- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساياسي كەڭەس اۆتونوميالى رايوندىق 11 ـ كەزەكتى كوميتەتىنىڭ 3 ـ ءماجىلىسى اشىلدى
نۇرلان ابىلماجىن ۇلى ساياسي كەڭەس تۇراقتى كوميتەتىنىڭ قىزمەت بايانداماسىن جاسادى، ءماجىلىستى ليۋ يانلياڭ باسقاردى، ماۋكەن سەيتقامزا ۇلى ۇسىنىس ـ جوبا قىزمەتىنىڭ جاعدايى جونىندە بايانداما جاسادى جاڭ چۇنشيان، شوكىرات زاكىر، چى جۇن، حان يۇڭ ماجىلىسكە قاتىناسىپ قۇتتىقتادى
2015.01.21 13:44
«التاي گازەتىنىڭ» ءتىلشىسى فىڭ جين 19 ـ قاڭتاردا ۇرىمجىدەن حابارلايدى.
ساياسي كەڭەس اۆتونوميالى رايوندىق 11 ـ كەزەكتى كوميتەتىنىڭ 3-ءماجىلىسى 19 ـ قاڭتار كۇنىءتۇستىڭ الدىندا شينجياڭ حالىقارالىق ءماجىلىس-كورمە ورتالىعىندا اشىلدى. الداعى 5 كۇندە ساياسي كەڭەستىڭ ءار ۇلت، ءار سالاداعى 500 دەن استام ۋاكىلى ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ فۋنكتسيالارىن اتقارىپ، بەلسەنە اقىل ـ كەڭەس بەرىپ، قوعام ورنىقتىلىعى مەن باياندى تىنشتىق ءۇشىن ەسە قوسادى.
شينجياڭ حالىقارالىق ءماجىلىس كورمە ورتالىعىنىڭ كوپ يقۋاتتى زالى قىزۋ مەرەيگە شومدى. ۇلتتاردىڭ ۇلى ىنتىماعىنىڭ سيمۆولى سانالاتىن ساياسي كەڭەس گەربى ءتوراعالار مىنبەسىنىڭ دال ورتاسىنا ءىلىنىپ، ونىڭ ەكى جاعىنا بەستەن نارت قىزىلتۋ قويىلدى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ورىنباسار ءتوراعالارى ليۋ يانلياڭ، رىزۋان ابەي، لي شياڭلين، ماۋكەن سەيتقامزا ۇلى، جۇرات يمىن، ليۋ جىيۇڭ، ليۋ جيانشين، ۋان حايچۋان، چىڭ جىنشان، باداي، گۇلشات ابدىقادىر، ابدىلەتىپ ابدىرەيىم، باس حاتشى ليۋ جىنچياڭ ءتوراعالار مىنبەسىنىڭ الدىڭعى قاتارىنان ورىن الدى.
جاڭ چۇنشيان، شوكىرات زاكىر، چى جۇن، حان يۇڭ، پىڭ يۇڭ، لي ۋي، حۋاڭ ۋي، شاۋكەت يمىن، سۇڭ ايرۇڭ، جۋ حايلۇن، باي جىجيە، ەركىنجان تۇراحۇن، عانيبات سابىكەي ۇلى، لي شۋەجۇن، ەركىن تۇنياز، ليۋ شينچي، نايىم ياسىن ءتوراعالار مىنبەسىنە جايعاسىپ، ءماجىلىستىڭ اشىلعاندىعىن قۇتتىقتادى.
ساياسي كەڭەس اۆتونوميالى رايوندىق 11 ـ كەزەكتى كوميتەتىنىڭ 3 ـ ماجىلىسىنە قاتىناسۋعا ءتيىستى 529 مۇشە، ماجىلىسكە ناق قاتىناسقان مۇشە سانى 463، بۇل بەلگىلەمەدەگى مۇشە سانىنا ۇيلەسەدى.
ساعات 10 نان 30 مينۋت وتكەندە، ليۋ يانلياڭ ءماجىلىستىڭ اشىلعانىن جاريالادى، زالداعى بارلىق ادام ورىندارىنان تۇرىپ، مەملەكەت گيمىنىن ورىندادى. ءماجىلسى الدىمەن ءماجىلىستىڭ كەڭەستىك ءتارتىبىن قاراپ ماقۇلدادى. نۇرلان ءابىلماجىن ۇلى اۆتونوميالى رايوندىق ساياسي كەڭەس تۇراقتى كوميتەتى اتىنان ماجىلىسكە بايانداما جاسادى.
نۇرلان ءابىلماجىن ۇلى اۆتونوميالى رايوندىق ساياسي كەڭەستىڭ وتكەن ءبىر جىلداعى قىزمەتىن 6 جاقتان قورىتىندىلادى ول بىلاي دەدى: جاڭا عانا قوش ايتقان 2014 ـ جىل سىن ـ سايىسقا تولى، بۇرىنعى جىلدارعا ۇقسامايتىن وزگەشە جىل بولدى. ءبىر جىلدان بەرى، اۆتونوميالى رايوندىق پارتكومنىڭ پارمەندى باسشىلىعىندا، اۆتونوميالى رايوندىق ساياسي كەڭەس وزەكتى ارقاۋ ەتىپ، جالپى جاعدايعا قىزمەت ەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ فۋنكتسياسىن مۇقيات اتقارىپ، قاتىناستاردى سايكەستىرۋ، كۇش ـ قۋات توپتاۋ، اقىل ـ كەڭەس بەرۋ، جالپى جاعدايعا قىزمەت ەتۋ رولىن شىن مانىندە ساۋلەلەندىرىپ، ورتالىق پەن اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن باتىل دايەكتى تياناقتاندىرىپ، شينجياڭنىڭ قوعام ورنىقتىلىعىن سانالى تۇردە قورعاپ، رەفورمانى جاپپاي تەرەڭدەتۋگە بەلسەنە ات سالىسىپ، كەڭەس دەموكراتياسىن جاسامپازدىقپەن ىلگەرىلەتىپ، قىزمەت بورىشىن اتقارۋ قابىلەتىن شىن مانىندە جوعارىلاتىپ، ستيل قۇرىلىسىن ۇزدىكسىز تەرەڭدەتىپ، اۆتونوميالى رايوننىڭ رەفورما، دامۋ، ورنىقتىلىق ىستەرىنە ءتيىستى ۇلەستەرىن قوستى.
نۇرلان ابىلماجىن ۇلى بىلاي دەپ اتاپ كورسەتتى: بيىل __ رەفورمانى جاپپاي تەرەڭدەتۋدەگى شەشۋشى جىل، مەملەكەتتى زاڭمەن جونگە سالۋدى جاپپاي ىلگەرىلەتۋدىڭ العاشقى جىلى، «12 ـ بەسجىلدىق» جوبانىڭ ەڭ سوڭعى جىلى، سونداي ـ اق اۆتونوميالى رايون قۇرىلعانىنا 60 جىل تولعان جىل. بيىلعى قىزمەتتەردى ىستەۋ كەلەلى ءمان الادى. ءبىز باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، ۇعىنىپ، جاپپاي دوڭگەلەك داۋلەتتى قوعام قۇرۋدىڭ، رەفورمانى جاپپاي تەرەڭدەتۋدىڭ، مەملەكەتتى زاڭمەن جونگە سالۋدى جاپپاي ىلگەرىلەتۋدىڭ، پارتيانى جاپپاي قاتاڭ جونگە سالۋدىڭ تەرەڭ ءمانىن ىشكەرلەي ءتۇسىنىپ، يگەرىپ، ورتالىق پەن اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن جاپپاي دايەكتى تياناقتاندىرىپ، «شەبەرلىكپەن ۇيرەنۋ، زاڭمەن جونگە سالۋدى دارىپتەۋ، ىنتىماققا ۇمتىلۋ، تياناقتاندىرۋدى يگەرۋ، ونىمدىلىككە ءمان بەرۋ» تالابىنا ساي، اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ ورنىقتىلىق قىزمەت ءماجىلسىنىڭ«حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى جونىندەگى ماداقتاۋ ـ سيلاۋ، اتتانىسقا كەلتىرۋ جينالىسىنىڭ رۋحىن دايەكتىلەندىرىپ، «تىلەكتى جۇمىلدىرۋ، اقىل قوسۋ، ەسە قوسۋ» تالابىن تياناقتاندىرىپ، كەڭەس دەموكراتياسىندا تىڭ ناتيجەلەرگە قول جەتكىزۋگە، دەموكراتيالىق باقىلاۋداعى تىڭ جەتىستىكتەرگە قول جەتكىزۋگە، ءتۇزىم قۇرىلىسىندا تىڭ ىلگەرىلەۋشىلىكتەرگە قول جەتكىزۋگە، جەتىستىكتەردى يگىلىككە جاراتۋدا تىڭ شارالار بولۋعا، ۇيرەنۋ ونىمىن تىڭنان وسىرۋگە قۇلشىنىپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا جاڭا ۇلەستەر قوسۋىمىز كەرەك.
نۇرلان ابىلماجىن ۇلى بىلاي دەپ باسا دارىپتەدى: بۇكىل شينجياڭداعىءار دارەجەلى ساياسي كەڭەس ۇيىمدارى، ساياسي كەڭەسكە قاتىسۋشى ورىندار جانە ءار ۇلت، ءار سالاداعى ساياسي كەڭەس مۇشەلەرى يدەيانى بىرلىككە كەلتىرىپ، رۋحتى سەرپىلتىپ، شينجياڭ قىزمەتىنىڭ باس نىساناسىن جۇزەگە اسىرۋعا زەيىن ـ زەردە، كۇش ـ قۋاتىن شوعىرلاندىرۋى؛ باسىمدىلىقتارىن ساۋلەلەندىرىپ، بورىشتارىن ادا ەتىپ، رەفورما، دامۋ، ورنىقتىلىق ىستەرىن ىلگەرىلەتۋگە ەسە قوسۋى؛ زاڭمەن جونگە سالۋ كوزقاراسىن ورناتىپ، زاڭمەن جونگە سالۋ قۇرىلىسىنا قاتىناسىپ، شينجياڭدى زاڭمەن جونگە سالۋدى ىلگەرىلەتۋگە ەسە قوسۋى؛ 2015 ـ جىلعى كەڭەس جوسپارىن مۇقيات تياناقتاندىرىپ، كەڭەس دەموكراتياسىنىڭ ماڭىزدى ارنالىق رولىن تولىق ساۋلەلەندىرۋى؛ فۋنكتسيانى اتقارۋ قابىلەتى قۇرىلىسىن كۇشەيتىپ، ساياسي كەڭەس قىزمەتىنىڭ عىلميلانۋ ورەسىن ۇزدىكسىز جوعارىلاتۋى كەرەك.
اۆتونوميالى رايوندىق ساياسي كەڭەس تۇراقتى كوميتەتىنىڭ تاپسىرۋىمەن، ماۋكەن سەيتقامزا ۇلى ماجىلىستە ساياسي كەڭەس اۆتونوميالى رايوندىق 11 ـ كەزەكتى كوميتەتىنىڭ 2 ـ ماجىلىسىنەن بەرگى ۇسىنىس ـ جوبا قىزمەتىنىڭ جاعدايىنان بايانداما جاسادى. ۋاڭ يۇڭميڭ، جاپار ابەيبوللا، ما ميڭچىڭ، تىلەبالدى ابدىرەشيت ۇلى، ورگۇل جاپار، دۇڭ شينگۋاڭ، چيان جى، شى داگاڭ، مۇتالىپ قاسىم، جاروللا يسامىدىن، ماعاۋ سەيتقامزا ۇلى، تيان ۋىن، حۋاڭ چاڭيۋان، ۋاڭ ۋي، سامەت مامەت، ۋاڭ جيلياڭ، حوۋ شياۋچين، يۇي شيۋدۇڭ، نيشان ىبىرايىم سياقتى باسشى جولداستار دا ءتوراعالار مىنبەسىنەن ورىن الدى. مەملەكەتتىك ساياسي كەڭەستىڭ شينجياڭداعى مۇشەلەرى، اۆتونوميالى رايوندىق حالىق ۇكىمەتىنىڭ ءبىرءبولىم اقىلشىلارى، مادەنيەت، تاريحي ماتەريالدار سارايىنىڭ قىزمەتكەرلەرى، اۆتونوميالى رايوندىق ساياسي كەڭەستىڭ مۇشەسى ەمەس وبلىستىق (قالا) ساياسي كەڭەس پارتگرۋپپاسىنىڭ شۋجيلارى مەن ءتوراعالارى ساياسي كەڭەس ايماقتىق قىزمەت كوميتەتتەرى پارتگرۋپپالارىنىڭ شۋجيلارى مەن مەڭگەرۋشىلەرى، اۆتونوميالى رايوندىق پارتكوم بىرلىكساپ بولىمىنىڭ جاۋاپتىلارى، ايماقتىق، وبلىستىق (قالا) پارتكومدارى بىرلىكساپ بولىمدەرىنىڭ باستىقتارى، اۆتونوميالى رايونعا توتە قاراستى اۋدان دارەجەلى قالالىق ساياسي كەڭەستىڭ ءتوراعالارى مەن پارتكوم بىرلىكساپ بولىمدەرىنىڭ باستىقتارى، اۆتونوميالى رايوندىق ساياسي كەڭەستىڭ مۇشەسى ەمەس اۆتونوميالى رايوندىق ساياسي كەڭەس كەڭسەسىنىڭ، ارناۋلى كوميتەتتەردىڭ جاۋاپتىلارى ماجىلىسكە سىرتتاي قاتىناستى.
كەلۋ قاينارى: «التاي گازەتى» - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
