- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساياسي كەڭەس مۇشەلەرى گرۋپپالارعا ءبولىنىپ، تۇراقتى كوميتەتتىڭ بايانداماسىن تالقىلادى
2015.01.20 13:21 كەلۋ قاينارى : ءتاڭىرتاۋ تورابى
ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 3 - ماجىلىسىنە قاتىناسقان مۇشەلەر 19 - قاڭتار تۇستەن كەيىن گرۋپپالارعا ءبولىنىپ، تۇراقتى كوميتەتتىڭ بايانداماسىن جانە ۇسىنىس جوبا قىزمەتى جونىندەگى باياندامانى تالقىلادى.
ساياسي كەڭەستىڭ وتكەن ءبىر جىلداعى قىزمەتىنە وڭ باعالارىن بەرگەن مۇشەلەر ساياسي كەڭەستىڭ ءوز فۋنكتسياسىن تولىق ساۋلەلەندىرىپ، بەلسەندى فاكتورلاردى جۇمىلدىرىپ، رايونىمىزدىڭ قوعامدىق، ەكونوميكالىق ىستەرىنىڭ دامۋىنا زور ۇلەس قوستى دەپ قارادى. سونىمەن بىرگە، رايونىمىزداعى ءار سالا ىستەرىنىڭ تىڭ دامۋ ورايىنا قول جەتكىزۋىندە جانە ساقتالعان ماسەلەلەردىڭ دەر كەزىندە شەشىلۋىندە ساياسي كەڭەستىڭ اتقارعان رولى زور دەپ ەسەپتەدى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى قوعامدىق عىلىم سالاسىنداعىلاردىڭ گرۋپپالار تالقىسىنا قاتىناستى. ول مۇشەلەردىڭ لەبىزىن مۇقيات تىڭداعاننان كەيىن بىلاي دەدى: رايونىمىزداعى ءار دارەجەلى ساياسي كەڭەستەر، ءار ۇلت، ءار سالادان شىققان ساياسي كەڭەس مۇشەلەرى بىلتىر اۆتونوميالى رايوندىق پارتكومنىڭ پارمەندى باسشىلىعىندا ورتالىق پەن اۆتونوميالى رايوندىق پارتكومنىڭ ساياسي كەڭەس قىزمەتىن ىشكەرىلەي جاقسى ىستەۋ جونىندەگى تالابىن مۇقيات تياناقتاندىرىپ، «پارتيا ورتالىعىنىڭ تالابى ءبىزدىڭ مىندەتىمىز، اۆتونوميالى رايوندىق پارتكومنىڭ ورنالاستىرۋى، ءسوز جوق، ىستەۋگە ءتيىستى قىزمەتىمىز» دەگەن تانىمعا ۇدايى تاباندى بولدى، «وزگەرىس، رەفورما جاساۋ، جاۋاپكەرشىلىكتى باتىلدىقپەن ارقالاۋ، شىندىققا جۇگىنىپ، ونىمدىلىككە دەن قويۋ» سىندى ۇندەۋدەن جازباي، ءوز مىندەتىن تولىق ادا ەتىپ، قىزمەتتى تىڭعىلىقتى ىستەپ، بەلسەندى ونىمدىلىككە قول جەتكىزدى ءارى پارتكوم مەن ۇكىمەتتىڭ تولىق تۇراقتاندىرۋىنا، ءار ۇلت جۇرتشىلىعىنىڭ شىنايى القاۋىنا يە بولدى. بۇل جالپى مۇشەلەردىڭ ءبىر نيەت، ءبىر تىلەكپەن تىعىز ىنتىماقتاسىپ، بىرگە قۇلشىنىس جاساۋىنىڭ ارقاسى، «ساۋساق بىرىكپەي، ينە ىلىكپەيدى» دەگەندەي، جۇمىلا جۇمىس ىستەگەنىمىزدىڭ جەمىسى. ءبىز الداعى كۇندەردە دە جاقسى اياق الىسىمىزدان جازباي، تاڭداۋلى رۋحتى بارىنشا ساۋلەلەندىرىپ، تۇراقتى كوميتەتتىڭ قىزمەت بايانداماسىندا العا قويىلعان تالاپتاردى بۇلجىتپاي ورىنداپ، جۇدىرىقتاي جۇمىلىپ، داۋىرمەن تەڭ العا باسىپ، اناعۇرلىم زور ناتيجەلەرگە قول جەتكىزۋىمىز كەرەك.
مۇشە لاتيپ اسەن بىلاي دەدى: بۇدان كەيىن دە ساياسي كەڭەستىڭ دەموكراتيادا ماڭىزدى تەكشە بولعان رولىن ءتىپتى دە جاقسى ساۋلەلەندىرىپ، شينجياڭنىڭ جىبەك جولىنداعى ۇيتقىلىق ورىن بولۋداي دامۋ ورايىن مىقتى ۇستاپ، زەرتتەۋدى تەرەڭدەتىپ، شينجياڭداعى ءىرى كاسىپورىنداردى كەمەلدەندىرىپ، كۇشەيتۋ جونىندە اقىل - كەڭەس بەرىپ، شينجياڭنىڭ ەكونوميكاسى مەن قوعام دامۋى ءۇشىن ۇلەس قوسامىز.
«ءبىز <تىلەكتەردى جۇمىلدىرۋ، اقىل كورسەتۋ، كۇش قوسۋ> سىندى تالاپتاردى توڭىرەكتەي وتىرىپ، ءارقاشان ساياسي كەڭەس مۇشەلەرىنىڭ بورىشىن بۇلجىتپاي ورىنداۋعا دايىنبىز»، - دەپ مۇشە حۋ كايجياڭ ءوز سەنىمىن بىلدىرسە، مۇشە مامەت تۇرسىن وتكەن جىلى ءوزى ۇسىنعان 7 ۇسىنىس جوبانىڭ بارىنە جاۋاپ قايتارىلعانىن، كەيبىرى دەر كەزىندە شەشىم تاۋىپ، اۋىلداستاردىڭ العىسىن العانىن ايرىقشا اتاي كەلىپ بىلاي دەدى: باياندامادا ساياسي كەڭەستىڭ وتكەن جىلعى قىزمەتى جۇيەلى قورىتىندىلانىپ، بولاشاق جوسپار كەمەلدى جاسالعان. مەنشە، ساياسي كەڭەس مۇشەلەرى ءوز رولدارىن تولىق ساۋلەلەندىرگەندە عانا، ءتوراعا نۇرلان ءابىلماجىن ۇلى ورتاعا قويعان تالاپتاردى تولىق ورىنداۋعا بولادى. «جۇمىلا كوتەرگەن جۇك جەڭىل» دەگەندەي، ساياسي كەڭەس مۇشەلەرى جاپپاي ات سالىسساق، كەلەر جىلعى جوسپار دا ساتىمەن ورىندالادى دەپ سەنەمىن. «شينجياڭ گازەتى» تىلشىلەرى: قالياكبار ۇسەمقان ۇلى، بارشا تەگىس قىزى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
