- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭنىڭ جىبەك جولى ەكونوميكالىق بەلدەۋى ورتالىعىن قۇرۋعا قارىمى قاپتال جەتەدى
− بيىل ءتۇيىندى تۇردە يگەرىلەتىن 7 كەلەلى رەفورما جونىندە تۇسىنىك (5)
2014.06.04 14:31 كەلۋ قاينارى : ءتاڭىرتاۋ تورابى
جاڭ چۇنشيان شۋجي 16 - ساۋىردە اشىلعان اۆتونوميالى رايوننىڭ كادرلار ماجىلىسىندە بيىل 7 كەلەلى رەفورمانى ءتۇيىندى يگەرۋدى العا قويدى، ونىڭ ءبىرى − جىبەك جولى ەكونوميكالىق بەلدەۋىن قۇرۋ. جىبەك جولى ەكونوميكالىق بەلدەۋى ورتالىعىن قۇرۋ جۇمىسى ءتۇرلى جاقتاعى قىزمەتتەرمەن قاتىستى، جوبا جاساۋدان مازمۇنىن تولىقتىرۋعا دەيىنگى قىزمەتتەردىڭ ءبارى اۆتونوميالى رايوننىڭ رەفورما جاساۋ، جاڭالىق اشۋ قابىلەتىن ونان ارى سىننان وتكىزە ءتۇستى.
ءتىلشىمىز چىن چياڭۋي
سەنىمدى بەكەمدەپ، جىبەك جولى ەكونوميكالىق بەلدەۋى ورتالىعىن قۇرايىق
مەملەكەت جىبەك جولى ەكونوميكالىق بەلدەۋىن قۇرۋ ستراتەگيالىق وي جەلىسىن ورتاعا قويعاننان بەرى، اۆتونوميالىق رايوندىق پارتكوم تالاي رەت جيىن اشىپ، زەرتتەۋ جۇرگىزىپ، ورنالاستىرۋلار جاسادى، ج ك پ شينجياڭ ۇيعۇر اۆتونوميالى رايوندىق 8 - كەزەكتى كوميتەتىنىڭ التىنشى جالپى (كەڭەيتىلگەن) ءماجىلىسى شينجياڭدى جىبەك جولى ەكونوميكالىق بەلدەۋ ورتالىعى ەتىپ قۇرىپ شىعۋدى العا قويدى. اۆتونوميالى رايوندىق ۇكىمەتتىڭ دامۋدى زەرتتەۋ ورتالىعىنىڭ ورىنباسار مەڭگەرۋشىسى جاڭ پىڭچىڭ بىلاي دەدى: باستابىندا شينجياڭدى جىبەك جولى ەكونوميكالىق بەلدەۋى ەتىپ قۇرىپ شىعۋعا ءىشىنارا ماماندار تىم سەنبەگەن ەدى، ال مەن قازىر شينجياڭ حالقى شينجياڭدى جىبەك جولىنداعى ەكونوميكالىق بەلدەۋ ورتالىعى ەتىپ قۇرىپ شىعۋعا قارىمى قاپتال جەتەدى دەپ ايتا الامىن.
جىبەك جولى ەكونوميكالىق بەلدەۋى ورتالىعىن قۇرۋدى العا قويۋدىڭ وزىندىك نەگىزى جانە جۇيەسى بار. 2014 - جىلى 1 - توقساندا رايونىمىزدىڭ ءوندىرىس جالپى قۇنى 129 ميلليارد 589 ميلليون يۋانعا جەتىپ، ارتۋ قارقىنى مەملەكەت بويىنشا 4 - ورىنعا ءوتتى. تۇراقتى مۇلىككە قوسىلعان قارجى (شارۋا وتباسى قامتىلمايدى) 39 ميلليارد 797 ميلليون يۋانعا جەتىپ، ارتۋ قارقىنى بىلتىرعى سول تۇستاعىدان %29.1 ارتىپ، مەملەكەتتىڭ دەڭگەيىنەن %11.5جوعارى بولدى، ارتۋ قارقىنى مەملەكەت بويىنشا 2 - ورىنعا ءوتتى. رايونىمىز بويىنشا تۇرعىنداردىڭ جان باسىندىق ورتاشا كىرىسى 3144.84 يۋانعا جەتىپ، بىلتىرعىدان 360.02 يۋان ارتتى، ارتۋ قارقىنى %12.9كە جەتىپ، مەملەكەت بويىنشا 1 - ورىنعا كوتەرىلدى.
جاڭ پىڭ چىڭ بىلاي دەدى: مىنا ساندى مالىمەتتەرگە قاراپ، شينجياڭ حالقىنىڭ سەنىمى كۇشتى ەمەس دەپ قالاي ايتۋعا بولادى، ەندى ءبىر جاقتان الىپ ايتساق، جىبەك جولى ەكونوميكالىق بەلدەۋىن قۇرۋ جالپى جاعدايىندا، شينجياڭ مەيلى تاريحي جاي - جاپسارى، مادەنيەت توركىنى، جاعراپيالىق ورنى، كومەسكى بايلىق قورى سياقتى جاقتاردا وزىندىك دارا ەرەكشەلىككە جانە وبيەكتيۆ ابزالدىلىققا يە ەكەنىن كورە الامىز، بۇلار شينجياڭنىڭ جىبەك جولىنداعى ەكونوميكالىق بەلدەۋدىڭ ماڭىزدى ءتۇيىنى، قاتىناستىڭ وزەگى بولۋ سىندى ستراتەگيالىق ورنىن بەلگىلەدى.
جوقتان بارعا اينالدىرۋ شينجياڭنىڭ جاڭالىق اشۋ قابىلەتىن سىنادى
شينجياڭ دامۋ - رەفورما كوميتەتىنىڭ ەكونوميكا زەرتتەۋ ءبولىمى وڭىرلىك زەرتتەۋ ورنىنىڭ مامانى تاڭ فەي بىلاي دەدى: جىبەك جولى ەكونوميكالىق بەلدەۋىن قۇرىپ، وڭىرلىك ەكونوميكانى ءبىر تۇلعالاندىرۋ قۇرىلىسىن ىلگەرىلەتۋ − شينجياڭنىڭ رەفورمانى ونان ارى ىشكەرىلەي ورىستەتۋىنە، ءتۇزىلىس مەحانيزمدە جاڭالىق اشۋدى جەبەۋىنە، ءسوز جوق، تۇرتكى بولا الادى.
قازىر شينجياڭدا كوپتەگەن ماسەلەلەر شەشۋدى قاجەت ەتەدى. تاڭ فەي بىلاي دەدى: بۇل ستراتەگياداعى جول قۇرىلىسى نەگىزىنەن تەمىر جول قۇرىلىسىنا شوعىرلانادى، ىشكى جاقتا، شينجياڭ لانجوۋ - شينجياڭ تەمىر جول جەلىسى ارقىلى ىشكى ولكەلەرمەن تۇتاسادى، سىرتقى جاقتا، قورعاس پەن الاتاۋ وتكەلىندەگى ەكى تەمىر جول جەلىسى ارقىلى قازاقستانمەن تۇتاسادى. اۋە جولىنان، قازىر ورتا ازيا مەن ەۆروپاعا قاتىنايتىن ءىشىنارا حالىقارالىق اۋە جولدارى عانا اشىلدى، جول قۇرىلىسىنان سىرت، قازىر ساۋدا - ساتتىق ارناسى مەن جولاۋشىلاردىڭ بارىس - كەلىسى تىم ىركىلىسسىز بولماۋ، وڭىرلىك سەلبەستىك ورناتۋ جاعىندا قارجىنىڭ تاپشى بولۋى سىندى ماسەلەلەر ساقتالۋدا.
«وسى ماسەلەلەردى قالاي شەشىپ، <بەستى توعىستىرۋدى> ىسكە اسىرۋعا بولادى؟ ارينە، بۇل جونىندە قولما - قول پايدالانۋعا بولاتىن دايىن تۇرعان تاجىريبە جوق، بارلىق جوبا ءارقايسى تاراۋدىڭ جاسامپازدىق جاراتۋ قۋاتىن ساۋلەلەندىرۋدى قاجەت ەتەدى».
سەلبەستىك جاساۋ ارقىلى ءوزارا تيىمدىلىك جاساپ، ورتاق يگىلىككە كەنەلۋدى جۇزەگە اسىرايىق
24 - ساۋىردە حالىقارالىق ۇيىمنىڭ جۇڭگودا تۇراتىن ۋاكىلى، جۇڭگودا تۇراتىن شەتەل ەلشىلىكتەرىنىڭ ديپلوماتتارى، شەتەلدەر مەن رايونداردىڭ جۇڭگودا تۇراتىن ساۋدا - ونەركاسىپ قۇرىلىمدارىنىڭ جاۋاپتىلارى جانە كاسىپورىن ۋاكىلدەرىنەن قۇرام تاپقان 130دان استام قايراتكەر 4 - كەزەكتى جۇڭگو − ازيا - ەۆروپا كورمەسىنىڭ تانىستىرۋ ماجىلىسىنە قاتىناستى. شينجياڭنىڭ سىرتقا ەسىك اشۋىنداعى ماڭىزدى تەرەزەلىك كوزى بولعان جۇڭگو − ازيا - ەۆروپا كورمەسى جىبەك جولى ەكونوميكالىق بەلدەۋىن قۇرۋدا، ازيا مەن ەۆروپا ەلدەرىنىڭ سەلبەستىك ورناتۋ، اۋىس - كۇيىس جاساۋىندا ماڭىزدى تەكشەلىك رول اتقارادى.
قازىر ەلىمىز 190نان استام مەملەكەت جانە رايونمەن ساۋدا قاتىناسىن ورناتتى، 52 مەملەكەت پەن رايون شينجياڭنىڭ توقىماشىلىق، كەن، ازىق - تۇلىك مانەرلەۋ، ساۋدا سياقتى سالالارىنا قارجى قوستى، شينجياڭداعى كاسىپورىندار 30 نەشە مەملەكەت پەن رايونداعى ءتۇرلى سالاعا قارجى قوستى، شەتەلدە قارجى قوسۋ سالىستىرماسى جىلىنا ورتا ەسەپپەن %19.6 ارتىپ، قۇرىلىس كوتەرىپ الىپ، تيجارات ەتۋ سوماسى جىلىنا %30.7 ارتتى.
جاڭ چىڭچىڭ بىلاي دەدى: جىبەك جولى ەكونوميكالىق بەلدەۋىن قۇرۋ قۇرىلىسى جىبەك جولى ەكونوميكالىق بەلدەۋىنە ورنالاسقان ءار ەلدىڭ بەلسەندى ات سالىسۋىن قاجەت ەتەدى. تەك ءوزارا ءتۇسىنىسۋدى تەرەڭدەتىپ، كوپ جاقتىلى سەلبەستىك ورناتقاندا جانە وڭىرلىك سەلبەستىكتى ءبىر تۇتاس جوسپارلاپ، ورنالاستىرعاندا عانا ساۋدا ىستەرى مەن قارجى قوسۋعا قولايلىلىق تۋدىرۋعا، سوندا عانا ءوزارا تيىمدىلىك جاساپ، تەڭ يگىلىككە كەنەلۋدى شىنايى ىسكە اسىرۋعا بولادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
