارى كوپ ۇلتتى، ەكونوميكالىق دامۋى سالىستىرمالى ارتتا قالعان، از ۇلتتار شوعىرلى قونىستانعان، شەكارا وڭىردەگى كەدەي وبلىس.
سوڭعى جىلداردان بەرى، ورتالىقتىڭ باتىس بولەكتى قاۋىرت اشۋ جانە جاڭا كەزەكتى شينجياڭعا كومەكتەسۋ ساياساتىنىڭ جەبەۋىندە قىزىلسۋ وبلىسى «شارت-جاعداي جار بەرمەيدى» دەيتىن تار ءورىستى بۇعاۋدان قۇتىلىپ، كادرلار مەن بۇقارا ءبىر نيەتپەن سەلبەسىپ، «مۇمكىندىكتىڭ بارىنشا شاپشاڭ دامۋدىڭ، قارقىندى، ساپالى، ءونىمدى بولۋدىڭ» تىڭ دامۋ جولىن تاپتى.
ونەركاسىپتىڭ قارقىنى جەدەلدەگەن سايىن، وزگەرىس جاساۋعا ۇمتىلدى
«ونەركاسىپ كوركەيسە، قىزىلسۋ وبلىسى دا كوركەيەدى». مىنە بۇل قىزىلسۋ وبلىسىنىڭ سوڭعى جىلداردان بەرى ەكونوميكانى دامىتۋ بارىسىندا مىقتاپ ورناتقان كوزقاراسى.
قىزىلسۋ وبلىستىق ساياسي كەڭەستىڭ ورىنباسار ءتوراعاسى، ەكونوميكا - ينفورماتسيا كوميتەتىنىڭ مەڭگەرۋشىسى جاڭ ديانجياڭ بىلاي دەپ تانىستىردى: 2010 - جىلدان باستاپ، قىزىلسۋ وبلىسى بايلىق ابزالدىلىعىن ەكونوميكالىق ابزالدىلىققا اينالدىرۋ ستراتەگياسىن اتقارۋدان جازباي، ونەركاسىپ باقشا رايونىن دانەكەر، ونەركاسىپكە قوسىلاتىن قارجىنى ارتتىرۋدى قوزعاۋشى كۇش ەتىپ، ابزال كاسىپ سالالارى مەن تىرەكتى كاسىپورىنداردى بەلسەنە جەتىلدىرىپ، بايلىق ابزالدىلىعىن كاسىپ سالاسى ابزالدىلىعىنا اينالدىرۋ اياق الىسىن جەدەلدەتىپ، ونەركاسىپ كاسىپورىندارىن شاعىن كاسىپورىننان كولەمدى كاسىپورىنعا، ءالسىز كاسىپورىننان قۋاتتى كاسىپورىنعا قاراي وزگەرتىپ، جاڭاشا ونەركاسىپتەندىرۋ قۇرىلىسىنا نىق قادام تاستادى. قازىر بولات - تەمىر، كرەمني - مارگانەتس قورىتۋدى، كەن اشۋدى نەگىز ەتكەن بولات - تەمىر قورىتۋجانە مانەرلەۋ كاسىبى، مىس، قورعاسىن، مىرىش سياقتى ءتۇستى مەتالداردى تاڭداۋ، قورىتۋدى، مانەرلەۋ ونەركاسىبى، سونداي - اق قۇرىلىس ماتەريالدارىن مانەرلەۋ كاسىبى، ەنەرگيا كاسىبى سياقتى ابزال كاسىپ سالالارىن شوعىرلاندىرۋ ينجەنەرياسىندا قارىشتاپ دامۋعا قول جەتكىزدى. بيىل الدىڭعى جارتى جىلدا، وبلىس بويىنشا ونەركاسىپ ءونىم قۇنى ءبىر ميلليارد 468 ميلليون يۋانعا جەتىپ، بىلتىرعى سول تۇستاعىدان %79.42 ارتتى؛ ونەركاسىپتىڭ ارتقان قۇنى 535 ميلليون يۋانعا جەتىپ، بىلتىرعى سول تۇستاعىدان %72 ارتتى.
ال، ونەركاسىپ باقشا رايوندارىنىڭ جەدەل سالىنۋى قىزىلسۋ وبلىسىنىڭ جاڭاشا ونەركاسىپتەندىرۋ ءىسىنىڭ دامۋىنداعى تاعى ءبىر ەرەكشەلىككە اينالدى. قازىر، بولات - تەمىر، ءتۇستى مەتال، قۇرىلىس ماتەريالدارى سىندى 3 ۇلكەن بازانى ءتۇيىن ەتكەن اتۇش، ۇلىقشات، اقتاۋ ونەركاسىپ باقشا رايوندارىنىڭ جەر اۋدانى 43.64 شارشى كيلومەترگە جەتتى، جالپى قوسىلعان قارجى 352 ميلليون يۋان، باقشا رايونىنان شاڭىراق كوتەرگەن كاسىپورىندار 100دەن اسادى. بيىل باقشا رايونىندا ونەركاسىپتىڭ ارتقان قۇنى ءبىر ميلليارد 300 ميلليون يۋاننان، ونەركاسىپ سالاسىنا قوسىلاتىن قارجىنىڭ 6 ميلليارد يۋاننان اساتىندىعى مەجەلەندى.حالىق تۇرمىسى جاقسارىپ، كادرلار مەن بۇقارا رۋحاني جاقتان سەرپىلە ءتۇستى
سوڭعى 2 جىلدان بەرى، قىزىلسۋ وبلىسىنداعى ءار دارەجەلى پارتكومدار مەن حالىق ۇكىمەتتەرى حالىق تۇرمىسى قۇرىلىسىنا قارجى قوسۋ تەبىنىن ارتتىردى. بەيقۇت ءۇي سالىپ حالىقتى اۋقاتتاندىرۋ قۇرىلىسىنىڭ اياق الىسىن جەدەلدەتۋ ءۇشىن، جەر - جەر «حالىق تۇرمىسىن جاقسارتۋ، عىلمي جوبالاۋ، ەكونوميكانى دامىتۋ، قورشاعان ورتانى جاقسارتۋ» كوزقاراسى بويىنشا، بەيقۇت ءۇي سالىپ حالىقتى اۋقاتتاندىرۋدى شەكارا ءوڭىردى كوركەيتىپ حالىقتى اۋقاتتاندىرۋ، مالشىلاردى وتىرىقتاندىرىپ مال شارۋاشىلىعىن دامىتۋ، جاڭاشا اۋىل - قىستاق قۇرۋ قۇرىلىسىمەن تىعىز ۇشتاستىرىپ، جوعارى باستامادا، جوعارى دەڭگەيدە، جوعارى ونىمدىلىكتە بولۋدان جازباي، بەيقۇت ءۇي سالىپ حالىقتى اۋقاتتاندىرۋ ينجەنەرياسىن اتقارۋدى جان - جاقتى، ورنىقتى ىلگەرىلەتتى.
حالىق تۇرمىسى قۇرىلىسىن بارىنشا ىلگەرىلەتىپ، پارتيانىڭ حالىققا تيىمدىلىك جاساۋ ساياساتتارىن جان - جاقتى تياناقتاندىرىپ، قوعامدىق قامتاماسىزداندىرۋ جۇيەسىن اناعۇرلىم كەمەلدەنىپ، ءار ۇلت حالىق بۇقاراسىنىڭ تۇرمىس ورەسىن كورنەكتى جوعارىلاتتى. ال وسى حالىقتىڭ قالاۋىنان شىعۋ ينجەنەريالارى قىزىلسۋ وبلىسىنداعىلاردىڭ تۇرمىسىندا تىڭ وزگەرىس تۋدىردى، وبلىستاعى ءار ۇلت بۇقاراسى تۇرمىستارىن باقىت سەزىنىپ، رۋحاني جاقتان سەرپىلىپ، ۇمىتكە تولى وبلىس، جاراسىمدى وبلىس، باقىتتى وبلىس قۇرۋ سەنىمدىلىگىن ارتتىرا ءتۇستى.ءشول - جازيرا كاسىبى اۋقاتتانۋدىڭ سارا جولىن اشتى
قىزىلسۋ وبلىسىنىڭ %90تەن استام جەرى تاۋلى ءوڭىر، ەگىستىك جەرى وتە تاپشى، ەگىستىك جەر شاناقتى بولعاندىقتان، 10 نەشە جىلدان بۇرىن قىزىلسۋ وبلىسى «ەگىندىك جەرى جوق، مال باعاتىن جايلىمى جوق»، «كۇن كورىس قيىنعا تۇسكەن» قيىنشىلىق قىسپاعىندا قالعان بولاتىن.
ەگىنشىلەردىڭ كىرىسىن ارتتىرۋدىڭ تىڭ جولىن جانە ءادىسىن قاراستىرۋ ءۇشىن، قىزىلسۋلىقتار قاجىرلىلىقپەن قۇلشىنىپ، باتىلدىقپەن ىزدەنىس جاسادى.
2009 - جىلى جەلتوقسان ايىندا اشىلعان ج ك پ قىزىلسۋ وبلىستىق 8 - كەزەكتى كوميتەتىنىڭ سەگىزىنشى جالپى (كەڭەيتىلگەن) ماجىلىسىندە «ءشول - جازيرا كاسىبىن» بارىنشا دامىتۋ سىندى ستراتەگيالىق وي جەلىسى رەسمي ورتاعا قويىلدى، ياعني قۇرىلعى اۋىل شارۋاشىلىعىن باستاماشى ەتۋ، وسى زامانعى مال شارۋاشىلىق كاسىبىن جانە ەرەكشە جەمىس ورمانى كاسىبىن نەگىز ەتۋ، باسقا دا اۋىل - قىستاق كاسىبىن دامىتۋدى تولىقتاما ەتۋ ارقىلى قىزىلسۋ وبلىسىنىڭ ەرەكشە اۋىل - قىستاق ەكونوميكاسىن بارىنشا دامىتۋ.
قىزىلسۋ وبلىستىق اۋىل شارۋاشىلىق مەكەمەسىنىڭ جاۋاپتىسى بىلاي دەدى: تاياۋ بىرنەشە جىلدا تۇيىندە سىناق ەتۋ، ۇلگى كورسەتۋ جانە جالپىلاستىرۋ ارقىلى، قىزىلسۋ وبلىسىنىڭ ءشول - جازيرا كاسىبى جەدەل دامىپ، 300 پارنيكتەن جوعارى كولەم قالىپتاستىرعان ءشول - جازيرا قۇرىلعى اۋىل شارۋاشىلىق بازاسىنان 6سى سالىندى. ءشول - جازيرا قۇرىلعى اۋىل شارۋاشىلىعىنىڭ مۋ باسىندىق ورتاشا ءونىم قۇنى 15 مىڭ يۋانعا جەتىپ، مۋ باسىندىق ورتاشا پايداسى 10 مىڭ يۋانعا تايادى. ءشول - جازيرا قۇرىلعى اۋىل شارۋاشىلىعىنىڭ دەمەۋىندە، شارۋالار ناقتى ونىمدىلىككە كەنەلدى، ءشول - جازيرا كاسىبى شارۋالار قاۋىمىنىڭ، جوعارى مەكتەپتەردەن وقۋ تاۋىسقانداردىڭ، قالالارداعى جۇمىس ورنىنان بوساعان جۇمىسشى - قىزمەتكەرلەردىڭ، بىردە - ءبىر ادامى كاسىپتەنبەگەن وتباسىلاردىڭ كاسىپتەنۋ تالعامىنا جانە كىرىس كوزىنە بىرتىندەپ اينالۋدا.
قىزىلسۋ وبلىسىنىڭ ءشول - جازيرا كاسىبى مالشىلاردى وتىرىقتاندىردىڭ دا تىڭ فورماسىن جاراتىپ، ەگىنشى - مالشىلاردى وتىرىقتاندىرۋ، كوشىرۋ بارىسىندا «وتىرىقتاندىرۋ، الاڭسىز ەتۋ، بايۋ جولىنا باستاۋ» ماسەلەسىن شەشتى.
قىزىلسۋ وبلىسى ءشول - جازيرادا جاڭا ءداۋىردىڭ مۇھجيزاسىن جاراتتى، سونداي - اق بايۋدىڭ تىڭ جولىن اشتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
